Vísir - 29.07.1965, Blaðsíða 8

53
V I S I R . Fimmtudagur 29. júlí 1965.
VISIR
Otgefandi: Blaðaútgáfan VISIR
Ritstjóri: Gunnar G. Schram
Aðstoðarritstjóri: Axel Thorsteinson
Fréttastjórar: Jónas Kristjánsson
Þorsteinn Ö. Thorarensen
Ritstjórnarskrifstofur Laugavegi 178
Auglýsingar og afgreiðsla Ingólfsstræti 3
Áskriftargjald er 80 kr. á mánuði
I lausasölu 7 kr. eint. — Sími 11660 (5 linur)
Prentsmiðja Vísis — Edda h.f.
Málgagn ósannindanna
JTyrir nokkrum dögum var á það bent hér í Vísi
hve fráleitar þær fullyrðingar Tímans væru að dýr-
tíðin í landinu stafaði af ríkis- og bæjarsköttum.
Nefnd var sú alkunna efnahagslega staðreynd, að
skattar virka einmitt á þann veg að draga úr verð-
bólgu og þenslu í þjóðfélaginu en magna hana ekki,
svo sem Tíminn hefur af fágætum þekkingarskorti
haldið fram síðustu daga. Þessum upplýsingum Vís-
is hefur Tíminn reiðzt svo, að í gær heldur blaðið
því fram að Vísir hafi sagt að ofsköttun væri mikil-
vægt hagstjórnartæki! Hér er vitanlega farið með
bein ósannindi, hlutunum snúið við og til langsóttra
hártogana gripið til þess að verja vondan málstað.
Er það vissulega ekki að ósekju að á Tímanum hef-
ur lengi legið fréttafölsunarorð. Það vita allir lands-
menn nema ef til vill sá þröngi hópur, sem að Tím-
anum stendur, að verðbólga síðustu ára stafar af
því, að röng efnahagsstefna var lengi rekin í þjóð-
félaginu. Falskt gengi krónunnar, höft og hömlur á
sviði atvinnulífsins og ábyrgðarlaus stefna í kaup-
gjaldsmálum áttu drýgstan þáttipp j því að magna
verðbólguna hér á landi. Viðreisnarstefnan hefur
leyst úr mörgum þessara vandkvæðá^ komið éfria-
hag þjóðarinnar á traustan og heilbrigðan grund-
völl og leyst höft eysteinskunnar af þjóðinni. Það
hefur tekizt þrátt fyrir sífellt skemmdarstarf Fram-
sóknarflokksins síðustu sex árin. Má m. a. minna á
tillögur hans á þingi í vetur um að auka útgjöld ríkis-
sjóðs um 220 millj. króna. Það hefði þýtt, að þyngja
hefði orðið verulega skatta á landsfólkinu til þess
að vega upp á móti slíkum útgjöldum. Málgagn slíks
flokks ætti því að fara varlega í því að tala um of-
sköttun. Það var einmitt ofsköttun, sem Framsókn-
arflokkurinn hugðist kalla yfir þjóðina í vetur með
fyrrgreindum tillögum, í fullu samræmi við áratuga
kjörorð Eysteins Jónssonar í fjármálum þjóðarinnar.
Edward Heath
Jjáttaskil eiga sér nú stað í brezkum stjórnmálum.
Sir Alec Douglas Home hefur látið af embætti flokks-
formanns íhaldsflokksins og i dag verður Edward
Heath valinn formaður flokksins. Hann hefur vakið
athygli á sér undanfarin misseri fyrir að vera mikil!
málafylgjumaður og þótt mikið foringjaefni. Ekki
sízt þótti hann leysa hlutverk sitt vel af hendi sem
formaður brezku samninganefndarinnar í Efnahags-
bandalagsviðræðum Breta í Bríissel í fyrra. Með vali
hans undirstrikar íhaldsflokkurinn, að hann kýs nána
samvinnu við Evrópuríkin á efnahagssviðinu. Ungir
menn verða nú áhrifamestir í flokknum. menn nýrra
hugmynda og nýrrar stefnu. Undir þeirra stjórn mun
Bretland kasta ellibelgnum, því allir eru sammála
um, að vart verði stjórn Harolds Wilsons langlíf í
landinu.
Edward Heath, hinn nýi leið-
togi brezka íhaldsfl.
-i.i.í- ítiljr 1 nTIiiu^u • uiiiJ gO iio'i ííí ijisiit. ^Z/
moéi .ffiuífisb -ÍO ftnr
Fyrsta atkvæðagreiðsla um
nýjan leiðtoga Ihaldsflokksins
brezka fór fram í fyrradag, svo
sem greint hefir verið í fréttum,
og fékk Edward Heath flest at
kvæði, 150, en skorti 10 til
þess að kosning væri gild. Var
þá ákveðið að ganga til atkvæða
á ný í dag (fimmtudag), en
raunar var talið fullvíst þegar
í fyrrakvöld, að Heath yrði þá
fyrir valinu gagnsóknarlaust
þar sem ekkert benti til, að nýr
frambjóðandi myndi skjóta upp
kollinum, en keppinautar
Heath’s þeir Maudling og Po-
well, höfðu viðurkennt sigur
hans og dregið sig í hlé.
