Dagur - 31.12.1997, Qupperneq 4

4- MIBVIKUDAGUR 31.DESEMBER 1997
FRÉTTIR
i.
Eitt tilboð í rafmagn löndunarbryggju
Opnuð hafa verið tilboð í rafmagn í löndunarbryggju á Siglufirði en
kostnaðaráætlun hljóðaði upp á kr. 3.197.108. Aðeins eitt tilboð
barst, frá Rafbæ að upphæð kr. 2.740.707 m/vsk. sem er 85,7% af
kostnaðaráætlun. Bæjarráð samþykkti að taka tilboðinu.
Sirrý Geirs í Hollywood
Einar Heimisson hefur óskað eftir framlagi frá Siglufjarðarbæ vegna
gerðar myndarinnar „Sirrý Geirs í Hollywood". Erindinu var hafnað
af bæja,rráði. Myndin er að hluta til tekin upp á Siglufirði og í Héð-
insfirði.
Elsta peningastofnun landsins
Sparisjóður Siglufjarðar, sameign Siglfirðinga eins og segir í auglýs-
ingunni, verður 125 ára 1. janúar nk. Af því tilefni verður opið hús í
sparisjóðnum á nýársdag, þar sem boðið verður upp á veitingar, m.a.
forláta nýárstertu. Ekki er að efa að margt verður um manninn í
sparisjóðnum þann dag og á fleiri uppákomum sem munu fylgja í
kjölfarið á komandi ári, m.a. mikil grillveisla á komandi sumri. Spari-
sjóður Siglufjarðar er elsta peningastofnun landsins.
Fækkun bæiarfuUtnia
Runólfur Birgisson nefur flutt tillögu um breytingu á samþykktum
Siglufjarðarkaupstaðar þess efnis að bæjarfulltrúum verði fækkað úr
9 í 7. I greinagerð með tillögunni segir m.a. að þegar nefndarkerfi
bæjarins hafi verið endurskipulagt fyrir 4 árum var stjórnkerfið gert
einfaldara og jafnframt ákveðið að fá reynslu á þá breytingu áður en
umræða færi í gang um að fækka bæjarfulltrúum. Sterkustu rökin
fyrir þeirri breytingu sé að íbúatala bæjarins sé í dag aðeins um
1.600, stjórnkerfið verði einfaldara, sveigjanlegra og skilvirkara.
- GG
Heitt í kolimitm hiá Hitaveitiiimi
Það hitnaði heldur betur í koíunum hjá Hitaveitu Reykjavíkur í
gærnótt og -morgun, en þá leiddi rafmagnsleysi til þess að vatns-
blöndun datt út og heita vatnið fór allt upp í 100 gráður.
Að sögn Hjörleifs Jónssonar hjá Hitaveitu Reykjavíkur stóð þetta
vandamál yfir í skamman tíma og var blöndunin komin í lag um 9.30
um morguninn. „Vegna rafmagnsleysis stoppuðu dælurnar og þá gat
blöndun ekki átt sér stað. Það þýddi að hitinn fór upp á vatninu í bor-
holustöðinni sem véitir vatni til Laugarnesssvæðisins og Holtahverf-
isins. Þegar svona gerist er helst hætta af því að 100 gráðu heitt vatn
getur spýst út úr krönum, en sem betur fer hefur enginn kvartað við
okkur og við ekki frétt af neinum skemmdum eða óhöppum," segir
Hjörleifur. — FÞG
Flugstjðmarsvæði tryggt hjá Sjóvá
Tryggingarvernd sem nær til allra hugsanlegra óhappa á íslenska
flugstjórnarsvæðinu, 5,6 milljónum ferkílómetra, varð að veruleika í
gær. Flugmálastjórn kaupir þjónustuna frá Sjóvá-Almennum sem
varð hiutskarpast í alþjóðlegu tryggingaútboði, bauð 200 þúsund
Bandaríkjadali en hæsta boð var upp á 336 þúsund dollara. Vátrygg-
ingarupphæðin er um 70 milljarðar ísl. króna og samningurinn sem
undirritaður var í gær er stærsti tryggingasamningur sem gerður hef-
ur verið hér á landi. Meira en 70 þúsund þotur eiga leið um íslenska
flugstjórnarsvæðið árlega. Sú vernd sem tryggingin veitir kostar ríkið
tiltölulega lítið, en veitir mikilvæga vernd gagnvart skaðabótakröfum
sem íslenska ríkið kynni að eiga erfitt með að mæta.
Nýárstrimm í Kjamaskógi
Nýárstrimm fer fram í Kjarnaskógi við Ak-
ureyri á nýjarsdag og stendur frá klukkan
átta að morgni til átta að kvöldi. Skógrækt-
arfélag Eyfirðinga hefur staðið fyrir
nýárstrimmi undanfarin ár og í fyrra
skráðu sig um 400 manns í gestabók sem
liggur frammi í Kjarnakoti. — GG
Verðtryggiiig enn torvelduð
Lágmarkslánstími verðtryggðra Iána lengist úr þremur árum í fimm
frá áramótum og lágmarksbinditími innláná sömuleiðis úr einu ári í
þrjú ár. Þessi breyting er áfangi að því marki að draga úr notkun verð-
tryggingar á skuldbindingum til skamms tíma, samkvæmt tilkynn-
ingu frá Seðlabankanum.
