Dagur - 01.05.1998, Blaðsíða 17

f'ÖsTVda’giír i! M 'Á I 1 9 $ 8 - 33

LÍFIÐ í LANDINU
Stór og geislavirk fj ölskylda
Efnilegasti körfuknatt-
leiksmaður landsins er
ungurog stór. Baldur
Ólafsson er 19 ára og
2.06 metraráhæð.
Hæðina hefurhann frá
foreldrum ogfjöl-
skyldu sem hann segir
að sé hálfgeislavirk í
þessu tilliti.
Þegar fylgst er með Baldri í
körfuboltanum hjá KR er ljóst
að þar fer ungur maður með
hæfíleika og hæð í farteskinu.
Það hefur hann nýtt sér vel á
undanförnum mánuðum með
þeim glæsilega árangri að standa
uppi sem efnilegasti leikmaður
úrvalsdeildarinnar síðasta
keppnistímabil. Hann neitar því
ekki að það sé gaman að bera
þennan titil. „Það voru margir
góðir nýliðar í deildinni í vetur
þannig að þetta er sérstaklega
mikill heiður fyrir mig. Það voru
miklu fleiri áberandi en ég, sér-
staklega hann Orlygur Sturluson
í Njarðvík, en við spiluðum báð-
ir ágætlega í úrslitakeppninni."
Baldur hafði ekkert hugsað út
í möguleikana á titlinum fyrr en
í lok mótsins að leikmenn úr-
valsdeildarinnar áttu að velja
besta og efnilegasta leikmann-
inn. „Þá áttaði ég mig á því að
ég ætti möguleika enda margir
búnir að nefna það við mig.“
Slys að bæta sig ekki
Það er varla síðra að vera valinn
efnilegasti leikmaður deildarinn-
ar en sá besti þar sem titillinn
ætti að þýða að framtíðin sé
björt. „Það er rétt. Þetta þýðir
að vísu Iíka að ég verð að halda
áfram að bæta mig frá ári til árs.
Nú er tekið eftir mér og ég álit-
inn efnilegur. Það er búist við
ákveðnum hlutum af mér.“
Hann tekur því, að eigin sögn,
ósköp rólega, segir það enga sér-
staka pressu, og hann ætli bara
að halda áfram að hafa gaman
af körfunni.
Haldi Baldur áfram að bæta
sig sem körfuboltamaður er út-
litið bjart um atvinnumennsku,
en þangað stefnir hugurinn. „Eg
hef verið að velta því fyrir mér
að fara til Bandaríkjanna í há-
skólanám. Reyna að fá fullan
styrk út á körfuboltann. Það yrði
mjög sterkt. Möguleikarnir ættu
Iíka að vera góðir.“ Hann hefur
þegar neitað þremur skólum
sem honum var komið á fram-
færi við, þeir hentuðu honum
ekki þar sem engin var heima-
vistin.
„Það er slys ef maður bætir sig
ekki sem leikmaður á Ijórum
árum í bandarískum háskóla. Ef
maður fær að spila sæmilega
mikið, er undir stjórn þriggja
eða fjögurra þjálfara sem alltaf
eru að kenna manni eitthvað, þá
getur maður ekki annað. Það er
annað hérna heima. Þá er mætt
á æfingar, hitað upp, teygt og
farið í gegnum kerfi. Með því
áframhaldi get ég alveg haldið
Baldur hefur hæfileikana og hæðina sem þarfí körfuboltann. Framtíðin er að komast til Bandaríkjanna í skóla og spila körfu. Verða
ennþá betri og komast í atvinnumensku. mynd:eól
áfram að bæta mig en miklu
mun hægar en gerist ef ég
kemst út.“
Baldur bætir þó við að erlend-
ir leikmenn sem hingað komi
gefi stundum af sér á þann hátt
að kenna þeim sem yngri séu og
óreyndari. Þannig sé hægt að
læra þó nokkuð.
Alltaf glæta með NBA
Þeim leikmönnum hefur fjölgað
hér á landi sem gera atvinnu-
mannasamninga við erlend félög
og Belgía hefur verið ofarlega á
blaði. Þegar Baldur er spurður
að því hvort Bandaríkin og NBA
boltinn sé ekki meira spennandi
en Belgía segir hann... „Jú, en
NBA er bara draumur. Ég hugsa
mér að fara til Bandaríkjanna í
háskólanám því ég veit að eftir
það kemst ég nokkurn veginn
pottþétt i atvinnumennsku í
Evrópu. Því vil ég halda fram
sjálfur. Möguleikarnir á því að
verða NBA leikmaður eru rosa-
lega fjarlægir. Það er alltaf ein-
hver glæta ef manni fer gríðar-
lega fram og það yrði náttúru-
lega frábærast af öllu. En fyrir
Islendinga að spila hjá góðu liði
í Evrópu við góðan orðstýr upp-
fyllir hluta draumsins."
