Dagblaðið Vísir - DV - 20.03.1987, Blaðsíða 5

Dagblaðið Vísir - DV - 20.03.1987, Blaðsíða 5
FÖSTUDAGUR 20. MARS 1987. 27 issonar þar sem meðal annarra Aðalsteinn s: rkum ðssonar ið ryðja sér til rúms hér á landi og voru ns þar fremstir í flokki. Þrátt fyrir það hefur íð fyrst og fremst málað landið og hina marg- ;u þess. Þar hafði dvöl hans í Danmörku f á mótun verka hans. I upphafi ferils síns ir einnig uppstillingar og hin síðari ár hefur mstur íslenskra listamanna í gerð portrett- ígarinnar hefur verið gefin út vönduð sýning- da mynda. I hana ritar Aðalsteinn Ingólfsson ;rein um Sigurð sem nefnist „Landslag í ljósi" ; úr viðtali Hannesar Péturssonar við lista- ókinni Steinar og sterkir litir sem út kom efur verið gefið út plakat í lit. ndur til 20. apríl og er opin virka daga frá 13.30-19 um helgar. Þjóðleikhúsið Miðnætursýning á Hallæristenór Miðnætursýning verður í fyrsta skipti á þessu leikári í Þjóðleik- húsinu á laugardagskvöld. Þá verður gamanleikurinn Hallæ- ristenór eftir Ken Ludwig í þýðingu Flosa Ólafssonar og leikstjórn Benedikts Árnasonar sýndur á stóra sviði Þjóðleikhússins bæði klukkan 20.00 og 23.30. Miðnætursýningar Þjóðleik- hússins hafa notið mikillar hylli á undanförnum árum. Leikhúsgestir virðast bregða sér á miðnætursýn- ingu með styttri fyrirvara og minni hátíðleik en þegar um kvöldsýn- ingu er að ræða og dúndurstemmn- ing myndast á gamanleikjum Þjóðleikhússins á miðnætti. Bandaríski gamanleikurinn Hallæristenór er eitt allsherjar óperugrín. Minni háttar ópera á von á ítölskum hetjutenór til að svngja aðalhlutverkið í óperunni Othelló eftir Verdi. Þegar hetjan loksins birtist er hann vægast sagt ekki í toppformi en.allt bjargast þó að lokum eftir margar óvæntar uppákomur. I hlutverkum eru Örn Árnason, Aðalsteinn Bergdal, Tinna Gunnlaugsdóttir, Erlingur Gíslason, Helga Jónsdóttir, Árni Tryggvason, Lilja Þórisdóttir og Herdís Þorvaldsdóttir. Æfingastjóri tónlistar var Agnes Löve, hönnuður leikmyndar og búninga Karl Aspelund og ljósa- hönnuður Sveinn Benediktsson. Ferðalög Aðalsteinn Bergdal og Helga Jónsdóttir í hlutverkum Tito Merelli ténórs og eiginkonu hans, Mariu. Steinþór og Sigrún sýna Steinþór Marinó Gunnarsson og Sigrún Steinþórsdóttir Eggen opna myndlistarsýningu í Listasafni ASÍ, Grensásvegi 16, laugardaginn 21. mars kl. 14. Steinþór sýnir vatnslitamyndir, einþrykk og past- elmyndir en Sigrún myndvefnað. Steinþór sýndi fyrst á samsýn- ingu Félags íslenskra frístunda- málara 1947. Seinna átti hann m.a. verk á samsýningu FIM en hefur síðan haldið fjölda einkasýninga hér á landi og í Noregi. Steinþór hefur og hlotið listamannalaun. Verk eftir hann eru í eigu ýmissa listasafna, stofnana og einkaaðila. Sigrún lærði myndvefnað í Nor- egi þar sem hún hefur verið búsett sl. 20 ár. Hún er meðlimur í Textíl- félaginu og Félagi norskra textíl- listamanna. Sigrún tók fyrst þátt í samsýningu í Larvik í Noregi 1979 en síðan hefur hún haldið á annan tug einkasýninga. hér á landi og í Noregi. en auk þess tekið þátt í fiölda samsýninga. Verk eftir Sigrúnu eru í eigu fjöl- margra opinberra stofnana í Noregi. 