Dagblaðið Vísir - DV - 07.06.1986, Qupperneq 17

DV. LAUGARDAGUR 7. JÚNÍ 1986.
61 _
Sérstæö sakamál - Sérstæð sakamál
Brain ræðir við lögregluna
Brain, sem hafði miklar áhyggjur
af Sheilu, hringdi nú til hennar frá
Stafford. Hún hafði að vísu ekkert
minnst á sjálfsmorðstilraun við hann
en þar eð hann vissi ekkert um að
Sheila ætti neina vini í Charlisle
ákvað hann svo að hringja til lög-
reglunnar. Talaði hann þar við
lögregluþjón að nafni Hardy sem
benti Brain á að lögreglan gæti ekk-
ert gert í slíkum tilvikum. Væri þetta
verkefni fyrir sérstök hjálparsamtök
sem störfuðu í Carlisle. Félagi
Hardy, Patterson, fékk hins vegar
að heyra hvert erindi mannsins í
Stafford hefði verið. Tók hann
skömmu síðar yfirhöfn sína og fór til
heimilis Sheilu Nixon. Er Patterson
var síðar spurður að því hvers vegna
hann hefði gert þetta sagði hann:
„Ég verð að segja að ástæðan til
þess að ég fór til Leathamstrætis var
sú að mig langaði til að sjá hvernig
þessi kona liti út því að mér kom til
hugar að ég gæti stofnað til sam-
bands við hana sem orðið gæti náið.“
Reyndust þetta orð sem mjög komu
svo við sögu rannsóknar málsins.
Patterson var kvæntur.
Leist vel á Sheilu
Patterson sá að Sheila virtist róleg
en undrandi yfir heimsókninni. Hún
bauð lögregluþjóninum inn og
kvaðst ekki hafa kvartað við neinn
en viðurkenndi að hún væri döpur
vegna þess hvernig komið væri milli
hennar og manns sem hún þekkti
vel. Patterson bauð henni úr á bar
næsta mánudag og þáði hún boðið.
Sunnudaginn 14. september fór
Sheila aftur til Edinborgar til fundar
við Duggan sem var þá enn á ferð
þar. Féllst hann þá á að hringja til
hennar á mánudagskvöldið til þess
að „fá botn í málið“.
Biður Brain um aðstoð
Er komið var fram yfir kvöldverð-
artíma á mánudagskvöld og Duggan
hafði ekki hringt þá hringdi Sheila
til Brain og bað hann um að hringja
í flugstöðina við Albrighton og koma
fyrir sig skilaboðum til Duggan. Um
hálfníuleytið hringdi Sheila aftur til
Brain og spurði hvort hann hefði náð
í Duggan. Brain sagðist ekki hafa
getað náð i hann í síma en hann
hefði skilið eftir boð til hans um að
hringja í Sheilu þá um kvöldið. Á
meðan á þessu símtali stóð varð Bra-
in ljóst að Sheila var ekki ein í
íbúðinni því að hún var af og til að
skiptast á orðum við einhvern sem
var hjá henni.
Brain hringir
Brain var nú orðinn verulega
áhyggjufullur og um ellefuleytið um
kvöldið hringdi hann til Sheilu. „Þá
var hún grátandi og móðursjúk,"
sagði hann síðar um þetta samtal.
„Hún vildi ekki tala við mig og
skellti á. Þá hringdi ég aftur. Er hún
svaraði heyrði ég að sagt var: „Láttu
mig fá tólið.“ Þekkti ég þá rödd lög-
regluþjónsins. Ég spurði hana þá
hvað væri að og þá sagðist hún ekki
vilja tala við neinn. Ég spurði hana
þá hvort Duggan hefði hringt og hún
sagði hann hafa gert það. Allt væri
hins vegar búið á milli þeirra.“ Laur-
ence Brain talaði ekki oftar við
Sheilu.
Talið morð
Er lögreglan kom að líki Sheilu
Nixon morguninn eftir taldi hún að
um morð væri að ræða. Var sú skoð-
un meðal annars reist á því að blóð
var á líkinu og áverki á höfði og því
að kona í næstu íbúð, Denise Mun-
son, kvaðst hafa heyrt mikið rifrildi
inni hjá Sheilu kvöldið áður. Sagði
hún að um tólfleytið hefði hún svo
heyrt dyrnar á íbúðinni opnast. Út
hefði þá komið maður sem hefði sest
inn í hvítan Volvobíl og ekið burt.
Nokkrum mínútum siðar hefði hún
hins vegar heyrt þungan skell úr
íbúð Sheilu og honum hefði fylgt
mikið brothljóð. Kvaðst hún í fyrstu
hafa haldið að sjónvarpstæki hefði
sprungið. Rétt á eftir hefði svo bíll
komið að húsinu. Hefði það verið sá
sami sem farið hefði frá því skömmu
áður og hefði maðurinn nú tekið að
berja á dyr íbúðarinnar. Eftir nokkra
stund hefði Sheila svo opnað og sagt:
„Hvers vegna í fjandanum ertu kom-
inn aftur?“ eða eitthvað á þá leið.
Frú Munson segir að maðurinn
hafi verið í íbúðinni þar til stundar-
fjórðungi fyrir eitt er hann var
farinn.
Patterson gefur sig fram
Robert Robinson leynilögreglufor-
ingi fékk málið til rannsóknar. Sama
dag og Sheila fannst látin kom Patt-
erson á fund hans og sagði: „Ég er
maðurinn sem þið eruð að leita að.
