Lögberg-Heimskringla - 19.01.1967, Qupperneq 1

ILögberg-J^etmökrmgla
Stoínað 14. jan. 1888 • Slofnað 9. sept. 1886 'l1
£1. ÁRGANGUR__WINNIPEG, FIMMTUDAGINN 19, JANÚAR 1967 NÚMER 3
Hon. Errick F. Willis latinn
Hon. Errick F. Willis. fyrr-
verandi fylkisstjóri í Mani-
toba, lézt síðastliðinn mánu-
dag, 9. janúar, þremur vikum
eftir að hann varð fyrir slysi
á heimili sínu. Þykir að hon-
um hinn mesti mannskaði. —
Hann var sjötugur að aldri;
fæddur í Boissevain, Mani-
toba, og var lögmaður að
menntun. Hann gaf sig að
stjórnmálum um 40 ára skeið,
fyrst sem þingmaður í Sam-
bandsþinginu og svo formað-
ur Conservative flokksins í
fylkisþinginu og tíu ár í ráðu-
neyti sameiningarstjórnar síns
flokks og Líberala. — Hann
naut ávallt vinsælda og virð-
ingar Manitobabúa, en sérstak
lega sem fylkisstjóri þeirra.
Hann var einstaklega skemmti
legur ræðumaður; fólkið naut
hlýleika hans og fyndni. —
Hann var ávallt reiðubúinn að
gera sérstaka hátíðadaga
ánægjuríkari og virðulegri
með nærveru sinni. — Hann
lætur eftir sig konu sína, tvo
syni og eina dóttur.
Sir Winston Churchill
,Hann kom þegar veröld reið allramest á‘,
þegar Evrópa sundruð og flakandi lá
og beið þess með biluðum huga
að helfjötur þrældómsins þrengdi henni að.
og þá virtist einsætt að létt mundi það,
hinn leiðtogalausa að buga.
Þá hóf hann upp raust sína. Heimurinn fann
að hér stóð að baki sá kraftuf að hann
mundi að endingu úrslitum ráða.
Því Churchill var mikill; en meiri var sá
er meitlaði orðin er sagði hann þá
er brýndi hann til dugs og til dáða.
Og árin hin löngu sem fylgdu þá fimm,
— sú fórnartíð, neyðartíð — hefðu orðið dimm
ef hans kyndill hefði ekki brunnið.
Því orðin hans þau urðu að eldslogum þá
er allan heim lýstu svo bjart var að sjá.
Og enn er við ljósið hans unnið.
Hann var sendur af guði. Því sigraði hann.
Og sigurinn Bretland það dylst ekki — vann:
stóð eitt þegar allt var í veði.
Nú hyllum vér leiðtogann; þökkum samt þeim
sem þama stóð ofar, sem frelsaði heim,
sem úrslitum ógnanna réði.
Snæbjörn Jónsson.
He Neyer Dies
By GUS SIGURDSON
Big-Ben in London slowly chimes
This hour to the foggy skies.
The living hero of our times,
Has passed away, but never dies.
As long as love of freedom lives,
So too, the Churchill spirit soars
Towards the side where justice gives
Eternal hope, to end all wars.
Jan. 1965.
Ríkisútvarp íslands
7. janúar 1967.
Árið 1966 var meðalhili í
Reykjavík 4,3 stig C., sem er
0,7 stigum kaldara en í meðal-
árferði. Á Akureyri var meðal
hiti ársins 2,3 stig, sem er 1,6
stigum undir meðaltali. — Á
báðum þessum stöðum var úr-
koma neðan við meðallag.
* * *
Talið er að aflamagn íslend-
inga 1966 hafi numið 1 milljón
og 240 þúsund tonnum. Það er
mesti ársafli Islendinga til
þessa, um 3 prósent meiri en
1965. Allt bendir til þess, að
Island sé, hvalð aflamagnið
snertir, fjórða landið í Evrópu,
á eftir Sovétríkjunum, Noregi
og Spáni, og tíunda landið í
röðinni í heiminum. Nemur
þá hluti íslands í fiskafla
heimsins 1966 um 2,3 prósent.
* * *
Síldveiðarnar fyrir austan
hófust að nýju strax eftir ára-
mótin og hafa veiðzt á fimmta
þúsund lestir síðan. Síldin er
nú heldur lengra úti.
* * *
Yfirnefnd verðlagsráðs sjáv-
arútvegsins hefur ákveðið að
lágmarksverð á síld í bræðslu
veiddri fyrir norðan og austan
lands í janúarmánuði sé 1 kr.
og 23 aurar fyrir hvert kg.
* * *
Allir samningar við stéttar-
félög í landi eru nú lausir. —
Sum félög hafa sett fram
kröfur, hin eru fleiri, sem
ekki hafa gert það enn. —
Nokkrir viðræðufundir hafa
verið haldnir. Bátakjarasamn-
ingum hefur hvergi verið
sagt upp nema á Vestfjörðum
og þar standa yfir samninga-
umræður. Togarasamningum
hefur ekki verið sagt upp.
