Morgunblaðið - 23.08.1996, Blaðsíða 7

MORGUNBLAÐIÐ
FÖSTUDAGUR 23. ÁGÚST 1996 B 7
DAGLEGT LIF
Karlmenn
geta líka verið
góðir sem fyrirsætur
ÞAÐ ER eftirsóknarverðast fyrir karlfyrirsætur að komast á
forsíður L’omo Vogue, Mondo Homo, Sportswear Int. og Harpers
Bazaar, að sögn Geirs. Myndir af honum hafa birst í öllum þess-
um blöðum og að ofan er forsíðumynd af honum í Sportswear Int.
GEIR MAGNÚSSON hefur spreytt
sig á fyrirsætustörfum erlendis síð-
an í fyrrahaust. Hann byijaði í
Mílano í september, flutti sig um
set til Tókýó í febrúar og fór svo
í apríl til New York. Hann kom
nýlega aftur til landsins og hyggst
vera viðstaddur fyrirsætukeppni
fyrir karlmenn 17. október, en svo
ætlar hann aftur utan.
„Mig langar til þess að fylgjast
með keppninni, þótt ég ætli ekki
að taka þátt,“ segir hann. „Það
koma þrír virtir dómarar frá helstu
tískuborgum í heimi til að
dæma keppnina og valdir
verða þrír keppendur sem
fá möguleika á að fara út.
Við erum fáir frá íslandi
sem erum í þessu af alvöru
þannig að mig langar til
að aðstoða íslensku strák-
ana og fylgjast með.“
Geir segir að það sé
afar mikilvægt að fá góða leið-
sögn, vera vel undirbúinn og að
haft sé með manni eftirlit. „Kol-
brún Aðalsteinsdóttir, Skóla John
Casablancas, hefur hjálpað mér að
ná eins langt og raun ber vitni,“
segir hann. „Hún vakir yfir okkur
og kemur í veg fyrir að vaðið sé
yfir okkur. Umboðsskrifstofur eiga
einmitt að vinna fyrir fyrirsætur
en ekki öfugt eins og tíðkast víða
erlendis. Þar er ungu fólki oft hent
út í þetta og getur það farið illa
út úr því.“
Vann meft
Naomi Campbell
Heppni hefur mikið að segja í
fyrirsætustarfinu. Miklu skiptir að
vera á réttum stað á réttum tíma
til að fá bestu verkefnin. Geir hef-
ur fengið sinn skerf og rúmlega
það. Sem dæmi má nefna að fyrsta
starfið sem hann fékk fólst í að
leika í sjónvarpsauglýs-
ingu með toppfyrirsæt-
unni Naomi Campbell.
„Hátt í þúsund fyrirsætur
mættu í prufu og ég var
einn af þeim sem var
bókaður,“ segir Geir.
„Okkur var sagt að
mæta klukkan 7 um
morguninn og biðum við
til hádegis áður en dró til tíðinda.
Þá kemur einn starfsmaðurinn
hlaupandi og hrópar: „Naomi kem-
ur! Naomi kemur!“ Aðrir íjórir
hlupu af stað með stórar körfur sem
áttu að fara á hæðina sem hún var
með í húsinu. Körfumar voru með
blómum, ávöxtum og jafnvel sæl-
gæti - þótt ég hefði haldið að hún
þyrfti að hugsa um línurnar."
Naomi birtist ekki á svæðinu
fyrr en síðdegis út af deilum um
launagreiðslur við framleiðend-
urna. „Hún var uppáklædd og
máluð og reytti af sér brandar-
ana,“ segir Geir.
„Mér fannst hún stórfín, en mér
er sagt að hún skipti fljótt skapi.
Þarna var hún mjög almennileg,
sótti meira að segja handa mér
kaffi.“ Tökum á myndbandinu lauk
ekki fyrr en snemma næsta morg-
un. „í auglýsingunni áttum við að
vera í partýi í New York og gerðum
sömu hreyfingarnar aftur og aftur
í 21 tíma - alltaf með bros á vör.
Það var orðið dálítið þreytandi
undir það síðasta.“
Eins og
kónguríTokýó
Geir var einnig í Tókýó í mánuð
og lék þá í Super Nintendo auglýs-
ingu. „Það var skemmtilegasta
starfið hingað til,“ segir hann. „Ég
var í aðalhlutverki og þijátíu fyrir-
sætur léku sviðsmyndina. Ég og
stúlkan sem lék konuna mína í
auglýsingunni fengum sérhæð og
vorum sótt á eðalvagni í tökur á
meðan aðrir þurftu að taka lest.
Við lékum konung og drottningu
á sautjándu öld og það var ekki
erfitt að setja sig inn í hlutverkin
eftir þessa meðferð."
