Dagur - 23.10.1999, Page 11

LAUGARDAGUR 23. OKTÓBER 1999 - 11
L
A
Gífurlegt blóð-
bað í Grosní
Á annað hundrað
manns fórust þegar
sprengjuárás vax gerð
á markaðstorg í mið-
horg Grosní í fyrri-
nótt.
Rússnesk stjórnvöld þvertaka
íyrir að bera ábyrgð á sprengju-
árás sem gerð var á miðborg
Grosní, höfuðborgar Téténíu, í
fyrrinótt. Hátt á annað hundrað
manns fórust og fjölmargir særð-
ust þegar sprengjur sprungu á
markaðstorgi í miðborginni.
Rússneski herinn viðurkenndi
að hafa gert sprengjuárás á
Grosní, en eingöngu í þeim til-
gangi að eyðileggja vopnabúr ís-
lamskra skæruliða. Þeir sögðu
hins vegar enga sprengju hafa
fallið á markaðstorg í miðborg-
inni. Haft var eftir rússneskum
hershöfðingja að þeir sem fórust
hafi verið skæruliðar sem voru
að stunda vopnaviðskipti, en
ekki óbreyttir borgarar sem hvort
eð er væru ekki staddir á vopna-
markaði skæruliða um miðja
nótt.
Valdimir Putin, forsætisráð-
herra Rússlands, var staddur í
Finnlandi og sagði hann að ef
sprenging hafi orðið á markaðs-
torgi í miðborg Grosní þá hljóti
það að stafa af því að andstæð-
um fylkingum téténskra skæru-
Iiða hefði lent saman. Rússar
hefðu þar hvergi komið nærri.
Þýskur fréttamaður, sem
staddur var í Grosní þegar
sprengjuárásin á markaðstorgið
var gerð, sagðist hafa heyrt þijár
sprengingar. Hann sagði ekkert
benda til þess að þetta hefði ver-
ið vopnamarkaður skæruliða né
að neitt vopnabúr væri þar í
grenndinni, en sprengjugígar
hefðu myndast á götum og
sprengjubrot væru um allt.
Vitni sögðu að eitt flugskeyti
hefði hæft strætisvagn fullan af
fólki, og fjölmargir hafi verið
staddir á markaðstorginu, ýmist
til að kaupa mat eða setið í mak-
indum á útikaffihúsum.
Einnig var fullyrt að eitt flug-
skeyti hefði hæft mæðradeild
sjúkrahúss og þar hefðu um
þrjátíu manns farist, m.a. ný-
fædd börn og mæður þeirra.
Astandið í Grosní kom mjög til
umræðu á fundi í Helsinki í
Finnlandi í gær, þar sem Putin
hitti stjórnmálamenn frá aðild-
arríkjum Evrópusambandsins,
en meginefni þess fundar átti að
vera umfjöllun um samvinnu
Rússa og Evrópusambandsins
næsta áratuginn. A þessum
fundi sagðist meðal annars
Joschka Fischer, utanríkisráð-
herra Þýskalands, vera harmi
sleginn vegna atburðanna í
Grosní og hvatti Rússa til þess
að hætta þegar í stað árásum
sem verða óbreyttum borgurum
að bana.
Rússneski herinn hefur um-
kringt Grosní og náð á vald sitt
um þriðjungi Téténíu. Innrás
rússneska hersins í Téténíu
hófst í lok september, en þá
höfðu Rússar um nokkurra
vikna skeið stundað loftárásir á
landið. Rússar hafa jafnan hald-
ið því fram að árásirnar beinist
eingöngu að íslömskum skæru-
liðum, sem gerðu innrás í
Dagestan í ágúst og Rússar telja
einnig að þessir sömu skærulið-
ar beri ábyrgð á sprengjutilræð-
um í fjölbýlishúsum í Rússlandi,
sem urðu um 300 manns að
bana.
Fagnað sem þjóðhetju
Xanana Gusmao, sem
flestir búast við að
verði forseti Austur-
Tímors, var fagnað
sem sigurvegara í Dili
í gær.
Xanana Gusmao, helsta leiðtoga
aðskilnaðarsinna á Austur-
Tímor, var fagnað sem þjóðhetju
þegar hann kom til höfuðborgar-
innar Dili í gær. Grfðarleg
stemmning var meðal eyjar-
skeggja og þúsundir manna
söfnuðust saman til að taka á
móti Gusmao, sem kom með
leynd til eyjarinnar í fyrrinótt frá
Astralíu.
Gusmao, sem er 53 ára, nýtur
mikilla vinsælda og er talið nán-
ast fullvíst að hann verði fyrsti
forseti Austur-Tímors þegar
sjálfstæði verður að veruleika
Xanana Gusmao kominn til Dili.
cftir langa baráttu gegn hernámi
Indónesíu, eða allt frá 1975.
Gusmao var handtekinn árið
1992 og dæmdur í lífstíðarfang-
elsi, en eftir að þjóðaratkvæða-
greiðsla fór fram um framtíð
Austur-d’ímors í ágústlok var
honum sleppt og fór hann fljót-
lega eftir það úr landi.
