Morgunblaðið - 23.08.1996, Blaðsíða 4

4 B FÖSTUDAGUR 23. ÁGÚST 1996
MORGUNBLAÐIÐ
MORGUNBLAÐIÐ
FÖSTUDAGUR 23. ÁGÚST 1996 B 5
DAGLEGT LÍF
DAGLEGT LÍF
■
íSilft;
GUÐBJÖRG Bergsdóttir tekur á móti gestum í setustofunni.
GUÐBJÖRG BERGSDÓTTIR
Stofa með gömlum húsgögnum
HEIMASÆTAN á Starhaganum
heitir Guðbjörg Bergsdóttir og er
fjórtán ára, nemandi í Hagaskóla.
Hún nýtur góðs af því að vera lang-
yngst af fjórum systkinum sem öll
eru löngu flutt að heiman. „Þau
skyldu eftir heilan helling af fínum
og fallegum húsgögnum til dæmis
svefnsófa, borð og stóla sem ég
hef fengið að nýta.“ Þar sem húsið
er stórt og heimilismeðlimir bara
þrír, hefur Guðbjörg fengið tvö
herbergi til afnota í risinu.
Fyrir skömmu innréttaði hún
annað herbergið sem setustofu þar
sem hún tekur á móti gestum,
meðal annars vinkonum sínum, þá
er hlustað saman á tónlist af ýmsu
tagi og haft huggulegt.
Guðbjörg hefur gaman af því að
hafa fallegt í kringum sig og reyn-
ir því að rusla sem minnst til. Hún
skreytti hillusamstæðuna sem hún
fékk í fermingargjöf með alls kon-
ar smáhlutum. Þar er meðal ann-
ars að finna japanska skó sem hún
passaði einu sinni i en eru nú orðn-
ir allt of litlir.
Veggina í setustofunni vildi Guð-
björg hafa sérstaka. „Mér finnst
fallegt að hafa hreyfingu í máln-
ingunni og málaði veggina því með
ákveðinni aðferð, hvít málning
undir og grænt yfir. Vinkona mín
sem er arkitekt hjálpaði mér heil-
mikið við það.“ ■
Smekkur
og stíll ungmenna
Flíkur á víð og dreif, óumbúið rúm, úrklippur á veggjum af stjörnum,
óhrein glös, sælgætisumbúðir, tómar flöskur, poppkom á gólfi: Dæmi-
gert unglingaherbergi. Til að komast af því hvort ástandið hafí nokk-
uð breyst, heimsótti Hrönn Marinósdóttir fímm ungmenni á aldrin-
um 12 til 17 ára. Þau eiga það sameiginlegt að hafa hannað herberg-
in að mestu eftir eigin höfði, án mikilla afskipta foreldranna. En að
öðru leyti er stíll þeirra og smekkur ólíkur. Atrúnaðargoðin skipa
augljóslega enn sem fyrr veigamikinn sess og hjá sumum að minnsta
kosti er gólfið notað í fleira en að ganga á því.
HALLDÓR BJARKI CHRISTIANSEN
Betri fötin rata yfirleitt í fataskápinn
SÁ ELSTI sem litið var i heimsókn
til heitir Halldór Bjarki Christian-
sen, sautján ára Seltirningur. „Ég
er ekki mikið fyrir hreingerningar
og það sem af er árinu hef ég lag-
að til í herberginu tvisvar sinnum,
síðast í byrjun sumars. Betri fötin
rata þó yfirleitt í fataskápinn en
annars er ástandið ekki svo slæmt
núna þar sem slatti af fötum er í
hreinsun." Halldór segir móður sína
vera löngu hætta að ergja sig yfir
draslinu, „hún veit það þýðir ekki
neitt.“
Halldór Bjarki er í ritstjórn
skólablaðs Menntaskólans við
Hamrahlíð og notar því tölvuna til
skrifta. „Ég læri yfirleitt á bóka-
safni en aðeins örsjaldan í herberg-
inu. Þar gríp ég nokkrum sinnum
í rafmagnsgitarinn minn eða hlusta
á tónlist á síðkvöldum og læt mig-
dreyma um að komast í langferðir
til fjarlægra landa. “
Alla jafna er dregið fyrir
gluggann í herbergi Halldórs sem
gerir það að verkum að fólk fær
ofbirtu i augun þegar gengið er
þaðan út. „Ég einfaldlega man aldr-
ei eftir því að draga frá á morgn-
ana, þá er ég syfjaður og að flýta
mér í strætó. Á kvöldin kem ég
yfirleitt seint heim og fer oftast
HALLDÓR Bjarki Christiansen í rökkrinu inni hjá sér.
beint að sofa, dauðþreyttur.“
Sum ungmenni eyða ógrynni af
tíma í herbergjum sínum og hafa
þar jafnvel síma svo varla er ástæða
til að fara út nema til að nærast.
Önnur nota herbergin aðeins sem
svefnstað, rétt yfir blánóttina. Hall-
dór Bjarki tilheyrir síðari hópnum.
.. Morgunblaðið/Golli
BJÖRN Halldór Helgason og litríki veggurinn. BRYNJA Björnsdóttir sefur í öðrum helmingi af gömlu hjónarúmi foreldra sinna.
BJÖRN HALLDÓR HELGASON
Gestabók og skrítið sjávarfang
LITRÍKUR veggur einkennir her-
bergi Björns Halldórs Helgasonar
sem er tólf ára og því alveg á leið-
inni að verða unglingur.
„Fimm ár eru liðin síðan vegg-
urinn var málaður hafblár en Björn
Halldór hreifst mjög af kvikmynd-
inni „Mermaids“ og fékk móður
sína til að mála vegginn í bláum lit
svo hann gæti ímyndað sér að hann
væri neðansjávar. Af stakri snilld
málaði hann skrítið sjávarfang,
ýmsar fiskitegundir, skip og báta
af öllum stærðum og gerðum á
vegginn. „Þegar ég fékk ieið á sjón-
um, bætti ég við alls konar öðru-
vísi teikningum, leikaranöfnum og
slagorðum ýmist með jóla- eða kop-
arúða.“
Undanfarið hafa helstu vinir og
kunningjar sem koma í heimsókn,
fengið að skrifa nöfnin sín þar stór-
um stöfum.
Birni Halldóri fínnst ennþá gam-
an að teikna en frítíma sínum ver
hann þessa dagana aðallega í
brettaíþróttina.
Nýlega rammaði hann inn mynd-
ir af meðlimum í Prodigy, Blur og
Pulp, uppáhaldshljómsveitunum,
ásamt nokkrum eiginhandaráritun-
um stjarnanna, sem hann er afar
stoltur af.
Björn Halldór er á förum til Ítalíu
en þar ætlar hann að dvelja í eitt
ár ásamt ijölskyldu sinni. Veggur-
inn góði verður því málaður að
nýju, jafnvel í bleikum litum.
Þegar fjölskyldan kemur aftur
heim til Islands, ætlar hann að
mála herbergið svart eða jafnvel
teikna nýja fresku á vegginn. ■
LÁ/|j
/0

