Fréttablaðið - 25.04.2001, Blaðsíða 6

SPURNING DAGSINS
Heldur þú að Vinstri-grænir
gangi til liðs við R-listann?
Já. Ég tel hins vegar að það skipti ekki máli
hvaða flokkar eru við stjórn þar sem svo
virðist sem að þegar hægri stjórn tekur við
af vinstri stjórn eða öfugt, þá brýtur sú
stjórn sem tekur við niður allt starf fyrri
stjórnar. Ég tel því að það eigi að lengja
kjörtímabilið í átta ár.
Hinrik Auðunsson er 32 ára Reykvíkingur. Hann
hefur unnið í söluturninum Svarta svaninum í
17 ár. Hann segist vera mikið borgarbarn enda
hafi hann búið í höfuðborginni alla sína ævi.
Góðar fréttir fyrir
íslenska netheima?
Fleiri tákn
leyfð í netslóðir
new york. ap .Enska er aðaltungumál
netsins og ekki er hægt að skrá nöfn
sem rituð eru með séríslenskum stöf-
um sem netslóðir. Bandaríska fyrir-
tækið VeriSign sem ræður meðal
annars yfir skráningu á netslóðum
sem enda á ,,.com,“ ,,.net,“ og ,,.org,“
gæti bætt úr þessu áður en langt um
líður. Fyrirtækið hefur nú hafið
skráningu á yfir 180 tungumálum í
Asíu og hyggur á enn fleiri á næst-
unni. Ef að líkum lætur munu þeir
sem tala Hindu eða Tælensku því
eiga þess kost að kalla aðsetur sín á
netinu réttum nöfnum og nota til þess
viðeigandi tákn. Ekki kemur fram
hvort eða hvenær íslenska bætist í
þennan hóp. ■
SKIPSTJÓRI USS GREENEVILLE
„Skoðar mörg góð atvinnutilboð,"
segir lögfræðingur hans
Japan-Bandaríkin
Kafbátaskip-
stjórinn hættir
honolulu. ap Skipstjóra kafbátsins sem
sökkti japanska skólaskipinu í mars sl.
verður ekki refsað að öðru leyti en því
að hann verður leystur frá störfum
fyrir bandaríska sjóherinn. Ákvörðun-
in hefur valdið nokkurri hneykslun í
Japan. Waddle, sem hefur lýst því yfir
að hann beri fulla ábyrgð á slysinu og
beðist afsökunar, hyggst fara til Japan
til að hitta fjölskyldur þeirra níu sem
létust í slysinu. Lögræðingur Waddle
segir að kafbátastjórinn fyrrverandi
sé einnig að skoða nokkur „mjög góð
atvinnutilboð." ■
1 ERLENT |
Atta af sextán indverskum her-
mönnum, sem voru drepnir í
rimmu við landamæri Bangladesh
nýlega, voru pyntaðir gróflega áður
en þeir voru drepnir. „Þetta er
óhugnanlegt fjöldamorð," er haft
eftir Kamal Pandey, innanríkisráð-
herra Bangladesh. Hann sagði morð-
in væru á ábyrgð hermannanna sem
hlut áttu að máli.
| LÖGREGLUFRÉTTIR j
Ráðist var á ellefu ára gamlan
dreng í skólabíl í Mosfellsbæ fyr-
ir klukkan tta í morgun. Drengurinn
vankaðist og meiddist í andliti og var
kallað á lögreglu og sjúkrabíl. Dreng-
urinn var fluttur á siysadeild til frek-
ari skoðunar, en lil ryskinga kom
milli tveggja drengja vegna sæta-
skipunar með þessum afleiðingum.
6
FRÉTTABLAÐIÐ
25. apríl 2001 IVIIÐVIKUPAGUR
Rannsókn á músum
Rtuforðinn
óþarfur
new york Genabreyttar tilraunamýs
sem eru mun grennri en venjulegar
mýs geta borðað allt að helmingi
meira án þess að fitna, að því er
HealthScout fréttastofan greinir frá.
Vísindamönnum í Texas hefur tekist
að fjarlægja úr dýrunum gen sem
býr til efni sem stjórnar því hvernig
fita breytist í orku. Telja þeir að nið-
urstaðan geti leitt til þess að hægt
verði í framtíðinni að búa til lyf til að
stjórna virkni sama efnis í mönnum.
