Dagur - Tíminn Akureyri - 16.05.1997, Qupperneq 3

|Dagur-®TOTÚm
Föstudagur 16. maí 1997 - 3
F R E T T I R
Biskup áminnír sóknarprest
„Alrangt að ég hafi
krafist þess að ferma
börnin, en ég ætla
mér að taka þátt í
fermingarguðsþjón-
ustunni“, segir sr.
Torfi Stefánsson
Hjaltalín. Ekki víst að
börnin mæti.
Sóknarpresturinn á Möðru-
völlum, sr. Torfl Stefansson
Hjaltalín, segir það alrangt
að hann hafi krafist þess að
ferma 6 börn í Möðruvalla-
kirkju að morgni annars í
hvítasunnu. Aldrei hafi leikið
neinn vafi á því að það gerði sr.
Hulda Hrönn Helgadóttir, enda
hafi hún undirbúið þau undir
ferminguna. Þar sem hann sé
hins vegar kominn aftur til
starfa hafi hann æskt þess að
vera viðstaddur fermingarguðs-
þjónustuna. Prestarnir hafa
báðir boðað messu á sama tíma
annan hvítasunnudag. Sr. Torfi
segir að hann geri sér fulla
grein fyrir því að svo kunni að
fara að fermingarbörnin mæti
ekki til athafnarinnar, eða þá
að hann verði settur af. Upp-
haflega voru fermingarbörnin
7, eitt hefur þegar verið fermt.
Ólafur Skúlason, biskup ís-
lands, sendi bréf 20. febrúar sl.
til foreldra fermingarbarna
(stílað á Hjördísi Björk Þor-
steinsdóttur á Ytra-Brekkukoti)
þar sem hann harmar að ekki
hafi orðið við ósk hans um að
fermt yrði í aprílmánuði, þ.e.
áður en sr. Torfi kæmi aftur til
starfa. Að áliti biskups yrði með
því komið í veg fyrir árekstra,
sem annars kunni að spilla
ánægjulegum fermingardegi,
því sr. Torfi hafi fulla heimild til
að þjóna í sinni kirkju á hvíta-
sunnunni. Þessari beiðni bisk-
ups, studdri af prófasti, hafa
sóknarbörnin neitað, og ljóst að
þau vilja láta sverfa til stáls
gegn sóknarprestinum.
Níu fjölskyldur kveðja
Níu fjölskyldur í Möðruvalla-
sókn hafa nýtt sér lög frá árinu
1882 þar sem segir m.a. að
sóknarbarn geti leyst sóknar-
bönd í samráði við prófast (sr.
Birgi Snæbjörnsson, í þessu til-
viki) og valið sér kjörprest.
Kjörpresturinn, sr. Hulda
Hrönn, á þá rétt á að fram-
kvæma athafnir fyrir þessa ein-
staklinga í þeirra sóknarkirkju,
svo fremi að sóknarprestur sé
ekki að nota kirkjuna á meðan.
Þessi ákvörðun hefur verið
tilkynnt sr. Torfa Hjaltalín. Hefð
er fyrir því að sr. Torfi Hjaltalín
sé með hátíðarguðsþjónustu á
hvítasunnudag, en ekki á ann-
an í hvítasunnu. Nú hefur það
hins vegar gerst að hann hefur
einnig tilkynnt hátíðarmessu í
kirkjunni kl. 10.30 á annan dag
hvítasunnu, þegar áformað er
að ferma í kirkjunni. Þar segir
m.a.: „Ferming og altarisganga.
Séra Hulda H.M. Helgadóttir
sóknarprestur í Hrísey fermir
og tekur til altaris. Sóknar-
prestur."
Áminning
Sr. Baldur Kristjánsson, bisk-
upsritari, segir það ljóst að
þessi messutilkynning Torfa
kosti hann áminningu frá bisk-
upi þar sem hann hafi boðið
honum að messa ekki á annan
dag hvítasunnu. Sóknarprestur
hefur tök á því að bæta sig við
fyrstu áminningu, skv. lögum
frá 1996, en hljóti hann aðra
áminningu ber skylda til að
veita honum lausn frá embætti
meðan rannsókn fer fram á
málinu. Af hálfu biskups er
unnið að lausn málsins þannig
að fermingarbörnin líði ekki
fyrir þennan ágreining. GG
Sjónvarp
Akureyri
í dag verður sjónvarpað beint frá íslandi hinum heimsfræga morg-
unspjallþætti Góðan dag, Ameríka. íslenska ríkið lagði til 15 millj-
ónir til að þessi útsending frá Fróni mætti ná inn á morgunverðar-
borð bandarískrar alþýðu. Allt til að kynna landið. Myndin sýnir
hluta af áhöfn þáttarins undirbúa útsendingu. Myndis.úi.