1986 vann hún m.a. mynd- vefnað fyrir 4 hæðir í Vestfold Sentralsykehus í Tonsberg. Þetta er þriðja samsýning feðgin- anna hér á landi og stendur hún til 5. apríl. Sýningin er opin virka daga kl. 16-20 en laugardaga og sunnudaga kl. 14-22. Gallerí Gangskör: Kristjana Samper Listamaðurinrf Kristjana Samper opnar á morgun. laugardag. kl. 15.00 sýningu á teikningum og skúlptúrum í Gallerí Gangskör að Amtmannsstíg 1 í Reykjavík. A sýningunni eru 19 verk sem öll nefnast stuttum og laggóðum nöfn- um. Hún hefur tekið þátt í fjölda samsýninga og haldið einkasýn- ingar. Sýningin verður opin alla virka daga frá klukkan 12 til 18 og um helgar frá klukkan 14 til 18. Kvennalistinn í Reykjaneskjördæmi hefur opið hús á laugardaginn kl. 15 í nýja kosningahúsnæðinu að Reykjavíkur- vegi 68,-Hafharfirði. Veislukaffi og flóa- markaður. Allir velkomnir. Fyrirlestur á vegum Mímis Nk. laugardag, 21. mars, heldur Ámi Sig- urjónsson bókmerintafræðingur fyrirlest- ur á vegum Mímis, félags stúdenta í íslenskum fræðum. Fyrirlesturinn nefnist „Líkön í bókmenntafræði" og hefst kl. 14 í stofu 101, Odda, hugvísindahúsi Háskóla íslands. Öllum er heimill aðgangur svo lengi sem húsrúm leyfir. Vetrarfagnaður Ferðafélags- ins Ferðafélagið heldur vetrarfagnað í kvöld, 20. mars, í Risinu, Hverfisgötu 105. Fagn- aðurinn hefst með fordrykk kl. 19.30 en borðhald kl. 20. Til skemmtunar verður „glens og grín", sem félagsmenn sjá um. Hljómsveit leikur fyrir dansi. Veislustjóri verður Árni Björnsson þjóðháttafræðing- ur. Aðgöngumiðar kosta kr. 1500 og eru um leið happdrættismiðar. Miðar seldir við innganginn og á skrifstofu F.I., öldu- götu 3. Vortónleikar Lúðrasveitar verkalýðsins Laugardaginn 21. mars nk. heldur Lúðra- sveit verkalýðsins sína árlegu vortónleika. Verða þeir að þessu sinni haldnir í Lang- holtskirkju og hefjast kl. 17. Efnisskrá er að vanda fjölbreytt. Einleikari með lúðra- sveitinni verður Emil Friðfinnsson en hann er um þessar mundir að ljúka ein- leikaraprófi frá Tónlistarskólanum í Reykjavík. Á efnisskrá verða „Finlandia" eftir Sibelius og „Consert Rondo" eftir Mozart. Auk þessara verka verða svo ýmis þekkt og minna þekkt lúðrasveitar- verk. Stórsveit LV mun á tónleikum þessum flytja nokkrar þekktar sveiflu- melódíur. Stjórnandi Lúðrasveitar verka- lýðsins er, eins og undanfarin ár, Ellert Karlsson. Formaður er Torfi Karl Antons- son. Aðgangur að tónleikunum er ókeypis og allir velkomnir meðan húsrúm leyfir. Fjáröflunarkaffi og merkjasala Kvenfélags Langholtskirkju Fjáröfiunarkaffi og merkjasala til ágóða fyrir Langholtskirkju í Reykjavík verður sunnudaginn 22. mars í safnaðarheimili kirkjunnar eftir messu kl. 15. Bjóðum fjöl- skyldunni í kirkju og styrkjum starf hennar. Húnvetningafélagið í Reykja- vík félagsvist laugardaginn 21. mars kl. 14 í félagsheimilinu. Skeifunni 17. 