Tölvumál - 01.08.1982, Blaðsíða 5

TÖLVUMÁL
5
UM ORÐIÐ T Ö L V A
Dr. Þorsteinn Sæmundsson ritar i 5. tölublaó 7. árgangs
Tölvumála grein þar sem hann rekur meðal annars uppruna
orðsins tölva. Er þetta skemmtileg saga og var þarft
framtak að koma henni á prent.
í sömu grein drepur Þorsteinn á atriði sem hefur ergt
mig talsvert á undanförnum árum og það svo að ég hef
hvað eftir annað verið kominn á fremsta hlunn meó að
hefja umræður um það á opinberum vettvangi, þó ekki
hafi af orðið. Þetta atriði er of- og misnotkun orðsins
tölva.
Ég tek undir orð Þorsteins um þetta efni og bendi
lesendum Tölvumála á tilvitnaða grein, ef hún hefur
farið fram hjá einhverjum.
Augljóst er að við smiði orðsins hefur Sigurður Nordal
hugsað til töfra- eða galdranáttúru völvunnar og ætla
má að honum hefði ekki mislikað þótt eitthvað af henni
flyttist yfir á afkvæmið. En hvern gat grunað að upp
mundi magnast svo römm skotta, sem auglýsingaiónaóinum
hefur tekist að vekja upp og taka í sina þjónustu.
Þó að ég hafi ekki fyrr hreyft þessu máli á vettvangi
sem kallast geti opinber, hef ég staðið í ströngu í
hópi kunningja og á eigin heimili og reynt að glíma
við ára þennan, en oftast orðið aó láta í minni pokann.
Ég vona að tölvufólk sameinist nú um það að hreinsa og
vernda merkingu þessa ágæta orðs. Með öflugu samstilltu
átaki kann sigur að vinnast.
1 júni 1982
Jóhann Gunnarsson.
Otgáfu TÖLVUBLAÐSINS SEINKAR
Tölvuútgáfan hf hefur sent frá sér fréttabréf, þar sem skýrt
er frá þvi að útkomu 1. tölublaós Tölvublaósins, sem áætlað
var að kæmi út i júni, hafi seinkaó verulega.
"Frumburóurinn ætlar aó verða erfióur i fæðingu og eru það
margir ófyrirséðir þættir, sem stuðlað hafa að þvi", segir
i fréttabréfinu.
Um orsakir þessarar seinkunar segir, að áhugaleysi auglýs-
enda sé ein megin orsök þessarar tafar á útgáfunni. Söfnun
áskrifenda hefur gengið betur og eru þeir nú orðnir nokkuð
á annað þúsundið.
Nú gerir útgáfan ráð fyrir aó blaðið komi út i ágúst og
verður þaó 100 blaðsiður. Blaöió verður gefió út i 6000
eintökum, til að byrja með.