BFÖ-blaðið - 01.01.1982, Page 4

Áðali*uiiclur i\rAT S7.-S9. ágúst 1982
BFÖ er aöili að norrænum samtökum bræðrafélaga
á Norðurlöndum. Samtök þessi heita Nordisk Union
for Alkoholfri Trafik (NUAT). NUAT hélt aðalfund
sinn í Stokkhólmi dagana 27. - 29. ágúst s.l. Sam-
hliða aðalfundi NUAT var haldinn aðalfundur IAMA,
(International Abstaining Motorists1 Association), sem
eru alþjóðasamtök byggð á sama grunni og NUAT.
IAMA var stofnað 1978 fyrir forgöngu NUAT og var
þetta fyrsti aðalfundur IAMA. Hugmyndin að baki
IAMA var að stofna sterk félög bíleigenda, er ekki
neyta áfengra drykkja, í fleiri löndum en á Norðurlönd-
um. Fvrirmvndin að félöaunum er tekin úr starfi félaa-
anna á Norðurlöndum og von manna er sú, að þetta
verði til að styrkja bindindisstarf í þeim löndum er félög
þessi starfa í. Ansvar hefur stutt dyggilega við bakið á
starfi IAMA fyrstu fjögur árin og hefur starfsemin farið
nokkuð vel af stað.
Á aðalfund NUAT fóru Sigurður Rúnar Jónmunds-
son, forseti BFÖ og Sveinn H. Skúlason fyrrum forseti
BFÖ. Sveinn átti sæti í varastjórn NUAT s.l. tímabil. Á
föstudeginum, fyrsta degi fundarins voru flutt þrjú er-
indi um bílinn og áfengið. Prófessor M. Valverius
greindi frá ýmsum rannsóknum er fram hefðu farið í
Svíþjóð um áhrif áfengis á mannslíkamann og hve
fljótt maðurinn missti hæfni sína til aksturs vélknúinna
ökutækja, eftir að hafa neytt áfengra drykkja. Ljóst er
að krafan um að lækka mörk leyfilegs áfengismangs f
blóði niður í núllmarkið verður sífellt sterkari í hinum
vestrænu löndum. Rune nokkur Andreasson flutti stór-
fróðlegt erindi um bílamenningu í þróunarlöndunum.
Ljóst er að á næstu árum og áratugum á bílum eftir
að fjölga mikið í þróunarlöndunum. Bílamenningin er
þar mjög frumstæð og í fæstum landanna er spurt um
hvort ökumaður sé undir áhrifum áfengis eða ekki.
Þetta eru stór vandamál og ekki síst vegna þess að
framleiðendur bifreiða sjá í þessum löndum markað
sinn um marga ókomna áratugi.
Síðasta erindið flutti Bandaríkjamaðurinn W.
Plymot. Hann er stofnandi tryggingafélags fyrir bind-
indismenn. Tryggingarfélag þetta heitir Preferred Risk
Mutual Insurance Company og tryggingartakar þess
eru um 500.000. í máli hans kom fram, að um 33%
bandarísku þjóðarinnar eru bindindismenn. Þessar
upplýsingar komu mjög á óvart hjá mörgum fundar-
manna, en voru staðfestar af fulltrúum Ansvar á fund-
inum, en Ansvar hefur látið kanna bandaríska mark-
aðinn með stofnun tryggingarfélags í huga. Skýringin
á þessum mikla fjölda bindindismanna er m.a. hve
trúarfélög ýmiskonar eru sterk víða um Bandaríkin. Á
þetta þó sérstaklega við í hinum dreifðari byggðum.
Samræmt bindindisstarf á þó erfitt uppdráttar vestan
hafs. Astæðan fyrir því eru hin mörgu ríki, mismunur
á lögum í þeim og jafnvel hugsanahætti. Þessar
staðreyndir gera líka erfitt fyrir, hvað varðar að byggja
upp samræmda refsilöggjöf vegna aksturs undir áhrifum
áfengis. Hvert ríki ræður sínum málum. Sumsstaðar
eru einhverjar hömlur, annars staðar er allt galopið.
