Lögberg - 30.05.1957, Blaðsíða 1

Lögberg - 30.05.1957, Blaðsíða 1
SAVE MONEYI LALLEMAND quick rising DRY YEAST In yt Lb. Tins Makes the Flnest Bread Avallable at Tonr Favorlta Grocer 70. ÁRGANGUR SAVE MONEYI use LALLEMAND quick rising DRY YEAST In Y* Lb. Tlna Makes the Flnest Bread Avallable at Yonr Favorlte Grocer WINNIPEG, FIMMTUDAGINN 30. MAÍ 1957 Samkoma að Geysir 17. maí Það var gaman að vera að Geysir um daginn, því gleðinnar ríktu þar veizluhöld, — og það var hvert einasta sæti setið í salnum þetta umrædda kvöld. Það var leikið og sungið af lífi og fjöri svo ljómuðu andlit af hrifning og þrá, er íslenzku ljóðin og „ylhýra málið" ómaði barnanna vörum frá. Og" æskunnar framsögn í ljóði var lipur og lýsti ekki glötunarsýki né kröm, — og mér er til efs, að á íslandi sjálfu áhrifin verði eins hamingjusöm. NÚMER 22 Það kann nú að álítast öfg- ar, að halda því fram sem felst í þessum erindum. Því fer þó fjærri. Skemtunin var ein sú yndislegasta sem ég hefi verið á af þessu tagi um margra ára skeið. Flestum er ljóst, að hreinar og fagrar barna og unglinga raddir, vel þjálfaðar í fram- sögn og söng, eru hrífandi. Þegar við hjónin fórum á samkomuna að Geysir þann 17. maí, var ég sannfærður um, að við mundum skemta okkur vel, en að til eyrna okkar bærist svona hrífandi skemtun, dreymdi okkur ekki um. Það er ekki mógulegt, sök- um takmarkaðs rúms í blöð- unum okkar, að segja hér allt sem mig langar til, eða lýsa hverju atriði á skemtiskránni. Verð því að stikla á steinum og stinga við fót. Þess skal getið, að þarna sungu tveir kórar, barna- og unglingakór. 1 öðrum voru 36 börn á aldrinum frá 3ja til 10 ára og söng þessi lög. „Fuglinn í fjörunni", „Krakkar úti kátir hoppa", „Siggi var úti með ærnar í haga" og „Fyrst allir aðrir þegja." í unglingakórnum voru 32 á aldrinum frá 9—16 ára, kom tvisvar fram um kvöldið og söng þrjú lög í hvert sinn, þessi: „Fífilbrekka gróin grund", „ó, blessuð vertu sumarsól", „Nú yfir heiði háa", „Á Sprengisandi", „Svíf þú nú sæta" og „Island! Is- land!" Og þið ættuð bara að sjá og heyra h'vað þessir kórar sungu vel. Gayle, Irene og Faye, Finns- sons systurnar, 4—11 ára, sungu þessi lög: „Fyrr var oft í koti kátt" og „Tíðin blíða lífi ljær." Kristín, Herdís, ólöf og Lilja, Johnsons systurnar, á aldrinum frá 11—17 ára, sungu þrjú lög: „Sú rödd var svo fögur", „Hreðavatns-vals- inn" og „Vögguljóð", undir laginu "All Through the Night." í sambandi við söng þessara systra skal þess getið, að fyrir ekki lóngu síðan hlustaði ég á skemtiskrá yfir TV-kerfið, sem heitir "Happy- land", þar sem hinn vinsæli og góði söngvari, Kerr Wilson skemtir oft, og heyrði ég þar þrjár systur syngja. Þær sungu vel, en þegar ég bar þær í huganum saman við söng systranna í Nýja-íslandi, fann ég að Johnsons systurnar stóðu hinum talsvert framar. Það voru átta börn með framsögn í Ijóði, og fórst þeim það svo vel, að ég reyni ekki að útlista það með orðum, því þau mundu ekki ná að túlka það rétt. En í þess stað vil ég hvetja alla, sem geta, að sann- færast um það sjálfir með því að fara norður til Geysir og hlusta á skemtiskrána, sem verður endurtekin, föstudags- kvöldið 7. júní næstkomandi. Tvö systkini, Valdina og Jón Martin, léku samspil á píanó og skemtu öllum ágæt- lega. Þá var sýndur gamanleikur, „Lási trúlofast," svo spreng- hlægilegur og vel leikinn, að það ætti enginn að sleppa tækifærinu að sjá hann 7. júní, því það mun engan iðra. Próf. Haraldur Bessason var síðast á skemtiskránni með ræðu, sem var bæði vel samin og prýðilega flutt, og veit ég að margir hefðu ekkert á móti því, að heyra þá ræðu oftar en einu sinni. Geysilega mikið verk hefur verið lagt í að undirbúa þessa löngu og góðu skemtiskrá, er sýnir ljóslega fram á hver ár- angurinn verður, þegar vel og trúlega er unnið að íslenzkum málefnum, á hvaða sviði sem er. Festið í minni stund