Indónesíuþing staðfesti fyrr í
vikunni niðurstöðu þjóðarat-
kvæðagreiðslunnar. Urslit þeirra
kosninga voru þau að takmark-
aðri sjálfstjórn A-Tímors innan
Indónesíu var hafnað með yfir-
gnæfandi meirihluta atkvæða,
sem þýðir að landsmenn vildu
heldur algert sjálfstæði án nokk-
urra tengsla við Indónesíu. Með
staðfestingu þingsins er nánast
öruggt að af sjálfstæði verði.
Nærri tíu þúsund flóttamenn
frá Austur-Tímor hafa snúið aft-
ur og er von á þeim í stórum
hópum næstu daga og vikur, en
nærri þriðjungur allra íbúanna
ýmist flúði eða var fluttur nauð-
ugur á brott meðan vígamenn
andvígir sjálfstæði fóru um allt
með ofbeldi vikurnar eftir að at-
kvæðagreiðslan fór fram.
Skaut á útlendiuga
GRIKKLAND - Rúmlega tvítugur maður hóf skothríð á útlendinga á
götu í Aþenu í fyrrinótt og létust tveir menn og þrír aðrir særðust.
Gaf maðurinn þá skýringu á athæfi sfnu að útlendingar taki atvinnu
frá Grikkjum. Hinir Iátnu voru Nígeríumenn, og sömuleiðis tveir
hinna særðu, en sá þriðji var frá Pakistan. Grunur leikur á að sami
maður hafi verið að verki þegar Kúrdi var skotinn í Aþenu fyrr í vik-
unni, en þá var hann ekki einn að verki.
Jeltsín mættur
aftur til starfa
RÚSSLAND - Boris Jeltsín, forseti
Rússlands, mætti aftur til starfa á
skrifstofu sinni í Kreml í gær, en
hann hefur verið í veikindafríi sem
stóð í tvær vikur. Hann veiktist illa
af kvefi þann 9. október síðastlið-.
inn og var í tvo daga á sjúkrahúsi
en hefur síðan dvalið heima hjá
sér meðan hann var að jafna sig.
Jeltsín hefur hvað eftir annað
þurft að taka sér veikindaleyfi frá
því hann gekkst undir hjartaað-
gerð haustið 1996.
Boris Jeltsín.
Huudruð slösuðust í jaxðskjálfta á
Taívan
TAIVAN - I gær varð jarðskjálfti á Taívan, sem talinn var hafa mælst
6,4 stig á Richterkvarða. Meira en 300 manns slösuðust og fjölmörg
hús hrundu til grunna eða urðu fyrir miklum skemmdum. Einn mán-
uður er liðinn frá því mikill jarðskjálfti varð á Taívan sem kostaði
meira en 2.400 manns lífið.
Lögfræðiugar Piuodiets áfrýja
BRETLAND - Lögfræðingar
Augustos Pinochets, fyrrverandi
einræðisherra í Chile, áfrýjuðu í
gær til hæstaréttar Bretlands úr-
skurði dómstóls frá því 8. þessa
mánaðar um að heimilt sé að
framselja hann til Spánar, þar sem
hann hefur verið ákærður vegna
pyntinga. Afrýjunin þýðir það að
málaferlin yfir Pinochet í London
dragast enn á Ianginn, og jafn-
framt gerir áfrýjunin það að verk-
um að Pinochet verður ekki sleppt
um stundarsakir úr haldi af mann-
úðarástæðum. Pinochet var hand-
tekinn í London í október fyrir ári.
Tveir Serbar haudteknir
JÚGOSLAVIA - Friðargæsluliðar í Kosovo handtóku í gær tvo Serba
sem grunaðir eru um stríðsglæpi. Serbarnir höfðu reynt að komast
huldu höfði til Albaníu í bílalest flóttamannastofnunar Sameinuðu
þjóðanna. Þeir voru hafðir í haldi í Pizren í Kosovo, en verða vænt-
anlega fljótlega fluttir til Haag þar sem stríðsglæpadómstóll SÞ hef-
ur aðsetur.
Papon á sjúkra-
húsi í Sviss
SVISS - Maurice Papon, sem
hlaut tíu ára fangelsi vegna þátt-
töku sinnar í nauðungarflutning-
um gyðinga á stríðsárunum, var
handtekinn í gær í Sviss en þang-
að hafði hann flúið til að koma sér
undan afplánun dómsins. Framsal
hans til Frakklands gæti þó dregist
nokkuð því hann var fluttur á
sjúkrahús í Bern skömmu eftir
handtökuna vegna hjartsláttar-
truflana. Papon er 89 ára, en hann
var um skeið lögreglustjóri í París
og síðar ráðherra í frönsku ríkis-
stjórninni.
Slanga í haðherherginu
ÞYSKALAND - Ungri konu í Ludwigshafen í Þýskalandi brá heldur
betur í brún þegar hún opnaði skáp inni á baðherbergi í íbúöinni,
sem hún var nýflutt inn í. I skápnum var fjögurra metra löng slanga,
sem fyrri leigjandi íbúðarinnar hafði gleymt þegar hann flutti. Lög-
reglan komst að því, þegar málið var rannsakað, að slangan væri ekki
hættuleg og sagði að eigandi hennar gæti sótt hana.