Dagblaðið Vísir - DV - 09.07.1986, Page 2

2
MIÐVIKUDAGUR 9. JÚLÍ 1986.
Fréttir
Asmundur Stefánsson, forseti ASI:
Össur hlýtur að vilja
kljúfa Alþýðubandalagið
„Ég held að líta verði á þetta við-
tal sem þátt í áróðursherferð
ákveðins hóps í Alþýðubandalag-
inu,“ sagði Ásmundur Stefánsson,
forseti Alþýðusambands íslands,
þegar DV innti hann álits á viðtali
við Össur Skarphéðinsson, ritstjóra
Þjóðviljans, sem birt er í nýjasta
tölublaði Heimsmyndar.
í viðtalinu segir Össur að Ásmund-
ur Stefánsson sé að reyna að leggja
undir sig Alþýðubandalagið, hann
stefrii á þing og ætli sér að verða
næsti formaðurílokksins. Ásmundur
var spurður hvað hæft væri í þessu.
„Mér má eflaust í léttu rúmi liggja
þótt ofstækisfullir menn geri mig að
einhverjum allsherjargoða til lands
og sjávar, í sinni martröð og sálar-
þrengingum. En ég hef sagt það
áður, og segi það enn, að því fylgja
ákveðnir kostir fyrir forseta Al-
þýðusambandsins að fara á þing. Þar
er hægt að koma málum á framfæri
og taka þátt í umræðum sem fá víð-
tæka umíjöllun í þjóðfélaginu.
Um leið er ljóst að starfi forseta
ASÍ fylgir geysilegt vinnuálag. Það
yrði einnig af öðrum og augljósum
ástæðum erfitt að vera hvort tveggja
í senn, foseti ASÍ og þingmaður. Eg
hef hingað til verið þeirrar skoðunar
að þessi síðari rök vægu þyngra og
af þeim sökum hef ég hvergi leitað
hófanna með þingsæti. En það má
kannski bæta því við að eftir sjón-
varpsfréttir á mánudagskvöld, þar
sem þessu viðtali var slegið upp,
heíur ólíklegasta fólk hringt til mín
til að lýsa yfir stuðningi við mig til
allra þeirra metorða sem Össur ætlar
mér, þannig að það er kannski kom-
ið tilefni til að endurskoða þessa
afstöðu mína.“
- En hvað með formennsku í Al-
þýðubandalaginu?
„Þó ég hafi mikið traust á mínu
eigin atgervi og dugnaði og hæfni
þá held ég að menn verði einhvers
staðar að kunna sér hóf. Ég ætla
ekki að segja neitt um ákveðnar
stöður eða ákveðin mál. Þetta er
mál sem sjálfsagt er að taka til um-
ræðu, en ég hef engar ákvarðanir
tekið sem stefha í þá átt.“
- í ritstjómarskrifum sínum hefur
Össur gagnrýnt stefnu verkalýðs-
hreyfingarinnar í kjaramálum. I
viðtalinu í Heimsmynd segir hann
að ASÍ hafi ekki staðið sig sem
skyldi í hagsmimabaráttu undan-
farinna ára, að kaupmáttur hafi
lækkað auk þess sem að barátta
Alþýðusambandsins hafi ekki verið
á pólitískum grunni. Hvað segir þú
um þetta?
„Það er náttúrlega auðveld aðferð,
ef menn vilja gera aðra tortryggi-
lega, að eigna þeim allt sem miður
fer, á hvaða vígstöðvum sem vera
skal.
Ég verð reyndar að viðurkenna að
ég get ekki gert mér grein fyrir því
að hverju er stefnt með þessum að-
dróttunum. Það er verið að reyna
að gera okkur tortryggileg, okkur
sem störfum innan verkalýðshreyf-
ingarinnar, og reyndar fleiri. Því er
til dæmis haldið fram að við viljum
ritskoða leiðara í Þjóðviljanum. Ég
veit ekki hvaða maður það ætti að
vera sem hefði geðheilsu til að lesa
alla leiðara Þjóðviljans. Ekki þekki
ég þann mann.
