Dagur - 08.10.1997, Blaðsíða 11

MIÐVIKUDAGUR 8.0KTÓBER 1997 - 27
LÍFIÐ í LANDINU
Markaðssetning á Intemetiiiu
Það erekki lengurver-
ið að leita að vörum frá
ákveðnu landi, heldur
vörunni sem slíkri,
semgeturþá verið
hvaðan sem er.
„Internetið þekkir engin landa-
mæri,“ segir Þórarinn Stefáns-
son hjá Oz. „Það að vera með
heimasíðu á Internetinu og
kynna vörur og þjónustu þar,
setur okkur, þessa smáþjóð
lengst'úti í Ballarhafi, á jafnrétt-
isgrundvöll gagnvart stóru þjóð-
unum. Við erum allt í einu kom-
in á blað og vegna þess að við
erum nýjungagjörn, höfum við
verið framarlega í notkun nets-
ins og höfum grætt á því.“
Þórarinn telur mikilvægt að
fyrirtæld sem ætla að koma sér
upp heimasíðu skoði málið vel.
Það þarfnist skipulagningar og
þess að síðan sé uppfærð reglu-
lega. Hann segir að dagblaðið
New York Times setji inn fréttir
og greinar jafnóðum og þær eru
skrifaðar, þannig að hægt er að
lesa það jafnóðum og það er
unnið. Þetta líkar Þórarni vel.
„Það er fátt dapurlegra en að
sjá heimasíðu sem sett var upp í
nóvember í fyrra og hefur ekki
verið hreyfð síð-
an,“ segir Þórar-
inn. „Það er öll-
um nákvæmlega
sama um það
sem gerðist í
fyrra. Lykilinn er
að setja á síðuna
eitthvað nýtt,
eitthvað grípandi
og gæta þess að
hún sé á stóru
leitarvélunum
með hámark 16 orða lýsingu, til
þess að leitandinn skoði hana
fremur en aðrar.“
Sklptir meginmáli
Þórarinn vann áður hjá Útflutn-
ingsráði og þar var sett upp
heimasíða. „Við fengum 1000-
1 500 heimsóknir á mánuði, sem
var meira en við fengum á heilu
ári að jafnaði. Þarna voru fyrir-
tæki um allan heim að leita eftir
ýmsum vörum og árangurinn er
ótvfræður.
Við getum tekið ferðaiðnaðinn
sem dæmi. Rúmlega 20% ferða-
manna sem
komu hingað
til lands á sl.
ári, fengu upp-
lýsingar um
Iandið á net-
inu. Frægt
dæmi er John
F. Kennedy,
hann kom
hingað gagn-
gert vegna þess
þeir höfðu séð
eitthvað um kajakasiglingar frá
Stokkseyri á netinu.
Fyrir okkur Islendinga getur
þetta skipt meginmáli," segir
Þórarinn að lokum. vs
„Afhverjugetég
t.d. ekki lesið
Dag á morgun
ídag?“
SMÁTT OG STÓRT
Göngin uiulir Hvalfjörð
• Það fór ekki framhjá þjóðinni að Halldór
Blöndal samgönguráðherra sprengdi síðasta
haftið í Hvalfjarðargöngunum og ók svo fyrstur
manna í gegnum göngin. Um þann atburð orti
Sighvatur Björgvinsson alþingismaður vísu í
dróttkvæðastíl:
Göngin und Hvalljörð ganga
gizka vel ok í felum
stendur Halldór við standinn
steini tengdan, at sprengja.
Blessast mun hónum blossinn
blindar þar mann ok annan.
Allra svá meðr öli
ætlar kverkar að verka.
Bcðið iim frið
• Það verður ekki sagt að friður hafi ríkt f stjórn-
málunum í Hafnarfirði síðustu árin. Þar hafa
kratar verið í aðal hlutverkinu ásamt þeim Jó-
hanni G. Bergþórssyni og Ellert Borgari Þorvalds-
syni. Nú hefur Tryggvi Harðarson, bæjarfulltrúi
krata, sett skilyrði fýrir áframhaldandi stuðningi við meirihlutann
í bæjarstjórn. Hann vill auk þess hefja viðræður um samstarf við
Alþýðubandalagið fyrir næstu sveitarstjórnarkosningar. Magnús
Jón Árnason er helsti foringi Alþýðubandalagsins í Firðinum.
