Dagur - 25.03.1999, Blaðsíða 3

FIMMTUDAGUR 25. MARS 1999 - 19
Thypr
LÍFIÐ í LANDINU
)
- Já, sæll Rúnar. Þið á Kópa-
skeri voruð að funda með
stjórnendum Fiskiðjusamlags
Húsavíkur um þá ákvörðun
þeirra að loka rækjuvinnsl-
unni á Kópaskeri með þeim
afleiðingum að 40 manns
missa vinnuna. Hvað kom út
úr þessum fundi?
,Ja, mér heyrist nú á stjórn-
endum FH að þeir séu gallharð-
ir á því að loka vinnslunni hér
frá því í maí og fram á haust og
það er Ijóst að þegar fólk er at-
vinnulaust í svo langan tíma
gefst það einfaldlega upp og fer.
Því er hlutverk okkar hér á
staðnum að koma með nýjar
lausnir og nú er málið komið í
hendur sex manna starfshóps
sveitarstjórnar og verkalýðsfé-
lags, sem mun m.a. funda með
þingmönnum kjördæmisins í
næstu viku og vonandi eiga þeir
okkur góð ráð til handa."
- Og hvers væntið þið af
þingmönnunum?
„Hér er verið að loka rækju-
vinnslunni vegna ónógs kvóta og
auðvitað er þetta afleiðing af því
kvótakerfi sem stjórnvöld hafa
komið á. Það hefur einnig leitt
til þess að afurðaverð er mjög
hátt þar sem við höfum ekki út-
hafsrækjuna. Það tekur sem sagt
hvað annað í horn og það hefur
harðnað á dalnum. Menn eru að
skoða hvort hægt sé að auka við
rækjukvótann hér í Öxarfirði og
vissulega er það sjónarmið, en
menn mega heldur ekki slátra
mjólkurkúnni einsog sagt er.“
Hefur staða mála á
Kópskeri ekki verið nokkuð
góð síðustu árin?
„Síðustu 10 til 12 ár hefur
okkur farnast nokkuð vel. Kaup-
félag Norður-Þingeyinga og
rækjuvinnslan Sæblik urðu
gjaldþrota laust fyrir 1990, en
það tókst með aðstoð stjórn-
valda að koma atvinnustarfsemi
af stað hér á nýjan leik og síðan
þá hefur atvinnuleysi hér verið
nánast óþekkt vandamál. En
vissulega skapar hættu að vera
með mörg egg í sömu körfu og
þar vitna ég til þess hve rækjan
skiptir hér miklu máli.“
Hvorumegin markalínu
góðærisins í landinu teljið þið
ykkur Öxfirðingar vera?
„Stundum hefur maður nú á
tilfinningunni að við séu norðan
„Verið að loka rækjuvinnslunni vegna
ónógs kvóta og auðvitað er þetta af-
leiðing afþví kvótakerfi sem stjórn-
völd hafa komið á, “ segir Rúnar Þór-
arinsson, oddviti Öxarfjarðarhrepps.
hennar og vitna ég þar til ýmis-
konar opinberrar þjónustu - til
að mynda heilbrigðisþjónust-
unnar, þar sem lengi hefur verið
viðvarandi að hingað vanti
lækna til starfa. Einnig get ég
nefnt samgöngumál, vegurinn
hingað um Tjörnes er afleitur og
samkvæmt vegaáætlun er upp-
bygging hans ekki alveg á næsta
leiti. A hinn bóginn gerum við
Öxfirðingar okkur vonir um að
framkvæmdum við hann verði
flýtt og til þess verði notaðir
peningar sem koma eiga úr
sjóði, sem stofnað er til sam-
hliða kjördæmabreytingunni til
að styrkja byggðir sem standa
höllum fæti.“
- Já, Bjami Pálmason. Komdu
sæll - bvernig straumar liggja í
þjóðfélaginu. Um hvað talar
fólk í bílnum hjá þér þessa dag-
ana?
„Hva, heldur þú að ég ætli að
segja þér hvað menn eru að tala
um hér í bílnum hjá mér. Það má
ég ekki. Jú, ég get annars sagt þér
að ég var að keyra hér mann sem
sagði að það væri laglegt með
þennan þarna fyrir norðan sem
var að bakka út úr fyrsta sætinu á
Samfylkingarlistanum vegna
skulda og ábyrgða sem hann er í.
