Lögberg - 21.05.1953, Side 4

4
LÖGBERG, FIMTUDAGINN, 21. MAÍ, 1953
Lögberg
Ritstjóri: EINAR P. JÓNSSON
Gefíð öt hvern fimtudag af
THE COLUMBIA PRESS LIMITED
695 SARGENT AVENUE. WINNIPEG, MANITOBA
J. T. BECK, Manager
Utanáskrift ritstjórans:
EDITOR LÖGBERG, 695 SARGENT AVENUE, WINNIPEG, M.AN.
PHONE 74-3411
Verð $5.00 um árið — Borgist fyrirfram
The ' Logherg" is printed and published by The Columbia Press Ltd.
695 Sargent Avenue, Winnipeg, Manitoba, Canada
Authorlzed as Second Class Mail, Post Office Department, Ottawa
Hugleiðingar um stjórnmál
Stjórn sú, sem með völd hefir farið í Manitobafylki um
langt skeið undir forustu Mr. Campbells, gengur til kosn-
inga eins og vitað er þann 8. júní næstkomandi, og ætti, ef
alt skeikar að sköpuðu, að vera hárviss um glæsilegan
sigur; hún hefir í flestum efnum hreinan skjöld og þarf
ekkert að hylja.
Engin stjórn gerir svo öllum líki og það hefir Campbell-
stjórnin heldur ekki gert og nægir í því efni að vitna í
fálm fiskiveiðaráðuneytisins í garð fiskimanna og fiskiðn-
aðarins í heild; vonandi ræðst þó svo fram úr þessu vanda-
máli, að allir aðiljar megi sæmilega vel við una, enda hafa
nokkrar ráðstafanir þegar verið gerðar í úrbótaátt; í flest-
um tilfellum öðrum hefir stjórnin reynst framtakssöm og
víst er um það, að landbúnaðurinn á henni margt og mikið
gott upp að unna.
Mr. Campbell getur verið harður í horn að taka ef því
er að skipta; hann átti ekki sjö dagana sæla í fyrra meðan
deilan út af raforkumálunum stóð sem hæzt; en svo fóru
þó leikar, að hann hafði sitt fram með samhljóða stuðningi
allra þingflokka; óx vegur hans mjög í þeirri viðureign, og
þetta mikla velferðarmál, eitt út af fyrir sig, ætti að nægja
til að tryggja stjórn hans endurkosningu.
Hvaða flokkar ættu að taka við af Mr. Campbell og
Liberal-Prógressívflokknum? íhaldsmenn með Mr. Willis
í broddi fylkingar? Hann átti um hríð sæti í samsteypu-
stjórn Mr. Campbells og sýndist kunna þar vel við sig unz
persónumetnaðurinn steig honum svo til höfuðs, að hann
sagði skilið við garðana í gröf, hugðist að leggja undir sig
fylkið og komast sigri hrósandi í stól forsætisráðherrans;
að honum verði kápan úr því klæðinu munu harla litlar
líkur til. Mr. Willis er engan veginn öfundsverður af hinu
pólitíska hlutverki sínu; nú finnur hann sig knúðan til að
úthúða Mr. Campbell fyrir þá hluti, sem hann lagði blessun
sína yfir meðan hann átti sæti í samsteypustjórninni; af-
staða hans er hvorttveggja í senn afkáraleg og brjóstum-
kennanleg.
Að flokkur C. C. F.-sinna, þó sprautur hans þeyti
þokulúður sinn í erg og gríð, magnist svo að kjörfylgi, að
hann fái myndað ráðuneyti, kemur vitaskuld ekki til nokk-
urra mála, enda hitt líklegra, að hann fækki fremur en
fjölgi þingsætum sínum.
En hvað er um Social Credit, uppvakninginn frá dögum
Mr. Brackens? Eru líkur á að hann haldi veglega innreið
sína í stjórnarsetrið á Broadway? Slíku mun naumast þurfa
að gera skóna; þessi flokkur er eins og allir vita grímu-
klæddur afturhaldsflokkur, þó hann beri nokkura helgi-
slepju utan á sér og telji sig hreinan af allri synd.
Eini flokkurinn, sem komið getur til mála að kjós-
endur sameinist um, er Liberal-Prógressív flokkurinn með
Mr. Campbell í fylkingarbrjósti.
