Lögberg - 14.12.1916, Blaðsíða 5

LÖGBERG, FIMTUDAGINN 14. DESEMBER 1916
5
4
PROVINCE OF MANITOBA
• i
Manitoba Agricultural Cullege
■ ÖTI - LEIDBEININGAR
MANITOBA BÚNADARSKÓLINN ER TIL HAGSMUNA FYRIR HYERN EINASTA BÓNDA 1 MANITOBA, ALVEG
SAMA HVER HANN ER OG HVAR HANN Á HEIMA.
STEFNA MANITOBA-STJÓRNARINNAR ER SÚ, AD HVER EINASTI BÓNDI HAFI HAGNAD AF SKÓLANUM.
MARGIR BÆNDUR KOMA TIL SKÓLANS EDA SENDA ÞANGAD SYNI SÍNA OG DÆTUR TIL ÞESS AD FÁ FRÆDSLU.
ÞÚSUNDIR BÆNDA GETA EKKI KOMID ÞANGAD NJE HELDUR SENT ÞANGAD SYNI SINA EDA DÆTUR. FYRIR
ÞÁ, SEM EKKI GETA KOMID EDA SENT BÖRN SÍN TIL MANITOBA BÚNADARSKÓLANS, ERU ÖNNUR HLUNNINDI,
SEM ÞEIR GETA NOTAD OG HJER Á EFTIR VERDUR FRÁ SAGT
Búnaðarfélög
Hvert einasta sveitarfélag í Manitoba ætti að hafa sitt
búnaðarfélag. Með því að stofna slík félög geta bændurnir
komið saman á fundum sínum, talað um þarfir og nauðsynjar
héraðsins, borið saman reynslu sína á löndunum, sagt hvorir
öðrum hvemlg gengið hafi í ýmsum vrekum héraðsins, o.s.frv.
Búnaðardeild fylkisstjórnarinnar er reiðubúin að veita
alla mögulega aðstoð til þess að stofna slík búnaðarfélög,
leggja fram fé til hjálpar þeim og vinnur í samráði við búnað-
arskólann til þess að félögin geti blómgast og dafnað.
Hver búnaðarfélag í Manitoba heldur sýningu einu sinni á
ári, annað hvort að haustinu eða sumrinu. Eitt aðal atriðið
þar er kvikfjárrækt. Að meðaltali borgar hvert félag á ári um
$1,100 í verðlaunum til bændanna í héraði sínu. Búnaðardield
fylkisstjórnarinnar í Manitoba borgar hér um bil helminginn
af þessu fé. Útideild búnaðarskólans sér um dómendur til þess
að dæma um hesta, nautgripi, sauðfé, svín, mjólkur-afurðir og
alifugla. Sýningunum er þannig hagað, að dómendurnir geti
haldið áfram að ferðast og alt af dæmt á þeim stað sem hent-
ugast er alt sumarið og haustið. Víða þar sem sumarsýningar
eru haldnar, er einnig haldin útsæðissýning alifuglasýning í
Desembermánuði. Kapp-plæging, búnaðarkepni og uppskeru-
samkepni á akri eru einnig haldnar hjá þessum búnaðarfélög-
um. Fundir eru einnig haldnir þar á vetrum til þess að fá ráð-
leggingar og skýringar hjá sérfræðingum í ýmsum búnaðar-
greinum. t
Héraðafulltrúar
Þetta er ný hreyfing hjá Manitoba stjórninni til þess að
hjálpa bændunum heima fyrir. Fyrsti héraðsfulltrúinn var út-
nefndur í Aprílmánuði 1915. Köllun þessara fulltrúa er að
fræða bændur um ýms efni búnaðar og skýra fyrir þeim nýjar
aðferðir bæði að því er snertir griparækt og fleira. Þeir eiga
að skýra stjórninni frá því, hvernig bændum gangi; þeir eiga
að vinna í félagi við bóndann á allan mögulegan hátt. Meðal
annars geta þeir gert það sem hér segir:
Þeir geta útvegar markað fyrir gott og hreint útsæði.
Þeir geta sagt bóndanum sem vill kaupa búpening, hvar hann
geti fengið hann. Hann getur látið bóndanum í té uppdrætti
og ráðleggingar, þegar hann ætlar að byggja sér hús, hlöðu.
alifuglahús, fjós o.s.frv. Ilann getur stofnað umbóafélög í
smjörgerð, kallað saman fundi þar sem bændur geta komið
saman og rætt mál sín. Hann getur stofnað eggjasöludeildir,
stöðvar til þess að fita alifugla o.s.frv., og séð um markað fvrir
afurðir. Þeir geta hjálpað til þess að stofna drengja og stúlkna
klúbba í sveitaskólum; gefið upplýsingar í því að stjórna vél-
um, rækta alifugla, framleiða smjör, griparækt o. fl. Þeir geta
hjálpað til þess að stofna framræzlufélög, þar sem þess þarf.
Þeir get»gefið eða útvegað allar nauðsynlegar upplýsingar frá
búnaðarskólum og tilraunabúum. Þetta eru að eins fáein
atriði af því, sem héraðsfulltrúar geta aðstoðað við.
Drengja og Stúlku Klúbbar
Yfir hundrað slíkra klúbba eru í fylkinu nú sem stendur
og hepnast þeir ágætlega vel. Þar fá piltar og stúlkur áhuga
fyrir búnaðarstörfum. Þar læra þau beztu aðferðir og þar
fá þau áhuga fyrir verðlauna sýningum sumrinu á hverju ári.
