Fréttablaðið - 26.04.2002, Blaðsíða 10

10
FRETTABLAÐIÐ
26. apríl 2002 FÖSTUPACUR
FRÉTTABLAÐIÐ
Útgáfufélag: Fréttablaðið ehf.
Útgáfustjóri: Eyjólfur Sveinsson
Ritstjórar: Gunnar Smári Egilsson
og Jónas Kristjánsson
Fréttastjórar: Pétur Gunnarsson
og Sigurjón M. Egilsson
Ritstjórn, auglýsingar og dreifing:
Pverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Fréttablaðið ehf.
Plötugerð: ÍP-prentþjónustan ehf.
Prentun: ísafoldarprentsmiðja hf.
Fréttaþjónusta á Netinu: Vísir.is
Fréttablaðinu er dreift ókeypis til allra heimila á höf-
uðborgarsvæðinu. Fyrirtæki geta fengið blaðið gegn
greiðslu sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
| BRÉF TIL BLAÐSINSI
íslendingar
boðnir upp
Embættis-
manni var vikið
fyrirvaralaust úr
starfi. Miðað við
fjölda mála þar
sem ógnvænleg
græðgin skýtur
upp kollinum, er
slíkt ekki í frá-
sögur færandi ef
ekki væru sví-
virðileg starfslokalaun mannsinns.
Ég á ekki von á öðru en þjóð mín
skilji hve grafalvarlegt málið er og
sjái hvað þessi maður fær fyrir ekk-
ert, að undirlagi forseta alþingis og
samgönguráðherra. Að hann fær
svipaða upphæð og maður í hjóla-
stól á 35 til 40 árum, er ótrúleg
mannfyrirlitning.
Á Austurlandi á að eyða hund-
ruðum milljarða í virkjun sem lík-
ust er fjárhættuspili með tilheyr-
andi eyðileggingu. Þar fyrir eru líf-
eyrissjóðir landsmanna og ómetan-
leg náttúruauðlegð í fágætu víðerni
sett að veði. Á sama tíma eru fátæk-
ar mæður að stela úr búðum svo
börn þeirra fái að borða. 7. apríl var
víkingaskipið íslendingur boðinn
upp, skip sem hefur ómælanlegt
gildi og auglýst hefur land okkar og
þjóð betur en hundruða milljóna
auglýsinga. Augljóst er að skynsem-
in angrar ekki háæruvert ríkisvald-
ið sem ofan á alla villuna, hefur veð-
sett land og þjóð, með því að ríkis-
tryggja nokkur gönuhlaup. ■
Verðskulduð áminning frönsku kosninganna
Frankfurler Rundschau
Þýska dagblaðið Frankfurter
Rundschau líkir í leiðara úrslit-
um fyrri umferðar frönsku for-
setakosninganna við náttúru-
hamfarir. „Þau eru gjaldþrotayf-
irlýsing stjórnmálakerfisins í
Frakklandi og valdaklíku þess -
hvort heldur til hægri eða
vinstri." Jafnt borgaralegu
hægriflokkarnir sem vinstrist-
jórn Jospins hafi brugðist. Auk
þess verði önnur Evrópuríki
einnig að draga sinn lærdóm af
þessu „reiðarslagi í Frakklandi."
Eina ráðið gegn þessari þróun sé
að „endurvekja daglega þátttöku
borgaranna í stjórnmálum, sem
einhvers staðar hefur farið hall-
oka í olnbogasamfélaginu Frakk-
landi.“
FINANCIAL TIMES
„Herra Jospin var glataður for-
setaframbjóðandi með glataða
kosningabaráttu. Hann tilkynnti
forsetaframboð sitt með því að
senda fax,“ segir leiðarahöfund-
ur Financial Times. Blaðið segir
Jospin gjörsamlega hafa mistek-
ist að kveikja nokkurn neista
meðal vinstri manna. Síðan veltir
blaðið fyrir sér stöðu krataflokka
í Evrópu. Þeir hafi verið að tapa
fylgi um alla Evrópu. Þessir
flokkar þurfi að endurskoða sig í
frjálsræðisátt. Tony Blair hafi
flutt rétt skilaboð til flokks-
manna sinna þegar hann sagði:
„Nútímavæðumst eða deyjum.“
Blaðið segir að ef að stjórnvöld í
Evrópu haldi ekki vöku sinni og
endurbæti hugmyndir sínar og
vinnubrögð opni þau dyr fyrir
menn eins og Le Pen.
Jyllandsposten segir menn hafa
nokkra kosti til að bregðast við
úrslitunum í Frakkalandi. Maður
geti valið dásvefn, maður geti
fyllst heilagri vandlætingu eða
maður geti séð úrslitin sem
áminnandi vísifingur fyrir ráð-
andi stjórnmálaöfl. Hið síðast
Þorri íbúa Evrópu vaknaði upp við vondan
draum þegar úrslit fyrri hluta frönsku
forsetakosninganna lágu fyrir.
