BFÖ-blaðið - 01.07.1993, Page 11

Af þessu má sjá að afstaða
mín til áfengis er í raun eðlileg
afleiðing þess sem ég hef
kynnst í leik og starfi. Eg hef
séð afleiðingarnar og þreifað á
þeim. Sá maður má teljast í
meira lagi vitlaus, sem ekki læt-
ur slíkt hafa áhrif á sig. Eg held
að það hljóti því miður að vera
öllum ungum áfengisneytend-
um nauðsynlegt með einhveij-
um hætti að fá tækifæri til þess
að skynja þann skaða sem áfengi
veldur fólki. Ekki er ólíklegt að
einhverjum snérist þá hugur og
hefðu ekki áhuga á að taka þátt
í þeim drykkjusiðum landans
sem nú eru viðhafðir.
2. Mér finnst brýnt að Alþingi
staðfesti vímuvarnafrumvarp
heilbrigðisráðherra, en í því
opnast í raun möguleiki á mark-
vissri samhæfðri stefnumörkun
stjórnvalda í áfengisvörnum,
nokkuð sem ekki hefur verið til
staðar hingað til hér á landi.
Almenn viðhorfsmótun gegn
áfengisneyslu ungs fólks er
nauðsynleg, þ.e. að ungu fólki
verði gerð grein fyrir og því gert
kleift að vera það sjálft. Flest
ungt fólk er skynsamt í eðli
sínu og ef því eru gerðar kunn-
ar ákveðnar staðreyndir um
skaðsemi áfengis með ákveðnu
verklagi jafnframt því sem al-
menn viðhorfsmótun gegn notk-
un þess fari fram með sérstakri
þátttöku foreldra og annarra
uppalenda. Því miður er ekki
um auðugan garð að gresja þar
sem foreldrar eru annars vegar
því margir þeirra eru langt í frá
að vera góðar fyrirmyndir bama
sinna. Það gengur aldrei að þeir
beini jákvæðum tilmælum til
barna sinna þegar breytni þeirra
er síðan allt önnur. Bömin em
skynsamari en svo að þau sjái
ekki í gegnum slíkt. Almenn við-
horfsmótun kostar mikla vinnu,
þolinmæði og tíma.
Afengisvarnarstefna stjórn-
valda er nauðsynleg og ekki síð-
ur að ráðamenn þjóðarinnar,
hvort sem þeir starfa að sveita-
félagsmálum eða landsmálum,
gangi á undan með góðu for-
dæmi.
Andstæðingar áfengis mættu
láta af óraunhæfum áróðri og
taka virkan þátt í uppbygginga-
vinnunni, aðlaga sig raunhæfu
ástandi og tileinka sér þá mögu-
leika, sem í boði eru. Alger af-
neitun hjálpar lítt í þessum mál-
um.
Mikilvægt er að ungt fólk
verði „alið upp“ með tilliti til um-
gengni við áfengi og áfengisnotk-
un og skemmtanahald, t.d. hjá
framhaldsskólanemum verði tek-
ið til gaumgæfilegrar athugunar
af öllum hluteigandi aðilum.
Ymislegt annað má nefna, en
það verður ekki gert hér. Von-
andi bera þeir aðilar er sinna
forvamastarfi í áfengisvömum
gæfu til þess að samhæfa krafta
sína, þekkingu og fjármagn til
þess að árangurinn geti orðið
sem mestur þegar til lengri tíma
er litið. Ef ekkert verður að gert
er víst að ástandið í þessum
málum hér á landi eigi eftir að
versna til mikilla muna á næst-
unni.
Súsanna Svavarsdóttir
bladamaður:
1. Því fylgir töluverð ábyrgð
að neyta áfengis og á unglings-
árunum skapast oft mikil spenna
í kringum neyslu þess. Sá sem
neytir áfengis þarf að temja sér
heiðarleika gagnvart þessu
hugarfarsbreytandi efni; þora
að horfast í augu við þá stað-
reynd að fyrr eða síðar getur
neysla hans bitnað á fjölskyldu
hans, vinnuveitanda og honum
sjálfum.
Það sem ræður afstöðu minni
er sú ótrúlega fáfræði sem ég
hef rekið mig á, varðandi eðli
áfengis og áfengissýki. Að kenna
áfenginu um allt það böl sem
neyslu þess fylgi firrir neytand-
ann aldrei ábyrgð.
Abyrgðarleysi í áfengisneyslu
kallar á ábyrgðarleysi á öðrum
sviðum mannlífsins.
2. Fordómalaus og ofstækis-
laus fræðsla, allt niður í grunn-
skóla, held ég að sé besta lausn-
in til frambúðar. En til þess
þarf fólk með staðgóða þekk-
ingu á eðli áfengissýki. Fyrsta
skrefið hlýtur því að vera að
kosta menntun fólks, safna sam-
an og dreifa upplýsingum, gera
fræðsluþætti fyrir útvarp og
sjónvarp og síðast en ekki síst
að innræta börnum okkar að
þau beri fyrst og fremst ábyrgð
á sjálfum sér; orðum sínum og
athöfnum, aðrir bera ábyrgð á
sér.
11