Dagur - 09.05.1998, Side 11
l>^wr
LABGARDAG'UR 9 . M‘A‘l 19 9 8 -> 11
ERLENDAR FRÉTTIR
í.
Krabbameinsrannsóknir. Vísindamenn segjast hafa verið að lækna krabbamein í músum áratugum saman.
Óhófleg hjartsýni
Vísmdamenn segja
allt of miklar voiiir
bundnar við nýju
krabbameinslyfm.
Um síðustu helgi birti New York
Times forsíðufrétt þar sem sagt
var frá tveimur nýjum lyfjum,
angiostatín og endostatín, sem
þykja lofa góðu í baráttunni við
krabbamein. Fréttin vakti mikla
athygli og stöðugur straumur
sjúklinga hefur verið til krabba-
meinslækna í Bandaríkjunum og
e.t.v. víðar í von um að fá að
prófa þessi lyf.
Læknar og vísindamenn eru
þó sammála um að ekki verði
hægt að taka lyfin í notkun fyrr
en í fyrsta lagi eftir nokkur ár, ef
nokkurn tímann, og reyndar sé
bjartsýnin í kringum þessi lyf
alltof mikil. Fjölmörg svipuð lyf
hafa áður verið reynd á músum
og lofað góðum árangri, en hann
hefur ekki skilað sér þegar til-
raunir hafa verið gerðar á mönn-
um.
„Þetta er ekkert penisilUn“
Nú er t.d. verið að gera tilraunir
með ekki færri en níu önnur Iyf
á mönnum, sem öll byggja á
sömu grundvallarhugmyndinni -
og öll lækna þau krabbamein í
músum eins og ekkert sé en virð-
ast hingað til ekki ætla að skila
sama árangri í mönnum. „Þetta
er ekkert penisiliín," sagði dr.
Lee Rosen, sem starfar við
krabbameinsrannsóknir við Kali-
forníuháskóla í Los Angeles.
Læknar segja margir hverjir að
fréttir á borð við þessa séu verst-
ar fyrir krabbameinssjúklingana
sjálfa. „Þeir reyna í örvæntingu
sinni að finna eitthvað sem gæti
verið auðveld Ieið út úr erfiðleik-
unum,“ sagði dr. Philip DiScaia,
aðstoðarframkvæmdastjóri
krabbameinsrannsóknardeildar
við Kaliforníuháskóla í Irvine.
„Eg hef miklar áhyggjur af sjúkl-
ingum sem fá falskar vonir um
að eitthvað geti komið út úr
þessu strax, þegar það er ekki
rétt.“
„Saga krabbameinsrannsókna
hefur verið saga krabbameins-
lækninga hjá músum,“ sagði dr.
Richard Klausner, framkvæmda-
stjóri Krabbameinsstofnunar
Bandaríkjanna. „Við höfum verið
að lækna mýs af krabbameini
áratugum saman - og það ein-
faldlega virkaði ekki á menn.“
Tók 25 ár að sannfæra aðra
Nýja „kraftaverkalækningin"
byggir á hugmynd sem F. Judah
Folkman, þá ungur læknir við
barnaspítala í Boston, fékk fyrir
meira en 30 árum. Þá komst
hann að því að æxli framleiða
efnasambönd sem örva vöxt æða
sem flytja blóð inn f æxlið sjálft.
An næringar frá þessum æðum
geta æxlin ekki stækkað og verða
aldrei nema örlitlir frumuklasar.
Folkmann ályktaði sem svo að
með lyfjum, sem stöðva fram-
leiðslu æxlanna á efnasambönd-
unum sem örva vöxt æðanna,
væri hægt að koma í veg fyrir að
æxlin stækkuðu. En það tók
hann meira en aldaríjórðung að
sannfæra aðra vísindamenn á
sviði krabbameinsrannsókna um
að þessi hugmynd gæti gengið
upp.
Thalidómíð vaknar til lífs-
ins
Nú nýlega hefur þessi hugmynd
hins vegar náð töluverðum \dn-
sældum meðal þeirra sem fást
við krabbameinsrannsóknir, og
eru bundnar miklar vonir við að
hún skili árangri. Sem stendur
virðist vera sem yfir hundrað há-
skólarannsóknarstofur og 40 líf-
tæknifyrirtæki séu að vinna að
því að þróa slík Iyf.
Nú þegar er byrjað að gera til-
raunir með sum þeirra á mönn-
um. Eitt þessara lyfja er reyndar
hið alræmda thalidomíð, sem olli
alvarlegri vansköpun á útlimum
barna sem fæddust eftir að
mæður tóku lyfið á meðgöngu-
tíma.
Allir eru þeir sem stunda þess-
ar rannsóknir afar bjartsýnir á
nýju lyfin, vegna þess að flest
þeirra eru talin hafa - öfugt við
eldri krabbameinslyf - engar
aukaverkanir. Og vegna þess að
þau verka á æðarnar en ekki æxl-
in sjálf þá virðast krabbameins-
frumur ekki mynda varnir gegn
þeim. - Los Angeles Times
Viðtalstímar
bæjarfulltrúa
Mánudaginn 11. maí 1998 kl. 20-
22 verða bæjarfulltrúarnir Þórarinn
E. Sveinsson og Sigríður Stefáns-
dóttir til viðtals á skrifstofu bæjar-
stjóra að Geislagötu 9, 2. hæð.
