Kvennablaðið - 25.02.1910, Blaðsíða 2
10
KVENNABLAÐIÐ
kennsluskeiði því, sem frk. Ragnhildur
Pétursdóttir frá Engey, hélt austur í Mýr-
dalnum, að konur hafa bæði gagn af því
hressingu og ánægju, að losast fáeina daga
við lieimilisstörfin og áhyggjurnar og koma
saman til að læra nýjar aðferðir í mat-
reiðslu og fá ýmsar aðrar nauðsynlegar
leiðbeiningar. Auk þess sem samveran við
ýmsar aðrar konur, hressir þær og gleður.
Mundi nú ekki Ivvennaskóli Reykja-
víkur geta tekið sig fram um það, eftir að
skóla er sagt upp, að gefa nokkrum hús-
mæðrum kost á stuttu námsskeiði? Það
væri þarft verk, og líklegt að fá mætti
síðar styrk til slíkra námsskeiða, sem haldin
væri að sumrinu, þegar skólanum annars
væri lokað. Auðvitað yrðu konurnar að
borga fyrir sig eitthvað vist. Eg vil skjóta
því til forstöðukonu Kvennaskólans sem
hefir leigt húsið og verður að borga húsa-
leiguna hvort sem er að sumrinu, og til
forstöðukonu matreiðslukennslunnar, frk.
Ragnheiðar Pétursdóttir, hvort þeim finnst
þessi tillaga ekki þess verð, að hún sé
athuguð, og hvort hún sé ekki framkvæm-
anleg. Þetta er eins og þær báðar vita,
algeng aðferð annarstaðar að hafa sumar-
námsskeið líka í skólum. Einkum er það
að tíðkast með húsmæðraskóla og kennslu-
kvennaskóla og er tekið mjög þakksamlega
af húsmæðrunum, sem fegnar nota sér
kennsluna, bæði til gagns og hressingar.
Skólalæknar.
Kvennablaðiö hefir oftar en einu sinni
hreyft því, að nauðsynlegt væri hér, eins og
annarsstaðar, þar sem alþýðuskólar eru, að í
hverjum skóla væri nákvæmt lækniseftirlit með
heilsufari nemendanna, einkum í barnaskólum,
og að við hina stærri barnaskóla væri fenginn
sérstakur launaður læknir, sem hefði slíkt eft-
irlit á hendi, og gæfi svo skólanefndinni skýrsl-
ur um heilbrigðisástand barnanna og annað
ileira, sem þar að lyti.
Þótt undarlegt megi virðast, var enginn
skólalæknir hér við barnaskólann í Reykjavik
þessi síðustu ár. Aður höfðu 25 kr. verið ætl-
aðar sem þóknun handa skólalækni, fyrir eftir-
lit hans i skólanum, sem venjulega var ekki
annað en að hann einhvern tíma að vetrinum
kom inn í bekkina og fullvissaði sig um að
börnin væru kláðalaus á höndunum.
Vitaskuld var slíkt eftirlit algerlega þýðing-
arlaust, enda var borgunin svo lítil, að enginn
læknir hefði hennar vegna fengist til að gera
neitt meira.
Þó tók útyfir að bjóða 25 kr. handa skóla-
lækni nú, þegar orðin eru 800 börn i barna-
skólanum, enda fékst enginn skólalæknir leng-
ur fyrir þá upphæð, svo skólinn hefir um sið-
ustu árin algerlega verið án nokkurs læknis-
eftirlits.
A bæjarstjórnarfundi í fyrra vetur hreyfði
eg þessu máli og bar upp þá tillögu, að fé væri
veitt handa föstum skólalækni sem skoðaði öll
skólabörnin nákvæmlega á vissum timum og
gerði þær ráðstafanir sem nauðsynlegar væru
heilsu þeirra vegna. Þessu máli var vísað til
skólanefndar, og árangurinn varð sá, að á ijár-
hagsáætlun bæjarins fyrir árið 1910 var þessi
liður settur inn, og 200 krónur ætlaðar handa
skólalækni.
Allir sáu að féð var ot lítið, ef skoða skyldi
800 börn, og lækniseftirlitið ætti að vera meira
en eintómt kák. En eg og þeir, sem málinu
voru hlyntir, gerðum okkur þó ánægða með
þessa byrjun eftir atvikum.
Ef hún fengi framgang, var þó fengin við-
urkenning fyrir þessari nauðsyn, og því slegið
föstu, að þörf væri á skólalækni. Síðar kæmi
svo reynzlan til, og þá yrði hægra að fá það
fé, sem nauðsynlegt væri til þess, að slikt eft-
irlit gæti komið að fullum notum. Málið marð-
ist i gegn, þrátt fyrir allmikla mótspyrnu.
Nú hefir héraðslæknir vor, Guðmundur
Hannesson, tekið að sér þetta eftirlit, og má
með sanni segjö, að það er ekki launanna
vegna.
Til þess að geta komist yfir það mikla verk,
að skoða nákvæmlega 800 börn, og kynnast
þannig nákvæmlega heilsufari þeirra, þarf mik-
ínn tíma, enda hefir hann nú um hálfan annan
mánuð daglega verið í skólanum 2—3 klukku-
stundir, og skoðað nákvæmlega hvert einasta
barn í þeim bekkjum, sem liann hefir tekiö
fyrir. Er hann nú langt kominn með þessa
skoðun, og hefir hann þá skoðað hvert einasta
barn í barnaskólanum.
Skoðun þessa álítur læknirinn sem nokk-
urskonar undirbúníng. A henni verða bygðar
tillögur hans um hvernig framvegis skuli haga
eftirliti skólalæknis í barnaskólanum. Skýrsla
um heilsufar barnanna og alt þar að lútandi,
mun læknirinn á sinum tíma leggja fyrir
skólanefndina, sem svo aftur verður að koma