Lögberg-Heimskringla - 21.02.1963, Blaðsíða 2

LÖGBERG-HEIMSKRINGLA, FIMMTUDAGINN 21. FEBRÚAR 1963
Ferhendur
„Þegar mín er brostin brá,
búið Grím að heyja.
Þorsteinn líka fallinn frá,
ferhendurnar deyja.“
Svo kvað Páll Ólafsson á
sinni tíð og varð landfleygt.
Þótti mönnum full djúpt tekið
í árinni og ekki af ástæðu-
lausu:
„Þó að Páli bresti brá,
bili Grím að skrifa.
Þorsteinn l'íka falli frá,
ferhendurnar lifa.“
Og mætti fjórða hendingin
gjarna vera feitletruð. Nefni
ég aðeins til dæmis 'þessa vísu
Hjartar Gíslasonar frá Akur-
eyri:
„Öls við bikar andinn skýr
á sér hiklaust gaman.
Augnabliksins ævintýr
endist vikum saman."
Og Guðmundur Böðvarsson
frá Kirkjubóli:
„Grimmur heimur hlær og
lokkar
heiðar-feiminn álf.
En hver mun geyma arfinn
okkar
ef við gleymum sjálf?“
Og var þó aldrei sagt, að
ekki hefði áður verið vel kveð-
ið. Svo orti Kristján fjalla-
skáid:
„Drekkum, bræður, iðu öls,
árnum mæðu bana,
þegar hræða hrannir böls
hjarta næðisvana.“
Að vísu skipar stakan
trauðla jafn veglegan sess í
hugum manna og áður, því
fjölgar ört, sem hugann glep-
ur. Og jafnvel finnast þeir,
sem fremur telja stuðlamál
lýti á skáldskap. Minnist ég
þess, að fyrir réttu ári las ég í
Tímanum, að umrætt skáld
brygði fyrir sig rími og jafn-
vel hljóðstöfum, sem þó að-
eins „gerði ljóðin hagyrðings-
legri.“
Og er þá komið svo, að orð-
ið hagyrðingur hefur fengið
niðrandi merkingu í hópi
vissra manna, er um bók-
menntir fjalla.
En hvernig svo sem á mál
þetta er litið, mun hitt þó
mála sannast, að sem betur fer
hafa formbyltingar í íslenzk-
um kveðskap aldrei gengið
þegjandi fyrir sig. Get ég ekki
stillt mig um, fyrst ég minnist
á þetta, að geta hér smáorða-
hníppinga af þessu tagi.
Hinn ódrepandi vísnasafn-
ari, Sigurður Jónsson frá
Haukagili, spurði eitt sinn
unga atómskáldkonu, er ég
kann ekki að nefna, hvort hún
vissi þess dæmi, að mpnn
hefðu atómkvæði yfir sér til
hugarhægðar, eins og altítt
væri um kvæði góðskáldanna,
að ekki væri minnzt á stök-
urnar. Skáldkonunni varð
ekki svarafátt, en vitnaði til
þess, að „Faðir vor-ið“ væri
óstuðlað. — „Fyrst þú ferð út
í hin trúarlegu fræði“, svaraði
Sigurður, „þá skulum við
minnast orða meistara Jóns:
„Svo falsar nú andskotinn
Guðs steðja á meðal vor og
setur sína mynd og yfirskrift
á svikinn málm“ “ — og vildi
heimfæra á atómkvæðin.
Hygg ég þó kjarna málsins
þá niðurstöðu, er séra Helgi
Sigurðsson kemst að í Brag-
fræði sinni: „Allur skáldskap-
ur, og þar á meðal vor, hlýtur,
eins og svo margt fleira, að
miklu leyti hvíla á sínum
gamla grundvelli." — Og dol-
fallinn varð ég, er ég eitt sinn
var að þrátta um bragarhætti
og skaut máli mínu til ung-
skálds, er gefið hafði út tvær
eða þrjár ljóðabækur, að það
skyldi engin deili vita á forn-
yrðislagi og dróttkvæði. Gat
ekki einu sinni sagt um, hvort
það hafði lesið eitthvað af því
tagi.
En látum svo vera. Vindum
okkur þess í stað að lausavís-
unum, sem ávallt „slá í gegn“:
„Þó að nú sé atómöld
er samt býsna gaman,
að geta svona kvöld og kvöld
kveðið stöku saman.“
Frh. bls. 3.
CANADA
KVNNIST RÉTTINOUM YfllR
Löglegir innflytjendur hafa sömu réttindi og
skyldur og aðrir vinnandi þegnar þessa lands
Þó meirihluti vinnuveitenda í Kanada séu heiðvirðir og vilji öllum rétt gera, eru
nokkrir, sem fært hafa sér í nyt ókunnugleik innflytjenda.
• Til að varast þá, eru hér nokkrar upplýsingar.
• Krefjist að fá þá hvíldardaga með kaupi, sem þér eigið heimtingu á.
• Gætið þess, að það sem frá kaupi yðar er dregið, fyrir fæði og húsnæði sé
eins og það á að vera.
• Neitið að láta hafa yður að verkfæri í verkföllum.
© Gætið þess vandlega, að frímerki séu sett í atvinnubækur yðar, sem þér eigið
heimtingu á sem atvinnutryggingu (Unemployment Insurance).
© Verið ósmeykir við að ganga í verkamannasamtök. Til þess hafið þér fullan
rétt.
• Óttizt ekki hótun um útflutning frá vinnuveitendum.
• Ef þér hafið nokkra löglega ástæðu til umkvörtunar um vinnu yðar, þá
leitið upplýsinga hjá fulltrúa fylkisstjórnar 1 héraði yðar. Ef þér ekki vitið
hverjir þeir eru, þá leitið á fund fulltrúa innflutnings og borgaralegra mála
í næsta héraði, prestsins eða fulltrúa yðar eigin þjóðræknismála. Þeir munu
gera allt sem þeir geta fyrir yður.
R. A. BELL
Minister of Citizenship
and Immigration
«