Morgunblaðið - 26.09.1996, Blaðsíða 5

MORGUNBLAÐIÐ
FIMMTUDAGUR 26. SEPTEMBER 1996 C 5
VIÐSKIPTI
Fundur Landsbréfa um taprekstur landvinnslunnar
Brýnt að stórauka
vöruþróun og afköst
FYRIRTÆKI í land-
vinnslu verða að leggja
stóraukna áherslu á
vöruþróun ef þau ætla
sér að komast upp úr
þeim öldudal, sem
greinin er nú í. Brjótast
þarf úr viðjum einhæfr-
ar bitavinnslu og bæta
öðrum hráefnistegund-
um við fiskbita. Gera
þarf kröfu um aukið
hlutverk skólakerfisins
í þjálfun fiskverkafólks
og brýnt er að auka
afköst í greininni,
stytta vinnutíma og
bæta laun til að auka
samkeppnishæfni
hennar.
Þetta kom meðal annars fram í
erindi Guðbrands Sigurðssonar,
framkvæmdastjóra Útgerðarfélags
Akureyringa, á morgunverðarfundi
Landsbréfa í gærmorgun. Guð-
brandur leitaðist við að svara þeirri
spurningu hvort hægt væri að snúa
tapi í landvinnslunni, þ.e. hefðbund-
inni botnfískvinnslu í hagnað.
Guðbrandur fjallaði um þá full-
yrðingu, að íslensk landvinnsla
væri í þeirri stöðu nú að geta ekki
unnið samkeppnishæfar afurðir úr
því hráefni, sem hún hefði aðgang
að, og sagði að hún væri að hluta
til rétt. Stórfyrirtækin næðu mörg
hver góðri hagkvæmni, skiluðu
miklum hagnaði og ljóst væri að
Guðbrandur
Sigurðsson
stærri fyrirtækin væru
með lægri fjármagns-
kostnað en hin minni.
Sérhæfing og gróska
væru hins vegar helsti
styrkleiki margra lítilla
fyrirtækja. A ýmsu
hefði hins vegar geng-
ið hjá millistórum fyr-
irtækjum og hjá sum-
um þeirra blasti ekkert
annað við en lokun.
Engar
„patentlausnir“
Guðbrandur lagði
áherslu á að hann
hefði engar „patent-
lausnir" í kollinum en
benti á að möguleikar væru á að
bæta þá fjölmörgu þætti, sem
hefðu áhrif á landvinnsluna. Til
dæmis þyrfti að stórauka vöruþró-
un til þess að gera afurðirnar sam-
keppnishæfari en það væri stað-
reynd að líftími þeirra hefði styst
eftir því sem vöruþróun hefði auk-
ist erlendis. Miklar breytingar
væru að verða á mörkuðum erlend-
is og fyrirtæki í smásölu og mat-
sölu yrðu stærri og stærri. „Það
má vel vera að við ættum að vinna
vöruna meira og leggja meiri
áherslu á að blanda öðrum afurð-
um, t.d. hjúpi, brauðmylsnu og
sósu saman við fiskinn."
Guðbrandur sagði að saman-
burður við önnur lönd benti til þess
að afköst í landvinnslunni væru
ekki viðunandi hér á landi. Þarna
þyrftu menn að taka sig á og sjálf-
sagt væri að auka sjálfvirkni og
leita leiða til að bæta sjálfvirkni
og fyrirkomulag vinnslunnar. Ann-
að væri þó mjög mikilvægt og það
væri að huga betur að vinnuvist-
fræði en gert hefði verið. Greinin
liði fyrir það að innan hennar yrði
ekki eðlileg endurnýjun á starfs-
fólki. Uppistaðan í greininni væru
ungar stúlkur og rosknar konur
en lítið væri um starfsfólk, sem
verði öllum starfsaldri sínum þar.
„Fyrirtæki í botnfiskvinnslu verja
miklum tíma og peningum að þjálfa
fólk til starfa og ég geri þá kröfu
til skólakerfisins að það skili til
okkar fólki, sem getur hafið vinnu
án umfangsmikillar þjálfunar. Fyr-
irtækin sjálf þurfa einnig að stuðla
að því að halda í vana starfsmenn
og þyrftu að leita leiða til þess að
stytta vinnutíma, auka afköst og
hækka laun.“
Ekki sársaukalaust
Þegar á heildina væri litið sagði
Guðbrandur að vel væri mögulegt
að snúa tapi landvinnslunnar í
hagnað en það hlyti hins vegar að
krefjast sameiginlegs átaks þeirra
aðila, sem kæmu að landvinnsl-
unni. Slíkt átak yrði ekki sársauka-
laust og hefði sennilega í för með
sér að einhver fyrirtæki í greininni
heltust úr lestinni.
FRÁ bás Línuhönnunar á sjávarútvegssýningunni þar sem
umhverfissljórnun og ýmsar umhverfistæknilegar lausnir fyr-
ir fyrirtæki voru kynntar.
Línuhönnun og Ráðgarður
Samstarf um um
hverfisstjórnun
Olögleg fjöl-
földun í Sili-
cone Valley
San Jose, Kaliforníu. Reuter.
FIMM menn og tvö fyrirtæki hafa
verið ákærð fyrir að taka þátt í ólög-
legri fjölföldun hugbúnaðar að sögn
bandarískra yfírvalda.
