Fréttablaðið - 31.01.2002, Blaðsíða 18

18
FRÉTTABLAÐIÐ
31. janúar 2002 FIMMTUPAGUR
HVAÐA BÓK ERTU AÐ LESA?
Frumsýning á Nasa:
Páll Rósinkranz með
fjölbreytta tónlist
PÁLL RÓSINKRANZ OC FÉLACAR
IVIeð Páli skemmtir einvala lið og má þar nefna Jón Ólafsson hljómsveitarstjóra Guðmund
Jónsson, Friðrik Sturluson, Jóhann Hjörleifsson ásamt söngkonunum IVIargréti Eir og
Védísi Hervöru.
Fínn reifari
„Ég hef verið lítið fyrir skáldsögur af því að
ég á svo erfitt með að festast við þær. En
Grafarþögn eftir Arnald Indriðason hélt mér
frá fyrsta kafla og ég lauk henni í gær. Fínn
reífari og gaman að bókin gerist á íslandi."
Dr. Cunni
tónlistarmaður og poppfræðingur
tónlist Söngskemmtun Páls Rósin-
kranz og hljómsveitar verður frum-
sýnd á morgun á skemmtistaðnum
Nasa. Páll ætti að vera öllum tónlist-
araðdáendum kunnur. Hann hóf fer-
il sinn með Jet Black Joe fyrir rúm-
um tíu árum en tók sér hvíld um
nokkurra ára skeið þar til fyrir
tveimur árum að hann hóf að syng-
ja á ný. Metsala var á plötu hans
sem kom út fyrir jólin.
Með Páli skemmtir einvala lið og
má þar nefna Jón Ólafsson hljóm-
sveitarstjóra Guðmund Jónsson,
Friðrik Sturluson, Jóhann Hjörleifs-
son ásamt söngkonunum Margréti
Eir og Védísi Hervöru. Meðal þeir-
ra laga sem hljómsveitin mun flytja
er Have I told you lately, When I
think of angels,Hallelujah, Your
song, Rain Aint no sunshine, I beli-
eve in you og Something Stupid.
„Ég er mjög spenntur og hlakka
mjög til að vinna með öllu þessu frá-
bæra fólki,“ sagði Páll Rósinkranz.
Hann sagði myndi flytja lög af ný-
legri plötu sinni auk fjölbreyttrar
tónlistar sem félli að flestum aldur-
hópum. „Það er valin maður í hver-
ju rúmi og það er ekki á hverjum
degi sem svona tækifæri gefst. Ég
vona bara að fólk eigi eftir að vera
ánægt og mun leggja mitt að mörk-
um til að svo geti orðið.“
Sýningin hefst klukkan 21en
sýningin verður hvert föstu-
dags- og laugardagskvöld fram
á vor. ■
1 METSÖLUBÆKURNAR
METSÖLULISTI EYMDUNSSONAR
28. JANÚAR TIL 4. FEBRÚAR
ERLENDAR BÆKUR
Q Richard North Patterson
PROTECT AND DEFEND
James Patterson
1STTO DIE
A Jefferey Deaver
THE BLUE NOWHERE
O Jack Higgins
THE KEYS OF HELL
Robert B. Parker
PERISH TWICE
Amy Tan
THE BONESETTERS DAUGHTER
H John Sanford
FOOL'S RUN
Michael Connelly
A DARKNESS MORE THAN NIGHT
Q Penny Vincenzi
SOMETHING DANGEROUS
t) Jayne Ann Krentz
^ LOST AND FOUND
Erlendar bækur:
Danielle
Steele trónir
á toppnum
bækur ÞrjárÝnýjar bækur koma
inn á listann fyrir erlendar met-
sölubækur í þessari viku. lst to
Die eftir spennusagnahöfundinn
James Patterson, Perish Twice
eftir Robert B. Parker og Somet-
hing Dangerous eftir Penny
Vincenzi. ■
FIMMTUDAGURINN
31. JÁNUAR
FUNPUR_________________________________
12.00 Dr. Auður Styrkársdóttir, stjórn-
málafræðingur verður með í dag
rabb á vegum Rannsóknastofu
í kvennafræðum. Auður mun
segja frá bók sinni og Svans
Kristjánssonar, Konur, flokkar
og framboð. í bókinni er greint
frá rannsókn þeirra á framboðs-
málum flokka á íslandi fyrir
sveitarstjórnarkosningar 1998 og
Alþingiskosningar 1999. Rabbið
er haldið í Norræna húsinu.