* * *
Skipaslóll landsmanna 1. jan.
1967 var sem hér segir: 577
fiskiskip undir 100 rúmlest-
um brúttó, samtals 19,014
rúmlestir. 184 fiskiskip yfir
100 rúmlestir brúttó, samtals
35,559 brúttólestir, að togur-
um undanteknum. Fiskiskip-
um undir 100 rúmlestum fækk
aði um 43 á árinu, stærri fiski-
skipum fjölgaði um 12. Tog-
urum fækkaði um 6, eru nú
32 á skrá. íslenzkum skipum
fækkaði um 32 á árinu 1966 og
skipastóllinn minnkaði um
tæplega 10,000 lestir; þar mun-
aði mest um sölu olíuflutn-
ingaskipsins Hamrafells, sem
er 11,488 brúttólestir. íslenzk
skip eru nú 878 að tölu, sam-
tals 148,549 brúttólestir. Opnir
vélbátar á skrá eru 1234, sam-
tals 3318 rúmlestir. — Tveir
þriðju hlutar alls íslenzka flot-
ans eru yngri en 16 ára. — 21
Framhald á bls. 7.
Orðsending til Vestur-íslendinga
Prentun III bindis af Vestur íslenzkum æviskrám verður
hafin strax upp úr áramótum, og ætti bókin væntanlega að
vera fullprentuð á næsta ári.
Biðjum vér þá, sem hjá oss eiga myndir, að vera þolin-
móða þangað til, og munum vér þá strax senda myndirnar
með ábyrgðarpósti.
Þeir, sem óska að fá bókina með áskriftarverði, ættu sem
fyrst að senda pantanir sínar til Prentverks Odds Björns-
sonar á Akureyri.
Löndum okkar vestan hafs óskum við árs og friðar, með
þökk fyrir síðast.
Benjamín Kristjánsson
Bjarni Sigurðsson
Á ferð um Quebec-fylki
VII
QUEBEC-BORG
Að loknum kveldverði með Daniel Johnson forsætisráð-
herra komu fram 15 ungar stúlkur og skemmtu okkur með
söng og dansi af mikilli list. Þær voru bláklæddar og fín-
legar eins og álfameyjar og báru með sér slíkan yndisþokka,
að gestirnir urðu stórhrifnir.
Þetta var lokaþáttur þessa eftirminnilega kvelds. Mr.
Charles E. Dojack, formaður Canada Ethnic Press Federa-
tion, flutti forsætisráðherranum og þessum listrænu ungu
stúlkum þakkir fyrir hönd ritstjóranna.
Mr. Charles E. Dojack, Hon. Daniel Johnson forsætisráðherra
og W. J. Lindal dómari, sem var stofnandi og fyrsti formaður
Canada Ethnic Press Federation.
LAVAL HÁSKÓLINN
Á föstudagsmorgun 21. október var okkur boðið til Laval
háskólans, sem er talinn elzti háskólinn í Canada. Hann er
í afsprengi prestaskóla, sem Monseigneur de Laval, fyrsti
biskup Quebec-nýlendunnar, stofnaði fyrir 300 árum. Biskup
arfleiddi skólann að löndum og lausafé til að tryggja fram-
tíð hans. Árið 1851 ákvað biskupinn í Quebec að stofna há-
skóla í sambandi við prestaskólann og ári seinna, 8. desember
1852, veitti Victoria drottning háskólanum réttindabréf —
Royal Charter — og var hann nefndur eftir Laval biskup.
Fyrst voru aðeins fjórar deildir — guðfræði-, lögfræði-,
læknisfræði- og arts deildir — og segir í upplýsingariti, sem
við fengum, að ýmissa orsaka vegna vilji franskir Canada-
menn aðallega leggja stund á embættisnám, eins og læknis-
fræði eða lögfræði. Það var ekki fyrr en 1935 og árin þar á
eftir, að deildir voru stofnaðar, í heimspeki, vísindum,
búnaðarfræði, félagsfræði, verkfræði, verzlunarfræði, lyfja-
I fræði, heimilisfræði o. s. frv.
Um sjö þúsund stúdentar sækja háskólann og kennararnir
eru 1200 og 700 þeirra kenna alla kennslutíma, aðeins 17
prósent af nemendunum eru stúlkur, og þótti mér það lítil
þátttaka af hálfu kvenþjóðarinnar. Kennslan öll fer fram á
frönsku og um þúsund stúdentar frá öðrum fylkjum Canada
og frá U. S. A. innrituðust í Laval háskólann á síðastliðnu
ári í þeim tilgangi að læra franska tungu. Frh. á bls.