BFÖ-blaðið - 01.12.1990, Blaðsíða 9
Böðvar Bragason lögreglustjóri í
Reykjavík:
„Ég er hlynntur því að þessi mörk séu færð
niður eins langt og hægt er. Kjarninn í þessu
máli er að menn setjist ekki undir stýri hafi
þeir neytt áfengis.“
Egill Stefánsson formaður Samtaka
endurhæfðra mænuskaddaðra (SEM):
„Persónulega er ég hlynntur því að færa
þessi mörk niður. Við þekkjum það vel innan
okkar hóps hvaða afleiðingar ölvunarakstur
hefur. Það mætti þess vegna þyngja refsingar
og hækka sektir. Það er of vægt tekið á ölvun-
arakstri nú. Það er líka spurning hvort ekki á
að hækka aldursmörk við ökupróf.“
Guðbrandur Bogason formaður
Ökukennarafélags íslands:
„í greinargerð með frumvarpinu er sagt að
því sé ætlað að taka af allan vafa um að neysla
áfengis og akstur fari ekki saman. Hér á
aðeins að gilda ein regla: Hafi menn neytt
áfengis eiga þeir ekki að aka.
Gæta verður að því að þessi ráðstöfun verði
ekki einungis til þess að þeim fjölgi sem teknir
eru vegna ölvunaraksturs og til að auka sekt-
arfé sem fer í ríkishítina heldur þarf að
útrýma ölvunarakstri. Þess vegna þarf, sam-
hliða þessari ráðstöfun, að auka verulega
almannafræðslu um það hvenær og hve lang-
an tíma það tekur líkamann að losa sig við
áfengisáhrif. Það er staðreynd að mikill fjöldi
fólks gerir sér alls ekki grein fyrir því hve
langur hann er. Ég styð þetta frumvarp.“
Guðfinna Eydal sálfræðingur í
Sálfræðistöðinni:
„Ég er fylgjandi þessu frumvarpi. Það hefur
tvímælalaust gildi að mörkin í þessu séu
afdráttarlaus. Það hefur mikið uppeldislegt
gildi, einkum fyrir ungt fólk sem ekki hefur
enn næga innri stjórn. Því getur reynst erfitt
að meta hvenær það hefur drukkið of mikið til
að aka ef boðið er upp á þann möguleika í
lögunum á annað borð.
Til að ungir ökumenn læri að áfengi og
akstur fer ekki saman þarf skýrar línur um
boð og bönn þannig að ekki fari á milli mála að
akstur komi ekki til greina eftir að einhvers
áfengis hefur verið neytt. Unglingar líða oft
fyrir agaleysi í uppeldinu, þó að það sé auðvit-
að misjafnt, og þurfa því aðhald í umferðinni.
Ekki síst á það við hér á landi.“
Guðmundur Þorsteinsson námsstjóri
í umferðarfræðslu:
„Ég er fylgandi frumvarpinu vegna þess að
það auðveldar sumum að taka afstöðu ef þeir
eru í vafa og með tilliti til tíðra slysa vegna
ölvunaraksturs er þetta frumvarp kærkomið.
Með tilkomu bjórsins lendir fólk oftar í vafa
en áður. Honum þarf að eyða.“
Hannes Hafstein forstjóri
Slysavarnarfélags íslands:
„Það hlýtur að valda öllum kvíða hve ölv-
unarakstur er algengur og fer vaxandi. Þess
vegna er þetta sjálfsögð ráðstöfun. Ef tekst
með þessu að gera fólk betur meðvitað um að
ölvun og akstur fer ekki saman þá er það gott.
Frá sjónarhóli Slysavarnarfélagsins fer
ekki á milli mála að þetta er spor í rétta átt.
Þess vegna hlýt ég að vera hlynntur þessu
frumvarpi.“
Ólafur Guðmundsson formaður
Landssambands íslenskra aksturs-
íþróttafélaga:
„Landssamband íslenskra akstursíþrótta-
félaga (LÍA) lýsir yfir stuðningi við fyrirhug-
aða breytingu á lögum um að leyfileg mörk í
blóði ökumanna verði lækkuð.
9