Óðinn - 01.05.1912, Blaðsíða 5
Hallgrímur Melsteð
fyrv. landsbókavörður.
ÓÐINN
13
Hann andaðist hjer í Reykjavík 8. sept.
1906, varð bráðkvaddur, og hafði þá verið við
landsbókasafnið milli 20 og 30 ár, fyrst aðstoð-
armaður hjá Jóni Árnasyni bókaverði frá því
skömmu eftir 1880 og til þess, er Jón sagði af
sjer 1887, en þá varð Hallgrímur aðalbókavörður
og var það síðan til dauðadags.
Hann var fæddur í Stykkishólmi 26. jan.
1853, var yngsta barn Páls amtmanns Melsteðs
og seinni konu hans, Ingileifar Jónsdóttur prests
í Klausturhólum, Hallgrímssonar Bachmanns
læknis i Bjarnarhöfn. Var Hallgrímur Melsteð
yfir 40 árum yngri en hálfbróðir lians Páll sagn-
fræðingur, sem var elsla barn Páls amtmanns
melsteðs. H. M. útskrifaðist úr latínuskólanum
1873, fór þá til háskólans í Khöfn, tók þar
heimspekispróf og las síðan nokkur ár læknis-
fræði, en af embættisprófi varð ekki.
Hallgrímur var mikill maður vexti og föngu-
legur á velli, gáfumaður og vel að sjer á marga
vegu, en naut sín ekki á fullorðinsárum vegna
langvarandi heilsuleysis. Nokkur ár var liann
tímakennari við latínuskólann og kendi þar
dönsku. Hann var vel að sjer i sagnfræði og
hefur ritað Fornaldarsögu, sem Bókmentafjelagið
hefur gefið út. Fleira hefur hann og ritað sagn-
fræðilegs efnis.
Hallgrímur Melsteð.
Landsbókasafnið var geymt í Alþingishúsinu
meðan H. Melsleð var bókavörður og fylgir hjer
með mynd af lestrarsal þess. Þar, sem
hann var áður, í vesturenda liússins út að
Kirkjustræti, en er nú kennarastofa há-
skólans. Landsbókasafnið var flutt í Al-
þingishúsið 1881, þegar húsið var nýbygl,
og fjekk þá fyrst Landsbókasafns-nafnið,
því áður hjet það Stiftsbókasafn og var
geymt á loftinu í dómkirkjunni. Fyrir
löngu var húsrúm safnsins orðið alt of
lítið í Alþingishúsinu, og var þá bygt handa
því og fleiri söfnum landsins hið nýja hús
við Arnarhól, er »Óðinn« hefur áður flutt
mynd af. Eins og myndirnar sýna, er
mikill munur á lestrarsal safnsins nú, í
nýja húsinu, og hinum, sem það hafði í
Alþingishúsinu og hjer er mynd af.
Leátrarsulur luudsbókasarusitis Irú 18SlDtil l‘J09.