Dagblaðið Vísir - DV - 26.11.1985, Qupperneq 2

2
DV. ÞRIÐ JUDAGUR 26. NÓVEMBER1985.
Könnun á húsnæðismálum ungs f ólks:
MIÐJUNGUR BÝR
í EIGIN HÚSNÆÐI
•13 prósent fólks á aidrinum 18 til
29 ára búa hjá foreldrum sínum,
rúmlega 1 prósent í leiguherbergi, 19
prósent í leiguhúsnæði og rúmlega
35 prósent búa í eigin húsnæði.
Þessar upplýsingar koma fram í
nýrri könnun sem félagsmálaráðu-
neytið og Húsnæðisstofnun ríkisins
fól Félagsvísindastofnun Háskóla
íslands að gera nú í sumar. Könnun-
in er jafnframt fyrsta formlega verk-
efnið sem Félagsvísindastofnunin
vinnur.
Borið saman við sambærilegar
niðurstöður í Danmörku kemur í ljós
að íslensk ungmenni búa mun lengur
hjá foreldrum sínum en þau dönsku.
íslendingar eru heldur fyrri til að
eignast eigið húsnæði en Danir.
Þegar þeir yfirgefa foreldrahúsin er
algengara að þeir fari beint í eigið
húsnæði miðað við Dani. Danirnir
fara hins vegar í afar miklum mæli
fyrst í leiguhúsnæði áður en þeir
festa sér eigið húsnæði. Við 25 ára
aldur hefur um helmingur ungmenna
í báðum þessum löndum fest sér eigið
húsnæði.
Giftir búa hjá foreldrum
Um 87 prósent ógiftra búa hjá for-
eldrum sínum. Athygli vekur að um
lo prósent þeirra sem eru í sambúð
eða giftir búa einnig í föðurhúsum.
Þetta bendir til þess að nokkuð stór
hluti ungs fólks byrji búskap sinn
Flestir vilja búa í eigin húsnæði.
hjá foreldrum sínum. Þetta er
óvenjulegt miðað við nágrannalönd-
in. I könnuninni er bent á að þetta
geti stafað af því að hér á landi er
húsnæði nokkuð rýmra. Einnig er
hugsanlegt að þetta bendi á þörf á
eigin húsnæði og leiguhúsnæði.
Meðalstærð húsnæðis þeirra sem
búa í eigin húsnæði er tæpir 100 fm,
í leiguhúsnæði 69 fm og þeirra sem
búa heima hjá foreldrum 140 fm. Þá
kemur fram að meðalleiga húsnæðis
er mun lægri en heyrist í almennri
umræðu. Hún er um 6.000 á landinu
öllu. Meginþorri þeirra sem þátt tóku
í könnuninni greiðir í leigu á bilinu
3.000 til 9.000 krónur. Aðeins 10
prósent spurðra segjast borga yfir
10.000 krónur í leigu á mánuði.
Flestir vilja eigið húsnæði
I könnuninni kemur fram að yfir-
gnæfandi meirihluti, eða 93 prósent,
telur það þýðingarmikið að búa í
sinni eigin íbúð. Um 37 prósent
spurðra vilja búa í einbýlishúsi og
jafnstór hluti í blokkaríbúð. Um 2o
prósent vilja stefna í raðhús eða
sambýlishús. Aðeins lítill hluti kýs
að leigja húsnæði.
Tekjur
Meðaltekjur fjölskyldna í könnun-
inni eru um 41.000 krónur á mánuði.
Þeir sem búa í heimahúsum eru með
um 30.000 krónur, í leiguhúsnæði
rúmar 41.000 krónur og þeir sem búa
í eigin húsnæði hafa um 53.000 krón-
ur í laun á mánuði. I þessum tilfellum
er miðað við heildarfjölskyldutekjur.
Meðalgreiðslubyrði fjölskyldna í
eigin húsnæði er 54 prósent af tekj-
unum. Greiðslubyrðin er þó áberandi
meiri hjá lægstu tekjuhópunum, allt
upp í 80 prósent. Hún stiglækkar
eftir því sem tekjurnar hækka. Þeir
sem eru með 80.000 krónur í laun á
mánuði greiða aðeins 27 prósent af
launum sínum í kostnað vegna hús-
næðis.
