Lögberg - 17.02.1955, Blaðsíða 1

ANYTIME
ANYTIME
— ANYWHERE
CALL
TRANSIT - SARGENT
SILVERLINE TAXI
5 Telephone Lines
20-4845
— ANYWHERE
CALL
TRANSIT - SARGENT
SILVERLINE TAXI
5 Telephone Lines
20-4845
68. ÁRGANGUR
WINNIPEG, FIMMTUDAGINN 17. FEBRÚAR 1955
NÚMER 7
Lögberg býður erindreka og gesti velkomna á ársþing Þjóðræknisfélagsins
Herbert Júlíus Brandson
Fæddur 29. desember 1920 — Dáinn 5. febrúar 1954
Elis Magnús Brandson
Fæddur 15. nóvember 1879 — Dáinn 18. maí 1953
Þau horfðu ánægð á hópinn sinn,
og hann var þeim báðum góðum. —
En barnalánið er lykillinn
að láni föður og móður.
Þó öll séu börnin elskuð jafnt,
það aldrei sér dyljast lætur,
að viðkvæmast móður verður samt,
ef veiklaða barnið grætur.
Nú tveir eru feðgarnir horfnir heim,
en harmþrungin kona og móðir
í andvöku starir eftir þeim
og undrast hvað þeir voru góðir.
Um drenginn ykkar, sem horfinn heim
nú hvílir með föður sínum,
þú hugsar, móðir, og heldur þeim
að hjarta í muna þínum.
Og móðirin talar við sjálfa sig
og segir: „Já, dómur þungur:
að fá ekki að vernda veikan þig,
sem varst svo glaður og ungur.
Af tilveru byrðinni hlutdeild þá hlaut,
að hún yrði tæplega borin.
En lífið á eitthvað, sem líknar í þraut
og léttir oss erfiðu sporin“.
Nú horfir hún þakklát á hópinn sinn,
sem henni var altaf svo góður.
Á undan þér sofnaði sonur þinn. —
Hvað sælla gafst elskandi móður?
Sig. Júl. Jóhannesson
Forseti Þjóð-
ræknisfélagsins
Dr. Valdimar J. Eylands
er setur hið þrítugasta og sjötta
ársþing Þjóðræknisfélags Islend-
inga í Vesturheimi kl. 10 árdegis
á mánudaginn kemur.
Stjórnarskipti
í Noregi
Þau tíðindi hafa gerzt á vett-
vangi norskra stjórnmála, að
Oscar Torp hefir látið af stjórn-
arforustu, en við af honum hefir
tekið Einar Gerhardsen fyrrum
forsætisráðherra; þeir teljast
báðir til sama flokks og meiri-
hluti ráðherranna verður sá
sami og áður.
Gullbrúðkaup
Á miðvikudaginn, hinn 16.
þ. m., áttu gullbrúðkaup þau
Halldór Árnason frá Höfnum á
Skagaströnd og frú Rósa Pálína
Sigurðardóttir Árnason, Ste B,
Patricia Court hér í borginni.
Gullbrúðurin er ættuð úr Vatns-
dal. Halldór er nú kominn fast að
níræðu, en kona hans eitthvað
tveimur eða þremur árum yngri.
Halldór er greindur vel og að
eðlisfari mikill gleðimaður, og
frú hans hið mesta valkvendi;
þau hafa lengi dvalið hér um
slóðir og eignast álitlegan hóp
trúnaðarvina; gullbrúðhjónin
búa bæði við hnignandi heilsu
og halda sig þar af leiðandi með
öllu heima fyrir; í tilefni af gull-
brúðkaupinu heimsóttu þau
hjónin þá um daginn ýmsir nán-
ustu vinir þeirra og samferða-
menn, er þökkuðu þeim góða
samfylgd og fluttu þeim árnað-
aróskir.
Sonur gullbrúðgumans af
fyrra hjónabandi er Sigfús Hall-
dórs frá Höfnum, fyrrum rit-
stjóri Heimskringlu.
Um 20 bátar gerðir út
frá Sandgerði í vetur
Áttján bátar verða gerðir út á
l,nuveiðar frá Sandgerði í vetur
víðsvegar að af landinu. Tveir
heimabátar róa þar að auki þar
til loðnuveiðar byrja síðast í febr
úar eða byrjun marz.
Tevir bátar reru héðan í dag,
Elín og Andvari, og öfluðu vel,
6-10 skipund. Þeir lögðu hér rétt
fyrir utan og voru með stutta
línu.
Vonast menn til að bátarnir
geti sem fyrst hafið róðra þar
sem blíða er nú og aflaútlit gott.