*
Það er þessi flokkur, sem barist hefir nótt sem nýtan
dag gegn hækkun farmgjalda; það er þessi flokkur, sem
hefir svo bætt hagsmunasambandið milli fylkisstjórnar og
bæja- og héraðsstjórna, að skattar hafa hvergi verið hækk-
aðir og fasteignaskattur í Winnipeg verið lækkaður; og
það er þessum flokki að þakka og núverandi stjórn, að fjár-
veitingar til vegabóta, heilbrigðismála og mentamála eru
nú langtum hærri en nokkru sinni fyr, og það er líka þessum
flokki að þakka og ágætri forustu hans, að fjárhagur fylkis-
ins stendur nú á traustari grunni en dæmi voru áður til,
jafnframt því sem jafnt og þétt hefir verið grynnt á skuld-
um fylkisins.
Raflýsingum um sveitir fylkisins hefir miðað svo ört
áfram, að á betra verður ekki kosið, og verður þess nú ekki
langt að bíða, að rafmagn komist inn á hvert einasta og eitt
heimili, og þá er einnig vonandi, að íslenzkir kjósendur í
Gimli kjördæmi og St George kjördæminu gleymi því ekki,
er að kjörborðinu kemur þann 8. júní, hverjum þeir eiga að
þakka að bílaferjurnar, er teknar verða í notkun í sumar;
önnur tengir Mikley við meginlandið, en hin verður við
The Narrows við Manitobavatn. Þessar miklu og þörfu
samgöngubætur má fyrst og fremst þakka þingmönnum
áminstra kjördæma, þeim Dr. S. O. Thompson og Chris
Halldórssyni, auk þess samúðarríka eyra, er stjórnin veitti
málflutningi þeirra.
Margt fleira mætti til telja Campbellstjórninni til
ágætis þó hér verði nú látið staðar numið að sinni.
Dónarfregnir
Konráð Eyjólfsson var fseddur
þann 6. sept. 1866; hann lézt að
Churchbridge, Sask., þ. 3. marz,
86 ára gamall. Konráð kom til
Canada frá Kálfárdal í Laxár-
dal í Húnavatnssýslu árið 1887
og settist að í grend við bæinn
Churchbridge. — Á systkinum
hans, sjö, veit ég engin deili,
nema Elísabetu, ekkja, Mrs.
Sigurðsson, sem kom vestur um
aldamótin með fimm ung börn.
Elísabet varð hundrað ára gömul
s.l. mánuð. Hún hefir verið hjá
bróður sínum og bróðursyni flest
árin hér vestra.
Árxð 1887 giftist Konráð Guð-
björgu Sveinsdóttur; hún var úr
sömu sveit og hann á íslandi.
Hann misti hana eftir stutta
sambúð. Þau eignuðust eina
dóttur, Mrs. K. Sigurdson, að
Langly Prairie, B.C.
Árið 1892 kvæntist Konráð í
annað sinn Maríu Guðbrands-
dóttur Sæmundssonar frá
Churchbridge systur Sigurðar
Guðbrandssonar frá Baldur,
Man. Þau eignuðust 12 börn, sex
dóu í æsku. Þau, sem lifa for-
eldra sína, eru: Kristbjörg, Mrs.
K. Johnson frá Tantallon, Sask.;
Dísborg, Mrs. Headman, Breden-
bury, Sask.; Árni í Port Arthur,
Ont.; Jón og Guðbrandur, bænd-
ur við Churchbridge, og Gísli í
Port Moody, B.C.
Konráð var einn af okkar hug-
prúðu, tignu og góðu mönnum,
samkvæmur sinni fegurstu trú-
arhugsjón, gamalmenni, sem
allir dáðust að. Prúð og göfug
gamalmenni hafa eilífðar áhrif
á samferðafólk sitt, eldri og
yngri. í kyrþey sá þau sæði
eilífra verðmæta, það vex í reiti
helgra minninga og göfugrar
sálar. Konráð var einn af þess-
um mönnum og áhrif hans eru
víðtæk. Konráð tók sér heimili,
þar sem kallað var á Hólnum,
nokkrar mílur norður af Church-
bridge. Heimilið var mitt í stórri
bygð og miðstöð ferðamanna úr
öllum áttum. Það var sjálfsagt
að koma við hjá Konráð á Hóln-
um. Þar mættu allir bróðurhug,
sérstakri gestrisni og hjálp —
þeir, sem þess þurftu með. Það
mun enginn hafa komið til Kon-
ráðs og Maríu á Hólnum, sem
ekki fékk með sér veganesti sem
mörgum varð blessunarríkt í
blíðu og stríðu. Heimilið var
gleðiheimili; þar var sungið og
skemt sér. Heimilið var andríkt,
tilbeðið í anda og sannleika. Við
höfum séð á bak einum af okkar
beztu mönnum. Seinustu árin
var Konráð hjá syni sínum, Guð-
brandi og konu hans Margréti;
þar naut hann ástríkis og *um-
hyggju barna sinna og vina. Hús-
kveðja fór fram á heimilinu og
útförin frá Concordia kirkjunni
þ. 6. marz. Séra Jóhann Fred-
riksson jarðsöng.