Fjölmargar upplýsingar, sem ekki
hafa verið nefndar hér, koma fram í
þessari könnun. Um hvert sé brýn-
asta verkefnið til að bæta kjörin í
húsnæðismálum nefna flestir vaxta-
lækkun. Þar næst kemur síðan skatt-
afrádráttur.
-APH
Fjölmennur fundur starfsmannafélags Hafskips:
Dagsbrún óskar eftir við-
ræðum við Sambandið
Starfsmenn óska eftir aðstoð frá stjómmálamönnum
Á Qölmennum fundi, sem starfsmannafélag Hafskips boðaði til í gær,
mættu fulltrúar verkalýðsfélaganna, borgarfulltrúar og þingmenn. Á
myndinni er Magnús L. Sveinsson, formaður Verslunar-
mannafélags Reykjavíkur, að ávarpa fundarmenn. DV-mynd KAE
Stjórn Dagsbrúnar hefur óskað
eftir viðræðum við stjórn Sambands-
ins til að koma á framfæri áhyggjum
yfir þróun Hafskipsmálsins, með
atvinnuöryggi starfsfólks Hafskips
hf. í huga.
Frá þessu skýrði Þröstur Ólafsson,
framkvæmdastjóri Dagsbrúnar, á
fundi sem starfsmannafelag Hafskips
boðaði til í gær. Auk starfsmanna
mættu forystumenn verkalýðsfélaga,
þingmenn Revkvíkinga og borgar-
fulltrúar.
Fundurinn hófst með því að for-
maður starfsmannafélagsins, Valur
Páll Þórðarson. fiutti ávarp. Hann
sagði að atvinnuöryggi starfsmann-
anna æri nú í veði. Tveir kostir
væru nú fram undan. Annar að
Eimskipafélagið yfirtæki reksturinn
og hinn að Islenska skipafélagið
héldi rekstrinum áfram. Fyrri kost-
urinn væri ekki girnilegur fyrir
starfsmenn því Eimskip sæktist áð-
eins eftir viðskiptavinum Islenska
skipafélagsins. Seinni kosturinn
væri vænlegastur fyrir starfsmenn-
ina. Þeim yrði tryggð atvinna og
einnig myndi haldast áf'ram sam-
keppni í skipasiglingum. Síðan
beindi formaðurinn orðum sínum til
þeirra stjórnmálamanna sem mættir
voru.
„Við þurfum atbeina ykkar til þess
að íslenska skipafélagið hf. og Út-
vegsbanki Islands fái frið til þess að
vinna að heilbrigðri lausn þessa
máls,“ sagði formaðurinn. Hann
nefndi m.a. aó þeir myndu beita sér
fyrir því að fjárhagslegur stuðningur
yrði veittur til þess að íslenska
skipafélagið gæti haldið áfram
rekstri sínum.
Stuðningurfrá
verkalýðsfélögum
Forystumenn viðkomandi verka-
lýðsfélaga lýstu allir yfir stuðningi
sínum við kröfur starfsmanna um að
allt yrði reynt til þess að tryggja
þeim áframhaldandi atvinnu. Full-
trúar Verslunarmannafélags
Reykjavíkur, Dagsbrúnar, Sjó-
mannafélags Reykjavíkur og Far-
manna- og fiskimannasambandsins
kvöddu sér hljóðs.
Upplýsingaleysið gagnrýnt
Jón G. Zoega, lögfræðingur og
stjórnarmaður íslenska skipafélags-
ins, skýrði frá því að félagið væri
ekki pappírsfyrirtæki. Markmið fyr-
irtækisins væri að tryggja starfs-
mönnum þess áframhaldandi at-
vinnu, tryggja frjálsa samkeppni og
gæta hagsmuna hluthafanna. Fyrir-
tækið myndi þiggja aðstoð stjórn-
málamannanna. Nú væri komið
tækifæri fyrir þá til að láta að sér
kveða í máli sem snerti marga kjós-
endur.
Þessi ummæli féllu ekki í góðan
jarðveg. Ólafur Ragnar Grímsson,
Alþýðubandalagi, sagði að þingmenn
hefðu tekið þetta mál upp á Alþingi.
