Vísir - 16.08.1962, Síða 16

VISIR
Fimmtudagur 16. ágúst 1962.
► Bandarískir læknar kynna sér
nú þá hjálp sem í Vestur-Þýzka-
landi er veitt bömum, sem fæddust
vansköpuð, vegna þess að mæður
þeirra tóku inn thalidomide á með
göngutímanum.
Grunað að enn eitt
lyf — tetracyclin
valdi vansköpunum
Enn eitt meðal er nú grunað um
að geta valdið vansköpun barna á
fósturstigi. Er þar nú um að ræða
eitt af fúkkalyfjunum (antibiotics)
sem notað er gegn bólgum. Það
kallast tetracyclin og hefur verið í
lyfjabúðum á Norðurlöndum. Tveir
brezkir læknar dr. M. P. Carter og
dr. F. Wilson hafa varað við þessu
lyfi í brezku læknatímariti.
Þeir halda því fram að hugsan-
legt sé að það sé ekki thalidomid
eitt, sem valdið hafi fjölgun van-
skapaðra barna, grunur falli einn-
ig á önnur efni, þeirra á meðal á
tetracyclin.
AÐVÖRUN TIL KVENNA
Læknayfirvöldin í mörgum lönd-
um hafa hrokkið upp við hinar
alvarlegu afleiðingar thalidomids.
Hefur yfirstjórn heilbrigðismála í
Svíþjóð nú skipað sérfræðing, Jan
Winberg, dósent, til að rannsaka
sambandið milli vansköpunar barna
og ýmissa lyfja. Winberg hefur gef-
ið út aðvörun til sænskra kvenna
að nota ekki tetracyclin lyf, séu
þær barnshafandi.
Það er nú upplýst, að tetracyclin
lyf hafa t.d. verið á boðstólum 'í
norskum lyfjabúðum eins og víða
Framhald á bls. 5.
Smygl / Heklu
Við tollskoðun um
borð í Heklu í gær,
fannst ýmis varningur
þar sem grunur leikur
á að um smygl sé að
ræða. Ekki er þó enn vit
að í hversu stórum stíl
smyglið sé, en sam-
kvæmt upplýsingum frá
Unnsteini Beck yfirtoll-
verði verður nánari at-
hugun gerð á því seinna
í dag.
Hefur allur grunsamlegur varn-
ingur verið innsiglaður, fylgzt er
nú með uppskipun úr skipinu og
tollverðir hafa góðar gætur á
hafnarbakkanum bæði nótt sem
dag.
Þegar Hekla kom til Reykjavík-
ur klukkan 9 í gærmorgun, gerðu
tollverðir ítarlega rannsókn á
skipinu. Mun það hafa verið gert
sem „stikkprufa“, frekar en af
rökstuddum grun um óeðlilegan
varning um borð.
Við þessa skoðun kom í ljós,
bæði í farþegafarangri og eins í
farmi skipsins, eins og fyrr segir,
að meira var til flutnings en skráð
hafði verið. Engar upplýsingar
var hægt að fá í morgun um magn
né hverrar tegundar smyglið viæri,
en heyrzt hefur þó að þar muni
helzt um vín og fatnað að ræða.
Vegna tolleftirlitsins, urðu
nokkur óþægindi hjá farþegum
enda tafðist skipið og dróst að fá
leyfi fyrir farþegana að fara í land.
Varð af þessu óánægja meðal
þeirra en farþegarnir eru flestir
erlendir, þýzkir og danskir.
Hekla kemur frá Kaupmanna-
höfn, Gautaborg, Kristiansand og
Þórshöfn.

|Skymaster-vél og fullkomnari tækil
i
í gær kom til landsins hin
nýja gæzluflugvél Landhelgis-
gæzlunnar. Hún er af gerðinni
DC-4, Skymaster, og er keypt
af portúgölsku rikisflugfélagi,
sem notaði hana á sínum tíma
í Goa. Var henni flogið þaðan
burt á síðustu stundu er Ind-
verjar tóku nýlenduna.
Vél þessi bætir til muna að-
stöðu til gæzlu í kring um land
ið. Lætur nærri að hún geti af-
kastað helmingí meiru en Rán,
þar sem hún er miklu hraðfleyg
ari. Vél þessi er núna útbúin
eins og venjuleg farþegaflugvél.
Hún hefur radar f nefinu, en
ætlunin er að bæta öðrum rad-
ar við, sem settur verður neðan
á flugvélina og getur hann séð
í allar áttir frá flugvélinni, í
stað aðeins beint fram.
Breytingar á vélinni
Allmiklar breytingar eru fyr
Framh. á bls. 5.
/ stolnum bíl
í fyrrinótt stálu tveir piltar af
síldveiðiflotanum 16 og 20 ára
að aldri bíl á Seyðisfirði og óku
honum upp á Hérað og Hróars-
tungu þar til þeir urðu bénzín-
lausir. Þá stálu þeir öðrum bíl
á bæ í Hróarstungu, en voru
stöðvaðir og handteknir.
Hvorugur þessara pilta hafði bíl-
próf og báðir voru ölvaðir. Þeir
hófu þennan feril sinn með því
að stela á Seyðisfirði, Skoda-bifreið
sem er eign apótekarans á staðn-
um, Kristjáns Hallgrímssonar. Óku
þeir á henni yfir Fjarðarheiði, til
Framhald á bls. 5.
Emil Jónsscn sjávarútvegsmála-
ráðherra. Myr.din tekin við komu
hans til Ösló.
I
Emil Jónsson sjávarútvegsmála-
ráðherra lýsti því yfir í samtali við
norska blaðið Aftenposten á þriðju
daginn, að hann teldi líklegast að
island myndi leita eftir einhvers
konar aukaaðild (Assosiering) við
Efnahagsbandalag Evrópu.
Taldi hann erfitt að ímynda sér,
að ísland gæti uppfyllt allar skuld-
bindingar sem fylgdu fullri aðild
að bandalaginu.- Skýrir hann blað-
inu frá því að íslendingar séu farn-
ir að kanna möguleikana á tengsl-
um við bandalagið, en tekur fram
að það sé Alþingi sem verði að
sjálfsögðu að taka lokaákvörðun í
málinu.
Samtal þetta átti ráðherrann við
blaðið við komuna til Osló, en
hann var þá á leið til að sitja fiski-
málaráðstefnu Norðurlanda sem
haldin verður í Þrándheimi. Sitja
ellefu íslendingar ráðstefnuna,
þeirra á meðal Davíð Ólafsson fiski
málastjóri.