3 daga keppni að hefjast. Allir velkomnir. Sýning á Neskaupstað Alda Sveinsdóttir heldur syningu á 25 ol- íukrítar- og Akvarellmyndum sem hafa verið unnar á sl. ári. Sýningin stendur til 29. mars og eru. allir Austfirðingar og Norðfirðingar velkomnir. Aðgangur er ókeypis. Leikjadagur og kaffisala í Fossvogskóla Stjórn foreldra- og kennarafélags Foss- vogsskóla heldur-hinn árlega leikjadag og kaffisölu sunnudaginn 22. mars milli kl. 13.30 og 16.30. Ljómamótiö í badminton 1987 I samvinnu við Smjörlíki Sól h/f heldur Badmintonfélag Ákraness hið árlega Ljómamót í badminton laugardaginn 21. mars 1987. Mótið hefst kl. 11 og verður spilað þar til úrslit fást sama dag. Keppt verður í öllum greinum karla og kvenna í meistaraflokki og er því búist við öllum bestu badmintonspilurum landsins til þátttöku. Mótið er svokallað styrkleika- mót og gefur ekkert annaö mót fleirí styrkleikastig nema Islandsmeistaramót. íslenska óperan Ópera Verdis. AIDA. verður sýnd hjá Is- lensku óperunni í kvöld og á sunnudags- kvöld kl. 20. Þjóðleikhúsið Uppreisn á Isafirði I kvöld kl. 20 er 31. sýning á Uppreisn á ísafirði eftir Ragnar Arnalds í leikstjórn Brynju Benediktsdóttur en nú fer sýning- um að fækka vegna nýrra verkefna. Hallæristenór. Miðnætursýning verður í fyrsta skipti á þessu leikári í Þjóðleik- húsinu á laugardagskvöld. Þá er hinn vinsæli gamanleikur Hallæristenór eftir Ken Ludwig, í þýðingu Flosa Ólafssonar og leikstjórn Benedikts Árnasonar. sýndur I á stóra sviði Þjóðleikhússins bæði kl. 20 og 23.30. j Rympa á ruslahaugnum. Barnaleikrit | Herdísar Egilsdóttur verður sýnt á laugar- dag og sunnudag kl. 15. ; Aurasálin. Nú eru aðeins fjórar sýningar : eftir á þeim sígilda gamanleik Aurasálinni eftir Moliére. Sýning á stóra sviðinu á sunnudagskvöld kl. 20. ; í smásjá. Sýning á litla sviðinu laugar- | dagskvöld kl. 20.30. Laugardagsganga Hana nú Vikuleg laugardagsganga Frístundahóps- ins Hana nú í Kópavogi verður á morgun, laugardaginn 21. mars. Lagt af stað frá Digranesvegi 12 kl. 10. Við göngum undir hækkandi sól. Markmið göngunnar Sam- _ vera, súrefni, hreyfing. Nýlagað molakaffi. Allir velkomnir. Ferðafélag islands Dagsferðir sunnudaginn 22. mars. 1. Kl. 10.30: Leggjabrjótur - skíðaganga. Ekið til Þingvalla og gengið þaðan um Leggjabrjót í Brynjudal. Leggjabrjótur er gömul þjóðleið frá Þingvöllum til Hval- fjarðar. Þetta er þægileg gönguleið og nú er nægur snjór. Verð kr. 600. 