Fréttablaðið - 21.09.2001, Page 2
KJÖRKASSINN
FRÉTTABLAÐIÐ ........... .......................21.~september 2001 FÖSTUPAGUR
SANNSPÁIR
Kjósendur á visi.is
reyndust sannspáir
þegar mikill meirihluti
þeirra taldi engar líkur
á að Talibanar fram-
seldu Osama bin
Laden.
Heldur þú að Talibanar muni
framselja Osama bin Laden?
Niðurstöður gærdagsins
á www.visir.is
tm
TTO
Spurning dagsins í dag:
Á að lækka skatta á einstaklinga?
RÓLEGUR HLUTHAFAFUNDUR
Hluthafafundur Tryggingamiðstöðvarinnar
fór hljóðlega fram þrátt fyrir mikil kaup að
undanförnu. Sátt ríkti um stjórnarmenn og
tóku þakkarræður mestan tíma tæplega
stundarfjórðungs langs fundar.
Ný stjóm Tiyggingamið-
stöðvarinnar:
Ekkimikilla
breytinga að
vænta
viðskipti Hreinn Loftsson, sem í
gær var kjörinn stjórnarformað-
ur Tryggingamiðstöðvarinnar,
segir að ekki sé mikilla breytinga
að vænta í rekstri fyrirtækisins
þó svo fjórir nýir menn hafi tekið
sæti í sjö manna stjórn félagsins á
hluthafafundi í gær. Gunnar Fel-
ixsson verður forstjóri Trygging-
amiðstöðvarinnar áfram. Þá verði
því stefnumótunarstarfi sem
stjórn félagsins hefur unnið að
haldið áfram.
Hlutafjárkaup í fyrirtækinu að
undanförnu hafa vakið athygli
margra en Hreinn leggur áherslu
á að ekki sé hægt að líta svo á að
um nokkra hópa sé að ræða í
stjórn félagsins. Mjög víðtæk
samstaða ríki meðal hluthafa og
alger eining sé um áherslur.
Auk Hreins voru nýir menn í
stjórn kjörnir Þorsteinn Már
Baldvinsson, Jón Ásgeir Jóhanns-
son og Gunnlaugur Sævar Gunn-
laugsson. Fyrir í stjórn voru Einar
Sigurðsson sem var kjörinn vara-
formaður stjórnar, Geir Zoega og
Þorgeir Baldursson. Meðal þeirra
sem hurfu úr stjórn voru Harald-
ur Sturlaugsson og Jón Ingvars-
son sem hvor um sig hefur verið
rúman aldarfjórðung í stjórn fé-
lagsins. ■
Landbúnaðarráðherra vill lækka grænmetisverð:
Ekki beingreiðslur, áfram tollar
Samdráttur í bandarísku
' efnahagslífi:
Fjöldaupp-
sagnir flug-
félaga
lonpon.ap Alan Greenspan, seðla-
bankastjóri Bandaríkjanna, sagði í
gær að hryðjuverkin í síðustu viku
hefðu valdið efnahagslífinu í
Bandaríkjunum alvarlegu áfalli, en
langtímahorfur væru engu að síður
góðar.
Flugfélög í Bandaríkjunum hafa
langflest dregið úr starfsemi og
sagt upp fólki í stórum stíl, þ.á m.
United Airlines, U.S. Airways og
Virgin Atlantic. Boeing, stærsti
NIÐURSKURÐUR
7000 manns hjá British Ainn/ays munu
missa vinnu slna. Hlutabréf í fyrirtækinu
hafa fallið um rúm 35% síðan hryðjuverka-
árásirnar í Bandaríkjunum áttu sér stað i
síðustu viku.
framleiðandi farþegaflugvéla í
heiminum hefur einnig tilkynnt að
allt að 30 þúsund starfsmönnum
verði sagt upp.
Þá tilkynnti breska flugfélagið
British Airways í gær að 7000
starfsmönnum fyrirtækisins yrði
sagt upp og að dregið verði úr
starfsemi flugfélagsins um 10%. ■
grænmeti Guðni Ágústsson land-
búnaðarráðherra segist stefna að
því að geta kynnt tillögur um lækk-
un á grænmetisverði fyrir jól.
Hann hafnar því þó að tekn-
ar verði upp beingreiðslur
til garðyrkjubændur og seg-
ir að ekki komi til greina að
feiia niður tolla af fleiri
grænmetistegundum þó
hugsanlega megi lækka þá.
Aðalmálið sé að lækka verð
á íslensku grænmeti.