Ekki Valsari inn við beinið
Baldur byrjaði ekki að spila
körfubolta fyrr en á fermingar-
aldri og hefur því ekki spilað
nema f sex ár. Gjarnan hefur
heyrst að hann sé uppalinn Vals-
ari sem hafi farið í KR en því er
hann ekki sammála enda segist
hann aldrei hafa litið þannig á
sig þrátt fyrir að hafa hafið feril-
inn hjá Val. Þar hafi hann ein-
ungis verið í tvö ár, þá eitt hjá
KR, eitt ár í Bandaríkjunum og
nú aftur með KR.
Hann segir það hafa verið
pirrandi í upphafi vetrar hve
gengi KR-inga hafi verið rysjótt.
„Ég var ekkert að velta mér upp
úr því þar sem ég var að ná mér
upp úr meiðslum. Þetta er leið-
inlegt móralskt séð, leikmenn
pirrast á smáhlutum, en þetta
reddaðist allt saman. Sem betur
fer.“
KR náði betri árangri í vetur
en nokkur gat búist við, fór alla
leið í úrslitakeppnina þar sem
spilað var á móti Njarðvík. En
allir leikirnir töpuðust. „Það var
rosalega svekkjandi. Eiginlega
hrikalega leiðinlegt. Við vorum
búnir að sjá það á þessari sigur-
braut að við ættum að geta
þetta. En við lentum á móti
ofjörlum okkar. Þeir voru betra
liðið, það var alltaf einhver
neisti hjá þeim sem vantaði hjá
okkur.“
Hæð og hæfileikar
Hæðin er hans sérkenni. Ansi
áberandi fyrir þá sem mæta
honum á götu og þekkja hann
ekki. Hann er líka mældur 2,06
metrar í skóm, gefur sig út sem
2,05 metra. Þessi mikla hæð er
ættgeng. „Þetta er fjölskyldan.
Hún er öll, eins og við segjum,
geislavirk. Pabbi er tæplega 2
metrar á hæð, mamma 1,80, all-
ar systur pabba 1,80. Þannig að
þetta er í genunum. Ég hef
alltaf verið lang stærstur,
þyngstur og mestur. Er vanur
því.“
Baldur segir hæðina aldrei
hafa háð sér sérstaklega. Hann
hafi að vísu verið mikill klunni
sem barn og eftir að teygðist
ennþá meira úr honum hafi bak-
ið farið að segja til sín. Tognaði í
fyrsta skipti í baki 12 eða 13
ára. Hann veit alltaf af því og
passar sig.
En auðvitað var það hæðin
sem dró Baldur í körfuna á sín-
um tfma og á henni græðir
hann. „Karfan var eitthvað fyrir
mig enda ég alltaf stærri en allir
aðrir. Það er sterkt að vera svona
hár og ég græði á því hér heima.
Möguleikarnir á atvinnu-
mennsku eru líka meiri.“
Engin stjamfræðileg hæð
Aðspurður um það hvernig sé að
vera svona hár segir hann að
sumir séu með stæla, sumir taki
kipp. „Það versta við hæðina er
sennilega það að ég á gjörsam-
lega ómögulegt með að kaupa á
mig föt hér heima. Þegar ég var
í Bandaríkjunum náði ég að
byrgja mig þokkalega upp, en
maður dettur niður á einstaka
flík. Skóna panta ég síðan í
gegnum umboðin. Þau eru til í
að hjálpa enda erfitt að fá skó í
46 til 50.“
Hann er hættur að stækka.
„Ég á alla vegana að vera það
samkvæmt öllum mælingum. Ég
er feginn, en einn sentimetri í
viðbót myndi samt ekki skipta
öllu máli,“ bætir hann við.
Baldur fór á sínum tíma til
læknis vegna hæðarinnar og
mældist 198,3 sentimetrar.
Vaxtalínan var þá að lokast og
búist var við einum fimm senti-
metrum í viðbót sem hann tók
út og vel það. „Þar sem ekki
stefndi í einhverja stjarnfræði-
lega hæð kom ekki til greina að
stöðva vöxtinn. Hann var ekki
óviðráðanlegur fyrir mig og verð-
ur ekki. I dag græði ég á hæð-
inni.“ HBG