Bæjarfulltrúarnir munu svara
símaviðtölum eftir því sem að-
stæður leyfa.
Síminn er 462 1000.
HEIMURINN
Limdimabúar viljja borgarstjóra
BRETLAND - Mikill meirihluti kjósenda greiddi atkvæði með því að
sett verði á stofn embætti borgarstjóra í London sem kosinn verði í
almennum kosningum. Kosningaþátttakan í atkvæðagreiðslunni sem
fram fór á fimmtudag var reyndar ekki mikil, aðeins 34%, en af þeim
voru 72% fylgjandi borgarstjóraembættinu en 28% á móti.
Kofi Annan baðst afsökunar
RUANDA - Kofi Annan, framkvæmdastjóri Sameinuðu þjóðanna,
baðst í gær afsökunar á því að ríki heims hefðu ekki gert nægar ráð-
stafanir til að koma í veg fyrir þjóðarmorðið í Rúanda árið 1994. „Við
verðum að viðurkenna að heimurinn sveik Rúanda á þessum erfiða
tíma,“ sagði Annan, en hann er nú staddur í Rúanda og hefur sætt
þar verulegri gagnrýni fyrir að hafa ekki brugðist nógu hart við á sín-
um tíma.
Skammt í nýja stjóm
FÆREYJAR - Stjórnarmyndunan'iðræður Anfinns Kallsberg í Fær-
eyjum hafa gengið vel og bendir allt til þess að ný stjórn verði orðin
að veruleika áður en langt um líður. Að stjórninni standa væntanlega
Þjóðveldisflokkurinn, Fólkaflokkurinn og Sjálfstýriflokkurinn, sem
allir hafa það að markmiði að auka sjálfstæði Færeyja. Talið er að
stutt verði því í að viðræður heljist milli Færeyinga og Dana um að
Færeyjar verði fullvalda ríki, en þó væntanlega með konungssam-
bandi við Danmörku.
Innilegar þakkir fyrir auðsýnda samúð og
vinarhugvið andlát og útför eiginmanns
míns og föður
KRISTJÁNS GUÐMUNDSSONAR
frá Ásbjarnarstöðum.
Guðrún Halldórsdóttir,
Vigdís Kristjánsdóttir.
Reykjavíkiiifcorg
Borgarskipulag
Fiskslóð, deiliskipulag
í samræmi við 1. og 2. mgr. 18. gr. skipulags- og byggingarlaga
nr. 73/1997 er hér með auglýst til kynningar deiliskipulag reits
sem markast af Fiskislóð, Grunnslóð og Grandagarði. Kynningin
fer fram í sal Borgarskipulags og Byggingarfulltrúa í Borgartúni
3, 1. hæð, virka daga kl. 10.00-16.15 og stendur til 5. júní 1998.
Ábendingum og athugasemdum, ef einhverjar eru vegna ofan-
greindrar kynningar, skal skila skriflega til Borgarskipulags
Reykjavíkur, eigi síðar en 19. júní 1998.
Þeir sem eigi gera athugasemdir innan tilskilins frests, teljast
samþykkja tillöguna.
Reylgavíkurborg;
Borgarskipulag
Aðalstræti 12-18, Túngata 2-4,
breyting á deiliskipulagi
( samræmi við 1. og 2. mgr. 18. gr. skipulags- og byggingarlaga
nr. 73/1997 er hér með auglýst til kynningar breytt deiliskipulag við
Aðalstræti 12-18 og Túngötu 2-4.
Kynningin fer fram í sal Borgarskipulags og Byggingarfulltrúa í
Borgartúni 3, 1. hæð, virka daga kl. 10.00-16.15 og stendurtil 5.
júní 1998. Ábendingum og athugasemdum, ef einhverjar eru vegna
ofangreindrar kynningar, skal skila skriflega til Borgarskipulags
Reykjavíkur, eigi síðar en 19. júní 1998.
Þeir sem eigi gera athugasemdir innan tilskilins frests teljast sam-
þykkja tillöguna.
ÁRVIRKNI
ÁRVIRKNI ehf. - NorSurlandsvegi 4 - 540 Blönduós - S: 452 4750 - F: 452 4755
Óskum eftir að ráða nú þegar
Bifvélavirkja
Menntunar og hæfniskröfur.
• Full réttindi í bifvélavirkjun
• Leitað er að manni með alhliða reynslu
af viðgerðum á bifreiðum og vinnuvélum.
• Æskilegt að hafa reynslu af stillitölvum.
Umsóknareyðublöð og allar nánari upplýsingar
er að hafa á skrifstofu Mannvals, Austurstræti
17 3. hæð og á Internetinu:
http://www.islandia.is/mannval
Umsóknarfrestur er til 15. maí n.k.
MANP,
SemrtiKtnmuem^ etg- réðmlngflsttffflái
AU5TUR5TRÆTI 17 • 3. HÆÐ • 101 REYKJAVÍK
5ÍIV1I 5B1 5858 • FAX 5B1 5859