I New York var Geir m.a. valinn
af mörg hundruð fyrirsætum í
tískusýningu hjá Calvin Klein. Þeg-
ar til kom féll tískusýningin niður
en Geir segir að hann eigi eftir að
njóta góðs af því að helsti hönnuð-
ur Calvins Kleins hafi haft hug á
að nota sig. „Hann kemur væntan-
lega til með að nota mig fyrir aug-
lýsingaherferð eða næstu sýn-
ingu,“ segir hann.
I sumar ferðaðist Geir svo með
ítalska Max um ísland. „Við ókum
hringveginn og staðnæmdumst við
margar af helstu náttúruperlum
Islands,“ segir hann og bætir við
að ferða- og myndasagan birtist í
næsta tímariti Max. „Við Kolbrún
erum stöðugt að vinna að því að
fá ljósmyndara frá erlendum tíma-
ritum til landsins og það verður
sífellt vinsælla. í þessum töluðum
orðum eru margir að íhuga að
koma hingað eða á leiðinni."
Það sem er á döfinni hjá Geir
er herferð með landlæknisembætti
íslands til verndar íslenskri æsku.
Þar beita íslenskar fyrirsætur sér
í baráttunni fyrir því að ungt fólk
hugsi vel um líkama sinn, noti
smokkinn og komi í veg fyrir
ótímabæran getnað. ■
Herf erð til
verndar ís-
lenskri æsku
í bígerð
Morgunblaðið/ Jón Svavarsson
GUÐJÓN Kristjánsson, kenniri í TM-hugleiðslu hér á landi, en
hann tók meistarapróf í vedískum fræðum frá Maharishi Intern-
ational University í Iowa árið 1992.
samt vakandi og í mjög djúpu
hvíldarástandi. Huganum er haldið
vakandi án þess að honum sé stjórn-
að og sjálfkrafa færist yfir hann
kyrrð og ró.“
Guðjón segir að með hugleiðsl-
unni sé kennd svokölluð mantra,
en hún er skilgreind sem áhrifahljóð
eða hljóðtíðni sem hefur jákvæð
áhrif á einstaklinginn og fari iðk-
andi með hana í huganum.
Hann segir ennfremur að ekki
sé hægt að benda á nein atriði í
iðkun TM-hugleiðslunnar sem hafi
HALLVEIG Thorlacius hefur
iðkað TM-hugleiðslu í tíu ár. Hér
er hún ásamt bamabaminu Söm.
eitthvað með trúarbrögð að gera,
„því ekki er nein tilbeiðsla í þessari
iðkun,“ segir hann og nefnir einnig
að ekki sé heldur ætlast til að iðk-
andinn sé í ákveðnum stellingum.
Guðjón segir að fljótlega eftir að
Maharishi hafi kynnt TM-hugleiðsl-
una á Vesturlöndum hafí ýmsir
aðilar byijað að rannsaka áhrif
hugleiðslunnar á starfsemi líkam-
ans, hugar og félagslegra sam-
skipta. „I niðurstöðum þeirra rann-
sókna kemur berlega fram að TM-
hugleiðslan hefur jákvæð áhrif á
alla þessa þætti,“ segir hann.
Eðlilegt ástand hugans
Hallveig Thorlacius, sem starfar
við brúðuleikhús, hefur stundað
TM-hugleiðslu meira eða minna í
tíu ár. „Það koma reyndar tímabil
þar sem ég gaf mér engan tíma til
að stunda þetta, en mér líður alltaf
betur eftir að ég hef stundað íhug-
un,“ segir hún.
Hallveig segir að með TM-hug-
leiðslunni noti hún ákveðna tækni
sem hjálpi huganum að kyrrast.
„Og við það að vera með kyrran
huga í ákveðinn tíma, er eins og
hann komist í eðlilegt ástand,“ seg-
ir hún og nefnir einnig að þetta
kyrra ástand hugans komi eiginlega
af sjálfu sér, þegar TM-hugleiðslu-
tækninni sé beitt.
Þá segir Hallveig að stundum
noti hún hugleiðsluna sem svefn-
meðal. „Þegar ég get ekki sofnað
sest ég stundum upp í rúminu og
hugleiði í smá tíma og eftir það
sofna ég yfirleitt alltaf,“ segir hún
að síðustu.
Guðjón Kristjánsson segir að
TM-hugleiðslan sé alls staðar kennd
að fyrirmynd Maharishi. „Hug-
leiðslan er kennd á námskeiði sem
tekur Ijóra daga, en kennslan á dag
er áttatíu mínútur í senn. Eftir það
er iðkanda boðið upp á framhalds-
fyrirlestra á um það bil mánaðar
fresti. Hvert námskeið kostar
50.000 krónur á rnanni," segir Guð-
jón að lokum. ■