Bretadrottning
heimsækir Noreg
Nú hefir það formlega verið
gert heyrinkunnugt í London, að
Elizabeth Bretadrottning heim-
sæki Noreg, ásamt manni sínum
hertoganum af Edinburgh, dag-
ana 24.-26. júní næstkomandi.
Hákon Noregskonungur hlutað-
ist til um heimsóknina, en þá
hefir hann setið hálfa öld að
völdum.
Drottningin og maður hennar
sigla á skipinu Britania til
Oslóar.
Hækkuð útgjöld
til hervarna
Norska þingið hefir nýlega af-
greitt fjárlög sín fyrir árið 1955
og nema útgjöldin samkvæmt
þeim til hervarna á fjárhagsárinu
900 miljónum króna; er þetta all-
miklu stærri upphæð en sú í
fyrra; þingflokkarnir voru á
einu máli um það, að eins og nú-
verandi viðhorfi á vettvangi al-
þjóðamálanna væri háttað,
mætti fjárveitingin eigi lægri
vera.
Flytur ræðu ó
lokasamkomu
Dr. Richard Beck
er flytur aðalræðuna á lokasam-
komu þjóðræknisþingsins í Sam-
bandskirkjunni.
Flytur aðalræðu
Frú Marja Bjornson
er flytur aðalræðuna á Fróns-
mótinu næsta mánudagskvöld;
er frúin vel máli farin og hefir
mikið komið við sögu Vestur-
íslendinga.
Akureyrarpollur lagður —
menn renna fyrir þorsk
niður um ís
Frá fréttaritara Tímans
á Akureyri.
Lagísinn á Pollinum færist nú
utar og utar með degi hverjum,
og er nú kominn út undir Odd-
eyri. Er kominn ís fram undir
Torfunesbryggju, en skip geta.
þó hæglega brotið hann enn, ér
þau fara eða koma að bryggju.
Menn á dorg
Töluverða mannaferð má nú
sjá á ísnum. Bæði er þar fólk á
skautum, og líka má sjá menn á
dorg, þótt það sé allkaldsamt í
þessu veðurfari. Það er annars
gott og gamalt „sport“ Akur-
eyringa, þegar fjörðinn leggur
út á móts við Oddeyri eða
lengra, að fara á dorg og renni
fyrir þorskinn, og er sagt, að
stundum fiskist svolítið með
þeim hætti upp um ísinn. Mun
það fátítt annars staðar, að þessi
veiðiaðferð sé reynd.
í gær mátti sjá nokkra menn
sitja við dorg á ísnum, en ekki
er vitað um aflabrögð.
—TÍMINN, 16. jan.
Or borg og bygð
Gullna hliðið
Eins og þegar hefir kvisast
meðal íslendinga hér í borg og
víðar, þá hafa nokkrir ungir Is-
lendingar, nýlega komnir frá
íslandi, verið að æfa þætti úr
hinu merka og vinsæla leikriti
Davíðs Stefánssonar frá Fagra-
skógi, Gullna hliðinu.
Höfundur þessa snildar leik-
rits á marga aðdáendur hér, ekki
síður en heima á ættjörðinni, en
þar er hann nú mest dáða og
vinsælasta skáldið. Islendingar
hér munu því vafalaust bíða þess
með óþreyju að sjá þetta leikrit,
en það hefir alls staðar, þar sem
það hefir verið sýnt, vakið fá-
dæma hrifningu áhorfenda.
1 sambandi við vætanlega
leiksýningu hafa fjórar ungar
stúlkur, að heiman, æft söng
með „gítar“undirleik, og munu
þær koma fram og skemmta á
sýningarkvöldum.
Ákveðið hefir verið, að frum-
sýning Gullna hliðsins verði í
byrjun næsta mánaðar, en það
verður nánar auglýst síðar.
Hinn 4. þ. m„ lézt að heimili
sínu á Point Robert, Wash., frú
Ásta Norman, kona Jóhanns
Normans þar í bænum, mikilhæf
dugnaðarkona, tíðum nefnd
Ásta málari, og var hún víst
fyrsta, íslenzkan konan, sem tók
sveinsbréf í málningariðn og gaf
sig lengi við húsamálningum;
auk manns síns lætur frú Ásta
eftir sig þrjú börn; systkini henn-
ar, sem Lögbergi er kunnugt um
að séu á lífi, eru hinir þjóðkunnu
bræður Ársæll og Magnús Árna-
synir í Reykjavík og frú Ingi-
björg kona dr. Stefáns Einars-
sonar í Baltimore.
☆
Séra Guttormur Guttormsson
frá Minneota, Minn., var staddur
í borginni í fyrri viku; var það
mikið ánægjuefni, að eiga viðtal
við þenna fróða og gáfaða mann.