Þetta er laglegt og vekur upp
spurningar um hvernig fyírhag
annarra þingmanna er báttað.
„Davíð er ekkert nema vasaútgáfa af
pólitíkus," segir Bjarni Pálmason
leigubílstjóri.
af
Umhverfis landi
¥
..............
d áttatíu símsk
Sigurður Bogi Sævarsson, slær á þráðinn og kannar mannlífið í landinu.
Það þyrftu kannski ýmsir fleiri að draga sig í hlé. En segðu mér
hverju eru engir blaðamenn til á Islandi?"
- Engir blaðamenn, hvað ertu að meina?
„Nú, ég er að meina að þið segið aldrei neinar fréttir þegar þær
gerast. Það þarf svo sannarlega að hreinsa til í pólítíkinni og þið
blaðamenn þurfið að vinna fyrir kaupinu ykkar. Það er einsog þið
þorið engu eða ykkur sé borgað fyrir að þegja.“
- Fjandi ertu svartur, maður. Mér finnast þetta ekki sann-
gjarnir dómar. Heyrðu en pólitíkin; hvernig liggur landið í
henni?
„Eg er búinn að vera sjálfstæðismaður í 101 ár einsog sagt er en ég
kaus þá ekki síðast. Sat heima, enda kunni ég ekki við að koma með
rýtinginn í bakið á þeim með því að kjósa annað. Þetta vita þeir hjá
Flokknum. Davíð er ekkert nema vasaútgáfa af pólitíkus; hann tók við
borginni með 5,5 milljarða í plús árið 1982 og niu
árum síðar var hún komin í 7,3 milljarða
í mínus. Kostnaður við Ráðhúsið
og Perluna fór fram út öllu
valdi, Ráðhúsið átti að kosta
840 milljónir en varð end-
anlega eitthvað yfír þremur
milljörðum og Isbjörninn
sameinuðu þeir Bæjarút-
gerðinni eftir að BÚR hafði
verið rekið í mörg ár með
tapi. En það liðu síðan ekki
nema fáeinir mánuðir og þá
voru þeir farnir að greiða arð af
Granda. Þeir sem svona vinna eru
________ ekkert nema vasaútgáfa af pólitíkus.
Síðan kemur Davíð núna og montar sig af
því hvað hann hafi verið duglegur að standa við bakið á öryrkjum og öreigum. Það er ekki
rétt hjá honum og ekkert nema prump úr í loftið."
- Er eitthvað að gera í akstrinum, hvar ertu staddur núna?
„Ég er hér fyrir utan Leifsstöð að bíða eftir útlendingum sem eru að koma til lands-
ins. Það er svona reytingur að gera í akstrinum og hangi maður yfír þessu dagana langa
er hægt að hafa upp úr þessu svolítið meira en salt í grautinn. Kannski fyrir grjónunum
líka.“
Þá gefst fólk upp
ogfer
Kaunski fyrir grj ón-
unum líka
Framtíð fegurðardísar
- Komdu sæl Linda. Þú ert þarna
meðal þátttakenda í Fegurðarsam-
keppni Suðurlands sem verður á Hótel
Örk miðvikudaginn fyrir páska. Þið
eruð væntanlega búnar að standa í
miklum æfingum að undanförnu?
„Já, við erum alltaf á æfingum um
helgar úti á Hótel Örk, líkamsæfingum
og í framkomu, og síðan höfum við líka
gert ýmislegt skemmtilegt saman; fórum
til dæmis til Reykjavíkur í óvissuferð þar
sem við fórum í keilu, sund, borðuðum á
Rex og gistum á Hótel Cabin. Við erum
ellefu stelpur sem tökum þátt í keppn-
inni að þessu sinni, en alls vorum við
sextán sem byrjuðum upphaflega en
fímm heltust úr lestinni og fimm erum
við eftir.“
- Nú tekur maður eftir í viðtölum
við fegurðardrottningar þar sem þær
eru spurðar um áhugamál að þær
neíha þar nánast allar sömu þættina
einsog samveru með vinum, líkams-
rækt, hesta, lestur góðra bóka og
skemmtanir. Eru áhugamál ungra
stelpna svona eða eru þetta einhver
stöðluð svör sem þið gefið?
