Tíminn - 12.08.1873, Blaðsíða 1

'ff'ÍMIWW.
2. ar. Reykjavik, 12. ágúst 1873. 19.—20. bl&ð.
— Póstskipið «Diana» kom hjer 18. f. m. Með
því kom fjöldi farmanna, frá Kmh. kand. í guð-
fræði Steingrímur Hannesson Johnsen kaupmanns
í Reykjavík, hann tók embættispróf í guðfræði við
háskólann í júní og fekk 2. aðaleinkunn. Iíand.
Vindfeld Hansen, er sendur er upp af stjórninni
til að sjá út hvar hentugast sje að brúleggja Þjórsá
og Ölfusá. FráBretfandikomu IBsamtals. Frú Sig-
ríður, kona hr. Eiríks Magnússonar bókavarðar í
Cambrigde og systir hennar fröken Soffía frá
Brekkubæ hjer f Reykjavík. Enska skáldið Morris
er ferðaðist hjer um land í hittið fyrra sumar,
2 ferðamenn fráAmeríku, auk fl. Til Vestmanna-
eyja komu einnig 2 íslendingar, Loptur Jónsson og
Magnús er þaðan fóru til Vesturheimsfyrir 16árum,
og tóku Mormónatrú og eru þar í góðugengi, ætla
þeir að dvelja velrarlangt í Eyjunum og fara síðan
að vori. Póstskipið fór aptur 27. f. mán. Með
því tóku sjerfar: kaupmaður Fischer hjer íbænum,
Guðmundur Vesluramtsskrifari Pálsson og Jón
Ólafsson iitstjóri «Göngu-Hrólfs» til Djúpavogs,
en orð leikur á, að hann hafi ætlað spöl lengra,
og mun G.-«Hr.» vera líklega fallinn úr blaða-sög-
unni. 10 Vesturheimsfarar úr Múlasýslunum fóru
einnig með póstskipinu er komu með því fráDjúpav.
— Með póstskipinu bárust engar sjerlegar frjett-
ir, eigi var heldur veitt rektorsembættið við lærða
skólann.
— 10. f. mán. kom gufuskipið «Pera», og fór
aptur 12. s. mán. með því fluttust út 132 hross.
— 15. s. mán. gufuskipið «Queen» og fór apt-
ur 16. s. mán. með 303 hross.
— 21. s. mán. gufuskipið «Waverley», fórapt-
ur 23. s. mán. og flutti út 617 hross og 7 naut.
— 28. s. mán. gufuskipið «Pera», fór aptur 30.
s. mán. flutti út 128 hross, og 12 manns, Vest-
urheimsfara hjer úr bænum, og Helgu konu Einars
kaupmanns Bjarnasonar,—er fór fyrir 2 árum til
Vesturheims,— ásamt 10 börnum þeirra og 1 stúlku.
— 28. f. mán. gufuskipið «Queen» fór aptur
hjeðan um kveldið, með 19 hesta, norður til Borð-
eyrar og Akureyrar til að flytja þaðan 200 Vest-
urheimsfara, er ráðnir voru til þeirrar farar1.
Enn fremur sigldi hjeðan í sumar Norðmað-
ur með 14 hesta, og skip af Eyrarbakka með 40
hesta. Þannig hefir því verið útflutt hjeðan af
suðurlandi 1 sumar víðs vegar að, 2,653 hross.
Og ef að nú Englendingarborguðu 2rd. útflutningstoll
af hverju hrossi í sjóð landsins, yrðu það í ár
5,306 rd., sem gæti orðið góður styrkur gufuskips-
ferðum kring um landið, er íslendingar þarfnast enn.
Það er því vonandi að þegar fjárhagur landsins er
orðinn innlendur, að nefndur tollur og ferðir komizt
á, sem er grýla í augum höf. í«Tím.» um tollinn.
— Síðan blað vort kom út 12. f. mán. hefir
tíðarfarið verið hjer á suðurlandi á þessa leið:
Kuldar og norðanstormar, frá þeim 14. til 19.
vatnskrapi til sveita og snjó dreif á fjöll þann 17.
upp frá þeim tíma mátti heita blíðasla veður og
þurrviðri til mánaðarins enda, 24. var rigning og
sunnanstormur. Með þessum mánuði brá til sunn-
an áttar og úrkomu. Fiskiafli ágætur af þorski
og stútung, síðan gæftir komu og hans varð sinnt
frá öðrum störfum. Fiskiduggurnar hjer á Suð-
nesjum hafa aflað allvel í næstliðnum mánuði.
— Á þessu sumri hefir verið afbragðs góð lax-
veiði f öllum veiðiám hjer sunnanlands.
— Sagt er að eldurinn hafi verið uppi í fyrra
mánuði á sömu stöðvum og fyrr.
-j- 17. f. mán. andaðist húsfrú Ingibjörg Þor-
valdsdóttir próf. Böðvarssonar, 66 að aldri, ekkja
t) Waverley flntti út 593 broas, 6. f. m., en eigi 590.
73