19. júní - 01.05.1921, Page 8

88
19. JÚNÍ
um) saman við Vs pott af mjólk og
láta á grunna diska eða undirskálar.
í miðja skálina er látinn brauðbiti,
er stendur upp úr mjólkinni, svo flug-
urnar geti sest á haiin og sleikt mjólk-
ina. Pær strádrepast á skömmum
tíma,
Karbólsýra er góð til að útrýma
flugum og til að varna ólykt úr sorp-
ílátum. En fara verður varlega með
hana, því hún er baneitruð. Gott að
hella dálitlu við og við í sorpkassann.
Svikin eða skemd matvæli.
Til að komast fyrir hvort ýms algeng-
ustu matvæli séu skemd eða blönduð eru
einfaldar rannsóknar aðferðar. Skal hér
getið nokkura þeirra:
Mjólk. Hvort mjólk er vatnsblönduð má
sjá með þvi að dýfa gildri málm-heklu-
nál niður í mjólkina. Sé mjólkin eins og
hún á að vera, myndast smám saman
dropi á krók nálarinnar og hangir fastur
þar, en sé mjólkin vatnsblönduð mun
dropinn íljótlega drjúpa af oddinum eða
als ekki myndast.
Egg. Þau skal bera upp við birtu —
glugga — í dimmu herbergi og séu þau ný
sést greinilega loftbóla milli skurnsins og
hvítunnar í breiðari enda eggsins. í alveg
nýorpnum eggjum er loftbólan örlítil, en
stækkar smátt og smátt. í gömlum eggj-
um hverfur hún með öllu og blettir sjást
í egginu þegar því haldið upp móti birt-
unni.
Smjöiiiki eða smjör. Smjörlíki er nú
afar mikið notað til neyslu og sé það af
góðri tegund er næringargildi þess því
nær hið sama og smjörs. Bragðmunur er
heldur eigi mikill á smjöri og bestu teg-
undum smjörlíkis. En verðmunurinn er
talsverður.
Til að rannsaka hvort um smjör eða
smjörlíki er að gjöra, er einfalt ráð að
taka ofurlítinn bita og láta í matskeið,
halda síðan skeiðinni yfir hægum hita
— t. d. logandi lampa. Pegar það, scm
í skeiðinni er, er runnið, á það að sjóða
hægt og hljóðlaust með dálítilli froðu, ef
smjör er, en sé það smjörlíki snarkar í
því.
Einnig má láta örlítið i flösku og setja
liana ofan í svo heitt vatn að innihaldið
bráðni. Par er henni haldið í V* tíma.
Smjörið er þá tært á lit, en smjörlíki
verður grnggugt og óskírt.
liókó er stundum blandað með ein-
hverskonar sterkju (stívelsi). Petta kemur
í Ijós ef sjóðandi vatni er helt á kókóið.
Sé sterkja í því verður það seigt og
klessulegt og ilt að hræra það út.
Niðarsuða. Ef dósirnar eins og belgjast
út á við, er það merki þess að loft hefir
komist í þær og orsakað rotnun og ólgu.
Allur skemdur dósamatur er hættulegur.
Barnadagurinn. Hann gekk að óskum
og mun árangurinn vera rúm 4000 kr.
Einkum þótti gaman að kvöldskemtun-
inni og var hún endurtekin þrisvar sinn-
um. Alt voru það börn og unglingar er
þar skemtu. Var gaman að horfa á fim-
leika litlu stúlknanna, barnadansinn og
ekki síst litla sjónleikinn, sem var svo
ljómandi fallega útbúinn á leiksviðinu.
Sérstaklega var gaman að íslenzku viki-
vökunum sem settir voru inn í leikinn.
Lögin við þá voru: »Hér er kominn Holl'-
inn« og »Leggur reyki beint upp bæji«.
Hreinasta unun að sjá hve vel og snyrti-
lega íitlu dansendurnir fóru með lilut-
verkin.
Ritstjóri: Inga L. Lárusdóttir.
Prentsmiðjan Gutenberg.