Bflauniferð um göngu-
götu lýkur 1. júní
Bæjarráð Akureyrar hefur
samþykkt að loka göngu-
götu Hafnarstrætis fyrir
bifreiðaumferð frá og með 1.
júní nk. Á fundi sínum 14. nóv-
ember 1996 fól bæjarstjórn
bæjarstjóra, Jakobi Björnssyni,
að sjá um framkvæmd tilraunar
„með umferð bifreiða um
göngugötuna tímabundið fram
til aprílloka 1997 með lágmarks
aðgerðum og tilkostnaði." Síðar
var ákveðið að tilraunatímabilið
stæði frá 15. janúar sl. til 31.
maí nk. Af þessu tilefni lagði
bæjarstjóri fram eftirfrandi til-
lögu:
„Bæjarstjórn samþykkir að
tilraun með umferð bifreiða um
göngugötuna verði ekki fram-
lengd og Ilafnarstræti (og Ráð-
hústorg) verði aftur skilgreint
sem göngugata og umferðarmál
á svæðinu breytist í samræmi við
það til fyrra horfs.“ Bæjarstjórn
mun fjalla um tillöguna á fundi
20. maí nk. en fullvíst má telja
að þar hljóti hún samþykki. GG
Akureyri
Málsmeðferðar krafist
vegna áfengisauglýsingar
Faðir á Akureyri hefur sent
Ríkissaksóknara bréf
ásamt ljósriti af auglýs-
ingabæklingi frá Einkaklúbbn-
um. Bæklingurinn kom inn um
bréfalúguna til 19 áia gamals
sonar mannsins og var merktur
honum. Það væri ekki í frásög-
ur færandi nema vegna þess að
heilsíðu áfengisauglýsing prýðir
textann og er einnig borið lof á
ákveðna áfengistegund.
„Ég tel að embætti yðar sé
ekki stætt á öðru en að taka
þetta mál til meðferðar af fullri
alvöru, að öðrum kosti megi allt
eins leggja það niður í sparnað-
Innlendar bjórauglýsingar hafa oft
orkað tvímælis að undanförnu.
arskyni og gefa glæpamönnum
frjálsar hendur," segir m.a. í
Verktaka
bréfinu.
Áfengisauglýsingar eru
bannaðar með lögum hérlendis
en vitað er um mörg tilvik þar
sem farið er á skjön við laga-
setninguna. „Það hefur farið í
taugarnar á mér að lögum skuli
ekki vera framfylgt, jafnvel þó
þau kunni að vera umdeild,"
segir ennfremur í bréfinu.
Hallvarður Einvarðsson ríkis-
saksóknari hafði ekki fengið
bréfið þegar Dagur-Tíminn hafði
samband við hann í gær. Það var
enda dagsett í fyrradag en HaU-
varður sagðist skoða málið.
BÞ
Sjálfsmorð verkalýðsfélaga
Atvinnurekendur og
verkalýðsfélög stuðla að
aukinni verktöku launa-
fólks með því að semja um lág-
markslaun sem eru miklu
minni en nokkrum manni dett-
ur í hug að greiða. Með þessu
eru verkalýðsfélög í raun og
veru að fremja sjálfsmorð.
Þetta er að minnsta kosti
skoðun Péturs Sigurðssonar,
formanns Alþýðusambands
Vestijarða, sem hefur miklar
áhyggjur af þessari þróun
mála. Ef ekki verður nein
breyting á þessari þróun er
ekki útilokað að hver starfs-
maður í frystihúsi verði í fram-
tíðinni ráðinn sem verktaki
fremur en sem launamaður.
Pétur telur að launamaður
sem fær kannski helmingi hærri
laun en samningar kveða á um
geti ekki haft miklar taugar til
síns stéttarfélags. Af þeim sök-
um telur hann sér betur borgið
með því að gerast t.d. verktaki
og komi því verkalýðsfélaginu
ekkert við.
Formaður ASV segir að auk-
in verktaka launafólks sé í
beinu samhengi við þá samn-
inga sem gerðir hafa verið. Með
því að semja um slíka samninga
séu verkalýðsfélögin í raun og
veru að koma atvinnurekend-
um í óskastöðu. Máli sínu til
stuðnings bendir hann á að ým-
is hafnarvinna eins og t.d. við
löndun er unnin í verktöku.
Þetta er mikil breyting frá því
sem áður var. -grh