Ég er sá sem var í húsinu hjá henni
í gærkvöldi." Þá var frú Munson
búin að gefa skýrslu sína og leitin
hafin að manninum sem talin var
hafa myrt Sheilu Nixon.
f frásögn Patterson kom fram að
hann hefði séð brotna glerborðið og
sárið á fótlegg hennar. Hefði hún
virst vönkuð en hann hefði talið að
það væri vegna drykkju en ekki
vegna fallsins. Sjálfur kvaðst hann
hafa verið undir áhrifum áfengis og
hefði hann ekki talið að áverkinn,
sem hún var með, væri hættulegur.
Áverki á hnakka banamein
Líkskoðun leiddi í ljós að Sheila
Nixon var með ýmsa marbletti og
minni háttar sár auk sársins á fót-
leggnum sem mest hafði blætt úr.
Þá hefði hún fengið högg á hnakk-
ann og hafði það dregið hana til
dauða milli klukkan sex og níu um
morguninn. Taldi líkskoðarinn,
Brian Beeson, Sheilu hafa getað
fengið hann við fall því að ljóst væri
að hún hefði ekki orðið fyrir árás.
Fallið frá ákæru
Þegar þessi niðurstaða lá fyrir var
ljóst að Patterson yrði ekki ákærð-
ur. Málsgögn voru nú send saksókn-
ara en hann sendi þau til baka og
kvaðst ekki sjá neina ástæðu til þess
að höfða mál á hendur lögregluþjón-
inum.
Er réttur var settur til þess að fjalla
um dánarorsök endurtók Beeson
fyrri yfirlýsingu sína. Sagði hann það
skoðun sína að Sheila hefði dottið á
höfuðið löngu eftir að borðið brotn-
aði og sennilega einnig löngu eftir
að Patterson hefði farið úr íbúð
hennar. Niðurstaða réttarins varð sú
að slys hefði orðið Sheilu Nixon að
aldurtila.
Húsið við Leathamstræti.
LEIKFÉLAG AKUREYRAR
VILL RÁÐA í EFTIRTALIN STÖRF:
Starf sýningarstjóra,
starf miðasölustjóra
og starf sviðsstjóra.
Spennandi og skapandi störf fyrir lifandi fólk meö
ímyndunarafl.
Upplýsingar í síma 96-25073. Umsóknir sendist til
Leikfélags Akureyrar, pósthólf 522, 602 Akureyri, fyr-
ir 1. júlí næstkomandi.
HJÚKRUNAR-
FRÆÐINGAR
Eftirtaldar stöður hjúkrunarfræðinga við heilsugæslu-
stöðvar eru lausar til umsóknar nú þegar:
Dalvík, ein staða hjúkrunarfræðings.
Keflavík, ein staða hjúkrunarfræðings.
Sandgerði, ein staða hjúkrunarfræðings.
Húsnæði á staðnum.
Egilsstaðir, sumarafleysingar frá 1. júlí til 31.
ágúst 1986.
Umsóknir, ásamt upplýsingum um menntun og fyrri
störf við hjúkrun, sendist heilbrigðis- og trygginga-
málaráðuneytinu.
2. júní 1986.
Heilbrigðis- og tryggingamálaráðuneytið.
LAUS STAÐA
í SKÚTU-
STAÐAHREPPI
Skútustaðahreppur auglýsir stöðu umsjónarmanns
vatns og hitaveitu, áhaldahúss og véladeildar hrepps-
ins.
Starfið er stjórnunarstarf og krefst góðrar þekkingar
og reynslu á sviði málmiðnaðar - vélvirkjunar eða
vélgæslu.
Leitað er að traustum starfsmanni, starfsömum og
útsjónarsömum. Starfinu fylgir einbýlishús í kyrrlátu
og góðu umhverfi í sveitarfélagi með góða félagslega
þjónustu og góð starfsaðstaða. Umsóknarfrestur um
starfið er til 4. júlí nk.
Nánari upplýsingar veitir sveitarstjóri í síma 96-44263
og heima í síma 96-44158.
Sveitarstjórinn í Mývatnssveit,
Arnaldur Bjarnason.
TIL VESTFJARÐA?
Já, hvers vegna ekki?
Kennarar, athugið. Á Vestfjörðum eru tæplega 2000
nemendur á grunnskólastigi í 23 skólum.
Okkur vantar enn kennara í margra þeirra. Starfslið
fræðsluskrifstofunnar veitir ráðgjöf og ýmsa aðstoð
en þar starfa auk fræðslustjóra, rekstrarfulltrúi, sálfræð-
ingur og sérkennslufulltrúi. Samvinna er við leið-
beinendur í íslensku og stærðfræði.
Gagnasafn er hér ásamt útibúi frá námsgagnastofnun
með fræðsluefni á myndböndum.
Meðal fríðinda, sem sveitarfélög hér bjóða umfram
kjarasamninga, er ódýr húsaleiga, flutningsstyrkur og
kaupuppbót. Hringdu til okkar í síma 94-3855 eða
beinttii viðkomandi skólastjóra og leitaðu upplýsinga.
Sérstaklega óskast sérkennarar, tónmenntakennarar
og myndlistarkennarar.
Fræðslustjóri Vestfjarðarumdæmis,
Pétur Bjarnason.