16.00 Prófessor M. Patricia Donahue,
PhD, RN, heldur opinn fyrirlestur í
dag um umönnun ókunngra.
Hún hefur m.a. unnið við og skrif-
að mikið um langvinna sjúk-
dóma, rétt sjúklinga og stuðning
við þá. Fyrirlesturinn fer fram í há-
tíðasal Háskóla fslands.
16.00 Málstofa um Evrópustaðla verður
haldín í dag. Flytjendur eru: Júlíus
Sólnes, prófessor, Jónas Elías-
son, prófessor og Jónas Þór
Snæbjörnsson, fræðimaður, V.H.l.
Málstofan er haldin í húsi verk-
fræði- og raunvísindadeilda að
Hjarðarhaga 2-6 (VR II). Allir eru
velkomnir
17.15 í tilefni af aldarafmæli Halldórs
Laxness efnir Vaka-Helgafell í ár
til margvíslegrar umfjöllunar um
skáldið og verk hans. Þar á meðal
er röð fyrirlestra í Norræna hús-
inu þar sem rithöfundar ræða um
verk Halldórs. í dag heldur Matth-
ías Johannessen erindi sem
hann nefnir „Heitir þú Bera?" Er-
indið er öllum opið og aðgangur
ókeypis.
20.30 ReykjavíkurAkademían og Sagn-
fræðingafélag Islands halda í
kvöld umræðufund um bókina
"íslenska þjóðríkið - uppruni og
endimörk" eftir Cuðmund Hálf-
danarson. Fundurinn fer fram í
ReykjavíkurAkademíunni, JL-hús-
inu við Hringbraut 121, fjórðu
hæð.
Tilboðsdagar
20-50% afsláttur
af tilboðsuörum
10% afsláttur af öllum
öðrum vörum
iMjálsgötu 86 - sími 552 0978
Útsala - Flísar - Útsölulok
Dagana 30. janúar til 2. febrúar verður
15-50% afsláttur á öllum vörum á lager
Mílanó-Flísaverslun
Ármúla 17a - Sími: 511 1660
I leit að fegurðinni
Það er nóg komif að þrasi um pólitík í verkum Halldórs Laxness.
Hún mun ekki lifa í verkum hans heldur skáldskapurinn fyrst og
fremst, að mati Matthíasar Johannessen skálds sem mun fjalla um
huldukonuna í verkum Halldórs í Norræna húsinu í dag.
MATTHÍAS JOHANNESSEN
,Sagnaskáldið fer á kostum, einkum í Heimsljósi og Sjálfstæðu fólki, og þær verða sér-
stæðar fyrir bragðið. Ljóðprósi Halldórs er kórónan í skáldsagnagerð hans. Eða eigum
við að segja óslitinn silfurþráður alla tíð," segir Matthías um skáldskap Halldórs.
fyrirlestur „Ég ætla að reyna að
fjalla um leitina að fegurðinni
eins og hún birtist í huldukon-
unni í ljóðrænum skáldskap
Halldórs í Heimsljósi og í Sjálf-
stæðu fólki. Það er huldukona í
ljóðum Jónasar Hallgrímssonar
en það er líka huldukona í þess-
um fínasta skáldskap Halldórs
Laxness; skáldsögunum, sem
standa miklum ljóðum nær held-
ur en venjulegum nútíma prósa-
verkum," segir Matthías Johann-
essen, skáld, um erindi sem hann
flytur um skáldskap Halldórs
Laxness í Norræna húsinu í dag.
Erindið nefnir hann: „Heitir þú
Bera?“ og vísar þar í stúlkuna
sem Ólafur Kárason Ljósvíking-
ur elskaði í Heimsljósi.