„Svona er þetta nú bara. Sjáðu ég er í
skólanum allan daginn og þegar ég kem
heim úr honum fer ég í æfingar í Styrk
og síðan er ég að læra á kvöldin og um
helgar skemmti ég mér með vinum mín-
um ef ég er ekki að vinna. Það var til
Jæmis eitthvað einsog þú nefnir sem ég
varaði þegar ég var spurð um þetta.
„Innri persóna er það sem skapar fegurðina, “
segir Linda Sigmundsdóttir, fegurðardrottning.
- Þú ert í Fjölbrautaskóla Suður-
lands. Hvað ert þú að læra þar og
hvaða framtíðaráform hefur þú?
„Framtíðaráformin eru bara þau að
halda áfram að læra, halda sér í formi,
ferðast um heiminn og eignast fjölskyldu
- án þess þó að binda mig ung. I skólan-
um er ég á sálfræðilínu félagsfræðibraut-
ar, en hef í hyggju að nema eitthvað
einsog snyrtifræði í náinni framtíð."
- Hvað þarf stúlka að hafa til þess
að geta verið fegurðardrottning?
„Hún þarf að hafa sitthvað. Til dæmis
iíta vel út, koma vel fyrir, vera hún sjálf
og hafa útgeislun. Innri persóna er það
sem skapar fegurðina."
Varguriim veit á góða veiði
Já, komdu sæl
Hólmfríður. Hvernig ■ ■ ■ "ý'ÉÚ-
fer sala á veiðileyfum
í Laxá í Mývatnssveit á
i sumar af stað? g
„Bara nokkuð vel,
við erum að verða búin
að selja flest veiðileyf-
in fyMr næsta sumar.
Veiðin hefst þann 29.
maí og mest eru þetta
íslendingar sem hafa
keypt leyfin, en reynd-
ar eru þarna útlend-
ingar líka inn á milli.
Veiðin fer yfirleitt af
stað um mánaðamótin
maí og júní, hvaða dag
það er nákvæmlega fer
svolítið eftir því hvern-
ig það stendur á með
„Útlit með veiði í Mývatni í sumar er
nokkuð gott, “ segir Hólmfriður Jóns-
dóttir á Arnarvatni.
helgi.“
- Hvernig er útlitið með veiði í sumar
og hvernig var síðasta sumar?
„Síðasta sumar var nokkuð gott, á efsta
svæði Laxár það er frá Laxárvirkjun og
hingað upp að Mývatni veiddust alls á átt-
unda þúsund silungar, en hér við Mývatn
eitthvað í kringum 5.500 fiskar. En útlitið
með veiðina næsta sumar er nokkuð gott
miðað við þær athuganir sem fiskifræðing-
ar gerðu í fyrra þegar þeir athuguðu varg-
inn og seiðafjölda í vatninu. Þessir þættir
komu vel út og því erum
við bjartsýn á komandi
sumar hvað varðar veið-
ina.“
- Er einhver ferða-
mannastraumur í Mý-
vatnssveit núna?
„Það er nú alltaf ein-
hver umferð hér yfir vetur-
inn með ferðamenn, sem
koma þá bæði frá Húsavík
og Akureyri og síðan eru
hér líka alltaf einstaklingar
á ferð. En af alvöru fer
ferðamannastraumurinn
ekki af stað fyrr en um
mánaðamótin maí og júní,
venju samkvæmt."
- Nú stóð yfir mikið
gjörningaveður í pólitík-
inni með sveitarstjóra
ykkar Mývetninga, Sigbjörn Gunnars-
son, hvað þykir ykkur fyrir austan um
það?
„Ég skal svo sem ekki um það segja,
mér fínnst þetta moldvirðri sem þyrlað
hefur verið upp í kringum Sigbjörn og
hans mál vera frekar ósmekklegt. En það
get ég annars sagt að hér þykir fólki Sig-
björn hafa staðið sig nokkuð vel í sínu
starfi, ég verð að minnsta kosti ekki vör
við annað.“