Dagur - Tíminn Reykjavík - 08.04.1997, Blaðsíða 3

^Dagur-'SItmmn
Þriðjudagur 8. apríl 1997 - 3
Versta afkoma ÚA í
tvo áratugi í fyrra.
Rekstrarafikoma Útgerðar-
félags Akureyringa hf. ár-
ið 1996 var sú versta í tvo
áratugi og var félagið gert upp
með 123,5 milljóna króna tapi
og 266 milljóna króna tapi af
reglulegri starfsemi sem nam
20 milljónum króna árið 1995.
Þetta er mun verri afkoma en
gert var ráð fyrir í upphafi árs-
ins 1996 vegna hlutafjárútboðs
félagsins, en þar var gert ráð
fyrir 100 milljóna króna hagn-
aði. Fyrstu sex mánuði ársins
1996 nam hagnaður ÚA og
dótturfyrirtækja þess, Mecklen-
burger Hochseefischerei GmbH
(MHF), Laugafisks hf. og SÚA
hf. 53,8 milljónum króna svo
breytingin er veruleg. Rekstrar-
tekjur móðurfélags
námu 2,8 milljörð-
um króna sem er
419 milljóna,
12,8%, samdráttur
milli ára; rekstrar-
gjöld voru 2,6
milljarðar króna
og höfðu lækkað
um 6,5%. Heildar-
velta samstæðunn-
ar nam 5,2 millj-
örðum króna og
dróst saman um
442 milljónir króna milli ára.
MHF græðir
MHF var gert upp með 39 millj-
óna króna hagnaði á sl. ári en
tap varð af reglulegri starfsemi
að upphæð 136 milljónir króna.
Félagið seldi eitt skip á árinu og
er með fimm í rókstri.
„Landvinnslan stóð ekki und-
ir þeim væntingum sem gerðar
voru til hennar og úthafsveið-
arnar komu mjög illa út. Pau
fyrirtækja sem hafa fyrst og
fremst uppsjávarfiskakvóta eru
að skila glæsilegum árangri og
áætlanir Þjóðhagsstofnunar
segja þau rekin með 27% hagn-
aði en landvinnslan rekin í dag
með 10% hagnaði. Þessi af-
koma leiðir ekki hugann að því
að vinnslan verði færð í auknu
mæli út á sjó, en við erum að
snúa við dæminu og þar skipta
þrjú atriði mestu máli. f fyrsta
lagi almennar hagræðingarað-
gerðir sem hófust sl. haust er
löndunardeildin var lögð niður;
í öðru lagi er einu skipi, Sól-
baki, lagt og sett á söluskrá,
sem styrkir rekstrargrundvöll
þeirra skipa sem áfram verða í
rekstri og í þriðja lagi verður
sett upp ný vinnslulína í júh'-
mánuði sem skila mun viðun-
andi afkomu í landvinnslunni,“
segir Guðbrandur Sigurðsson,
framkvæmdastjóri ÚA. GG
Hjálparstofnun kirkjunnar
Fatasöfnun
Flóttamenn eru nú fleiri en oft-
ast áður og það fólk skortir
nánast alla hluti. Hjálparstofnun
kirkjunnar ýtir af stað átaki til
hjálpar og er óskað eftir hreinum
og heilum fatnaði og góðum
skóm. Safnað verður í Reykjavík,
á Akureyri, fsafirði og Egilsstöð-
um á fimmtudag, föstudag og
laugardag.
Gámum verður komið fyrir við
kirkjur á fyrrgreindum stöðum
og tekur starfsfólk kirknanna við
fötunum sem síðan verður vél-
pakkað í Reykjavík til að minnka
rúmmál og spara sendingar-
kostnað.
í fyrsta kasti er ætlunin að
senda fatnað til fyrrum Júgóslav-
íu, Tjetjeníu og Angóla. Á öllum
stöðunum er mikill skortur á
fatnaði.
Tekið er við fatagjöfum við
kirkjurnar á ísafirði, Akureyri og
á Egilsstöðum frá kl. 10 til 20 á
fimmtudag og föstudag og til kl.
18 á laugardag. Á sama tíma er
tekið við fótum í Reykjavík og ná-
grannabæjum, í Skútuvogi 1, í
Fella- og Hólakirkju, Seltjarnar-
neskirkju og Hafnarfjarðar-
kirkju. -JBP
Guðbrandur Sigurðsson
'ramkvæmda Hf stjóri „Ný vinnslulína í sumar sem skila mun viðunandi ajkomu í landvinnslunnL Ekk- ert sumarafleysinga- fólk verður ráðið. “
Pólitík * ’ Heilbrigði
UMF-Selfoss
Átak gegn klamýdíu
í fyrra smituðust 1400
manns af klamýdíu.
Meira en 30 nýir og af-
ar smitandi sjúkdómar
gert vart við sig í heim-
inum á sl. 20 árum.
Gróska
norðanlands
Gróskufélagar á Norður-
landi heldu á sunnudag
opinn kynningarfund á
Café Menningu á Dalvík. Fund-
urinn var liður í undirbúningi
að stofnun Norðurlandsdeildar
Grósku og var vel sóttur. Sér-
stakur gestur var Svanfríður
Jónasdóttir, alþingsmaður, en
hún er yfirlýstur stuðningsmað-
ur samtakanna og áhugamaður
um samfylkingu á vinstri
vængnum. Einnig stendur til að
halda fund í Ólafsfirði, en stofn-
fundur Grósku á Norðurlandi
verður 1. maí. Gróska liggur
einnig í loftinu á Vestíjörðum
þar sem undirbúningur að
stofnfundi er vel á veg kominn.