Vísindamennirnir benda á að á með-
an flest megrunarlyf virki einungis í
takmarkaðan tíma gæti hin nýja leið
MÝS SEM BREYTA EKKI FITU í ORKU
Hollt mataræði er þó enn besta
megrunaraðferðin.
gefið fólki færi á að „núllstilla" fitu-
forða sinn til frambúðar. Besta vörn-
in gegn offitu sé enn að borða skyn-
samlega og hreyfa sig en vandamálið
sé víða komið á of alvarlegt stig til
þess að slíkt dugi til. Búast þeir við
að sjá uppgötvun sína þróast enn
frekar. ■
paris. ap Air France
og British Airways
sem saman standa
að rannsókn á or-
sökum Concord
slyssins í júlí á síð-
asta ári vonast til
þess að vélarnar
fari í loftið á ný seinna á þessu ári.
Samgönguráðherra Frakka, Jean-
Claude Gayssot, var á sama máli en
gat ekki gefið nákvæma dagsetningu.
Rannsóknaraðilarnir telja flest
benda til þess að eitt af dekkjum vél-
arinnar hafi skorist í sundur þegar
það fór yfir málmbút á flugbrautinni
með þeim afleiðingum að hluti þess
þeyttist upp í eldsneytistank vélar-
innar og kom af
stað leka sem olli
sprengipgunni.
Rannsóknin sem
hefur staðið síðan
slysið varð hefur
nú borið þann ár-
angur að ný tegund
dekkja frá Michelin sem talin eru
henta vélunum betur vei’ða reynd.
Binda flugfélögin vonir við að við-
komandi flugmálayfirvöld gefi
grænt ljós á farþegaflug þegar
reynsla verður komin á nýju dekkin.
Concord flotinn sem telur nú 12 vélar
gæti því hafið sig á loft innan tíðar og
haldið áfram að flytja fólk milli Evr-
ópu og Bandaríkjanna. ■
Spjótin beinast enn að dekkjunum
Concord aftur á loft
VIUA BÚA NÁLÆGT VINNUNNI.
Rúmlega 70 starfsmenn Marels eru reiðubúnir að flytja nær fyrirtækinu ef hagstæð tilboð berast.
Starfsmenn Marels vilja
fly tj a með fy rirtækinu
Starfsmenn Marels hafa sent bæjarstjórnum Garðabæjar, Hafnaríjarðar
og Kópavogs erindi og beðið um tilboð í byggingalóðir. Engin svör hafa enn borist.
húsnæðismál Starfsmannafélag Mar-
els hefur sent bæjarstjórnum Garða-
bæjar, Hafnarfjarðar og Kópavogs
erindi og óskað eftir tilboðum í lóðir
undir íbúðarhúsnæði fyrir starfs-
menn fyrirtækisins. Bygging nýs
skrifstofu- og framleiðsluhúsnæðis
Marels í Garðabæ hefst í þessum
mánuði og á að ljúka á 15 mánuðum.
Starfsmannafélagið stóð fyrir
könnun meðal starfsmanna og hafa
rúmlega 70 þeirra áhuga á að flytja
sig með fyrirtækinu. Helgi Már
Gunnarsson, fulltrúi starfsmanna,
segir að engin viðbrögð hafi enn
borist frá bæjarstjórnunum enda sé
stuttur tími liðinn frá því erindið var
sent. „Við ætlum að gefa þessu mán-
uð áður en við förum að ítreka þetta
eitthvað," segir Helgi.
„Erindið var lagt fram í bæjarráði
Hafnarfjarðar, það er í skoðun og
verður svarað í þessari viku eða þeir-
ri næstu,“ segir Magnús Gunnarsson,
bæjarstjóri í Hafnarfirði, þegar
Fréttablaðið spurði hvort búið væri
að taka afstöðu til erindis starfs-
manna Marels.
Helgi segir að starfsmennirnir
sjálfir hafi haft frumkvæðið að
þessu. „Það var verið að spá í hvort
starfsmenn gætu í krafti fjöldans
fengið Ióðir á hagstæðari verðum og í
framhaldi af því ná niður byggingar-
kostnaði," segir Helgi. Ekkert bygg-
ingarfélag hefur verið stofnað til að
koma fram fyrir hönd starfsmanna
og mun hver og einn byggja fyrir sig.
Ekki hefur verið ákveðið hvort
Marel komi sjálft inn í þessa fyrir-
ætlan með beinum hætti, en Helgi
segi að stjórnendur þess séu hlynntir
þessu framtaki og finnist það mjög
spennandi.