I reglum um verðtryggingu sparifjár og lánsfjár frá 1995 kom fram
að stefnt væri að lokaáfanga í breytingu verðtryggingarreglna í árs-
byrjun 2000, þegar verðtrygging innlána yrði óheimil en lágmarks-
tími verðtryggðra útlána og skuldabréfa lengdist í sjö ár. — HEI
SDgftr
Nú er lokiö áralöngum deiium miiii heistu útfaraþjónustuaöila í Reykjavík.
Útfararþj ónustur
grafa strídsöxina
Davíð Ósvaldsson og
Kirkjugarðar Reykja-
víkur hafa loks náð
sáttum. Samkomulag-
ið auðveldar Davíð
framkvæmd nauða-
samninga.
Kirkjugarðar Reykjavíkurpró-
fastsdæmis (KRP) og Líkkistu-
vinnustofa Eyvindar Arnasonar
(LEA) hafa undirritað samkomu-
lag sem felur í sér lokagreiðslu
frá KRP til LEÁ og að öll mál
milli aðilanna falli um leið niður.
I fréttatilkynningu frá aðilunum
kemur fram að samkomulagið
hafi verið undirritað til að „skapa
góðan starfsanda á viðkvæmum
vettvangi fyrirtækjanna".
Deilur fyrirtækjanna hafa
staðið yfir árum saman, en í nóv-
ember 1995 féll Hæstaréttar-
dómur í skaðabótamáli Davíðs
gegn KRP, þar sem úrskurðað
var að KRP skyldi greiða Davíð 6
milljónir króna í bætur. Niður-
staðan var að KRP hefði niður-
greitt þjónustu sína með kirkju-
garðsgjöldum og skekkt þannig
samkeppnisstöðuna. Bæturnar
voru greiddar, en um það leyti
var LEÁ illa statt fjárhagslega og
voru bæturnar notaðar í nauða-
samningum. Davíð leitaði síðan
til Samkeppnisstofnunar þar
sem KRP greip ekki þegar í stað
til íjárhagslegrar aðgreiningar á
rekstri útfaraþjónustu sinnar og
kirkjugarðastarfseminnar og þar
vann Davíð málið. KRP undi
þeirri niðurstöðu ekki, en tapaði
málinu enn í undirrétti og fyrir
Hæstarétti. Samkomulagið nú
tekur til bóta vegna þessa til-
tekna tímabils, en aðskilnaður-
inn hefur farið fram.
Davíð Osvaldsson, forstjóri
LEÁ, vildi ekki tjá sig um málið
og vísaði á lögfræðing sinn,
Hrein Loftsson. Hreinn staðfesti
að samkomulagið fæli í sér
greiðslur frá KRP. „En aðilarnir
eru sammála um að upphæðin
skuli vera trúnaðarmál. Sam-
komulagið gerir Davíð kleift að
ná áttum í rekstrinum, en hann
er enn að ganga frá ákvæðum
nauðasamninganna," segir
Hreinn. - FÞG
Með heitustu jóla-
ntánuðum aldarimiar
Desembermánuður,
sem nix er að renna
sitt steið, var af-
burðamánuður í veð-
urfarslegu tilliti og
hitamet var sett í
Reykjavík.
„Það má fullyrða að þessi desem-
bermánuður er með hlýjustu
jólamánuðum á öldinni,11 sagði
Þóranna Pálsdóttir, veðurfræð-
ingur á veðurfarsdeild Veður-
stofu íslands í gær. Veðrið hefur
reyndar leikið við landsmenn
flesta daga síðan í haust.
Hitastigið í höfuðborginni fór í
12 gráður þann 14. desember
síðastliðinn og næstu tvo daga á
eftir varð lítið Iát á þeim hita.
Þóranna segir að þetta sé hita-
met í Reykjavík, hærra hitastig
hefur ekki mælst í borginni í
desember frá þvf mælingar
hófust.
Á Akureyri fór hitastigið í 14,8
stig þann 15. desember og nálg-
aðist að slá hitametið, sem er
1 5,1 stig síðan í desember 1964.
Hitastig á landinu mun hafa
farið allt upp í 18 gráður á Aust-
fjörðum, en ekki hafði Þóranna
nákvæmar upplýsingar í höndum
um hitann í hnúkaþey aust-
firskra fjalla. Eystra hefur hitinn
áður farið í 18 gráður, það var á
Seyðisfirði 1988, og mun það
mesti desemberhiti sem mælst
hefur.
Þóranna segir að veðurfarið
hafi um margt verið óvenjulegt,
en ekki alveg einstakt. Desember
fyrir 10 árum, árið 1987, var ein-
muna góður og þá eins og nú
mátti sjá grænan lit á túnum og
gróður sem var í vöknun víða um
land. — JBP