Hins vegar hefðu viðkomandi ráð-
herrar ekki viljað gefa upplýsingar
um stöðu þess. Hann sagði einnig að
starfsmenn ættu að tryggja það að
ef aðstoð yrði veitt yrði hún notuð í
þeirra hag.
Davíð Oddsson borgarstjóri sagði
að tónninn í tali Jóns G. Zoega hefði
verið ógeðfelldur. Hann hefði aðeins
fengið upplýsingar um þetta mál í
gegnum fjölmiðla. Einnig að forráða-
menn skipafélagsins hefðu vísað á
bug fullyrðingum um slæma stöðu
þess fram á síðustu stundu. Hann
sagði að nauðsynlegt væri að fá
nánari upplýsingar um þetta mál.
Hann gæti því miður ekki gefið nein
gylliboð á þessum fundi.
Jón Baldvin Hannibalsson tók í
sama streng. Hann sagðist hafa átt
von á greinargóðum upplýsingum
um stöðu Hafskips á þessum fundi.
Hann hefði vakið máls á þessu á
Alþingi en ekki fengið svör. Hann
gagnrýndi harðlega það upplýsinga-
leysi sem hefði einkennt þetta mál
frá upphafi. Hann varpaði þeirri
spurningu fram hvort starfsmenn
hefðu fengið nægilegar upplýsingar
um eðli þessa máls og hvort fram-
kvæmdastjóra skipafélagsins bæri
ekki skylda til að veita meiri upplýs-
ingar.
APH
MUNAÐI
AÐEINS
EINU
ATKVÆÐI
r
— þegar SIS ákvað að
hætta viðræðum við
íslenska skipafélagið
I atkvæðagreiðslunni í Sam-
bandsstjórninni um hvort halda
ætti viðræðum um stofnun nýs
skipafélags áfram munaði aðeins
einu atkvæði. I stjórninni eiga
sæti níu menn. Atkvæði féllu
þannig að fimm voru gegn stofn-
uninni og fjórir vildu halda
áfram viðræðum. Nokkur gagn-
rýni kom fram á fundi kaupfé-
lagsstjóra á hugsanlega stofnun
nýs skipsfélags. Talið er að hún
hafi haft afgerandi áhrif í at-
kvæðagreiðslunni sem fram fór í
stjórn Sambandsins. - APH
íslands-
siglingarnar
endur-
skipulagðar
íslenska skipafélagið vinnur
nú af fullum krafti við að endur-
skipuleggja íslandssiglingarnar
sem áður voru í eigu Hafskips.
Þegar er byrjað að vinna að
aukningu hlutafjár.
Sú ákvörðun Sambandsins að
hætta viðræðum um stofnun nýs
skipafélags kom forráðamönnum
íslenska skipafélagsins ekki á
óvart. f tilkynningu frá félaginu
segir að ákvörðunin hafi ekki
komið á óvart sem sjáist best á
því að þegar á föstudaginn hafi
verið ákveðið að auka hlutafé í
200 milljónir króna til að tryggja
áframhaldandi Islandssiglingar
félagsins. Orðrétt segir í tilkynn-
ingunni: „Nú er þetta næsta
verkefni og í það verður gengið
af fullum krafti.“
Þá hefur Útvegsbankinn óskað
eftir áframhaldandi viðræðum
við Eimskip um hugsanlega yfir-
töku á eignum Hafskips og lán-
um þess í bankanum. Hörður
Sigurgestsson, forstjóri Eim-
skips, sagði að félagið væri til-
búið að ræða við bankann. Á
hvaða grundvelli það yrði gat
hann ekki sagt um að svo stöddu.
Valdimar Indriðason, stjórnar-
formaður Útvegsbankans, sagði
í viðtali við DV að í dag myndi
bankastjórnin taka ákvörðun um
hvert framhaldið yrði á málefn-
um Hafskips. . APH
Handtekin
með falska
ávísun
Lögreglan í Reykjavík handtók
íjóra um helgina, grunaða um
ávísunarfals. Fólkið var á ferð-
inni á Hótel Esju þar sem það
ætlaði að gera upp reikning sinn
með ávísun upp á lo þúsund
krónur. Ávísunin var fölsuð.
Málið er í rannsókn hjá RLR.
- sos