Þeir Tryggvi og Magnús Jón eru góðir kunningjar eins og myndin
hér til hliðar sýnir. Hún var tekin af þeim félögum í Keflavíkur-
göngu fyrir nokkrum árum. Magnús heldur á kröfuspjaldi þar
sem hann krefst friðar.
Höfuðverkurinn
• Það er með kirkjuna og trúarlífið eins og Hafn-
arfjörð; það ríkir enginn friður. Fyrir nokkrum
árum var stofnaður trúarsöfnuður sem nefndur
var Ungt fólk með hlutverk. Hann var mjög áber-
andi til að byrja með en hefur látið fara minna
fyrir sér að undanförnu. Samt eru þar uppi deilur eins og í öðr-
um sönfnuðum. Nú hefur orðið þar klofningur og hópur fólks
gengið út og stofnað nýjan fríkirkjusöfnuð. Gárungar segja að
hann eigi að heita „Ungt fólk með hausverk."
Nuddið
• A haustmánuðum og yfir veturinn dynja yfir
þjóðina auglýsingar um hverskonar líkamsrækt,
nudd og aðra afslöppun jafnt líkamlega sem and-
lega. Þeir eru til sem ferðast um landið og bjóða -
heildarlausn- í málunum enda er heildarlausn
tískuorð nú til dag. Aðili sem býður svona -heildarlausnir- aug-
lýsti að hann yrði um helgi í þorpi út á landi. Kona á staðnum,
sem var illa haldin af vöðvabólgu, pantaði tíma í -heilnuddi- Hún
var látin leggjast á bekk og síðan tók -heildarlausnarinn- að
vingsa höndunum fram og til baka yfir konuna. Hún hafði brátt
orð á því að þetta þætti sér lélegt heilnudd. „Heilnudd," sagði -
heildarlausnarinn- „þetta er ekki heilnudd, þetta er heilun."
NÝJAR ÍSLENSKAR ÞJÓÐSÖGUR
„Þóeruljóðin
þvHíkt rugl"
Halldór Blöndal hallar höfðlnu og sumlr telja
að med þvi halli á Ijóðagerð hans.
Það bar svo við á liðnu sumri að
þeir félagar Halldór Blöndal ráð-
herra og sr. Hjálmar Jónsson al-
þingismaður voru staddir saman
suður í Afríku til að kynna sér
þar ástand og horfur hjá suð-
rænum meyjum, sem þar búa í
bjálkakofum og dansa villta
dansa á daginn í strápilsum.
Engum sögum fer af ferðinni
sem slfkri, en þess má þó vænta
að þar hafi verið glatt á hjalla.
Væri það líka eitthvað í sam-
ræmi við mennina sjálfa, sem
hér eiga hlut að máli.
Svo sem allir þekkja og vita á
Halldór Blöndal stundum það til
að halla höfðinu þannig að
menn vita varla á hvaða leið það
er. Telja jafnvel að í óefni stefni.
Sr. Hjálmar hefur meira að segja
sjálfur verið á þeirri skoðun að
slíkt hafi áhrif á kveðskap félaga
síns. Og í Afríkuferðinni sællar
minningar kvað hann þessa vísu,
sem hér er eftir höfð og er hér
með orðinn hluti af þjóðsögun-
um.
Andinn svífur einsog fugl,
upp til hæstu fjalla.
Þó eru Ijóðin þvílíkt rugl,
við þrjátíu gráðu halla.
Umsjón: Sigurður Bogi
Sævarsson.
TILB0Ð A
SMÁAUGLÝSINGUM
FYRSTA BIRTING
800 KR.
ENDURBIRTING
400 KR.
Ofangreind verð miðast við staðgreiðslu eða VISA / EURO
ISími auglýsingadeildar er 460 6100
Fax auglýsingadeildar er 462 2087