—Klúbbarnir eru stofnaðir í sambandi við skólana. Piltarnir
og stúlkurnar geta tekið þátt í hvaða samkepni sem er, og þau
sem vinna í hverjum klúbb keppa. við vinnendur í öðrum hér-
uðum fyrir aðal verðlaunúnum. Meðal þess, sem piltar og
stúlkur taka þátt í og geta unnið verðlaun fyrir, er hveitirækt,
maís- og hafrarækt, svínarækt og kálfarækt, garðyrkja, ali-
fuglarækt, matreiðsla, fata tilbúningur, niðursuða og matar-
verndun, smjörgerð, blómarækt, fljótaskrift o. fl. Búnaðar-
deildin og mentamáladeildin hjálpa til í þessu verki með því að
leggja til ýmislegt, er á þarf að halda ókeypis með sérstökum
skilyrðum og með því móti, að umsjón sé höfð yfir klúbba-sýn-
ingum, þegar verðlaun eru gefin. Hver einasti mentaskóli í
Manaitoba ætti að hafa pilta og stúlkna klúbb.
Heimilis Hagfrœðisfélög
Manitoba stjórnin og búnaðarskólin vita það, að störf
kvenfólksins á landinu og á bændabýlunum eru alveg eins mik-
ils virði eins og það sem karlmenn gera, og að kvenfólkið þarf
aðstoðar við verk sín ekki síður en þeir.
Heimilis hagfræðisfélög eru fyrir kvenfólkið það sem bún-
aðarfélögin eru fyrir karlmennina. Félögin halda fundi að
minsta kosti einu sinni í mánuiði, læra og fræðast um hattagerð,
fatasaum, matreiðslu, barnahjúkrun og önnur kvenna verk.
Útifræðsludeild Manitoba búnaðarskólans veitir allar mögu-
legar upplýsingar um stofnun slíkra félaga, og veitir allar leið-
beiningar sem þarf viðvíkjandi fundum. Skólinn hefir einnig
séð um stutta kenslu í hattagerð, fatasaumi, barnahjúkrun,
matargerð og niðursuðu ávaxta.
Stuttur fræðslutími
Fyrir fólk, sem ekki getur komist að heiman til þess að
fara til Winnipeg og ganga á búnaðarkólann, en vill þó læra
eitthvaíj. það, sem skólinn kennir í sérstökum efnum, hefir svo
verið til hagað, að kensla verði gefin með aðstoð æðri skólanna
til og frá í fylkinu.
Tveir stuttir kenslutímar hafa verið ákvarðaðir í þessum
tilgangi og ýms atriði eni þar kend. Fyrst er tveggja til
þriggja vikna kenslutími, þar sem ýmislegt er kent, þar á meðal
að stjórna gasvélum, griparækt, jarðrækt, kynbætur og fóður-
blöndun, smjörgerð og mjólkurmeðferð, alifuglarækt og garð-
rækt, byggingar, trésmíði, matreiðsla, fatasaumur hattagerð,
heimahjúkrun, niðursuða og matvælavernd. 1 öðru lagi einnar
viku kensla, þegar að eins eitt eða tvö atriði eiga að lærast.
Þessir stuttu kenslutímar á næsta skólahúsi geta verið hve-
nær sem hentugast þykir og 20 nemendur fást. Allar upplýs-
ingar viðvíkjandi þessum stuttu kenslutímum fást hjá búnaðar-
deildinni eða fylkisstjórninni, ef skrifað er eftir þeim.
Bréfaviðskifta kensla
Hver ungur piltur eða stúlka, sem vill auka þekkingu sína
í búnaði, getur notið aðstoðar búnaðarskólans þó hann geti ekki
komið þangað. Það fæst gegn um bréfaskriftir. Þessi kensla
er alveg ókeypis, sem stendur. 1 þessari kenslu er jarðrækt,
meðferð mjólkur og smjörgerð, garðrækt, kvikfjárrækt, ali-
fuglarækt, uppdrátarlist til bygginga o.fl..—Fyrir stúlkur og
ungar konur samskonar kensla í matreiðslu, heimahjúkrun, lín-
drætti, o.s.frv. Ekki þarf annað en skrifa til útikenslu búnað-
arskólans í Manitoba í Winnipeg. og verða þá allar upplýsingar
sendar.
Myndasýningar og^Fyrirlestrar
Ef góð skuggamyndavél er til í nánd við yður, þá er hér
tækifæri til þess að hagnýta sér hana til nota. Búnaðarskólinn
hefir útbúið mörg myndagler með allskonar upplýsingum fvrir
Manitobabændur, og eru þau lánuð ókeypis á hvaða alþýðu-
skóla sem er, hverju búnaðarfélagi eða heimils hagfræðisfélagi.
Mynda^lerunum fylgja upplýsingar og skýringar, sem hver
meðalgreindur maður getur notað til þess að lialda með þeim
fyrirlestra. Verið er að útbúa myndagler og fyrirlestra um
það er hér segir: Hestn, mjólkurkýr, sláturgripi, svín, sauðfé.
alifugla, garðyrkju, jarðveg, kornbindaraskýli, búnaðarskól-
ann, rjómabú, niðursuðu og matarvarnir, fóðurgevmsln og
margt fleira.
AUK ÞESS, SEM AD OFAN ER TALID, ER ÞAD MARGT ANNAD, SEM MANITOBA BÚNADARSKÓLINN GETUR
GERT FYRIR BÆNDURNA í FYLKINU. FORSTÖDUMADUR SKÓLANS GEFUR MED ÁNÆGJU ALLAR UPPLYSING-
AR, SEM EFTIR ER ÓSKAD. ADDRESSID öt,L BRJEF YDAR TIL
EXTENSION SERYICE
MANITOBA AGRICULTURAL COLLEGE
WINNIPEG, MANITOBA
9