Drottinn blessi minningu þessa
góða og göfuga manns.
J. F.
Ingibjörg Jakobína Oliver var
var fædd þ. 2. marz 1875; hún
lézt þ. 27. apríl s.l. að Baldur,
Man., 78 ára gömul. Ingibjörg
var fædd heima á íslandi; for-
eldrar hennar voru hjónin Jón
Jónsson frá Kraunastöðum í S.-
Þingeyjarsýslu og Sigurborg
Jónsdóttir úr sömu sveit.
Ingibjörg giftist eftirlifandi
manni sínum Ólafi Jónssyni
Oliver frá Húsavík í S.-Þing-
eyjarsýslu þ. 13. maí 1898. Þau
komu til Ameríku aldamótaárið;
settust fyrst að við Brú, fluttu
tveim árum seinna til Baldur og
áttu þar heima í rúm 50 ár. Þeim
varð sjö barna auðið, tvö dóu í
æsku; fjögur eiga heima á
Baldur: Sigurborg, Mrs. Magnús-
son; Helga, Mrs. J. Davíðsson;
Jónas og Þóra í foreldrahúsum;
Baldur á heima í Souir, Man.
Barnabörnin eru 9.
Eins og áður er getið, áttu þau
hjónin heima á Baldur í rúm 50
ár; þau voru því í hóp frum-
byggjanna og tóku drjúgan þátt
Fréttir fré ríkisútvarpi íslands
í að byggja bæinn og bygðina.
Þau voru í lúterska söfnuðinum
frá byrjun, voru skyldurækin og
lögðu til sinn skerf. Sigurbjörg
var á fyrsta stofnfundi kven-
félags lúterska safnaðarins og
starfandi meðlimur þess meðan
kraftar entust. — Félagssystur
hennar'viðurkenndu starf henn-
ar með því að gjöra hana að
heimurðsmeðlimi. Börn þeirra
og vinir héldu upp á 50 ára hjú-
skaparafmæli þeirra árið 1948.
Börn hennar og heimili bera
vott um elskulega móður og eig-
inkonu; nágrannarnir bera henni
fögur ummæli. Það er orðstír,
er aldrei deyr. Við þökkum henni
fyrir fylgdina í öll þessi ár,
gangan varð léttari af því þú
varst með. Hinnar látnu er sárt
saknað úr vinahópnum. Hafðu
þökk fyrir alt og alt. Húskveðja
fór fram á heimilinu og jarðar-
förin frá Immanuel kirkjunni að
Baldur þ. 29. apríl. Sóknar-
presturinn jarðsöng.
Ingigerður Sveinsson, móðir
Mrs. Ingi Helgason frá Glenboro,
lézt á heimili dóttur sinnar þ. 24.
apríl. Jarðarförin fór fram frá
lútersku kirkjunni á Gimli mánu
daginn þ. 27. apríl. Séra H. Sig-
mar og séra S. Ólafsson jarð-
sungu. — Æviminning hinnar
látnu verður rituð af kunnugum
seinna.
Guðbrandur Breiðfjörð andað-
ist snögglega á heimili sínu við
Churchbridge þ. 6. maí s.l. Hann
var fæddur á íslandi þ. 24. sept.
1882. Foreldrar hans voru hjónin
Sigurður Magnússon frá Hamars
landi í Reykhólasveit við Breiða-
fjörð og Kristbjörg Guðbrands-
dóttir Sæmundssonar frá Firði
í Múlasveit. Guðbrandur átti
einn bróðir, séra Magnús Breið-
fjörð, d. 1946. Ekkja Guðbrandar
er af sænskum ættum, Viola
Elenor Svedberg; börnin eru öll
á unga aldri, Magnús, Sigurður,
Kristín, Eric, Viola og Bryan.
Drengirnir Magnús og Sigurður
eiga að fermast í sumar. Það er
þung sorg að missa föðurinn frá
svo mörgum ungum börnum, og
kringumstæður erfiðar.
„Drottinn, græddu djúpu sárin,
Drottinn, þú átt ráðin nóg.
