Dagur - Tíminn - 05.10.1996, Blaðsíða 2
2 - Laugardagur 5. október 1996
3Ditgur-®tmira-t
F R É T T I R
Heiti Potturinn
Eftir þingsetninguna á
dögunum hefur sam-
gangur þingmanna aukist til
mikilla muna, eins og gefur
að skilja. Með auknum sam-
gangi aukast vangaveltur og
umtal og í pottinum í gær
fréttist að í Alþýðuflokknum
væru menn beinlínis að ærast
vegna þess að enginn vissi
ennþá hvað formaðurinn
hefði í huga. Þær raddir sem
gefið hafa í skyn að Jón ætl-
aði að taka við starfi Björns
Friðfinnssonar hjá ESA hafa
nú snarlega þagnað eftir að
þeim var bent á að hann
myndi aldrei gerast undirtilla
fyrrum formanns í Alþýðu-
flokknum, Kjartans Jóhanns-
sonar sem er yfir EFTA..
En það eru fleiri hliðar á
málum í þingflokki krata.
Eftir þvi er tekið á þingi að
tveir þingmenn krata eru í
áberandi megrun. Þetta eru
þeir össur Skarphéðinsson
og Sighvatur Björgvinsson.
Sjónvarpsáhorfendur sem
horfðu á stefnuræðuumræð-
urnar tóku eftir því að Sig-
hvatur er orðinn talsvert
slank. (þingflokknum er
þessi mergrunarkúr þeirra
Össurar og Sighvats útskýrð
með því að báðir ætli sér að
komast í formannsbuxurnar
hans Jóns Baldvins ef hann
hættir....
En aftur að Jóni Baldvini. í
gærkvöldi heyrðist ný
rödd úr pottinum sem hélt því
fram að Jón Baldvin væri á
leiðinni í Landsbankann til að
taka við stöðu Landsbanka-
stjóra af Björgvini Vilmundar-
syni Ekki selur blaðið þó það
dýrara en það keypti það.
Akureyri
Fiskverkunarfólk
Mynd: GS
Iistaverk í tilefni afmælis
Fyrirtækið Möl og sandur á Akureyri hefur
haldið myndarlega uppá 50 ára afmæh sitt,
sem var í síðasta mánuði. f gær var afhjúp-
að listaverkið Óður til framtíðar, en uppsetning
þess er meðal þess sem stjórnendur fyrirtækisins
gera til hátíðarbrigða. Það voru Þórarinn Krist-
jánsson, stjórnarformaður Malar og sands, og
listamaðurinn sjálfur, Jóhann Ingimarsson, títt-
nefndur Nói í Valbjörk, sem afhjúpuðu verkið,
sem stendur á lóð fyrirtækisins við Súluveg á Ak-
ureyri.
-sbs.
Gert að vinna
í 4 gráðu hita
Sumir erlendir kaupendur
sjávarafurða krefjast þess
að fiskverkunarfólk vinni
við snyrtingu og pökkun í allt
að fjögurra stiga hita. Reglu-
gerðir Vinnueftirlitsins kveða á
um 16-22 stiga hita á vinnu-
stað.
„Því miður virðist vera pott-
ur brotinn í reglugerðum
Vinnueftirlitsins þannig að þær
virðast ekki taka á þessu,“ segir
Aðalsteinn Á. Baldursson
formaður fiskvinnsludeildar
Verkamannasambands íslands.
Hann segir að þetta dæmi og
mörg önnur séu til vitnis um
það að vinnuverndarmál fisk-
verkunarfólks sé ekki sem
skyldi, enda er farið að bera á
kvörtunum vegna kulda á
vinnustöðum fiskverkunarfólks.
Hann segir að það megi margt
færa til betri vegar í starfsað-
stöðu þess á vinnustöðum og þá
sérstaklega í ljósi þess að mun
meira er um atvinnusjúkdóma
hjá fiskverkunarfólki en hjá
mörgum öðrum starfsstéttum.
Vinnuverndarmál fiskverk-
unarfólks eru meðal þess sem
rætt verður um á ráðstefnu
fiskvinnsludeildar VMSÍ sem
fram fer á Hótel íslandi í dag,
laugardag.
-grh
Akureyri
Aukið ofbeldi meðal unglinga
Skólastjórar Síðuskóla,
Gagnfræðaskóla, Akureyrar og
Glerárskóla þar sem starfrækt-
ar eru unglingadeildir kannast í
mismiklum mæli við að neysla
fíkniefna sé að færast í vöxt.
Baldvin J. Bjarnason, skóla-
stjóri Gagnfræðaskólans á Ak-
ureyri, segir engar vísbending-
ar um slíkt og Vilberg Alexand-
ersson, skólastjóri Glerárskóla,
tekur í svipaðan streng, en seg-
ir tóbaksreykingar greinilega
hafa aukist meðal nemenda.
