Skólablaðið - 15.05.1910, Blaðsíða 11

SKÓLABLAÐIÐ
75
Þau vita snemma hver valdið á með réttu. Og öll óspilt börn
bera lotning fyrir réttmætu valdi. —«
Ártíðaskrá Heilsuhælisins.
Gjöf frá íslendingi vesíanhafs. Minningargjafir koma í
stað kransa.
íslenskur maður í Chicago, A. J. Johnsson að nafni, hefur
sent mér að gjöf skrautlega bók og fagra hugmynd framan við
hana.
Hann hugsar á þessa leið: Það er orðið alsiða að gefa
kransa á líkkistur, í heiðursskyni við minningu hins látna og
samhrygðarskyni við ástvini hans. Það er fögur venja; en henni
fylgir sá ókostur, að þar fer mikið fé til ónýtis, í moldina. Höld-
um því, sem fagurt er í þessum sið, en forðumst hitt. Ráðið
tll þess er það að láta minningargjafir koma í stað kransanna,
svo að það fé, sem nú fer til ónýtis, komi að einhverju góðu
gagni.
Bókin, sem mér er send, heitir Ártíðaskrá Heilsahælisins*.
Það er mikil bók, í vandaðasta bandi (alskinnuð), pappírinn af
bestu gerð, strikaður til hægðarauka og með prentuðum fyrirsögn-
um efst á hverri síðu. Er svo tilætlast, að blaðsíðurnar í vinstri
hendi verði ártíðaskrá, þar verði skráð nöfn látinna rnanna, staða
þeirra aldur og dánardægur, einnig dauðamein, ef óskað er: Á
móti hverri því líkri skrásetningu koma, á blaðsíðurnar í hægri
hendi, nöfn þeirra, er gefa minningiargjafir, og til tekinn gjöf
hvers þeirra.
Kransagjafirnar eru útlendur siður og ný til kominn. Hér
í Reykjavík eru kransar flestir úr útlendum. blómlíkneskjum, í
þeim er litaður pappi og léreft. Þessi erlendu blóm fljúga út.
Oft verða kransarnir svo margir, að tugum skiftir, og verð þeirra
þá að samanlögðu yfir 100 kr., stundum langt fram úr því.
Ártíðaskrásetning er rammíslenskur siður og mjög gamall
(frá því á 12. öld). Jeg þykist því vita gð margur muni verða
*) Nafninu og gerð bókarinnar hef eg fengið að ráða.