Lít á ekkjutregan, tárin, ,
tæmdu þennan harmasjó.“
Drottinn blessi ekkjuna og
börnin.
Húskveðja fór fram frá heim-
ilinu og jarðað frá Þingvalla-
kirkjunni þ. 8. maí. Séra Jóhann
Fredriksson frá Glenboro jarð-
söng.
Árni Jónsson var fæddur þ. 2.
ágúst 1873. Hann dó á elliheimil-
inu Betel þ. 6. maí, 79 ára gamall.
Foreldrar hans voru hjónin Jón
Jónsson og Solveig Jónsdóttir
frá Þrándarkoti í Laxárdal í
Dalasýslu. Systkini hans voru
fimm. Systir og bróðir munu
vera á lífi heima á íslandi, og
Kristján Johnson í Bredenbury,
Sask.
Árni heitinn kom til Canada
árið 1883, var um stund í Win-
nipeg, og um tíma í Church-
bridge, Sask. Þar kvæntist hann
Hólmfríði Sigurveigu Gillis og
misti hana eftir stutta sambúð.
Þau eignuðust tvær dætur:
Sigurveigu, sem er látin, og
Hólmfríði til heimilis í Toronto,
Ont. — Húskveðja var flutt af
sóknarprestinum á Betel. Kveðju
orð voru flutt í lútersku kirkj-
unni að Baldur og jarðsungið í
kirkjugarðinum að Grund þann
11. þ. m. Sóknarpresturinn
þjónaði.
Lilja Bárðarson lézt á Al-
menna sjúkrahúsinu í Winnipeg
þ. 9. maí s.l. Hún var fædd að
Grund í Argylebygð þ. 31. marz
1902. Foreldrar hennar voru
hjónin Sigmundur Bárðarson og
Helga Eiríksdóttir frá Rauðanesi
í Borgarhreppi í Mýrasýslu. Þau
voru frumbyggjar hér í bygð-
inni, komu til Canada 1886. —
Framhald af bls. 1
vélum og tækjum í Banda-
ríkjunum.
☆
Fulltrúar íslands á ráðgjafar-
þingi Evrópuráðsins, alþingis-
mennirnir Jóhann Þ. Jósefsson,
Rannveig Þorsteinsdóttir og
Stefán Jóhann Stefánsson fóru
til Strassborgar á þriðjudaginn
og sitja fundi þingsins.
☆
Dr. Darko Cernej, hinn ný-
skipaði sendiherra Júgóslava á
Islandi afhenti nýlega forseta ís-
lands trúnaðarbréf sitt við há-
tíðlega athöfn að Bessastöðum,
að viðstöddum utanríkisráð-
herra.
☆
Landsfundi Sjálfstæðisflokks-
ins, sem haldinn var í Reykja-
vík, lauk á sunnudagskvöldið og
var þá kosið í miðstjórn og voru
þeir allir endurkjörnir einróma
Ólafur Thors, Bjarni Benedikts-
son, Gunnar Thoroddsen, Jó-
hann Þ. Jósefsson og Pétur
Ottesen. Ólafur Thors var endur-
kjörinn formaður flokksins.
☆
Landsfundur Þjóðvarnarflokks
íslands var haldinn í Reykjavík
dagana 2. og 3. maí. Var þar
mörkuð stefna flokksins í ein-
stökum málum, kjörin miðstjórn
og flokksráð. Formaður er Valdi-
mar Jóhannsson ritstjóri.
☆
L^ndssamband framhaldsskóla-
kennara hefir í samráði við
fræðslumálastjórnina ákveðið að
efna til námskeiðs og sýningar í
vor, og er þar sérstaklega miðað
við þarfir kennara í náttúru-
fræði og landafræði. Er tilgang-
urinn sá að gera tilraun til þess
að auka lifandi fræðslu í þeim
námsgreinum, sem mest snerta
atvinnuhagi íslendinga.
☆
Nýlega er lokið aðalfundi
Samlags skreiðarframleiðenda.
Heildarframleiðsla á árinu, sem
leið var 1857 lestir og var fram-
leiðsla þessi seld fyrir 16,3 milj-
ónir króna til Þýzkalands, Eng-
lands, Hollands, Belgíu og
Noregs. í ár er mikið magn af
fiski verkað á þennan hátt og
hefir þegar verið samið um sölu
á töluverðum hluta þess fisks,
sem nú er í verkun.
