Dagblaðið Vísir - DV - 11.07.1985, Blaðsíða 8

DV. FIMMTUDAGUR11. JUU1985.
Útlönd
Útlönd
Útlönd
Útlönd
Nýjar viðvaranir
á vindlingapakka
Bandaríkjastjóm hefur kunngert
ákvörðun um að merkja vindlinga-
pakka með viðvörunum sem einnig
komi fram í tóbaksauglýsingum.
Vara á sérstaklega við því að reyk-
ingar geti valdið krabbameini,
hjartakvillum og lungnaþembu.
Viðvörunarmiðar á vindlinga-
pökkum hafa til þessa einfaldlega
sagt: „Vindlingareykingar eru
hættulegar heilsu þinni.”
Á þriggja mánaða fresti eiga
vindlingaframleiðendur aö skipta
um fems konar viðvörunarmiða á
pökkunum. Ein viðvörunin beinist
til barnshafandi kvenna sér-
staklega.
Skemmdarverk hjá
grænfriðungum
Rannsóknaraðilar telja nú full-
sannað að sprengju hafi verið kom-
ið fyrir í skipi grænfriðunga, Rain-
bow Warrior, þar sem það lá í höfn
í Auckland á Nýja-Sjálandi. Við
könnun á skrokki skipsins kom í
ljós tveggja metra breitt gat undir
sjólínu sem komið er til vegna
sprengingar. Er talið fullvíst að
skemmdarverkamaður hafi komið
fyrir sprengju á utanverðum kili
skipsins. „Eftir að hafa grand-
skoðaö verksummerki erum við
þess nú fullvissir að hér er um
skemmdarverk að ræða,” sagði
Alan Gailbraith lögregluforingi.
Ljósmyndari skipsins, Femando
Pereira, lét lífið er skipið sökk. Var
hann að störfum í myrkrakompu er
sprengingin varð og átti sér ekki
undankomu auðið.
Á að veiða
steypireyði?
Island leitar leyfis Alþjóða hval-
veiðiráösins til þess að veiða 220
hvali á ári í fjögur ár. Meðal hvala-
tegunda, sem ætlast er til að
veiddar verði, eru steypireyður og
hnúfubakur, sem hafa verið talin í
sérstakri útrýmingarhættu. — Er
um það talað að veiðar á þessum
hvalategundum séu til vísinda-
legra rannsókna.
Alþjóða hvalveiðiráöið kemur
saman til ársfundar síns í Boume-
mouthínæstuviku.
Grænfriðungar em uppvægir út
af umsóknum Islands og Suður-
Kóreu, sem æskir þess að veiða 200
hvali, sömuleiðis í vísindalegum
tilgangi, og segja þetta tilburði til
þess að fara í kringum hvalveiði-
bannið.
Svarti kassinn
fundinn
Tveim fjarstýrðum kafbátum
með sjónvarpsmyndabúnaði er
stýrt var frá skipi á yfirborðinu,
tókst í gær að ná upp á yfirborðið
hluta af svarta kassanum er
geymir hljóöritanir um samtal
flugmanna síðustu mínútumar
fyrir slysið er Air India Jumbóþota
fórst með 329 manns um borð.
Enn er hluti af búnaði svarta
kassans svonefnda ófundinn og
munu fjarstýrðu kafbátarnir tveir
halda áfram leit sinni í dag.
Fundurinn í gær á aöalhluta
svarta kassans á meira en 2000
metra dýpi er talinn meiri háttar>
afrek, aldrei áður hefur nokkru
verið bjargað af slíku dýpi.
Reagan má banna
flugfélögum að
fljúga til við-
sjárstaða
Fulltrúadeild Bandarikjaþings
hefur til bráðabirgða veitt forset-
anum umboð til þess að fella niður
eða fresta efnahagsaðstoð viö lönd
þar sem bandarískum borgurum
þykir hætta búin. Um leið var hon-
um veitt umboð til þess að banna
bandarískum flugfélögum að
fljúga til flugvalla þar sem öryggi
bandarískra borgara þykir ekki
nógu tryggt.
Loftárás á PLO-búðir
Afstýrðu alls-
herjarverkfalli
launþega ísraels
Um 70 þúsund opinberir starfsmenn í
Israel slógu í gærkvöldi á frest verk-
falii sínu að loknum samningafundi.
Höföu þeir ætlað aö ganga i liö með 60
þúsund starfsmönnum vatnsveitunnar
og rafveitunnar sem eru í verkfalli.
Leiötogar launþegasamtakanna
sögðust hafa tekið þessa ákvörðun
vegna áskorunar Peresar forsætisráð-
herra sem hafði beiöst þess að laun-
þegar veittu spamaðarráðstöfunum
ríkisstjómarinnar tækifæri til að skila
árangri.
Leiðtogar launþega á hinum al-
menna vinnumarkaði höfðu hótaö alls-
herjarverkfalli í næstu viku vegna
sparnaöarráðstafana stjórnarinnar er
boðaðar voru 10. júli. Þær fólu í sér að
sagt yröi upp 10 þúsund opinberum
starfsmönnum og lögð niður vísitölu-
binding launa. — Verðbólgan í Israel
nemur um 260% á ársgrundvelli.
„Það sem ógnar launþegum, upp-
byggingu og f járfestingu er ekki ríkis-
stjómin heldur verðbólgan,” sagði
Shimon Peres í gær. „Annaðhvort
drögum við úr verðbólgu og gerum
mögulegan eðlilegan hagvöxt eða verð-
bólgan eyðir landinu.”
Fjármálaráðherrann, Yitzhak
Modai, og verkalýðsleiðtogar hafa átt
maraþonviðræður um kjararýmun
launþega og leiðir til að afstýra verk-
föllum.