Ársskýrsla CATO:
ísland í 15. sæti
á lista yfir frelsi í
efnahagsmálum
efnahacsmál. íbúar Hong Kong búa
við frjálsasta hagkerfi heims sam-
kvæmt ársskýrslu CATO stofnunar-
innar í Bandaríkjunum um efnahags-
legt frelsi þjóða. Stofnunin gefur
reglulega út skýrslu þar sem lönd eru
flokkuð og þeim gefin einkunn eftir
því hvernig umgjörð efnahagslífinu
er búið og réttaröryggi borgaranna er
háttað. Samkvæmt skýrslu CATO í ár,
sem kom út í þessum mánuði, er ís-
land í 15. sæti árið 1999 af 123 þjóðum.
Landið var í 18. sæti árið 1995 og 22.
sætil990.
f skýrslunni
segir að litið er til
sömu þátta í hver-
ju landi eins og
frelsi borgaranna,
skilgreining og
varðveisla eignar-
réttar og frelsi í
viðskíptum. Sam-
kvæmt skýrsl-
unni búa einstak-
lingarnir við efna-
hagslegt frelsi að
tveimur skilyrð-
um uppfylltum;
eignarréttur þeir-
ra er tryggur og
þeir hafa val um
að nota, selja eða
gefa eignir sínar
til annarra svo
fremur sem at-
hafnir þeirra
skaði ekki sömu réttindi annarra.
Bent er á í skýrslunni að enginn
mælikvarði af þessu tagi er fullkom-
inn en hann geti samt gefið vísbend-
ingar um þróun hagkerfa víðsvegar
um heiminn. Hagfræðistofnun Há-
skóla íslands sá um gagnaöflun fyrir
skýrsluna á íslandi. ■
1 HEILSA | ~
New York, AP Vísindamenn við
Harvard telja sig hafa fundið
gen sem stjórnar því hvernig fólk
finnur sætubragð. Að þeirra sögn
gæti uppgötvunin til dæmis leitt til
betri sykurlausra sætuefna og
skilnings á því hvers vegna fólk
sækir mismikið í sætindi.
bjorgvin@frettabladid.is
Israelsmenn útiloka ekki upptöku friðarviðræðna
FRJÁLSU STU
HAGKERFIN
Samkvæmt skýrslu CATO
um efnahagslegt frelsi
Hong Kong 9.4
Singapúr 9.3
Nýja Sjáland 8.9
Bretland 8.8
Bandaríkin 8.7
Ástralia 8.5
írland
Sviss 8.5
Lúxembúrg 8.4
Holland 8.4
Argentína 8.3
Bólivía 8.3
Kanada 8.2
Fínnland 8.1
Austuriki 8.0
Chile 8.0
Danmörk 8.0
Þýskaland 8.0
fsland 8,0
Palestínskur drengur skotinn til bana
gaza. ap Leiðtogi hryðjuverkasam-
takanna Hisbollah í Líbanon hótaði
ísraelsmönnum í gær fleiri óvænt-
um árásum í kjölfar skotárásar á
palestínska jarðarför á mánudag
þar sem tólf ára drengur féll í val-
inn og ellefu aðrir særðust. Sjónar-
vottar sögðu að skotin hefðu komið
frá nálægu hverfi ísraelsmanna
sem vaktað er af ísraelsher. Sama
dag sprakk einnig heimatilbúin
sprengja á götu í byggð ísraels-
manna, Or Yehuda. Fjórir særðust
lítillega. Samkvæmt lögreglu á
staðnum var sprengjunni að líkind-
um komið fyrir af palestínskum
skæruliðum. Þá hefur íslamski
skæruliðahópurinn Hamas lýst
ábyrgð á hendur sér vegna sjálfs-
morðsárásinnar nálægt Tel Aviv á
sunnudag. Auk tilræðismannsins
lést einn farþegi í nærstaddri rútu
og 50 ísraelsmenn særðust.
Friðarviðræðum sem ráðgert
var að halda á sunnudag hefur verið
frestað um óákveðinn tíma. Ráð-
gjafar Sharon segja að enn sé mögu-
leiki á viðræðum samkvæmt tillög-
um Jórdana og Egypta sem vilja að
samkomulagið um vopnahlé frá því
í október verði virt. Haft var eftir
Raanan Gissin, ráðgjafa forsætis-
ráðherrans, að ísraelar vilji trygg-
ingu frá Palestínumönnum um að
árásirnar hætti áður en gengið
verður til viðræðna. ■
SKOTIÐ Á JARÐAFÖR
Palestínumenn flýja undan árás frá landnemabyggð gyðinga á Gaza
AP/ELIZABETH DALZIEL