BFÖ-blaðið - 01.07.1986, Blaðsíða 5

Ökuleiknin
er hafin
Bindindisfélag ökumanna mun í sumar,
eins og undanfarin sumur, standa fyrir
keppni í ÖKULEIKNI.
Árið 1985 var metár í 8 ára sögu ÖKU-
LEIKNINNAR. Þá voru keppendur rúmlega
600 og hafa nú 2100 ökumenn tekið þátt í öku-
leikni frá upphafi, árið 1978.
Nokkur íjölgun verður á keppnisstöðum í
ár, en keppt verður á 33 stöðum um landið að
íslandsmeistarakeppninni meðtalinni. í Öku-
leikninni verður keppt í karlariðli og kvenna-
riðli en auk þess verður á hverjum stað haldin
reiðhjólakeppni, og keppt þar í tveim riðlum,
annars vegar á aldrinum 9-11 ára og hins
vegar á aldrinum 12 ára og eldri.
Bindindisfélag ökumanna hefur fengið til
liðs við sig í Ökuleikninni MAZDA umboðið
BÍLABORG hf. sem mun gefa vegleg verðlaun
í íslandsmeistarakeppninni, MAZDA 626
árgerð 1987. Einnig mun umboðið lána bíla til
úrslitakeppninnar, ásamt íjárhagslegum
stuðningi. í reiðhjólakeppninni fékk félagið
reiðhjólaverslunina FÁLKANN hf. til liðs við
sig. Mun Fálkinn meðal annars gefa öll verð-
laun í hverri hinna 32 keppna og auk þess gefa
tvö gullfalleg reiðhjól, sem tveir heppnir
keppendur fá í haust. Þá lét Fálkinn hf. í té
reiðhjól, sem notað verður við reiðhjólakeppn-
ina í sumar.
Fyrsta keppnin fór fram þriðjudaginn 10.
júní en það var svokölluð pressukeppni, þar
sem mættu fulltrúar allra fjölmiðlanna og
spreyttu sig.
Fyrsta almenna keppnin var haldin í
Reykjavík laugardaginn 14. júní. Ökuleiknin
byggist á tveimur þáttum aðallega, annars
vegar á umferðarspurningum, og hins vegar á
þrautaakstri, þar sem hæfnin skiptir mestu
máli. Allir er hafa ökuleyfi og skoðunarhæfan
bíl, geta tekið þátt í keppninni, gegn vægu
þátttökugjaldi, og ekki er nein hætta á að bíl-
ar skemmist í keppninni.
Miðvikudaginn 18. júní hófst hringferð
ökuleikninnar og var byrjað á því að fara aust-
ur um og keppt á Hellu. Auglýsingar verða
hengdar upp á hverjum stað, þegar þar að
kemur.
Sigurvegarar úr hvorum riðli munu fara í
úrslitakeppnina þann 6. september og eins og
fyrr sagði, verða vegleg verðlaun. Sigurvegar-
ar fá utanlandsferð með Arnarflugi auk
bikarverðlauna. Sá er þá ekur villulaust í
gegnum þrautaplanið, hlýtur MAZDA bílinn
að launum.
Keppnisáætlun 1986
Þriðjud. lO.júní Pressukeppni Reykjavík
laugard. 14. júní Reykjavík
miðvikud. 18. júní Hella
fimmtud. 19.júní Höfn
föstud. 20. júní F áskrúðsQörður
laugard. 21. júní Eskifjörður
sunnud. 22. júní Seyðisfjörður
mánud. 23.júní Egilsstaðir
þriðjud. 24. júní Vopnafjörður
miðvikud. 25.júní Húsavík
fimmtud. 26. júní Akureyri
föstud. 27. júní Dalvík
laugard. 28. júní Sauðárkrókur
sunnud. 29. júní Blönduós
mánud. 30. júní Búðardalur
þriðjud. l.júlí Ólafsvík
miðvikud. 2. júlí Stykkishólmur
fimmtud. 3. júlí Patreksfjörður
föstud. 4. júlí Þingeyri
laugard. 5. júlí Flateyri
sunnud. 6-júlí ísafjörður
mánud. 7. júlí Hólmavík
þriðjud. 8. júlí Borgarnes
mánud. 14. júlí Keflavík
þriðjud. 15. júlí Akranes
miðvikúd. 16. júlí Selfoss
fimmtud. 17. júlí Garður
mánud. 21. júlí Kópavogur
þriðjud. 22. júlí Grindavík
miðvikud. 23. júlí Þorlákshöfn
fimmtud. 24. júlí Hafnarfjörður
laugard. 2. ágúst Galtalækur
íslandsmeistarakeppni verður síðan í Reykja-
vík laugardaginn 6. september.
Á forsíðu er rnynd frá „Pressukeppninni“ í
Reykjavík, 10. júní, en þar sigraði Ómar
Ragnarsson í reiðhjólakeppninni.