„Ég hef alltaf hrifist mjög af
umfjöllun Halldórs um þessa et-
erísku ást. Og það er eins og með
allan góðan skáldskap, ljóðið
verður að vera almenns eðlis,
jafnvel þó það sé ort með ákveð-
na konu í huga. Ef það skírskotar
til annarra og fjallar um ástir
annars fólks þá getur það verið
mikils virði,“ segir hann og nefn-
ir að þessa skírskotun megi glög-
gt finna í „fíngerðum vefnaði
Halldórs", eins og hann orðar
það.
Matthías segir að svo virðist
sem það sé tíska að þrasa ævin-
lega um pólitík þegar nafn Hall-
dórs sé nefnt, jafnvel þótt skáld-
skapurinn sé það sem öllu máli
skipti.
„Það er komið nóg af þessu
þrasi að mínu áliti og þessi póli-
tík var í mínum huga afgreidd
fyrir mörgum árum. Það verður
ekki pólitík Halldórs Laxness
sem lifir. Ef menn halda það þá
er eins og þeir séu að fara í
sirkus til þess að fá að vita hvað
þeir eigi að kjósa. Það gerir mað-
ur ekki. En taktu þetta ekki of al-
varlega, ég er nú að kenna í Há-
skólanum og það er eins og að
ganga í klaustur. Ég læt ekkert
hafa áhrif á mig, hvorki pólitík
né annað."
Að mati Matthíasar er Hall-
dór eitt fyrsta atómskáld ís-
lenskt eins og sjá má á ljóðum
sem hann orti um svipað leyti og
hann skrifaði Vefarann sem er í
aðra röndina prósaljóð.
„En hann átti alltaf rætur í ís-
lenskri hefð, jafnvel rímum eins
og sjá má bæði í Heimsljósi og
Sjálfstæðu fólki. Sá eðlisþáttur
Halldórs leynir sér hvorki í Ólafi
Kárasyni né Bjarti í Sumarhús-
um. Þegar Ásta Sóllilja fellur
fyrir nútímaskáldi yrkir Bjartur
nútímaljóð til að standast sam-
keppnina." Matthías nefnir að
þessar skáldsögur séu á köflum
óviðjafnanleg ljóðlist í prósa,
einkum þegar fjallað sé um land-
ið, ástina og fegurðina.
kristjangeir@frettabladid.is
Reykj avíkur Akademí an:
Eðli þjóðernis og samband ríkis og þjóðar
umræðufundur ReykjavíkurAka-
demían og Sagnfræðingafélag
íslands halda í kvöld umræðu-
fund um bókina „íslenska þjóð-
ríkið - uppruni og endimörk“ eft-
ir Guðmund Hálfdanarson. Inn-
gangsorð flytur annar af ritstjór-
um bókarinnar, Jón Karl Helga-
son bókmenntafræðingur, en síð-
an munu þrír fræðimenn fjalla
um hana frá ýmsum hliðum, þau
Páll Björnsson sagnfræðingur,
Róbert H. Haraldsson heimspek-
ingur og Stefanía Óskarsdóttir
stjórnmálafræðingur. Höfundur-
inn, Guðmundur Hálfdanarson
sagnfræðingur, ætlar um kvöldið
að bregðast við umsögnum frum-
ÍSLAND
íslenska þjóðríkið fjallar um atriði sem nú
eru ofarlega á baugi ( heimi fræða og fjöl-
miðla eins og til dæmis fullveldi Islands,
eðli þjóðernis og samband rfkis og þjóðar
mælenda og síðan verða frjálsar
umræður.
Bókin kom út í október síðast-
liðnum í ritröðinni „íslensk
menning" sem ReykjavíkurAka-
demían og Hið íslenska bók-
menntafélag standa að. Hún hef-
ur vakið umtalsverða athygli
meðal annars vegna þess að hún
fjallar um atriði sem nú eru ofar-
lega á baugi í heimi fræða og
fjölmiðla eins og til dæmis full-
veldi íslands, eðli þjóðernis og
samband ríkis og þjóðar.
Fundurinn fer fram í Reykja-
víkurAkademíunni, JL-húsinu
við Hringbraut 121, fjórðu hæð,
og hefst kl. 20:30. ■