HeUbrigðisyfirvöld ætla að
ráðast í sérstakt átak
gegn útbreiðslu kynsjúk-
dómsins klamýdíu, en á sl. ári
smituðust um 1400 íslendingar
af þessum sjúkdómi. Þótt sýk-
ing af völdum klamýdíu sé ein-
att einkennalítil getur hún vald-
ið miklum skaða og m.a. leitt til
ófrjósemi hjá báðum kynjum.
Þessi sjúkdómur lýsir sér mjög
svipað og lekandi, enda berst
hann oft samfara honmn og er
algengasti kynsjúkdómur á
Vesturlöndum.
Samkvæmt ákvörðun Al-
þjóðaheilbrigðisstofnunarinnar
var dagurinn í gær, 7. apríl, til-
einkaður smitsjúkdómum og
viðbrögðum við þeim. Á sl.
1400 ný tilfelli - passar þú þig?
tveimur áratugum hafa meira
en þrír tugir nýrra og afar smit-
andi sjúkdóma gert vart við sig
í heiminum. Hérlendis hafa
smitsjúkdómar á borð við
klamýdíu, alnæmi og lifrar-
bólgu C verið töluvert vanda-
mál. Ennfremur hefur heila-
himnubólga af völdum svo-
nefndrar „meningókokka"
bakteríu verið landlæg og hætta
á farsótt verið yfirvofandi und-
anfarin ár.
Þá hyggjast íslenskir læknar
taka þátt í samstarfsverkefni
Norrænu ráðherranefndarinnar
við Eystrasaltsríkin á sviði sótt-
varna. í þessum fyrrum Sovét-
ríkjum eru smitsjúkdómar mik-
ið vandamál. Meðal annars
munu íslensku læknarnir verða
með í sérstöku átaki gegn út-
breiðslu berkla og baktería sem
eru ónæmar gegn sýklalyfjum.
-grh
Kjarasamningar
Atkvæði greidd
Byggir félagsmiðstöð
A llsherjaratkvæðagreiðsla
/\ um nýgerða kjarasamn-
M \inga hjá Dagsbrún-Fram-
sókn stendur yfir næstu daga og
lýkur nk. fimmtudag, 10. apríl. í
þessari viku verða einnig greidd
atkvæði um kjarasamninga
Verkamannasambandsins, Sam-
iðnaðar og Landssambands
verslunarfólks.
f samkomulagi þessara hópa
um afgreiðslu kjarasamninga er
stefnt að því að atkvæðagreiðsl-
um verði lokið eigi síðar en kl.
22 nk. mánudagskvöld, 14. apr-
fl. Atkvæði verða talin daginn
eftir og úrslit tilkynnt ríkissátta-
semjara kl. 16 sama dag. Ef
samningarnir verða felldir koma
frestaðar vinnustöðvanir til
framkvæmda eftir viku þar í frá,
hafi ekki samist fyrir þann tíma.
í allsherjaratkvæðagreiðslu
þurfa minnst 20% félagsmanna
sem eru á kjörskrá að greiða at-
kvæði til að hægt sé að fella
samningana. f póstatkvæða-
greiðslu er hinsvegar ekkert lág-
mark um þátttöku, heldur ræð-
ur þar einfaldur meirihluti. Mis-
jafnt er eftir félögum hvort
formið er notað í atkvæða-
greiðslum um kjarasamningana.
-grh
Ekki fýsileg leið að lýsa
knattspyrnu- eða hand-
knattleiksdeildir
UMF-Selfoss gjaldþrota
þrátt fyrir slæma
fjárhagsstöðu.
Skuldir knattspyrnudeildar
Ungmennafélags Selfoss
námu um 12 milljónum
króna árið 1989 en með þrot-
lausu starfi hefur tekist að
vinna þær skuldir niður í 8
milljónir króna. Meginástæða
mikillar skuldasöfnunar voru
tilkomnar vegna kaupa á júgó-
slavneskum leikmönnum og óá-
byrg vinnubrögð sem m.a. fól-
ust í lítilli framtíðarsýn. Gerður
hefur nú verið auglýsingasamn-
ingur fram í tímann við íslands-
banka sem færa á skuldirnar
niðm- um allt að 80%. Gjald-
þrotaleiðin var hugleidd fyrir
knattspyrnudeildina en þótti
ekki fýsileg þar sem félagið
sjálft hefði þá dregist inn í það.
Handknattleiksdeild félagsins
skuldar nú liðlega 7 milljónir
króna og stendur illa, ekki síst í
ljósi þess að næsta vetur leikur
félagið í 2. deild sem táknar
þverrandi tekjur. Einnig hefur
uppgjör vegna kröfu skattyfir-
valda vegna staðgreiðslu skatta
vegna launa þjálfara verið
deildunum erfið, en það mál er
í höfn.
Rekstur aðalstjórnar gengur
vel og á þessu vori verður hafist
handa við byggingu félagsmið-
stöðvar og búningsherbergja
við íþróttavöllinn í samvinnu
við Selfossbæ. Stefnt er að því
að taka húsið í notkun um
næstu áramót, en kostnaðar-
áætlun hljóðar upp á 32 millj-
ónir króna. GG