Dagur - 06.11.1999, Blaðsíða 2

18 - LAUGARDAGUR 6. NÓVEMBER 1999
HELGARPOTTURINN
Gunnar Salvarsson.
Hinn geðþekki Gunnar Salvarsson sem til
skamms tíma sagði landsmönnum erlendar
fréttir í Sjónvarpinu er nú farinn til annarra
starfa. Hann hefur þó ekki yfirgefið fjölmiðla-
mennskuna alveg, því hann er orðinn kynn-
ingarstjóri hjá Áma
Sigfússyni og fé-
lögum hjá Tæknivali.
Hann er ekki fyrsti
fréttamaður Sjón-
varpsins sem fer til
starfa af þessum toga, og má í því sambandi
nefna Hrannar Pétursson, sem er orðinn
blaðafulltrúi Álversins, Helga Már Artúrs-
son hjá heilbrigðisráðuneytinu og Gunnar
E. Kvaran hjá Skeljungi svo einhverjir séu
nefndir.
Helgi Már Artúrsson.
Menn eru farnir að skvetta vígðu vatni á allar
vélar og krossa sig í bak og fyrir áður en haf-
ist er handa við nokkurt verk í eftirvinnslunni á
Myrkrahöfðingjanum hans Hrafns Gunn-
laugssonar svo dramatísk er hrakfallasagan
orðin að menn standa agndofa frammi fyrir
tiktúrum náttúrunnar (í einni tökunni lyftist
jörð undir myndavélinni sem tafði tökur dög-
um saman) og ólógískri hegðan tölva sem
haga sér skikkanlega að öllu jöfnu - þ.e. þeg-
ar ekki er við sjálfan Satan að eiga. Tvær frum-
sýningar hafa runnið út í sandinn vegna hinnar andsetnu tölvutækni og
til að allt verði ekki þegar þrennt er hafa menn tekið viku frá undir
„vesen" og stefna ekki að frumsýningu fyrr en 25. eða 26. nóv. (þótt
myndin verði sennilega tilbúin viku fyrr) ef hin myrku öfl skyldu enn vera
ósátt við handbragð Hrafns.
Hrafn Gunnlaugsson.
Söngstjarnan skæra hún Emilíana Torrini
er um þessar mundir á tónleikaferðalagi (
Frakklandi til þess að fylgja eftir nýju plötunni
sinni Love in the time of science og gengur
ábyggilega vel, að
minnsta kosti ef
marka má hennar
frábæru tónleika í
fslensku Óperunni
um daginn þar
sem trommuleikar-
inn Sigryggur
Baldurson Qá sjálfur Bogomil Font) fór á
kostum. (Hann hlýtur að koma til greina sem
besti trommari íslands.)
Þá eru félagarnir Kristján
Kristjánsson, KK, og
Magnús Eiríksson ný-
komnir úr hljóðveri og að
sjálfsögðu farnir að túra um
landið. Umboðsmaður Krist-
jáns er Pétur bróðir hans
sem býr á Seyðisfirði, er
myndlistamaður og rekur þar
plötuverslun undir nafninu
Turninn. Óbyggðirnar kalla...,
já það má nú segja.
Emilíana Torrini.
...Margt verður sér til gamans gert á því herrans ári tvö þúsund. Meðal
viðburða sem í undirbúningi eru er vindhátíð sem er hugsuð sem óður
til næðingsins og steytunnar sem við höfum búið við frá því sögur
hófust. Aðal hátíðasvæðið verður þak Faxaskála og þar verða ótal lista-
atriði flutt, Guðni Franzson mun flytja frumsamið tónverk tileinkað
vindinum og sérstakt dansverk samið af Láru Stefánsdóttur listdans-
ara verður flutt. Hannes Lárusson mun stjórna vindgerningi og svið-
ið allt verður skreytt vindskúlptúrum og vindhönum. Fleiri þjóðir leggja
okkur lið. Til dæmis kemur færeyski myndlistarmaðurinn Trándur Pat-
urson með vindhörpu tileinkaða Heinesen og hópur arkitekta og dans-
ara frá Brussel sýnir listir þar á meðal Erna Ómarsdóttir. Eins gott
hann bresti ekki á með logni og blíðviðri...
Loks rifjum við hér upp sögu af þjóðhetjunni
og íþróttaafreksmanninum Hauki Clausen,
sem gerður var að heiðursfélaga Tannlækna-
félagsins í vikunni. Auk tannlækninganna er
Haukur þekktur fyrir iþróttaafrek sín, íslands-
met, Norðurlandamet og Evrópumet í 200
metra hlaupi, svo og málaralistina en myndir
hans skreyta fjölmörg heimili um allt land. Þá
er Haukur orðinn goðsögn (lifandi lífi því að
enn eru rifjaðar upp skemmtilegar sögur úr
framhaldsnámi hans við tannlæknaháskólann í
Minneapolis í byrjun sjötta áratugarins þar sem margir héldu að „gradu-
ate“ stúdentinn Haukur væri „Prince Hákon from lceland".