Það er kannski rétt að taka fram
að sú gagmýni á Þjóðviljann, sem
komið hefur frá mér og öðrum innan
verkalýðshreyfingarinnar, gengurút
á það að blaðið sé of þröngsýnt.
Málum eru ekki gerð nægilega góð
skil, fréttaskrif og ritstjómarstefna
blandast saman, val á viðmælendum
og uppsetning greina einkennist iðu-
lega af hlutdrægni. Ágreiningurinn
um Þjóðviljann af okkar hálfu er
engan veginn um það að koma í veg
fyrir einhver gagnrýnisskrif. Þvi fer
fjarri að ég hafi einhvem áhuga á
að ritskoða blaðið. Þvert á móti, það
er mín skoðun að opna eigi blaðið
svo að fleiri sjónarmið fái að koma
fram.
Það er að sjálfsögðu mjög alvar-
legt mál að ritstjóri Þjóðviljans skuli
líta á það sem hlutverk sitt að beita
blaðinu í innanflokksátökum fyrir
afinarkaðan hóp í Alþýðubandalag-
inu. Og það er ekki síður alvarlegt
að hann skuli nánast lýsa því yfir
að af þeim hópi sé verið að undirbúa
klofning og hugsanlega framboð
með Bandalagi jafnaðarmanna og
flokksbrotum annars staðar frá. Þar
held ég að ritstjórinn gangi þvert á
starfsskyldu sína. Það er auðvitað
skylda ritstjórans að beita blaðinu
Ásmundur Stefánsson, forseti ASÍ:
Veit ekki hvaða maður hefði geð-
heilsu til að lesa alla leiðara
Þjóðviljans.
til að fylkja alþýðubandalagsmönn-
um saman.“
- Össur segir að vænta megi um-
skipta á vinstri væng stjómmálanna.
Er hætta á að Alþýðubandalagið
klofhi?
„Mér sýnist þetta viðtal gefa það
mjög sterklega til kynna að ákveð-
inn hópur fólks vilji kljúfa flokkinn.
Það er ljóst að þegar ritstjóri Þjóð-
viljans, sem er maður í innsta hring,
fer af stað með gróusögur, eins og
þær sem þar koma fram, getur fátt
annað vakað fyrir," sagði Ásmundur
Stefánsson. -EA
Ólafur Ragnar Grímsson:
Deilumar snúast um stjómarsamstaif
Ólafur Ragnar Grímsson, for-
maður framkvæmdastjórnar
Alþýðubandalagsins, telur ekki
mikla hættu á því að flokkurinn
klofni. „Það em auðvitað mismun-
andi áherslur í ýmsum málum, til
dæmis í kjaramálum og afstöðunni
til stjórnarsamstarfs með Sjálf-
stæðisflokki og Alþýðuflokki, en
ég tel að þessi áherslumunur þurfi
ekki að leiða til klofnings,“ sagði
Ólafur í samtali við DV í gær.
Össur Skarphéðinsson, ritstjóri
Þjóðviljans, segir að ákveðinn hóp-
ur innan Alþýðubandalagsins eigi
hugsanlega meira sameiginlegt
með Bandalagi jafnaðarmanna,
Kvennalistanum og vinstri öflum í
Alþýðuflokknum. Hann segir að
þær aðstæður gætu komið upp sem
steyptu þessum hópum í einn far-
veg. Ólafur var spurður hvort þetta
væri líklegt.
„Ég held að allar svona einfald-
anir geti verið mjög villandi ef
menn taka þær bókstaflega. Það
sem komið hefur fram er að yngra
Ég hef enga ákvörðun tekið um
formennsku.
fólk í öllum þessum flokkum, og
reyndar i Framsóknarflokknum
líka, hefur talið mikla þörf á því
að aukið samstarf skapaðist milli
félagshyggjuafla til að skapa mót-
vægi við Sjálfstæðisflokkinn.
