Dagblaðið Vísir - DV - 15.04.1983, Qupperneq 17

DV. FÖSTUDAGUR15. APRlL 1983.
17
Lesendur Lesendur Lesendur
„Með leyfðu hunda-
haldi er hægt að koma
upp ströngum reglum”
7893—2260 ræðir um hundahald og segir meðal annars: „Margir telja að lif
hundsins sé í sveitinni og er það ekkert óeðlilegt. En hundur sem elst upp í
borg eða bæ hefur einskis að sakna.”
7893—2260 hringdi:
Mikið hefur verið rætt um hunda-
hald í þéttbýli og vil ég benda á
nokkra punkta varðandi það og jafn-
framt leiðrétta þann sem skrifaði í
Morgunblaðiö 12. apríl undir heitinu
Velvakandi.
Lög um hundahald í þéttbýli hljóða
þannig: „Bæjarstjórnum og hrepps-
nefndum er heimilt aö takmarka eða
banna hundahald í sveitarfélaginu
og brot gegn lögum þessum varðar
sektir.”
Þessar línur segja ansi margt. Þær
segja það að ekki veitir af ströngu
aöhaldi í þessu máli og þegar hunda-
eigendum nægir að borga sektir er
hundahald alveg taumlaust. En með
leyfðu hundahaldi er hægt að koma
upp ströngum reglum sem hundaeig-
endur verða að fara eftir ef þeir vilja
halda hunda í þéttbýli Einnig bætist
á hundahaldið skattur, tryggingar og
margt fleira. Það sýnir best að þeir
sem eru virkilegir hundaeigendur
mundu að öllum líkindum halda
hundunum en hinir myndu fljótlega
gefast upp.
Margir telja að líf hundsins sé í
sveitinni og er þaö ekkert óeölilegt.
En hundur sem elst upp í borg eða bæ
hefur einskis að sakna.
Sóðaskapur af hundum fer mikið í
fólk en virkilegir hundaeigendur
hreinsa venjulega upp eftir hunda
sína. Og þá komum viö að því að ekk-
ert er án undantekninga og á það við
um hundaeigendur líka. Að mínu
mati er það undantekning i dag að
hundaeigendur þrífi ekki upp eftir
hunda sína því þeim finnst jafn-
slæmt að stíga ofan í hundaskít og
öðrum. Hundaeigendur eru ekki til-
finningalausir hvað þetta varðar og
held ég aö hundaeigendur átti sig á
að þeir standa á tímamótum í dag
með hunda sína.
Hundaeigendur, gefum gott for-
dæmi með hunda okkar og hreinsum
alltaf, ekki stundum, upp eftir hund-
ana og höfum ávallt í huga að hreinn
bær er okkur kær.
Ein spurning að lokum. Sér fólkið
mikið af hundaskít á götum? Er það
eins mikið og af er látið? Með vin-
semd og virðingu.
„Alþýðubandalagið besti
kostur sem Reyknesingar eiga”
Sigurbjörg Sveinsdóttir skrifar:
Mikið hefur verið rætt og ritað um að
þörf væri fyrir fleiri konur á alþingi,
enda eru þær ekki nema 3.
Einhverra hluta vegna hefur ekki
Alþýðuflokki, Sjálfstæðisflokki eða
Framsóknarflokki tekist að koma kon-
um í örugg sæti eða ofarlega á lista,
þrátt fyrir opin prófkjör víðast hvar
á landinu. Hvers vegna? Nú sækja
þessi opnu prófkjör konur ekki síður en
karlar. Hver er skýringin? Liggur hún
í því að konur í þessum flokkum hafi
ekki meiri jafnréttishugsjón en þetta?
Hjá Alþýðubandalaginu er aðra sögu
að segja, hvort sem um er að ræða for-
val, sem félagsmenn einir taka þátt í,
eða listanum er stillt upp á gamla mát-
ann. Konur eru mjög ofarlega og á
flestum listum í öðru sæti.