Þess er að geta, að Enoch
Powell er úr hinum frjálslyndari
armi flokksins — hinum sama
og Heath — og ætluðu því
margir fyrir atkvæðagreiðsluna
í fyrradag, að hann myndi
draga frá Heath og Maudling
græða á þvl, en Powell fékk
ekki nema 15 atkvæði og tefldi
Heath ekki í neina hættu.
Ýmsar raddir heyrðust um
það, að óheppilegt væri, að pip-
arsveinn skipaði sess forsætis-
ráðherra í nr. 10 Downing
Street en þann sess myndi
Heath skipa yrði hann valinn
flokksleiðtogi og íhaldsflokkur
inn kæmist aftur til valda. í-
haldsblöðin sem studdu Maudl
ing létu þess getið, að hann
ætti „fagra konu, fagra dóttur
og 3 syni á skólaaldri", en stuðn
ingsmenn Heath’s segja að
Maudling sé ekki skarpgáfaður
eins og hann né eins mælskur
og hvassyrtur. Gagnrýninni á
Heath svaraði Times á þá leið,
að þjóðin hafi þörf fyrir áhuga-
og atorkusaman ieiðtoga, en
ekki „húsfreyju f nr. 10 Down-
ing Street“.
„Kosningabaráttan” var stutt
en engin deyfð yfir neinu, enda
varð að hafa hraðan á. Margir
þingmenn voru í kjördæmum
sínum um seinustu helgi og
kynntu sér skoðanir kjósenda
sinna.
Skoðanakannanir íhaldsblað-
anna Daily Expr. og Daily Mail
reyndust miður áreiðanlegar.
Úrslit skoðunarkönnunar Daily
Express sýndu tildæmis, að
Maudling hafði 14 stig (points)
fram yfir Heath. Stewart Steven
sem skrifaði um þetta í blaðið
sagði, ag þegar kæmi í Ijós vilji
11% þingmanna flokksins, sem
hefðu ekki ákveðið sig, mætti bu
ast við að fylgi Maudlings reynd
ist enn meira. í fréttum blaðsins
kom þó fram, að stuðningsmenn
Heath’s voru í snarpri sókn und
ir lokin.
ihaldsblaðið Daily Express
leitaði álits þingmanns úr flokki
jafnaðarmanna, Maurice Edel-
man’s. Hann komst m. a. svo að
orði:
Um eitt geta menn verið viss-
ir, að atkvæðagreiðslan er for-
leikur almennra þingkosninga.
Þingmenn I'haldsflokksins munu
þess vegna íhuga tvennt aðal-
lega í fari frambjóðendanna:
Hæfileika þeirra til þess að
skilmast við Wilson í neðri mál
stofunni og hæfileika þeirra til
forustu í almennum þingkosn-
ingum.
Edelman segir þingmann úr
Verkalýðsflokknum eitt sinn
hafa kallað Heath hinn ,.bros-
hýra mann — með hnífinn á
lofti“.
Þetta sé styrkur hans og veik
leiki í baráttu — sem stjóm-
málamaður þreytist hann ekki
á í umræðum að ,beita hnífnum*
til þess að komast að markinu,
hvort sem málið sé sammarkaðs
mál eða fjárhagslögin eða önn-
ur mál — og alltaf brosi hann,
— en hann „slappi ekki af“.
Hann tali rökfast og af mikilli
mælsku, en oft svo hratt að
menn geti ekki fylgst með, hann
sé „stundum þrisvar sinnum of
gáfaður fyrir þá, sem hann er
að ávarpa. Hlustendur hans
heillist án þess að skilja". —
Edelman kvað miðstéttirnar
vilja öruggan leiðtoga, vinsam-
legan, vel gefinn .áreiðanlegan
mann og vel á sig kominn, sem
velji sér fjandmann „af réttri
tegund." Hann fer ekki dult með
að kratar vilji heldur „Réggie"
en „Ted‘.
* — Er Maudling latur?, spurði
hann — og svarið: Hann virðist
ekki vera það á þingi. Stórir
menn séu oft þyngri á sér en
menn í léttvigtarflokkum — en
þeir greiði þyngri högg.
I greinarlok gaf Edelman 1
skyn ,að hann óskaði þess að
Ted ynni en myndi hætta aur-
unum sínum á, að Reggie sigrað/
Heath er aðeins 49 ára. Hann
á ekki áhrifafólki að þakka, að
hann hefir náð þessu marki,
hvorki auðs eða aðalsfólki
Hann er sprottinn upp úr jarð-
vegi miðstétta og alþýðufólks
og barist til mennta og sigurs
af eigin ramleik, tileinkaði sér
fljótt venjur og alla háttu
menntaðra manna og stjórn-
málamanna. Og víst er, að hinn
gáfaði og mælski forsætisráð-
herra Harold Wilson hefir feng- 1
ið snarpgáfaðan, orðhvassan og
skeleggan andstæðing þegar
Heath tekur við sem leiðtog/
stjómarandstöðunnar. — 1.