☆
Mr. Franklin Johnson skáld úr
Geysisbygð kom til borgarinnar
á þriðjudaginn í vikunni, sem
leið í heimsókn til móður sinnar
frú Maríu Johnson, sem átt
hefir undanfarið við heilsuleysi
að stríða.
To Address Concert
Judge Ásmundur Benson
Judge Asmundur Benson, of
Rugby, North Dakota, will be
guest speaker at the Icelandic
Canadian Club Annual Concert,
in the First Lutheran Church,
February 22nd.
Judge Benson was born at
Akra, N.D., in 1885, but at an
early age he moved with his
parents to the Mouse River dis-
trict, in that state. He was one
of the first of the sons of the
pioneers of that district to pro-
ceed to a university education.
Graduating in law, in 1915, he
opened an office in Bottineau,
where he pratised till April,
1954, when Governor N. Bruns-
dale appointed him judge of the
Second Judicial District, to com-
plete an unexpired term. He
was returned without opposition
at the elections held in Novem-
ber, 1954.
Judge Benson has given out-
standing community service as
member of the Bottineau Town
Council for ten years and as
member of the Board of Dir-
ectors of the Icelandic Old Folks
Home, at Mountain, N.D., since
its foundation. He was state’s
attorney for four years.
Hinn 2. þ. m„ lézt í Port
Arthur, Ont„ Oscar G. Jóhanns-
son, er þar hafði verið búsettur
síðustu sex árin; hann var fædd-
ur í Selkirk 2. desember 1896, en
foreldrar hans voru þau Mr. og
Mrs. Gestur Jóhannsson, lengi
búsett að Poplar Park. Hinn
látni lætur eftir sig konu sína,
Kristínu, ásamt tveimur sonum,
Oscari að Marathon og Paul í
Port Arthur, svo og tvær dætur,
Mrs. Roy Welsh, Port Arthur, og
Mrs. Toni Ostopowich í Winni-
peg; tvö systkini hans eru á lífi,
Mrs. C. Midford að Birds Hill
hér í fylkinu og prófessor J. G.
Jóhannsson, Winnipeg.
Oscar var mikill skýrleiks-
maður svo sem hann átti kyn til.
Útförin var gerð frá Our
Saviour’s lútersku kirkjunni í
Port Arthur. Rev. L. B. Likness
jarðsöng hinn 5. þ. m.
☆
Mr. Jón Pálsson óðalsbóndi að
Geysi í Geysisbygð var staddur
í borginni um miðja fyrri viku.
☆
Hinn 10. þ. m. lézt að heimili
sínu, Ste 2, River Hights Apts„
Mrs. Laura S. Pridham, 56 ára
að aldri; hún lætur eftir sig
mann sinn, Mr. Clifford
Pridham; hin látna var dóttir
Mr. og Mrs. Snorri Johnson, er
um eitt skeið bjuggu í Swan
River bygðinni. Útförin var
gerð frá Thomson’s Chapel þann
12. þ. m.
Gullbrúðkaup að Lundar
Mr. og Mrs. John Sigurðsson
Hinn 2. þ. m. áttu þau Mr. og Mrs. John Sigurðsson að
Lundar hálfrar aldar hjónabandsafmæli og var atburðarins
minst þá um daginn á virðulegan hátt í samkomuhúsi
bæjarins; var þar fjölmenni saman komið, eigi aðeins úr
heimabygð þessara vinsælu hjóna, heldur og frá Winnipeg
og víðar að. Þau John og kona hans, Ingibjörg, fædd
Hallson, voru gefin saman í hjónaband af Dr. Rögnvaldi
Péturssyni í Winnipeg 2. febrúar 1905. Þau komu ung
hingað til lands og eru bæði ættuð úr Norður-Múlasýslu.
Á undan hinum opinbera mannfagnaði komu börn gull-
brúðhjónanna sex að tölu og 15 af 18 barnabörnum þeirra
saman í veizlusalnum þeim til virðingar.
Börnin eru John, Thorsteinn og Halldór, búsettir að
Lundar, Mrs. R. Hallson og Mrs. R. Coldwell, Lundar, og
Mrs. G. W. Edwards, St. Vital.
Halldór og Pólína Árnason (Anderson)
áttu 50 ára giftingarafmæli í gœr, hinn 16. þ. m.
Sér fastna konu flestir menn
en fáir ná því láni
að njóta sælla ásta enn
þótt ellihárin gráni.
En hérna eftir hálfa öld
mér horfur á því sýnast,
að ástin verði ekki köld,
er aðrir sjóðir týnast.
Ég veit að mörgum áttum af
er ylur hingað sendur
frá bróðurhug um bylgjað haf
og breiðar meginlendur.
Og hér í ykkar heimabygð
er hópur góðra vina,
sem alhug þakkar ykkar trygð
og alla vinsemdina.
P. G.