Morgunblaðið - 08.06.2000, Blaðsíða 61
MORGUNBLAÐIÐ
MINNINGAR
FIMMTUDAGUR 8. JÚNÍ 2000 61
ANNA SIGRUN
JÓHANNSDÓTTIR
+ Anna Sigrún Jó-
hannsdóttir
fæddist á Vörðufelli
á Skógarströnd 3.
júní 1919. Hún lést á
Sjúkrahúsi Akraness
26. maí síðastliðinn
og fór útför hennar
fram frá Akranes-
kirkju 2. júní.
Jæja, þá er komið að
því að kveðja þig, elsku
amma mín. Það eru
forréttindi að hafa
fengið að eiga þig fyrir
ömmu. Alveg frá því að
ég var lítil stúlka og var að koma að
heimsækja þig og afa í Viðvík hafið
þið skipað stóran sess í lífi mínu. Það
var alltaf jafnmikil tilhlökkun að
koma til ykkar og fá þær hlýju mót-
tökur sem allir fengu sem til ykkar
komu. Oftast vildum við systurnar fá
að vera lengur en til stóð að vera og
oft funduð þið afi ásamt okkur ein-
hverja ástæðu til þess að við gætum
verið lengur hjá ykkur. Það var mér
mikils virði að fá að upplifa náttúr-
una og lífið með þér og afa og fá að
heyra hvernig ykkar líf hafði verið.
Það er svo margt sem að mig langar
að segja um þig en ég veit að allir
sem þekktu þig vita allt um hvernig
þú varst og hvernig þú sást alltaf
björtu hliðarnar á öllu og máttir
hvergi neitt aumt sjá. Eftir að ég átti
Baldur þá urðu ferðimar til ykkar
afa ennþá fleiri. Baldri fannst svo
gaman að koma til gamla afa og
gömlu ömmu eins og hann kallaði
ykkur. Og ég man eftir því hvað þér
þótti það sniðugt þegar ég sagði þér
að hann kallaði ykkur þetta. Þá tísti í
þér og þú hlóst þessum hlátri sem ég
á eftir aðsakna mikið. Þegar ég vann
svo við tónlistarkennslu og gisti hjá
ykkur afa eina nótt í viku sátum við
og spjölluðum um allt milli himins og
jarðar. Þessi tími er mér mikils virði
og kenndi mér margt og ég á eftir að
sakna þess að heyra ekki sönglið
sem oftast var á vörum þínum.
Þú hafðir óstjórnlega gaman af
því að vera innan um fólk sem var að
skemmta sér og ég man sérstaklega
eftir þrítugsafmælinu hans Fróða
þar sem þú og afi voruð bæði. Þú
hafðir svo gaman af því að syngja og
vera innan um þína nánustu og
þarna kom það berlega í ljós því þú
varst með þeim síðustu út.
Svo fluttuð þið á Akranes og
þangað var alveg jafngott að koma
og í Viðvík. Móttökurnar alltaf jafn-
hlýlegar og maður. fann alltaf hvað
maður var velkominn til ykkar.
Eftir að afi dó komst þú stundum
hingað vestur til okkar og gistir í
nokkra daga í hvert sinn. Það var
alltaf jafngaman að fá þig í heim-
sókn og mér þykir mjög vænt um að
þegar ég var að hugsa um að fara að
fá mér stærra húsnæði þá vildir þú
koma með mér og Baldri til þess að
sjá húsið sem okkur langaði í. Þér
leist mjög vel á það og núna erum
við búin að kaupa sams konar hús og
það sem okkur þykir verst er að þú
Æí'mfSi
SOLSTEINAR »ið Nýbýlaveg, Kópavogi
Sími 564 4566
3lómciL>úðin
öa^ðsKom
v/ Possvogskii*l<jwgai*ð
Sími; 554 0500
GARÐH EIMAR
v BJ-ÖMABÚD STEKKJARBAKKA 6
v SÍMI 540 3320
getur ekki komið í
heimsókn til okkar til
að skoða það.
Mikið ofsalega
fannst mér gaman þeg-
ar við hittumst öll á
Arnarstapa til þess að
minnast afa á 80. af-
mælisdegi hans og við
gistum á Stapanum.
Eg man hvað þú varst
glöð að hafa okkur öll
hjá þér og þegar við
tókum lagið og sungum
öll þau lög sem inni-
héldu nöfn einhverra
fjölskyldumeðlima og
byrjuðum á að syngja Ljúfa Anna og
litli Baldur og Haddi tengdasonur
þinn spiluðu á harmónikurnar sínar.
Þá skemmtum við okkur mjög vel öll
sömul. Eins þegar við hittumst í
fyrra til þess að halda upp á afmælið
þitt og fórum í eyjasiglinguna, þar
var aftur það sama upp á teningnum
og við sungum og sungum með þér
og fyrir þig.
Elsku amma, við eigum öll eftir að
sakna þín mikið en eins og ég sagði
Baldri þá ertu núna hjá afa og ykkur
líður örugglega mjög vel að vera
komin saman aftur. Takk fyrir allt
saman.
Bylgja og Baldur.