„Það er flókið að fara í
einhverjar beingreiðslur og
kemur ekki til greina", seg-
ir Guðni. Hann segir að það
yrði afar erfitt fyrir ís-
lenska garðyrkju ef tollar
yrðu felldir niður á fleiri
grænmetistegundum meðan aðrar
þjóðir gerðu ekki slíkt hið sama og
sú leið því ekki farin til að lækka
grænmetisverð. Landbúnaðarráð-
herra sagðist hins vegar
vilja sjá samkomulag um að
ríkið gæfi sitt eftir og að
samstæða næðist milli
bænda og kaupmanna um
að lækka álagningu og verð
á grænmeti. Hann vildi hins
vegar ekki segja til um
hvort það þýddi að hann
legði til skattalækkun á
grænmeti.
Aðspurður hvort ekki
væri rétt að leita einnig
leiða til að lækka verð á
kjötafurðum sagði Guðni að
það væri ekki á dagskrá. ■
GUÐNI
ÁGÚSTSSON
Aðalmálið er að
lækka verð á ís-
lensku grænmeti.
Erlent grænmeti
tollfrjálst 1. nóv-
ember til 15. mars
FRÁ AFGANISTAN
Matvæla- og landbúnaðarstofnun Sameinuðu þjóðanna segir hættu á hungursneyð i Afganistan ef Bandaríkin ákveða að endurgjalda
hryðjuverkin í New York og Washington með hernaði i þessu landi, þar sem fjórðungur íbúanna er nú þegar á mörkum þess að hafa til
hnífs og skeiðar.
Tíu ára „stríð“ í
undirbúningi?
Bush bjó þjóðina undir langa baráttu í sjónvarpsávarpi í nótt. Ekki mik-
ilvæg skotmörk í Afganistan, segir varnarmálaráðherrann.
BARÁTTAN GEGN HRYÐJUVERKUM í
gærkvöldi flutti George W. Bush
Bandaríkjaforseti ávarp til banda-
rísku þjóðarinnar í sjónvarpi.
Ávarpið var flutt eftir að Frétta-
blaðið fór í prentun, en samkvæmt
heimildum AP-fréttastofunnar ætl-
aði hann m.a. að segja Bandaríkja-
mönnum að búa sig undir langa
baráttu gegn hryðjuverkum, sem
væri allt öðru vísi en önnur stríð.
Margt hefur verið óljóst um það
nákvæmlega hvers konar stríð það
eigi að verða, og sumir leiðtogar
Evrópuríkja hafa ekki viljað kalla
það stríð.
Bandaríski herinn hefur kosið
að kenna þessar aðgerðir við
„óendanlegt réttlæti". Með þessari
nafngift er óneitanlega gefið í
skyn, að þær muni vart taka enda í
bráð.
„Bandaríkin og Bretland eru að
setja saman leynilegar áætlanir
um að hrinda af stað tíu ára stríði
gegn hryðjuverkum", skrifar
Michael Evans á vefútgáfu breska
dagblaðsins Time í gær.
Hann segist hafa heimildir fyr-
ir því, að ekki verði ráðist í viða-
mikla innrás í Afganistan né held-
ur beinist aðgerðirnar eingöngu að
því að ná Osama bin Laden.
Hugmyndin sé frekar sú að
hernaðarárásir, sem vissulega
yrðu gerðar, væru aðeins hluti af
viðameiri alþjóðlegum aðgerðum
gegn hryðjuverkum þar sem allar
aðferðir verði notaðar - efnahags-
legar, pólitískar og diplómatískar.
Bandarísk hernaðaryfirvöld
eru engu að síður byrjuð að styrk-
ja herafla sinn á svæðinu í kring-
um Persaflóa. Á annað hundrað
herþotur eru nú þegar lagðar af
stað frá Bandaríkjunum, auk
sprengjuflugvéla, flugmóðurskipa
og annarra herfarartækja.
Hugsanlega er meginmarkmið
þessara herflutninga eingöngu að
sýna herstyrk Bandaríkjanna. En
einnig gætu skyndiaðgerðir sér-
sveita eða flugárásir verið í bí-
gei’ð, enda er „Bush forseti sér
meðvitaður um kröfur bandarísku
þjóðarinnar um „hefnd“,“ segir
Evans.