— 20 manns liggja ívalnum eftir loftárás ísraelsmanna á Trípólí-búðir Palestínuaraba '
Að minnsta kosti 20 manns, þar af
þrjú börn, létu lífið í loftárás
ísraelskra flugvéla á tvennar flótta-
mannabúöir Palestínumanna í Norður-
Libanon í gær.
I árásum á flóttamannabúðimar
særöust að auki 55 manns, sumir alvar-
lega. Vélbyssuskothríð og eldflauga-
árás Israelsmanna á skotmörk í
Norður-Libanon kemur í kjölfar sjálfs-
morðárásir tveggja libanskra ung-
menna á ísraelskt öryggissvæði á
landamærunum síöastliöinn þriðju-
--------------m.
Auga fyrir auga, tönn fyrir tönn,
Israelsmenn hefndu fyrir sjálfs-
morðsárás Palestiriumanna á Isra-
eiskt landsvœði f gær með geysi-
hörðum foftárásum á flóttamanna-
búðir f Norður-Ubarton.
dag. Eldtungur stigu í loft upp langt
fram á nótt eftir loftárásirnar og
sjónvarvottar segja að fyrir utan
mannfallið hafi mikið tjón orðið á
mannvirkjum.
Ein skæruliöasamtök Palestímu-
manna, er bækistöðvar hafa við aörar
flóttamannabúðimar, sögðust hafa
misst sjö stríðsmenn sína og 20 hefðu
særst í árásinni.
Arásin í gær var ú sjöunda er
Israelsmenn gera á þessu ári á flótta-
mannabúðir Palestínumanna í
Líbanon.
Vestrænir stjómarerindrekar telja að
með árásinni í gær séu Israelsmenn
enn frekar að undirstrika skilaboð sín
til Sýrlandsstjórnar um að hart verði
látið mæta hörðu í Líbanon og séu að
vara Sýrlendinga við að blanda sér of
mikiö í deilumál á svæðinu.
Harðnandi samkeppni
við danska bjórinn
Carlsberg og Tuborg hafa ekki undan sumarþorstanum og erlendur bjór kominn með fótinn inn fyrir
þröskuldinn á danska markaðnum
Frá Kristjáni Arasyni, fráttaritra DV
í Kaupmannahöfn:
Skortur á dönskum bjór kemur til
meö að plaga ölþyrsta Dani fram eftir
öllu sumri þrátt fyrir að verkfalli
starfsfólks Tuborg og Carlsberg-verk-
smiðjanna sé lokið. Þetta þýðir þó ekki
að Danir séu bjórlausir því að mikil
gróska er nú komin í innflutning á bjór
frá nágrannalöndunum.
50 milljón bjórflöskur
slökkva ekki þorstann
Hinn innflutti bjór er þó mun dýrari
en sá danski og er því eftirspumin eftir
honum ekki mikil.
Verkfallinu, sem staöið hefur yfir
nær sleitulaust frá því um páska, lauk í
síðustu viku án þess að starfsfólk öl-
verksmiöjanna fengi nokkrar kjara-
bætur. Því lauk einfaldlega vegna þess
að allir verkfallssjóöir voru uppurnir
og treysti starfsfólkið sér ekki til að
halda verkfallsaðgeröum áfram.
Starfsemi Tuborg- og Carlsberg-
verksmiöjanna er þvi komin í fullan
gang og eru framleiddar um 50 milljón
bjórflöskur á viku. Þessi mikla fram-
leiðsla fullnægir þó einungis um 60% af
eftirspuminni.
Að sögn eins af stjórnendum bjór-
verksmiðjanna hafa þær aldrei getað
fullnægt eftirspum yfir sumar-
mánuðina. Hámarksafköst hafa aldrei
dugað til þess að slökkva bjórþorstann.
Hafa verksmiðjumar því á hverju vori
komið sér upp stórum lager til að mæta
sumarþorstanum. I ár gátu verk-
smiðjumar ekki komiö þessu viö
vegna verkfallsins.
Ekki er unnt að auka framleiðsluaf-
köstin meira en nú er þegar allt er
keyrt á fullu. Unniö er í verksmiðjun-
um allan sólarhringinn.
Sömu eigendur eru að Tuborg og
Carlsberg-verksmiðjunum. Er fram-
leiösla þeirra því samhæfð. Að sögn
stjórnendanna mun bjórskorturinn
koma jafnt niöur á öllum
byggðarlögum í Danmörku. Þau útibú
sem hafa nógar birgðir verða að miðla
af sínu til hinna sem skortir bjór.
Innflutningur
mun lœkka verð
Astæöa þessarar útjöfnunar á bjór-
birgðunum eru áhyggjur eigenda verk-
smiöjanna um að missa markaðshlut-
deild sína til erlendra bjórfram-
leiðenda. Á meðan skortur er á
dönskum bjór ná erlendir bjórfram-
leiöendur aö styrkja stöðu sina á
markaðnum og því meira sem
skorturinn á danska bjómum er meiri.
Reyndar er erlendi bjórinn mun dýrari
en danski bjórinn en aö sögn inn-
flytjenda mun verðlagið á honum
lækka eftir þvi sem bjórframboðið
eykst aftur á markaðnum. Það getur
því reynst dönsku bjórframleiðslunni
erfitt að ná aftur sinni fyrri markaðs-
hlutdeild.
Litlar líkur eru þó á að um veruleg-
ar verðlækkanir verði að ræða á hinum
innflutta bjór á næstunni. — A.m.k. á
meðan bjórþorstinn er meiri en fram-
boðið nær að f ullnægja.