, \

T
I v
BIRTA Björnsdóttir á sjónvarp, tölvu qg hljómflutningstæki.
BIRTA OG BRYNJA
BJÖRNSDÆTUR
Björk og Bítlarnir
í uppáhaldi
GATNAMÁLASTJÓRI yrði
sjálfsagt yfir sig hrifinn ef hann
kæmi í heimsókn til systranna,
Birtu og Brynju Björnsdætra í
Sólheimunum en herbergi þeirra
prýða meðal annars, ýmis konar
gömul umferðarskilti.
Systurnar segjast vera mjög
ólíkir persónuleikar sem sjáist
meðal annars á því hvernig þær
skreyta herbergin sín. Birtu
hættir til að hafa allt í drasli
inni hjá sér en Brynja er iðinn
við að halda sínu herbergi
hreinu. Þrátt fyrir það eru þær
systur mjög góðar vinkonur.
„Stundum þarf að mynda
göngustíga meðfram fatahaug-
unum í herberginu mínu til að
komast leiðar sinnar“ segir
Birta, sextán ára og nemandi í
Menntaskólanum við Sund. „Nú
er ég nýbúin að laga til en yfir-
leitt er hurðin inn til mín bara
lokuð og aðgangur bannaður."
Á veggjunum hjá Birtu kennir
margra grasa; úrklippur úr blöð-
um af poppstjörnum, heill hell-
ingur af gömlum og nýjum ljós-
myndum af vinum og fjölskyldu,
þurrkuð blóm, veggjakrot á
ensku og margt fleira. „Mér
finnst ekki fallegt þegar sést
mikið í hvíta veggi,“segir Birta.
Auk þess hefur hún tölvu, sjón-
varp og hljómflutningstæki í
vistarveru sinni.
Brynja systir hennar sem er
þrettán ára, hefur hreiðrað um
sig í herberginu við hliðina. Þeg-
ar mamma þeirra var lítil bjó
hún einnig í því herbergi. „Allt
er þó öðru vísi innréttað en þeg-
ar mammma svaf hér,“ segir
hún.
Brynja notar ýmis gömul hús-
gögn svo sem annan helminginn
af hjónarúmi foreldranna og
langt borð sem pabbi hennar
smíðaði fyrir mörgum árum.
Herbergi Brynju er ljósgrænt
og það hefur hún skreytt hátt
og lágt með pappírsblómum í
alla vega litum. Ljósmyndir af
Bítlunum og Björk prýða einnig
veggina enda eru það eftirlætis
tónlistarmenn hennar.
Brynja segist nota herbergið
töluvert til dæmis þegar hún
þarf að læra en hún er í Voga-
skóla.
Stundum koma vinir í heim-
sókn og þá er gott að hafa röð
og reglu á hlutunum. ■
Skortur á E-vítamíni veldur sjúkdómum og ófrjósemi hjá
dýrum. Vitneskja um þetta hefur gert E-vítamín þekkt sem
kynorkuvítamínið. Yfirgripsmiklar rannsóknir benda til að
E-vítamín sé mikilvæg vörn gegn alvarlegum sjúkdómum.
E-vítamín er öflugt andoxunarefni (þráarvarnarefni) sem ver
frumur líkamans með því að hemja skaðleg sindurefni. E-víta-
mín vinnur þannig gegn hrörnun frumanna. Rannsóknir hafa
undanfarið einkum beinst að E-vítamíni til viðhalds heilbrigðu
hjarta og starfsemi þess.
Fœst í beilsubúðum, apótekum
og heilsuhillum matvörubúða
Kringlunni & Skólavörðustíg
ÉK
eilsuhúsið
GULI MIÐINN TRYGGIR GÆÐIN!