Árbók Hins íslenzka fornleifafélags - 01.01.1996, Qupperneq 151

ÞÓRÐUR í SKÓGUM OG KIRKJAN HANS.
155
2. mynd. Altaristaflcm gamla úr Holtskirkju frá Í768 og altarisstjakarnir úr Steinakirkju
ineð nafni Arna Olafssonar og ártalinu 1767. Ljósm. Þóra Kristjánsdóttir.
Holtskirkju árið 1768. Þórður Tómasson segir að Amundi smiður Jóns-
son sé talinn hafa málað áletrunina á töfluna. Hann hafi einnig smíðað
predikunarstól í Holtskirkju með myndum af guðspjallamönnunum, en
stóllinn skemmdist þegar kirkjan fauk. I fljótu bragði er ekki hægt að
sýna fram á með óyggjandi rökum að Amundi hafi málað letrið, til þess
þarf að skoða það betur og bera saman við þekktar áletranir Amunda á
öðrum gripum, t.d. á altaristöflunni úr Kaldaðarneskirkju, sem Amundi
smíðaði og málaði fyrir tengdason séra Sigurðar, séra Sigurð Ingimundar-
son árið 1792. Sú tafla er nú í Þjóðminjasafninu, en er ekki með sinni
upprunalegu málningu.
Stórir þríarma altarisstjakar frá 18. öld hafa varðveist í Eyvindarhóla-
kirkju. Á stéttir þeirra beggja er letrað: Audne Olabsen Anno 1767. Það
mun vera Árni Olafsson senr bjó á Steinum á síðari hluta 18. aldar, enda
eru stjakarnir þaðan komnir. Árið 1969 fann Þórður legstein í gamla
kirkjugarðinum að Steinum, stuðlabergsdrang með áletrun. Þar segir að
steinninn sé settur yfir leiði Olafs Árnasonar sem látist hafi úr bólusótt
1786 á 21. aldursári. Stjakarnir sem nú hafa hlotið heiðurssess á altarinu í
nýju kirkjunni voru forðum gefnir kirkjunni að Steinum af föður Olafs,
en legsteinn hans er sá eini frá fyrri tíð sem varðveist hefur í gamla
kirkjugarðinum að Steinum.