Ýmsir félagar okkar, sem starfa
mjög náið með sjálfstæðismönnum
í verkalýðshreyfingunni, hafa hins
vegar verið nokkuð andvígir þess-
um áheyrslum og sótt stíft í sams
konar samstarf við Sjálfstæðis-
flokkinn í landsmálum eins og þeir
hafa við ýmsa sjálfstæðismenn í
verkalýðshreyfingunni."
Við höfum bent á það ýmsir að ef
Alþýðubandalagið ætlaði sér að
verða stór flokkur þá yrðu menn
að sýna umburðarlyndi og átta sig
á því að margvíslegar skoðanir
gætu verið þar uppi. Menn verða
að átta sig á því að ekki er hægt
að keyra allt í einn farveg og und-
ir einn hatt einhverra örfárra
forystumanna. Sú gamla tíð, sem
áður fyrr var tekin góð og gild í
íslenskum stjórnmálum, að allt
væri agað undir einhvern einn
vilja, hún er einfaldlega liðin.
Menn verða að átta sig á því að
ef flokkar vilja vera stórir og öflug-
ir þá verða þeir að tileinka sér
nútímaleg vinnubrögð og nútíma
hugsunarhátt. Það þýðir ekkert
fyrir einn eða tvo eða þrjá menn,
hvaða titla sem þeir kunna að hafa,
að ætla sér að segja heilum stjórn-
málaflokki fyrir verkum."
- Finnst þér þá ríkja óánægja
innan Alþýðubandalagsins með
þau vinnubrögð sem þar eru höfð
í frammi?
„Það hefur verið margvísleg
gagnrýni innan Alþýðubandalags-
ins. Ég tel hins vegar að hún sé á
margan hátt eðlileg vegna þess að
flokkurinn er búinn að ganga í
gegnum mikið breytingaskeið á
undanförnum árum.
- Finnst þér að deilurnar innan
Alþýðubandalagsins séu famar að
einkennast meira af viðhorfi
manna til stjórnarþátttöku og
stjómarsamstarfs eftir næstu kosn-
ingar?
„Það er náttúrlega undirtónninn
í þessu öðrum þræði. Það er sem
sagt hin stóra spuming hvort menn
eru fylgjandi því að Alþýðubanda-
lagið taki höndum saman með
Alþýðuflokknum til að stjórna með
íhaldinu, eða hvort Alþýðubanda-
lagið eigi að beita sér fyrir því að
félagshyggjufólk í landinu myndi
valkost sem kæmi í staðinn fyrir
íhaldsöflin í landinu og leiti þá eft-
ir samstarfi við félagshyggjufólk
innan Framsóknarflokksins,
Kvennalistans og annars staðar.
Það er kannski hin stóra pólitíska
spurning sem þarf að ræða.“
- í viðtalinu við Heimsmynd seg-
ir Össur að þú stefnir að framboði
til Alþingis og ætlir þér einnig for-
mennsku í Alþýðubandalaginu.
„Ég hef enga ákvörðun tekið um
það.“
- Finnst þér það þá kannski of
djúpt í árina tekið hjá honum að
segja að átök um formennsku og
forval í Alþýðubandalaginu á
næstunni kunni að hrinda flokkn-
um fyrir ætternisstapa?
„Ég held að þetta sé einum of
dramatískt orðalag," sagði Ólafur
Ragnar Grímsson.
-EA
Reykjavíkurflugvöllur:
Einka-
flugvél
brotlenti
á Fokker
Um klukkan sjö í gærkvöldi brot-
lenti eins hreyfils flugvél, TF-TAM, á
Reykjavíkurflugvelli. Slysið vildi til
með þeim hætti að flugmaðurinn
missti sjóm á vélinni í flugtaki og
skall hún niður á flugbrautina. Rann
hún stjómlaust eftir brautinni og stað-
næmdist lokst á Fokker vél Flugleiða,
Dagfara. Þrír farþegar vom í vélinni
auk flugmanns og sluppu þeir nánast
ómeiddir. Engan í Fokkemum sakaði.
-ÞJV