Þorgerður Guðmundsdóttir,
skólastjóri Síðuskóla, staðfestir
sömu þróun, hún segir tóbaks-
reykingar vera mjög vaxandi
vandamál og samfara því sé
ekki ólíklegt að áfengis- og
fíkniefnamálum fari fjölgandi.
Þorgerður vísaði á yfirlög-
regluþjón RLR á Akureyri, að-
spurð hvort komið hefði til Iög-
reglumála er tengdust hass-
neyslu í skólanum nýverið. „Að
svo komnu máli tel ég ekki rétt
að ræða slík mál í ijölmiðlum.
Hitt er annað mál að það þarf
að bregðast við vísbendingum
um breyttan tíðaranda, bæði af
okkar hálfu, nemenda, foreldra
og forráðamanna félagsmið-
stöðva. Við höfum verulegar
áhyggjur af aukinni vímuefna-
notkun í víðu samhengi."
Þorgerður nefnir einnig að
svo virðist sem ofbeldi sé að
aukast meðal unglinga. „Of-
beldi er meira og hótanir um
líkamsmeiðingar virðast æ oftar
framkvæmdar. Þetta gerist þó
aðallega utan skóla þegar við
höfum ekki augun á börnunum.
Það er spurning hvort yfirmenn
ríkis og bæja verði ekki að við-
urkenna að vímuefnanotkun
unglinga og ungs fólks er tísku-
fyrirbrigði sem bregðast þarf
við.“
BÞ
FRETTAVIÐTALIÐ
Hyggur á dómstólaleið til að Ijúka málinu
Halldór Jóhannsson
einkaréllhafí HM’95
Enn líta HSÍ-menn á mig sem œv-
intýramann og glæpamann þótt
ég hafi verið sýknaður af öllum
þeirra ásökunum, segir Halldór
Jóhannsson, einkarétthafi
aðgöngumiðasölu HM-95
Halldór Jóhannsson, landslags-
arkitekt, sem hafði einkarétt á
sölu aðgöngumiða á Heims-
meistarakeppnina í handknattleik
1995, segir að það hafi ekki komið sér
á óvart að gert hafi verið ijárnám
vegna skulda Handknattleikssambands
fslands vegna HM-95 Framkvæmda-
nefnd HM-95 kærði Halldór vegna
brots á samningi, taldi m.a. að tæpar
20 milljónir sem fengust fyrir miðasölu
á Akureyri hafi ekki komið fram, en
ágreiningur hafði staðið um tíma
hvernig túlka ætti samninginn. Um
þessar sakargiftir segir Halldór: „Það
var grimmdarlega að mér vegið og lítið
gert úr starf mínu. Eftir að málið hafði
verið rannsakað hjá Rannsóknarlög-
reglu ríkisins var það sent Ríkissak-
sóknara, sem eftir langan umhugsun-
arfrest vísaði því frá sér, þ.e. taldi sak-
argiftir og sönnunarbyrði ásakana ekki
nægar."
Hver hefur framgangur málsins ver-
ið? „HSÍ neitaði mér og lögmanni mín-
um, Þorsteini Hjaltasyni hdl., um að-
gang að gögnum um málið, en nýlega
var ég boðaður á fund þar sem mér
var boðið að skoða einhver gögn, og
það á skrifstofunni, en reikningarnir
eru enn ekki endurskoðaðir. Ég get
ekki sætt mig lengur við þetta ástand
og það liggur fyrir að fara með málið
fyrir dómstóla . Vinnubrögð HSÍ við að
ljúka málinu eru fyrir neðan allar hell-
ur, og framkvæmdanefnd HM-95 til
hneisu. Það eru ekki bara mín mál,
heldur margra annarra, og það hefur
mjög ranglega verið að mér vegið og
mín vinna fótum troðin mjög ómak-
lega. Aðilar í ferðaþjónustu héldu því
fram fyrir HM, að keppnin myndi valda
ferðaþjónustunni tjóni og gífurlegu
tekjutapi og lögðust gegn keppninni
með því að sprengja upp verð á hótel-
um, ofbóka o.s.frv. Þrátt fyrir það hafa
gjaldeyristekjur af ferðaþjónustu í ár
lækkað um 800 milljónir króna miðað
við sama tíma ársins 1995, svo ljóst er
að eitthvað annað er orsakavaldur.
Enn líta þessir menn á mig sem ævin-
týramann og glæpamann þó ég hafi
verið sýknaður og löngu tímabært að
taka á þessu máli á öðrum vettvangi.
Vonandi verður þessi ijárnámskrafa til
þess að málinu ljúki, en víða hefur fæti
verið brugðið fyrir mig og reynt að fá
mig í gjaldþrot, m.a. í bankakerfinu.
Það er eina leiðin til þess að hægt sé
að ganga að ábyrgð Akureyrarbæjar
vegna miðasölunnar og fá hana
greidda út, en hún hljóðaði upp á 20
milljónir króna.“ GG