Vegna málsins hefur verið lagt
hald á meira magn af fölsuðum hug-
búnaði en dæmi eru um í Bandaríkj-
unum að sögn dómsyfirvalda í Norð-
ur-Kaliforníu.
Því er haldið fram í ákærunni að
á tímabilinu maí 1992 til nóvember
1993 hafí fímmmenningamir - Joe
Huong, James Sung, Shirley Sung,
Michael Ma og Anne Wang - og
fyrirtækin U-Top Printing Co og
U-Win Printing Co tekið þátt í sam-
særi um að framleiða eftirlíkingu af
hugbúnað, sem Microsoft hefur höf-
undarétt á, og selja hina ólöglegu
framleiðslu.
SÖLUYFIRBURÐIR I
Uppbygging viðskiptasambanda
Nýtt námskeið frá
♦Dale Carnegie
®
Námskeiðið hjálpar þér að:
Ná sambandi og byggja upp traust - auka hagnaðinn
Kveikja áhuga - Kynna óvenjulegar lausnir
Leysa mótbárur - Vera hvetjandi og loka sölu.
Dale Carnegie® þjálfunin hefur hjálpað hundruðum
þúsunda sölumanna í 70 löndum að ná söluyfirburðum.
Hafðu samband í síma 581 2411 og mundu að
FJÁRFESTING í MENNTUN SKILAR ÞÉR ARÐI ÆVILANGT
0 STJÓRNUNARSKÓLINN
Einkaumboð á íslandi • Konráð Adolphsson
Ert þú
með lánshæfa
hugmynd til eflingar
atvinnulífi?
Við veitum
góðri hugmynd
brautargengi!
Við veitum fúslega nánari upplýsingar
um lán til atvinnuskapandi verkefna
í öllum greinum.
O
LANASJOÐUR
VESTUR-NORÐURLANDA
ENGJATEIGI 3 - PÓSTHÓLF 5410, 125 REYKJAVÍK,
SÍMI: 560 54 00 FAX: 588 29 04
NÝLEGA gerðu verkfræðistofan
Línuhönnun hf. og stjórnunar- og
ráðgjafarfyrirtækið Ráðgarður hf.
með sér samkomulag um að sinna
verkefnum á sviði umhverfísstjórn-
unar. Verkfræðistofan Línuhönnun
hf. kynnti þetta samstarf ásamt
ýmsum umhverfístæknilegum
lausnum í þessum efnum á sjávarút-
vegssýningunni sem er nýlokið.
I fréttatilkynningu, sem Morgun-
blaðinu hefur borist, segir að um-
hverfisstjórnun samkvæmt ISO
14000+ staðlinum eða reglugerð
Evrópusambandsins EMAS hafi á
síðustu misserum verið tekin upp
af mörgum leiðandi fyrirtækjum á
meginlandi Evrópu. Markmiðið sé
að koma umhverfismálum í rekstr-
inum í gott horf og njóta samtímis
ávinningsins sem fylgi í kjölfarið.
Enn fremur segir: „Á síðustu
árum hefur Ráðgarður hf., stjórn-
unar- og rekstrarráðgjöf, haft for-
ystu um uppbyggingu gæðastjórn-
unarkerfa hér á landi. Verkfræði-
og ráðgjafarfyrirtækið Línuhönnun
hf., með sérstaka umhverfisdeild
og starfsstöð einnig í Þýskalandi,
hefur í tæp 20 ár sinnt ýmsum
brautryðjendaverkefnum hér á
landi. I samstarfinu mun Ráðgarður
hf. annast verkefnastjórnun, hönn-
un umhverfisstjórnunarkerfís og
annað sem snertir stjórnunarþátt-
inn. Umhverfisdeild Línuhönnunar
hf. mun annast umhverfisúttektir
og nauðsynlegar mælingar og
greiningar. í því sambandi hefur
rannsóknarstofa Línuhönnunar ver-
ið efld og einnig hefur verið efnt
til samstarfs við virta erlenda ráð-
gjafa á ofangreindu sviði með gagn-
kvæm verkefni í huga.“
NAMSTEFNA
SJfíLFSTÝRÐIR VINNUHÓFfiR
Mánudag 30. september kl. 8.30-12.00
Hótel Borg
Kerry Donovan starfar sem leiðbeinandi og kynningarstjóri hjá Hannaford Bros. í Bandaríkjunum
og er hér á landi á vegum Eimskips.
Óhefðbundnir stjómunarhættir Hannaford byggjast á sjálfstýrðum vinnuhópum, jöfhuði, hvatningu
og umbun sem hafa haft í fór með sér framúrskarandi rekstrarárangur á eftirfarandi sviðum:
Framleiðni - Rekstrarkostnaði - Áreiðanleika - Launum - Hagnaði
Fjallað verður um uppbyggingu og samsetningu sjálfstýrðra vinnuhópa, árangursmælingar,
ráðningarferli, aðferðir við lausn vandamála, menntun og þjálfun starfsfólks og umbunarkerfi.
Verð kr. 9.900, og 7.900 f. félagsmenn
Skráning: Sími 511 5666
Tölvupóstur: arney@vsi.is
GÆÐASTJÓRNUNARFÉLAG ÍSLANDS
Nánari uppiýsingar: http://skima.is/gsfi