☆
Ríkið hefir með tilhjálp Odd-
fellowreglunnar látið reisa fá-
vitahæli í Kópavogi og var það
Lilja heitin var á unga aldri, er
hún misti foreldra sína og var
uppalin af elztu systur sinni,
Ólínu, sem var henni sem bezta
móðir. Systkinin voru ellefu;
þrjú dóu í æsku, Sigurður og
Mrs. J. Breiðdal dóu árið 1923.
Þau sem syrgja systur sína eru:
Ólína, Guðbjörn og Eiríkur á
föðurleifðinni; Jórunn, Mrs.
McLeod, að Shoal Lake, Man.;
Jón, bóndi við Baldur, og Felix
til heimilis í St. Vital, Man. —
Jarðarförin fór fram frá Grund-
ar kirkjunni þ. 13. maí að fjöl-
menni viðstöddu. Sóknarprest-
urinn jarðsöng.
formlega tekið í notkun í fyrra-
dag. 1 húsi þessu er rúm fyrir
rösklega 30 vistmenn. Hæli
þetta kostaði rúmlega tvær milj-
ónir króna og af þeirri upphæð
lagði Oddfellowreglan fram
825.000 krónur, en það er bruna-
bótafé það, sem reglan fékk, er
Laugarnesspítali brann. Talið er,
að þörf sé þriggja fávitahæla til
viðbótar af líkri stærð og þetta
hæli, og er þeim öllum ætlaður
staður í Kópavogi.
☆
Seint í þessum mánuði er
væntanlegt til landsins skip, sem
dæla á skeljasandi upp úr Faxa-
flóa og flytja til Akraness á at-
hafnasvæði semmentsverksmiðj-
unnar, sem þar er fyrirhuguð.
Unnið er að því, að gera þar þró
undir skelja sandinn.
☆
Árni Helgason ræðismaður ís-
lands í Chicago hefir gefið Hafn-
arfjarðarkirkju tvo fagra kerta-
stjaka til minningar um for-
eldra sína, Sigríði Jónsdóttur og
Helga Sigurðsson, er bjuggu í
Hafnarfirði. Biskup íslands af-
henti gripi þessa við guðsþjón-
ustu í kirkjunni s.l. sunnudag,
en sóknarpresturinn séra Garðar
Þorsteinsson tók við gjöfinni og
minntist gefandans og foreldra
hans.
☆
Árshátíð nemendasambands
Verzlunarskólans var haldin síð-
asta apríl og var um leið kveðju-
samsæti fyrir Vilhjálm Þ. Gísla-
son útvarpsstjóra, fyrrverandi
skólastjóra verzlunarskólans, og
konu hans. Gamlir nemendur
færðu honum að gjöf útskorinn
öndvegisstól, sem Ríkarður Jóns-
son hefir gert. Framhald á bls. 5
Verndið
velsæld
Manitoba
HLUSTIÐ Á!
Látið eigi undir höfuð
leggjast, að hlusta á þessi
mikilvægu útvarpserindi,
er fjalla um staðreyndir
(ekki aðeins loforð), varð-
andi athafnir Campbell-
stjórnarinnar—
Standard Time
MAY 25
CKY, Winnipeg 8.55 p.m.
CKX, Brandon 6.30 p.m.
CKDM, Dauphin___ 6.05 p.m.
MAY 26
CKRC, Winnipeg 8.25 p.m.
CKX, Brandon 11.10 a.m.
CKDM, Dauphin 10.55 a.m.
MAY 27
CKSB, St. Bon. 6.30 p.m.
CKX, Brandon 9.00 p.m.
CKDM, Dauphin , 6.05 p.m.
MAY 28
CKY, Winnipeg 8.35 p.m.
CKX, Brandon 8.00 p.m.
CKDM, Dauphin 6.05 p.m.
MAY 29
CKY, Winnipeg 8.55 p.m.
CKX, Brandon 10.30 p.m.
CKDM, Dauphin 6.05 p.m.
MAY 30
CKRC, Winnipeg 3.55 p.m.
(Clíp and keep for reference)
Styðjið Liberal Progressive
Endurkjósið
CAMPBELL
stjornma
Published by Liberal Progressive Ass’n
Kjósendur í St. Andrews
kjördæmi!
Fylkið liði um
THOMAS P. HILLHOUSE
við fylkiskosningarnar þann 8. júní næslkomandi og tryggið
með því endurkosningu CAMPBELLSSTJÓRNARINNAR.
MR. HILLHOUSE hefir reynst samvizkusamur og ábyggi-
legur þingmaður.
. Birt a8 tilhlutan Liberal-Progressive samtakanna í St. Andrews
kjördæmi.