Skólablaðið - 31.01.1908, Blaðsíða 8
8
SKOLABLAÐIÐ
ísknskar íþróttir,
Danska myndablaðið »Krig og Fred«
flutti nýlega mynd af íþróttamanninum
Jóhannesi Jósefssyni verslunarstjóra. Fara
útlendingar smámsaman að gá að því, að
enn muni líf í íslendingum á þann veg
sem annan. Og mun vart iangt að bíða
þess, að íslenskar glímur verði kunnar um
víða veröld. Er það einmitt Jóhannes
Jósefsson, sem manna mest hefir stutt að
því, að nú má vænta með vissu, að vjer
íslendingar verðum innan skams íþrótta-
þjóð á ný. Og hefðum vjer vit á að
nota oss áhuga hans og kappgirni, mundi
þjóð vor hafa ómetanlegt gagn af honum
og heiður mikinn. Er hann sem skapaður
til að vera forgöngumaður í alskyns
íþróttum.
nýtt unamcnnafjelaa er „fjvöt" nefnist,
var stofnað 22 des. f. á. í Grímsnesi í
Árnessýslu með 10 fjelögum. Síðan hafa
bæst 5 fjelagar við. Formaður er Páll
kennari Bjarnarson frá Traðarholti.
f Ungmcnnafjelaainu á Vatnsleysuströnd
eru þegar orðnir 34 fjelagar.
í Stykkisbólmi var stofnað myndarlegt
ungmennafjelag á Jónasarhátíð, er haldin
var 16 nóv. Eru fjelagar um 70, flest
ungir menn og flestir þeirra »templarar«.
Vóru samin bráðabirgðalög, er gilda skulu
til 1. mars. Skal þá aðalfundur haldinn,
og stjórn kosin. Formaðurinn er, sem
stendur, Sigurður prófastur Gunnarsson,
eldheitur áhugamaður og ungur í anda,
þó bráðum sje 60 að aldri.
Er vonandi, að »hólmverjar« gangi
brátt í lið með oss öðrum ungmennafje-
lögum og gerist einn hlekkur í festi
Ú. M. F. í. er hið bráðasta á að um-
kringja alt ísland. Ganga kauptún og
kaupstaðir hjer eðlilega á undan. Verðum
vjer kaupstaðarbúar að styðja að því eftir
megni, að fjelagskapur þessi k'omist sem
fyrst á upp til sveita. Pví óefað er það,
að engin fjelög munu reinast hollari til
þjóðþrifa en Ú. M. F. í., ef þau stefna
beint og drengilega að takmarki sínu.
Citla skáldið í lambatúni.
Upp við urðarteiginn,
um inndæl lambatún,
er selstöð mín, þá sólin
rís sjáfar-upp við brún.
En vegna hvers er vakan
á vorsins morgunstund
svo bráðasnemma byrjuð
í blómgum steinalund?
Mig heillar óvart urðin
og óðul hennar mæt:
þar ómar fugls í friði
svo fjörleg rödd og sæt.
F>ar skrikjan sólar syngur,
og sest á lítinn stein,
og hreldu sinni svalar,
og sigrar vökumein.
Hún sendist um og syngur
þar sumarlangan dag.
Eg elska hreimljúft hennar
hvert eitt og einast lag.
Þú skáldið litla, ljúfa
ljóðar um sælu og yl
og bjartar bernsku vonir,
það besta’, er áttu til.
Og síðast, þegar sólin
sest við jökulbrún,
þú syngur eins og áður
um urð og lambatún.
Og loks þá heim eg hörfa
mjer höfug falla’ um brár
til þín fyrir þýða sönginn
þakklætisins tár.
Og verði bágt til bjargar,
og barrið hyljist snjá,
þá skal eg skáld mitt reyna
þjer skjól við matborð ljá.
Sig. Arngrimsson.
Skólafrjettir.
Danmörk.
Alþýðukennarafjelagið í Kaupmannahöfn
hefir nýlega sótt til bæjarstjórnarinnar um
launabreytingu. Eru hin núverandi laun
þeirra í upphafi 1500 kr. og hækka smám-
saman á 15 árum alt að 3000 kr.; en
kennarafjelagið stingur upp á, að byrjenda-
Iaunin séu 2000 og hækki á 15 árum
alt að 4000 kr.
Eru öll Iíkindi til, að bæjarstjórnin gangi
inn á breyting þessa, því í samanburði
við kennaralaun víðsvegar í Danmörku er
4000 kr. eigi of há laun í Kaupm.höfn,
þegar tekið er tillit til þess, hve miklu
dýrara er að lifa þar en annarstaðar.
Gjöld Kaupm.hafnar-borgar til skóla-
þarfa fyrir fjárhagstímabilið 1908 -- ’09
eru talin 3,643,000 kr.
í Ccipzia
á Pjóðverjalandi starfa kennarar 30 stundir
á viku — 5 st. á dag í skóla, og þykir
það enda full nóg, ef þeir eíga að hafa
nægar stundir til heimastarfa, undirbúnings
og sjálfsmentunar.
Skólaaarðar.
í Akurshjeraði nálægt Kristjaníu í Noregi
á í vor að setja á stofn 4 skólagarða, og
gera tilraun í þá átt við marga aðra skóla
þar í nágrenninu. Hefir fólk þar um
slóðir sýnt áhuga mikinn í þeim efnum.
Hamaskólar í Kristjaníu.
Samkvæmt skólaskýrslu fyrir árið 1906
— ’07 vóru »skólaskyldug« börn 35,807,
og vóru 29,640 þeirra í alþýðuskólunum,
6080 gengu í aðra skóla eða nutu heima-
kenslu, 87 nutu engrar kenslu.
Kennarafjöldi var sem greinir: Yfirkenn-
arar og skólastjórar 20, handiðnarkenslu-
forstjóri 1, kennarar í hærri launaflokki
58, af lægra flokki 114, kenslukonur af
hærra flokki 203, af lægra flokki 404.
stundakennarar 10, stundakenslukonur 1.
(En á íslandi eru stundakennaramir
langflestir!)
Skólareikningarnir sýna að gjöld til
skólanna hafa verið 1,747,183,78 kr., og
er þá meðtalinn kostnaður við fæði handa
fátækum börnum,100,484,99 kr.og tilraunir
með útileika 1000 kr. Tekjur vóru 317,-
063,44 kr. Borgarstjórnin greiðir því úr
borgarsjóði 1,430,120,84kr.
Kostar þannig hvert barn borgarsjóð
45,27 °g er þó eigi fæðisgjaldið talið
með.
HELGI VATÝSSON:
BLÝANTSMYNDIR
VÍSUR O G LJÓÐ
er nýkomið út og verður til sölu innan skamms. Bókin er 68 bls. og kostar
75 au.
Prent$ml5ja fiafnarfjarðar.
Helgi Valtýsson:
Lfkamsmentun.
Pýtt og frumsantið.
Kaupbætisrit Skólablaðsins, er sent öllum skilvísum kaupendum þess.
Fæst einnig keypt í afgreiðslu Skólablaðsins innan skamms.
Ca. 50 bls. Verð 25 au.
Ritstjóri og ábyrgðarmaður: Útgefendur:
HELGl VALTÝSSON. KENNARAR FLENSBORGARSKÓLANS.
PRENTSMIÐJA D. ÖSTLUNDS