Haukur Clausen.
Ð^ur
„Þetta er tilfinningamál fyrir marga. Þetta
eru okkar flokkar, okkar hugsjónir. Þaö
tekur tíma fyrir okkur tilfinningalega að
leggja flokkana til hliðar. Það er gott fyrir
sálina að fá tíma og tækifæri til þess, “
segir Elsa Guðmundsdóttir, framkvæmda-
stýra Kvennalistans. mynd: ghs
Tílfinningamál
á landsfundi
Framtíð Kvennalistans og Veru ræðst á landsfundi Kvennalistans um helgina. Allar
líkur eru á að Kvennalistinn gerist félagi í Samfylkingunni og að Vera verði gerð að
sjálfstæðu kvennatímariti.
„Stefnt er að þvf að stofna nýtt
stjórnmálaafl sem heitir Sam-
fylkingin og lögð verður fram til-
laga um að við fáum umboð til
að ganga inn í þetta nýja stjórn-
málaafl, það er að segja Samfylk-
inguna á landsvísu. Samtökin og
flokkarnir, sem standa að Sam-
íylkingunni, eru með fulltrúa í
sveitarstjórnum um allt land og
þeir verða að styðja við sitt fólk
meðan það er enn í bæjarstjórn-
um. Eftir þrjú ár er gert ráð fyrir
að Ieggja flokkana niður og fara í
bæjarstjórnarsamkrull á þeim for-
sendum,“ segir Elsa Guðmunds-
dóttir, hagfræðingur og fram-
kvæmdastýra Kvennalistans.
Hvernig á að formsetja?
Um helgina ætla kvennalistakonur
að hittast á einum af sínum síðustu
landsfundum til að ræða og taka
ákvörðun um tvö mál, inngöngu í
Samfylkinguna og einkahlutafé-
lagavæðingu Veru. Elsa segir að
bæði málin hafi verið til umræðu
innan Kvennalistans um nokkurt
skeið og nú sé komið að ákvarðana-
töku. Ljóst sé að það sé mjög gott
fyrir alla, jafnt konur Kvennalistans
sem flokksbundna félaga í stjórn-
málaflokkunum, að fá svigrúm til
að ganga frá sínum málum og segja
skilið við fortíðina, ekki síst sál-
fræðilega séð.
„Þetta er tilfinningamál fyrir
marga. Þetta eru okkar flokkar,
okkar hugsjónir. Það tekur tíma fyr-
ir okkur tiifinningalega að leggja
flokkana til hliðar. Það er gott fyrir
sálina að fá tíma og tækifæri til
þess,“ segir Elsa.
A fundinum verður einnig rædd
tillaga vinnuhóps um það hvernig
eigi að formsetja hinn nýja flokk
Samfylkingarinnar.
Fá aðrar konur inn
Annað mál, ekki síður mikilvægt,
verður einnig tekið fyrir á lands-
fundinum en það eru framtíðar-
horfur málgagnsins Veru.
Kvennalistinn hefur gefið út Veru
í fjöldamörg ár en um næstu ára-
mót má búast við að breytingar
verði þar á. „Staðan er að breytast
þannig að Kvennalistinn hefur
ekki þingflokk lengur heldur
erum við hluti af þingflokki Sam-
fylkingarinnar. Um leið breytast
fjármálin. Við höfum stutt útgáfu
Veru fjárhagslega en nú höfum
við ákveðið að nota tækifærið til
að stofna sjálfstæða einingu og
gera Veru að málgagni kvenna og
kvenfrelsis í heild sinni og fá inn í
útgáfuna aðrar kvennahreyfingar í
landinu," segir Elsa.
Engar viðræður hafa átt sér stað
enn sem komið er en Elsa segir
ljóst að Kvennalistinn hugsi sér að
eiga áfram 30 prósenta hlut í Veru.
Blaðinu verður hreytt í einkahluta-
félag og verður öðrum boðið að
leggja fram hlutafé og taka þátt í
útgáfunni sem eigendur með allan
rétt sem því tilheyrir. Konurnar
hugsa sér að Vera verði framlag
Kvennalistans með áskrifendum,
viðskiptavild og öðrum eignum.
Þetta eru því spennandi tímar í
Kvennalistanum.
-GHS
MAÐUR VIKUNNAR ER SIGURVEGARI!
Ragnhildur Vigfúsdóttir er maður vikunnar að þessu
sinni, en í fýrradag vann hún frækinn sigur í jafnrétt-
ismálum fyrir héraðsdómi sem skikkaði fýrrum
vinnuveitenda hennar til að greiða henni miskabætur
vegna brots á lögum um jafna stöðu og jafnan rétt
kvenna og karla. Dómur sem fer á spjöld kvennasög-
unnar, eins og Ragnhiidur sagði í viðtali við Dag í
gær. Til hamingju!
Ragnhildur Vigfúsdóttir.