„Sannleikurinn er ekki í bókum,
ekki einu sinni í góðum bókum, held-
ur í mönnum, sem hafa gott hjarta-
lag.“ (Halldór Laxness.)
Þegar amma varð 70 ára sumarið
1989 fékk hún kort frá einum
frænda mínum sem í stóð: „Ef fleiri
væru eins og þú, þá væri heimurinn
betri.“ Ef til vill finnst sumum fast
kveðið, en þá hafa þeir ekki þekkt
hana ömmu mína. Hún var einstök
kona, einstök manneskja. Mildi og
mannúð kristallaðist í fari hennar og
allir sem höfðu við hana einhver
samskipti fengu þess að njóta. Ann-
an eins mann- og dýravin hef ég
aldrei, fyrr né síðar, verið þeirrar
gæfu aðnjótandi að þekkja.
Amma mátti ekkert aumt sjá eða
heyra og tók upp hanskann fyrír allt
og alla sem henni fannst halla á. Hún
stóð alltaf með sínu fólki, sama hvað
á dundi en allt fólk var hennar fólk
og maður fékk hana aldrei til að hall-
mæla nokkurri lifandi veru eða taka
undir svoleiðis tal. Alveg sama hvað
það var, hún var málsvari þess sem
ekki gat varið sig sjálfur, hvort sem
það stafaði af því að viðkomandi var
ekki á staðnum, ekki fær um að tala
sínu máli eða hafði sér ekkert til
málsbóta. Hún gat hins vegar alltaf
fundið öllum eitthvað til málsbóta.
„Það er enginn alvondur, Anna
mín,“ sagði hún, „hann á bara eitt-
hvað bágt auminginn." Ef svo vildi
til að henni datt ekkert í hug sagði
hún bara: „Ja, þetta er nú frændi
þinn, góða mín.“ Hann var það nú
kannski ekki, en ég held að amma
hafi átt við að við erum öll bræður og
systur og ættum að haga okkur í
samræmi við það. Það gerði hún
sjálf og hafði óendanlega þolinmæði
og skilning á fólki, sérstaklega þeim
sem minna máttu sín.
Hennar dyr stóðu öllum opnar og
ef veðráttan væri ekki eins og hún er
á íslandi þá hefði það átt við bók-
staflega allan sólarhringinn, allt árið
um kring. Á sumrin held ég reyndar
að útihurðin í Viðvík hafi bara verið
lokuð rétt yfir blánóttina. Það skipti
engu máli hver var á ferðinni, allir
voru velkomnir. Hún bauð líka vel-
komna í fjölgkylduna menn og mál-
leysingja. Hún prjónaði peysur og
sokka á barnabörnin og barnabarna-
börnin og hún bauð líka ferfætling-
ana velkomna í fjölskylduna og
prjónaði handa þeim teppi. Allir
voru jafnir fyrir henni, enginn fékk
sérmeðferð hjá henni en allir sér-
staklega góða.
Þegar afi dó fyrir fjórum árum
var tæpt ár liðið frá því að sonur
minn fæddist og dó. Þegar ég hitti
ömmu daginn eftir faðmaði hún mig
og sagði: „Jæja, Anna mín, þá eru
fleiri til að líta eftir drengnum þín-
um.“ Hverju sem maður kann að
trúa um líf eftir þetta líf þá hlýnar
mér um hjartað að vita af þeim ein-
hvers staðar öllum saman. Hvar sem
þau eru þá getur sá staður bara
batnað við komu ömmu þangað, því
„stórt hjarta frýs aldrei, ekki fremur
en útsærinn.“(K. Börne.)
Anna Sigrún.
Elsku amma mín. Þá ertu farin
frá okkur, elsku amma, og það er svo
erfitt að kveðja þig.
Það eru algjör forrétindi að hafa
fengið að eiga þig sem ömmu. Þú
varst alveg einstök manneskja, svo
góð, þakklát og umburðarlynd gagn-
vart öllum og áttir ekki til ljóta
hugsun um nokkurn mann. Það væri
hægt að skrifa heila bók um það hve
góða manneskju þú hafðir að geyma
og það vita allir sem þig þekktu. Þú
varst alltaf svo kát og ánægð þegar
maður kom í heimsókn til þín og mér
leið alltaf svo vel í návist þinni.
Ég man hvað það var alltaf gaman
að heimsækja ykkur afa í Viðvík sem
og á Akranes og alltaf höfðuð þið
tíma fyrir mann, sama hve mikið var
að gera hjá ykkur.
Elsku amma, ég á svo margar fal-
legar minningar um þig og afa og
þakka fyrir allar þær góðu stundir
sem ég átti með ykkur.
Núna kveð ég þig í síðasta sinn,
elsku amma mín. Hvíl í friði.
Þín dótturdóttir,
Þórný Alda.
Erindi, sem birtist með minning-
argrein um Önnu Sigrúnu Jóhanns-
dóttur á blaðsíðu 57 í Morgunblað-
inu 3. júní, var óvart eignað Davíð
Stefánssyni, en er eftir Margréti
Jónsdóttur. Erindið er svona:
Þótt kveðji vinur einn og einn
og aðrir týnist mér,
ég á þann vin, sem ekki bregst
og aldrei burtu fer.