Donald Rumsfeld, varnarmála-
ráðherra Bandaríkjanna, hefur þó
bent á að ekki sé mikið um „mikil-
væg skotmörk" í Afganistan. Það
væru þá helst flugvellir, herstöðv-
ar talibana og æfingabúðir bin
Ladens, sem að öllum líkindum
væru mannlausar hvort eð er.
gudsteinn@frettabladid.is
Árás á Ameríku:
6.333 saknað
í NewYork
new YQRK. ap Fjöldi þeirra sem
talið er að hafi farist í World
Ti’ade Center í New York þegar
hryðjuverkamenn flugu tveimur
flugvélum á tvíburaturnana er
nú kominn upp í 6.573, að því er
Rudolph Giuliani, borgarstjóri í
New York, sagði í gær. 6.333 er
saknað en 240 eru látnir, svo
staðfest sé. „Tölurnar geta
hækkað eða lækkað," sagði hann
og bætti því við að borist hefðu
ábendingar um fleira fólk frá
öðrum löndum sem talið er að
hafi verið statt í byggingunum
þegar þær hrundu. Hann sagði
nánast öruggt að enginn myndi
finnast á lífi úr þessu. ■
.*..
Hæstiréttur:
Nunnur
hunsuðu for-
kaupsrétt
dómsmál Nunnureglan St. Jósefs-
systur og Samtök um kvennaat-
hvarf voru í gær dæmd í Hæsta-
rétti fyrir að hafa gert með sér
kaupsamning um húseign við
Bárugötu án þess að virða for-
kaupsrétt þeirra sem seldu
nunnureglunni húsið árið 1981.
Hæstiréttur sneri þar með úr-
skurði héraðsdóms í málinu.
Kvennaathvarfið keypti húsið
af St. Jósepssystrum í nóvember í
fyrra fyrir 39 milljónir króna.
Húsið höfðu nunnurnar keypt af .
útgerðarmanninum Einari Sig-
ui’ðssyni í ísfélagi Vestmanna en
því fylgdi þá sú kvöð að Einar og
afkomendur hans ættu að því for-
kaupsrétt. Þessa réttar var ekki
gætt þegar húsið var selt og hefur
Hæstiréttur nú fyrirskipað að
átta systkini og dánarbú tveggja
þeirra sem eiga þennan forkaups-
rétt geti gengið inn í hin umsömdu
kaup og keypt húsið á því verði
sem um hafi verið samið. Um er
að ræða æskuheimili systkinanna.
St. Jósefssystur eiga að greiða
systkinunum eina milljón króna í
málskostnað. ■
öjpi'ð í /teitiiiirwfrii
firá mm á nmDFgniaina
iiiil 2® effilir fimðnrætilrii
■' ; %, ‘ - - A'.r' ~.£ÍW*W W7Í
' * v . ' Vf.. If
Skattlagning á lögboðnar brunatrvggingar:
Af9.000 kr. iðgjaldi
fara 7.000 til ríkisins
SKATTHEIMTA Um áramót tók gildi
veruleg hækkun á umsýslugjaldi
sem tryggingafélögin innheimta
með lögbundnum brunatrygging-
um fyrir ríkisvaldið. Gjaldið er
hluti af tekjustofni Fasteignamats
ríkisins og er kveðið á um hækk-
unina í lögum um brunatrygging-
ar. Hækkunin er tímabundin, árin
2001 til 2004 og er ætlað að standa
straum af kostnaði Fasteigna-
matsins við að uppfæra og halda
Landskrá fasteigna.
Gjalddagar margra trygginga-
félaga eru nú um mánaðamótin,
en Vátryggingafélag íslands benti
t.a.m. sérstaklega á það, í bréfi til
viðskiptamanna sinna, að hækk-
unin væri ekki frá tryggingafé-
laginu komin. Sigmar Ármanns-
son, framkvæmdastjóri Sam-
bands íslenskra tryggingafélaga,
segir að brunatryggingariðgjaldið
sjálft nemi ekki nema litlum hluta
gjaldsins sem tryggingafélögun-
um er gert að innheimta. „Kjarni
málsins er að ríkisvaldið hefur
notað lögboðnar brunatryggingar
sem skattstofn. Ef miðað er við al-
gengt iðgjald af íbúðarhúsnæði úr
steini, mætti segja að af 10 millj-
ón króna eign séu borgaðar um 9
SIGMAR
ÁRMANNS-
SON
Sigmar segir
umræðu um
brunabóta-
matið sem
skattstofn
hafa vantað.
þúsund krónur. Þar af fara um
7000 krónur til ríkisins í formi
gjalda en tæpar 2000 krónur
renna til tryggingafélagsins,"
sagði hann. Gjöldin sem innheimt
eru með brunatryggingunum eru:
brunavarnagjald sem rennur til
Brunamálastofnunar, umsýslu-
gjald sem rennur til Fasteigna-
mats ríkisins, gjald samkvæmt
lögum um varnir gegn snjóflóðum
og skriðuföllum til Ofanflóðasjóðs
og viðlagatryggingaiðgjald sam-
kvæmt lögum um viðlagatrygg-
ingu.“ ■