Ein þeirra kvenna sem ég vil vekja
athygli á er Elsa Kristjánsdóttir í öðru
sæti á lista Alþýðubandalagsins í
Reykjaneskjördæmi. Elsa hefur veriö
oddviti í Sandgerði og starfar þar einn-
ig sem bókari. Hún er mjög frambæri-
leg kona, vel gefin, ákveðin og athugul
um þau málefni sem um er fjallað
hverju sinni. I þessum kosningum eru
ótal flokksbrot sem bjóða fram um
land allt, klofningsframboð, Vilmund-
arframboð og kvennaframboð, þau tvö
síðastnefndu höfum við á Reykjanesi.
Vilmundarframboði þarf varla að
eyða oröum að. Hann lýsti best sjálfur
viðhorfum sínum til þess lýðræðis og
frjálsræðis sem hann boðar þegar Iisti
þeirra á Reykjanesi kom fram og Vil-
mundur breytti honum að eigin geð-
þótta.
Kvennaframboðið er að mínu mati
stórt skref aftur á bak. Við eigum að
berjast á jafnréttisgrundvelli. Að
kjósa kvennaframboðið með Kristínu
Halldórsdóttur í fararbroddi er ekki
fýsilegt fyrir vinstrisinnað fólk.
Alþýöubandalagið með Geir Gunn-
arsson og Elsu Kristjánsdóttur í farar-
broddi er sá besti valkostur sem Reyk-
nesingar eiga. Elsa er kona sem við
konur getum verið hreyknar af sem
fulltrúa okkar á alþingi.
Kjósum Alþýöubandalagið 23. apríl
og gerum sigur þess sem mestan.

SSS»*'
srsasffisr
Með því að kaupa þennan poka,
styrkið þið gott málefni.
Söludagur er 16. apríl
takið vel á móti sölubörnum.
LIONS KLÚBBURINN || TÝR
iHí
J
Viðskiptaráðuneytið
óskar að ráða ritara til sumarstarfa frá 15. maí nk.
Umsóknir óskast sendar viðskiptaráðuneytinu fyrir 30. apríl
nk.
VIÐSKIPTARÁÐUNEYTIÐ.
Styrkir
til háskólanáms í
Frakklandi
Frönsk stjórnvöld bjóða fram tvo styrki handa íslendingum til
háskólanáms í Frakklandi á háskólaárinu 1983—84. Er annar
styrkurinn ætlaður til náms í bókmenntum en hinn til náms í
málvísindum. — Umsóknir, ásamt staðfestum afritum af próf-
skírteinum og meðmælum, skulu hafa borist menntamála-
ráðuneytinu, Hverfisgötu 6, 101 Reykjavík, fyrir 30. apríl nk.
Umsóknareyðublöð fást í ráðuneytinu.
Þá bjóða frönsk stjórnvöld fram í löndum sem aðild eiga að
Evrópuráðinu tíu styrki til háskólanáms í Frakklandi næsta
vetur. Eru styrkirnir eingöngu ætlaðir til framhaldsnáms við
háskóla. Næg frönskukunnátta er áskilin. Varðandi um-
sóknareyðublöð vísast til franska sendiráðsins, Túngötu 22,
Reykjavík.
Menntamálaráðuneytið,
12. apríl 1983.
ÓKEYPIS
SKEMMTUN
IÍSLENSKU ÓPERUNNI
Á M0RGUN, 16. APRlLf KL. 13.45-
16.00
Ungir sjá/fstæðismenn kynna ný viðhorf í
húsi íslensku óperunnar (Gamla bíói) á
morgun, iaugardag, kl. 13.45—16.00.
Að aukimunu fram koma:
Hljómsveitín Þeyr — Magnús Kjartansson — Þor-
geir Ástvaldsson — Magnús Ólafsson — Júlíus
Vífili Ingvarsson o.fl.
MÆTUM ÖLL
X-D