og stað og fjólmennið til Geysir 7. júní n.k., þegar þessi prýði- lega skemtiskrá verður endur- tekin. Það er gaman að gleðjast og hlæja með æskunni. Davíð Björnsson Flytur f jöldo af ræðum Dr. Richard Beck hefir und- anfarið flutt fjölda af ræðum við ýmis tækifæri. Miðviku- dagskvöldið þ. 8. maí var hann f u 111 r ú i ríkisháskólans í Norður-Dakota (University of N. Dakota) og aðalræðumaður í ársveizlu Félags fyrrv. há- skólastúdenta (Alumni Asso- ciation) í Williston, N.D. 1 ræðu sinni rakti hann sögu háskólans og ræddi framtíðar- horfur hans, en hann á bráð- lega 75 ára afmæli. Um há- degið sama dag hélt dr. Beck ræðu um alþjóðasamvinnu á fundi Kiwanis-klúbbsins í Williston. Þann 17. maí, á þjóðhátíðar- degi Norðmanna, flutti hann tvær ræður í Grand Forks, aðra í útvarp ríkisháskólans, en hina á f jölmennri samkomu í Sameinuðu kirkjunni lút- ersku þar í borg. Fjölluðu ræðurnar báðar um sjálf- stæðis- og framsóknarbaráttu norsku frændþjóðarinnar. Föstudagskvöldið þ. 24. maí hélt hann aðalræðuna við upp- sögn miðskólans í Bowesmont, N. Dak. Umræðuefni hans var „Lögeggjan samtíðarinnar" (The Challenge of Today) og tók hann sérstaklega til með- ferðar alþjóða- og friðarmálin og þær kröfur, sem þau gera til hugsandi manna og kv'enna. Komnir ril íslands Arni G. Eggertson, Q.C. Síðastl. sunnudagsmorgun lögðu þeir bræður Arni G. Eggertson, Q.C. og Grettir Eggertson rafmagnsverkfræð- ingur af stað austur til New York áleiðis til Islands til að sitja ársfund Eimskipafélags- ins, sem haldinn verður í Reykjavík 1. júní; fer Arni með umboð vestur-íslenzkra hluthafa á fundinum, en Grettir situr jafnframt fund- inn, sem einn af stjórnar- nefndarmönnum; þeir bræður höfðu við orð að bregða sér til Danmerkur og Þýzkalands og munu verða hálfa þriðju viku að heiman. í konungsríki Klettafjalla (Ferðavísur) Eftir RICHARD BECK Hlakkar mér hugur í barmi, háfjöll við sjón minni skína; er sem mér hefjist úr hafi, með heiðjökla tignina sína, ættjörðin ógleymanlega. Fögnuður fyllir 'mér hjarta, er fjallblærinn vanga minn strýkur, frjálsborinn frammi á heiðum v og frændanum íslenzka^líkur; hugkærir söngvar mér hljóma. Heillar mig heiðblámans veldi í háfjalla dásemda ríki; tindar með höfuðin hvítu og hvolfþök í musteris líki sál mína hefja til hæða. Svífur hún svifléttum vængjum , um sólheim frá hverfleikans ströndum, bláhimins brúar hún djúpin að blikandi draumanna löndum, fjarri í útsævi alda. —EIMREIÐIN Grellir Eggertson, raffræðmgur Vatnsleiðsla í Gimli-bæ Á þriðjudaginn 21. maí var haldinn fjölsóttur fundur skattgjaldenda Gimlibæjar til að ræða um vatnsleiðslu og lokræsi fyrir bæinn. Hefir íbúum staðarins, sem nú er orðinn meir en 80 ára gamall, lengi leikið hugur á að koma þessu nauðsynjaverki í fram- kvæmd, ekki einungis vegna aukinna þæginda heldur og vegna heilbrigðis bæjarbúa. Nokkurrar mótspyrnu varð þá vart, sérstaklega meðal borg- arbúa er greiða skatta af sumarheimilum sínum á Gimli og dvelja þar aðeins tvo til þrjá mánuði ársins. Talið er að hér um bil hver einasti skattgreiðandi, sem hefir var- anlega búsetu á Gimli, hafi sótt fundinn og einnig margir borgarbúar, sem eiga þar sumarheimili lögðu á sig ferð norður til að greiða atkvæði sitt. Úrslitin urðu þau, að samþykkt var af yfirgnæfandi meirihluta, 400 gegn 85 at- kvæðum, að hefjast þegar handa við að koma verkinu í framkvæmd. Bærinn selur skuldabréf upp á $350,000 til framkvæmdanna. Frá fslandi Dr. Jón Jóhannesson pró- fessor lézt í Reykjavík 4. maí, 47 ára að aldri. ------0------ 13. MAÍ Forseti Islands, herra Ás- geir Ásgeirsson, er staddur í Lundúnum. 1 gær átti for- setinn afmæli, og í dag gengur hann á fund Elísabetar Breta- drottningar.

x

Lögberg

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lögberg
https://timarit.is/publication/132

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.