Dagblaðið Vísir - DV - 30.01.1986, Page 12

12
DV. FIMMTUDAGUR 30. JÁNÚAR1986.
Siðanefnd um
auglýsingar
Neytendasíðunni hefur borist
bréf frá Siðanefnd um auglýsingar
vegna kvartana og athugasemda
um auglýsingar frá bönkum og
öðrum peningastofnunum. Siða-
nefnd hafði samband við alla hlut-
aðeigandi aðila og ítrekaði mikil-
vægi þess að neytendur fái ávallt
réttar upplýsingar í tilboðum um
ávöxtun sparifjár. Mörgum hefur
eflaust ofboðið auglýsingaflóðið og
hin óteljandi mismunandi gylliboð
sem bankar og peningastofnanir
halda að sparifjáreigendum og í
þessu tilefni vill Siðanefnd m.a.
koma á framfæri að „auglýsingar
skuli ekki innihalda staðhæfingar
eða myndir sem líklegar eru til að
villa um fyrir neytandanum, beint
— vegna auglýsínga
banka og
peningastofnana
eða óbeint, með því að gefa eitt-
hvað í skyn, halda eftir nauðsyn-
legum upplýsingum eða með því
að nota tvíræða framsetningu eða
ýkjur".
I sérákvæðum um lán og fjárfest-
ingar segir: „Auglýsingar skulu
. ekki hafa orðalag sem líklegt er til
! að villa um fyrir almenningi hvað
I snertir lánakjör, eðli boðinna verð-
bréfa, raunverulegan eða áætlaðan
hagnað, eða innlausnarskilmála."
Vonandi munu bankar og aðrar
peningastofnanir taka þessum til-
mælum Siðanefndar vel og auð-
velda með því sparifjáreigendum
að finna fé sínu sem öruggasta og
besta geymslu.
-S.Konn
Megrun VIII:
MINNISKAMMTAR ÞÝÐA
FÆRRIHITAEININGAR
Dýr og vandf eng-
in raf magnskló
Lára hringdi og vildi vekja at-
hygli á kló sem hún keypti í Glóey,
Ármúla 19, og kostaði 506,- krónur.
Þetta var 25 ampera kló sem flutt
er inn frá Þýskalandi og er ætluð
í þar til gerða tengla sem rafmagns-
frekum heimilistækjum, s.s.
þvottavélum og eldavélum, er
stungið í samband við.
í heildsölu kosta þessar klær
276,60 kr. og þar við bætist álagn-
ing verslunarinnar sem í þessu til-
felli er 46,42% og þá er klóin komin
upp í 405,- krónur. Ríkið rekur svo
endahnútinn á þetta og tekur 25%
í söluskatt, eða 101,25 krónur, og
klóin er seld neytendum á 506,-
krónur.
En þaö er margt fleira merkilegt
við þessar ágætu 25 ampera klær,
því nú mun þess ekki langt að bíða
að þær hverfi af markaðinum þrátt
fyrir að mikið sé um slíka tengla
og þeir algengir í húsum sem byggð
voru fyrir 1980. Þjóðverjar eru
hættir að framleiða þessar klær og
það sem verið er að selja núna er
afgangur frá Dönum sem einnig eru
hættirframleiðslu.
Áður en langt um líður gæti því
reynst erfitt að fá kló á þvottavél-
ina eða eldavélina og fólk verður
þá að fara að hugsa fyrir því að
tengja þessi tæki beint inn í vegg-
tengilinn.
-S.Konn
Ávaxtakúrinn er greinilega mjög
góður. Það er handhægt og fyrir-
hafnarlítið að lifa á ávöxtum, gott
úrval og hægt að fá góða magafylli,
en samt vera talsvert fyrir innan 500
hitaeiningar yfir daginn.
Rifjum upp matseðil fyrir einn dag:
Morgunverður: Appelsína, tvær
sveskjur eða hálft greip.
Hádegisverður: Lítil melóna eða
sneið af stórri melónu og ein sneið
af vatnsmelónu.
Síðdegis: Ferskja (eða samsvarandi
ávöxtur).
Kvöldmatur: Pera, appelsína, epli og
plóma.
Kvöldhressing: Epli.
Á þessum skammti ertu vel innan
„hættumarka“, færð innan við 500
hitaeiningar. I ávöxtunum er heldur
ekki nein fita, sem ber að forðast af
öllum mætti.
Við leyfum okkur að minna enn
einu sinni á vatnið. Og eitt enn.
Hafið jafnan við hendina blað og
skriffæri og skrifið niður allt sem þið
látið ofan í ykkur. Það þýðir ekki
að svindla. Það bitnar aðeins á okkur
sjálfum.
Minni skammtar
í bókinni góðu er sagt frá „minni
skammta kúmum“. Hann felst í því
að borða minni skammta en vana-
lega, en auðvitað að strika algjörlega
út af matseðlinum hitaeiningaríkar
fæðutegundir. Til þess að þessi kúr
beri árangur má ekki borða nema
um einn þriðja af því sem áður var
gert. Hér fer á eftir dæmigerður
matseðill eins dags með venjulega
stórum skömmtum og hitaeininga-
innihald hans. Hafið í huga að þetta
er bandarískur kúr og því maturinn
dæmigerður bandarískur matur:
Það er auðvitað mikill sjónarmunur á því hvort heldur er borðaður heljarinnar stór matarskammtur eða hvort aðeins einn þriðji matarins er á diskin-
um. Það er lika hægt að nota minni diska til þess að maturinn sýnist meiri - ef þið viljið endilega einhveija afar stóra skammta. DV-mynd KAE
Morgunverður:
2,5 dl appelsínusafi 110
2 steikt egg í smjöri 230
2 ristaðar smurðar brauðsneiðar
220
kaffi með sykri og rjóma 65
Hádegisverður:
180 gr hamborgari 360
Smurt rúnnstykki 180
250 gr baunir með smjöri 160
3 smákökur 330
Kaffi með sykri og rjóma 65
Kvöldverður:
2,5 dl kremsúpa 80
250 gr steik með smjöri 520
Bökuð kartafla með smjöri 205
250 gr spinat með smjöri 95
Epplapæ 330
Kaffi með sykri og rjóma 65
Þetta gerir samtals 3.165 hitaein-
ingar. Ef þú minnkar skammtastærð-
imar geturðu farið niður fyrir 1000
hitaeiningar með nákvæmlega sams
konar mat, nema hvað smjörinu er
sleppt, eggið í morgunmatnum er
soðið en ekki steikt og aðeins eitt.
Rúnstykkinu í hádeginu er sleppt og
aðeins drukkið svart og sykurlaust
kaffi.
Þetta er auðvitað mjög hentugur
kúr fyrir þá sem geta staðist freist-
inguna að fá sér stærri skammta. Við
leyfum okkur að benda á að það
getur stundum þurft; mikið viljaþrek
og áður en maður veit af er maður
farinn að bæta á sig aftur.
Við minnum enn einu sinni á vat-
nið, drekkið minnst tvo lítra á dag.
Og eins mikið af sykurlausu og
svörtu kaffi, tei og sykurlausum
gosdrykkjum og hugurinn gimist.
Meira seinna.
-A.Bj.
Neytendur Neytendur Neytendur Neytendur