Leiðarahöfundar heimsblaða telja úrslitin
verðskuldaða áminningu fyrir rikjandi
öfl stjórnmálanna.
nefnda hugnast leiðarahöfundi
best. Því sé ekki að neita að úr-
slitin í Frakklandi séu hluti þró-
unar sem orðið hafi víðar í Evr-
ópu. Vandinn sé sá að stjórnmála-
menn séu farnir að líta á sig sem
hverja aðra yfirstétt og fjar-
lægist stöðugt kjósendur sína.
„Stjórnmálamenn verða að átta
sig á því sem þeir upprunalega
eru: Þjónar fólksins. Flóknara er
það ekki.“ ■
JÓNAS SKRIFAR:
Frakkar úti að aka
„Fyrst getum við kosið með hjartanu og síðan með
höfðinu," er meðal þess, sem Frakkar hafa sett
fram til stuðnings tveggja þrepa kosningakerfi
sínu. Þeir hafa nú fengið verðskuldaða ráðningu
fyrir ábyrgðarleysi sitt og reyna væntanlega fram-
vegis að haga sér eins og fullorðið fólk.
Svo virðist sem fjöldi franskra kjósenda hafi
talið það skyldu einhverra annarra en þeirra
sjálfra að sjá um, að Lionel Jospin forsætisráð-
herra kæmist í aðra umferð forsetakosninganna
meðan þeir sjálfir skemmtu sér við að kjósa ein-
hvern furðufuglinn á jaðri stjórnmálanna.
Enn aðrir virðast hafa talið sér trú um eða látið
telja sér trú um, að kosningarnar skiptu engu máli,
af því að Jacques Chirac og Jospin væru sami
grautur í sömu skál. Þeir afsöluðu sér borgaraleg-
um réttindum og skyldum og kölluðu yfir sig Marie
le Pen sem úrslitaframbjóðanda.
Niðurstaðan af ábyrgðarleysi franskra kjósenda
er sú, að menn úr öllum áttum neyðast til að sam-
einast um að endurkjósa spilltan lýðskrumara sem
forseta landsins, svo að kynþáttahatari nái ekki
kosningu. Þetta er versti álitshnekkir, sem Frakk-
land hefur beðið um langan aldur.
Þeir, sem annað hvort létu hjá líða að kjósa eða
skemmtu sér við að kjósa einhvern jaðarmanninn,
ganga núna berserksgang úti á götum til að mót-
mæla niðurstöðunni. I rauninni eru þeir fyrst og
fremst að mótmæla eigin aumu frammistöðu og
gera sig að auknu athlægi umheimsins.
Jospin var síður en svo neinn vandræðakostur
fyrir kjósendur. í kosningabaráttunni forðaðist
hann lýðskrum og kom fram sem ábyrgur stjórn-
málamaður. Svo virðist sem franskir kjósendur
hafi túlkað þennan góða kost sem litleysi. Jospin
var of mikill prófessor fyrir þeirra smekk.
Niðurstaðan er sú, að franskir kjósendur hafa
ekki bara hafnað alvörugefnum stjórnmálamanni
sem forseta, heldur kastað honum út úr pólitík yf-
irleitt. Það sér hver maður, að Jospin verður að
„Þeir, sem annað hvort létu hjá líða að
kjósa eða skemmtu sér við að kjósa
einhvernjaðarmanninn, ganga núna
berserksgang úti á götum
til að mótmœla niðurstöðunni. “
segja af sér sem forsætisráðherra og hætta í
franskri pólitík eftir útreiðina um helgina.
Frakkar eru svo sem ekki einir um að taka
lýðskrumara fram yfir alvörumenn sem þjóðar-
leiðtoga. Ekki verður samt séð, að þeir hafi neina
frambærilega afsökun fyrir því að hafna Jospin á
þeim forsendum, að hann væri litlaus og leiðinleg-
ur. Voru þeir kannski að kjósa sér hirðfífl?
Niðurstöður frönsku forsetakosninganna sanna
ekki aukið þjóðernislegt ofstæki. Víða í Evrópu er
undirliggjandi útlendingahatur í fjórðungi kjós-
enda, sem fær misjafna útrás í fylgi eftir aðstæð-
um hverju sinni. Le Pen fékk næstum sama fylgi í
forsetakosningunum fyrir sjö árum.
Þá dugði fylgið ekki til að koma honum í úrslita-
umferðina, af því að nógu margir kjósendur voru á
verði og kusu með heilanum. Þeir nenntu að fará á
kjörstað og skemmtu sér ekki við að kjósa jaðar-
menn. Nú dugði fylgið, af því að kjósendur sýndu
ábyrgðarleysi fremur en útlendingahatur.