Handrit afmælis- og minningargreina skulu vera vel frá gengin, vélrituð eða tölvusett. Sé
handrit tölvusett er æskilegt, að disklingur fylgi útprentuninni. Senda má greinar til blaðsins
í bréfsíma 569 1115, eða á netfang þess (minning@mbl.is). Nauðsynlegt er, að símanúmer höf-
undar/sendanda fylgi. Nánari upplýsingar má lesa á heimasíðum. Það eru vinsamleg tilmæli
að lengd greina fari ekki yfir eina örk A-4 miðað við meðallínubil og hæfilega línulengd — eða
2.200slög. Höfundar eru beðnir að hafa skírnarnöfn sín en ekki stuttnefni undir greinunum.
rfisdrykkjur í Veislusalnum
Sóltúni 3, Akógeshúsinu,
fyrir allt a&300 manns.
VEISLAN
03
EINNIG LETTUR IIADEGISMATUR
5RTO A EF
MEÐKAFFI OC TERTO Á EFTIR - SAMA VERÐ
. skoS;j
jKa?
° *>elinui
Glœsilegar veitingar frá Veislunni
Austurströnd 12 • 170 Seltjarnornes • Simi: 561 2031 • fox: 561 2008
VEITINGAELDHUS
www.veislan.is
C#
Lokað
Skrifstofur okkar verða lokaðar á morgun, föstudaginn 9. júní, frá
kl. 13 vegna jarðarfarar BJÖRNS ÞORLÁKSSONAR, lögfræðings.
Nói-Síríus hf.,
Hesthálsi 2-4.
t
Frændi minn,
JÓN LÁRUSSSON,
Skúlaskeiði 4,
Hafnarfirði,
verður jarðsunginn frá kapellunni við kirkjugarðinn í Hafnarfirði föstu-
daginn 9. júní kl. 15.00.
Fyrir hönd aðstandenda,
Margrét Albertsdóttir.
t
Ástkær faðir okkar, tengdafaðir og afi,
JÓHANNJÓNSSON
frá Mýrartungu,
Hjallaseli 55,
verður jarðsunginn frá Fossvogskirkju föstu-
daginn 9. júní kl. 13.30.
Blóm og kransar vinsamlega afþakkaðir, en
þeim sem vilja minnast hans er bent á Hjarta-
vernd.
Guðrún Jóhannsdóttir,
Margrét Jóhannsdóttir,
Jón Jóhannsson,
Halldór Jóhannsson,
Kristín Jóhannsdóttir,
Ragnar Már Amazeen,
Björn Jónsson,
Súsanna Steinþórsdóttir,
Hörður Óli Guðmundsson
og afabörn.
t
Ástkær móðir okkar, tengdamóðir, systir,
amma og langamma,
GUÐRÚN GUÐMUNDSDÓTTIR
frá Gerðum
í Garði,
verður jarðsungin frá
daginn 9. júní kl. 15.00.
Dómkirkjunni föstu-
Brynjólfur Erik Eiríksson, Beverley Eiríksson,
Guðmundur Eiríksson, Þórey Vigdís Ólafsdóttir,
Guðný Eiríksdóttir, Atli Arason,
Hjördís Guðmundsdóttir,
barnabörn og barnabarnabarn.
t
Ástkær faðir okkar, tengdafaðir, afi og langafi,
JÓNAS SIGURÐUR STEFÁNSSON,
Dvalarheimilinu Skálahlíð
Siglufirði,
lést á gjörgæsludeild Landspítalans fimmtu-
daginn 1. júní.
Útför hans fer fram frá Siglufjarðarkirkju laug-
ardaginn 10. júní og hefst athöfnin kl. 14.00.
Maríanna Jónasdóttir,
Jónína Jónasdóttir, Þórður Ólafsson,
Anna Hugrún Jónasdóttir, Gísli H. Guðmundsson,
Magnús Jónasson, Hrönn Fanndal.
barnabörn og barnabarnabarn.
t
Áskær sonur okkar, dóttursonur, bróðir, mágur
og frændi,
GUÐJÓN INGI MAGNÚSSON,
Víðivöllum 6,
Selfossi,
lést fimmtudaginn 1. júní síðastliðinn.
Jarðsett verður frá Selfosskirkju laugardaginn
10. júníkl. 13.00.
Magnús Sigurðsson,
Ólöf Kristjánsdóttir,
íris Björk Magnúsdóttir,
Ólöf Ósk Magnúsdóttir,
Helga Skúla Magnúsdóttir,
Þorsteinn Magnússon,
Aðalheiður B. Birgisdóttir,
Ágúst Guðjónsson,
Jón Ari Guðbjartsson,
Steindór Guðmundsson,
Arnar Þór Sveinsson,
Þóra S. Jónsdóttir
og frændsystkini.
Lokað
Landbúnaðarráðuneytið verður lokað frá hádegi föstudaginn 9.
júní 2000 vegna jarðarfarar BJÖRNS ÞORLÁKSSONAR.