Stór árangur náðist þó á síðasta ári í baráttunni gegn
4
áfengisakstri. Þingmönnum beggja deilda í Banda-
ríska þinginu var farið að blöskra hvað sannanlega í
mörgum tilfella dauðaslysa, ástæðan var akstur ölv-
aðs ökumanns. Um tveir þriðju allra þingmanna á al-
ríkisþinginu skrifuðu undir áskorun til Reagans forseta
um að aðhafast eitthvað gegn þessum (voða) vanda.
Undirskriftalistinn varð til þess að forsetinn skipaði
nefnd er skildi gera tillögur til úrbóta. Ræða hins
bandaríska gests var öll hin merkilegasta. Margt fleira
merkilegt kom fram í henni, en í lokin lýsti hann mikl-
um áhuga á auknu samstarfi við IAMA og hét að hafa
forgöngu um að svo myndi verða. Mr. W. Plymot á
einmitt sæti í fyrrnefndri nefnd er Reagan setti á lagg-
irnar.
Á laugardeginum var gengið til kosningu stjórnar fyrir
bæði NUAT og IAMA. Torleif Karlsen sem verið hefur
form. NUAT mörg undanfarin ár gaf ekki kost á sér til
endurkjörs. Formaður í hans stað var kjörinn Elver
Jonsson fyrrum formaður MHF-Ungdom. Sú breyting
varð á lögum NUAT að nú eru stjórnarmenn 5 í stað
3ja áður. Tillaga um þessa breytingu kom frá sænsk-
um fulltrúa.
Rökstuddi hann tillöguna með því að fulltrúar litlu fél-
aganna fylltu yfirleitt alltaf varamannasæti stjórnarinnar
og að það væri ekki eðlilegt í svokölluðu norrænu sam-
starfi. Formaður MA í Noregi studdi tillögu þessa mjög
ákveðið. Breytingin gerði það að BFÖ eignaðistfulltrúa í
stjórn NUAT og er það Gunnar Þorláksson, fyrrum forseti
BFÖ. Breyting þessi er mjög ánægjuleg fyrir okkur í BFÖ.
Hún tryggir að við eigum alltaf stjórnarmann í NUAT og
gerir gott samstarf félaganna á Norðurlöndunum enn
betra. Það sem ef til vill var ánægjulegast við þessa
óvæntu breytingu á lögum NUAT var að sænskur fulltrúi
flutti tillöguna og hún fékk mjög sterkan stuðning norsku
fulltrúanna. Hvað er svo ánægjulegt við það? Jú, breyt-
ingin þýddi óbreyttan fulltrúafjölda norska og sænska
sambandsins í stjórn NUAT, en stóraukinn kostnað við
rekstur NUAT. Sá kostnaður lendir beint á stóru félögun-
um í auknum gjöldum til NUAT. Alliraðilargerðu sérfulla
grein fyrir þessu, en töldu þetta eðlilegt fyrirkomulag ef
NUAT ætti að teljast samnefnari hinna norrænu félaga.
Á þessum fundi var einnig kosin stjórn fyrir IAMA.
Englendingur að nafni McPhearson var kjörinn for-
maður. Maður þessi situr í stjórn Ansvar í Bretlandi. Það
sem mörgum fannst nú einna mest spennandi við
hann, er að hann er formaður knattspyrnufélagsins
Nottingham Forest. McPhearson er stóriðjuhöldur og
ferðast mjög víða, bæði vegna starfa síns og sem
form. Notthingham Forest. Hann hittir fólk f fjölda
landa og getur á þann hátt örugglega unnið málstaðn-
um mikið gagn.
Á sunnudeginum 29. ágúst tóku þingfulltrúar þátt í
hátíðarhöldum í tilefni 50 ára afmælis Ansvars. Hátíða-
höld þessi fóru fram á Skansinum, skemmtigarði þeirra
Stokkhólmsbúa.
Hátíðin var utanhúss og var hún með ívafi alvöru
og gleði. Þekktir skemmtikraftar komu fram og voru
þeir allir bindindismenn. Síðan var á milli atriða skotið