Frakkar eru ekki haldnir þjóðernisofstæki eða
útlendingahatri umfram aðra, heldur hafa þeir
sýnt ótrúlegt ábyrgðarleysi, að minnsta kosti að
þessu sinni. Þeir gerðust fangar kröfunnar um, að
stjórnmálamenn séu gífurlega hressir, þótt ekkert
sanni, að slíkir komi að neinu gagni.
Frakkar og raunar aðrar vestrænar þjóðir hafa
fengið viðvörun og þurfa nú að endurmeta, hvaða
kostum þær telja menn þurfi að vera búnir til að
vera gott efni í ábyrga þjóðarleiðtoga.
Jónas Kristjánsson
INNHERJAR |
DAVÍÐ ODDSSON
Innherjar eru ekki
á eitt sáttir um
stjórnsnilld hans.
Meðaltals-
hagvöxtur
Innherjar á stjórnmálavef visis. is
eru ekki á eitt sáttir um stjórn-
snilld Davíðs Oddssonar. „Davíð
Oddson hefur hrósað sjálfum sér
af gríðarlegum hagvexti hér á
landi. í mínum huga er hann gerfi
hagvöxtur búinn til úr lánsfé. Á
þessu ári spáir Þjóðhagsstofnun
neikvæðum hagvexti upp á hálft
prósent," segir einn og birtir lista
yfir hagvöxt ríkja OECD frá 1990
- 2000. Þar er Island rétt undir
meðalIagi.“Við rétt skríðum með-
altalið í einu mesta lánasukkgóð-
æri á síðasta áratug." Eins og oft
vill verða eru menn fljótir á sér í
svörum. „Þú getur ekki bara tekið
eitt ár með þessum hætti. Þú verð-
ur að taka allan feril Davíðs Odds-
sonar í heild til að geta dæmt um
þetta,“ er svarað um hæl. Ferill-
inn spannar jú þetta tímabil, enda
er strax á það bent. „MEÐALTAL
ÚTREIKNINGA HAGVAXTAR SEM
ÉG GREINI HÉR FRÁ AÐ OFAN ER
Á TÍMABILINU 1990- 2000. Tek það
fram að þetta er meðaltal þessara
ríkja," svo það komi nú skýrt
fram.
Innherjar eru umræðuvettvangur
á vefnum visir.is.
Opið hús
27. apríl kl 11-13
Verið velkomin í opið hús hjá Læknisfræðilegri myndgreiningu í Domus Medica
við Egilsgötu 27. apríl kl. 11-13.
Þar verður kynnt fjölbreytt starfssvið og skemmtilegt starfsumhverfi geislafræðings.
Geislafræði er áhugavert og spennandi háskólanám sem fer fram í Tækniskólanum
og myndgreiningardeildum. Námi lýkur með B.Sc. gráðu og er 120 einingar.
Inntökuskilyrði er stúdentspróf eða raungreinadeildarpróf frá TÍ.
Allar nánari upplýsingar veita forstöðumaður og/eða námsráðgjafi í síma 577 1400.
Komdu í heimsókn og kynntu þér spennandi nám sem gefur góða starfsmöguleika.
ORDRÉTT
DÝRALÆKNALÓGÍK
En það getur verið hin eina mann-
úðlega afstaða, líknandi gjörning-
ur, hjá lækni að gefa fíkli svona
ávísun.
Jón Steinar Gunnlaugsson, hrl.,
um iyfjaávísanir lækna. DV, 24. apríl.
AF PVÍ ÞAÐ VAR GAMAN
Þannig að við getum tekið
ákveðna áhættu á að allt fari á
versta veg og að stór hluti af þess-
um peningum tapist.
Vilhjálmur Egilsson í umræðum á
þingi um ríkisábyrgð. Alþingi, 23. apríl.
FUtgttW
Aðalfundur Flögu hf. verður haldinn í Ársal
Hótel Sögu, föstudaginn 10. maí 2002 kl. 16:00
Dagskrá
1. Skýrsla stjórnar
2. Ársreikningar félagsins 2001
3. Tillaga um heimild til stiórnar til hækkunar hlutafjár
4. Kosning stjórnar og endurskoðanda
5. Ákvörðun um meðferð hagnaðar (taps)
6. Ákvörðun um stjórnarlaun
7. Önnur mál
Endanlegar tillögur og ársreikningur munu liggja frammi á
skrifstofu félagsins að Vesturhlíð 7, viku fyrir aðalfund.
Fundargögn verða afhent á fundarstaó.
V
Stjórn Fiögu hf.
y