2. Kl. 13: Hvalfjarðareyri. Hvalfjarðareyri gengur fram í Hvalfjörð að sunnanverðu. Þar er að finna sérkennilega steina, eink- um baggalúta. Verð kr. 500. Brottför frá Umferðarmiðstöðinni, austanmegin. Far- miðar við bíl. Frítt fyrir börn í fylgd fullorðinna. * Útivistarferðir Sunnudagur 22. mars. Kl. 10.30: Brennisteinsfjöll, skiðaganga. Skemmtileg skíðagönguferð úr Bláfjöllum yfir i Brennisteinsfjöll og Grindaskörð. Verð kr. 600. Kl. 13: Þjóðleið marsmánaðar: Gengið um gömlu leiðina frá Kaldárseli hjá Mús- arhelli um Hellur í Grindaskörð (hluti Selvogsleiðar). Fjölbreytt gönguleið við allra hæfi. Verð 500 kr.. frítt f. börn m. fullorðnum. Brottför frá BSl. bensínsölu. Árshátíð Útivistar verður í Fóstbræðra- heimilinu laugardaginn 4. apríl. Miðar og pantanir á skrifst.. Grófinni 1. símar 14606 og 23732. Páskaferðir 16.-20. april: 1. Þórsmörk. 3 og 5 dagar. 2. Snæfellsnes. 5 dagar. 3. Ör- æfi-Kálfafellsdalur. 5 dagar. 4. Skíða- gönguferð í Esjufjöll. Ferðaáætlun " Útivistar 1987 er komin út. Sjáumst. Sýriiiigar Árbæjarsafn Opið samkvæmt samkomulagi. Ásgrímssafn, Bergstaðastræti 74 Skólasýning Ásgrímssafns hefur verið opnuð. Sýningin er opin almenningi á opnunartíma safnsins. sunnudaga. þriðju- daga og fimmtudaga kl. 13.30-16. Aðgang- ur er ókeypis. Ásmundarsafn v/Sigtún Opnunartími safnsins er á þriðjudögum. fimmtudögum. laugardögum og sunnudög- um frá kl. 14-17. Ásmundarsalur v/Freyjugötu A morgun opnar Kristján Guðmundsson myndlistarmaður sýningu á teikningum og skúlptúr sem hann hefur unnið að á síðasta ári og fram á þennan dag. Kristján hefur haldið fjölda sýnínga hér á landi og erlendis. Sýningin verður opin daglega kl. 14-18.30 og stendur til 29. mai-s. Gallerí Borg v/Austurvöll í gær opnaði Daði Guðbjörnsson sýningu á um 35 verkum: olíumálverkum. vatns- litamyndum. pastelmyndum og grafík. unnum á sl. tveimur árum. Þetta er sjö- unda einkasýning Daða en hann hefur einnig tekið þátt i fjölda samsýninga. bæði hérlendis og erlendis. Sýningin er opin virka daga frá kl. 10-18, nema mánudaga kl. 12-18. Um helgar. er opið frá kl. 14-18. Sýningin stendur til 31. mars. Gallerí Grjót, , Skólavörðustíg 4A Þar stendur yfir sýning á nokkrum skúlpt- úrverkum eftir Sverri Ólafsson mynd- höggvara. Nafn sýningarinnar. „Andlit" höfðar til viðfangsefnisins. sem er andlits- grímur. unnar í hina ýmsu málma. svo sem á málað stál. brons og pottjárn. Verkin eru öll unnin á þessu ári og hinu síðasta og eru þau öll til sölu. Þetta er fjórða, einkasýning Sverris. auk þess hefur hanr, tekið þátt í földa samsýninga hér heima og erlendis. Sýningin er opin daglega frá kl. 12-18 virka daga en kl. 14-18 um helg- ar og stendur hún til 22. mars. Jafnframt sýningu Sverris eru verk hinna aðstend- enda Gallerísins ti\ sýnis í baksal sýning- arhúsnæðisins. Gallerí Langbrók, Textíl, Bókhlöðustig 2 Eina textílgalléríið á landinu. Vefnaður tauþrykk. myndverk. fatnaður og ýmiss konarlistmunir. Opið þriðjudaga til föstu- daga kl. 14-18 og laugardaga kl. 11-14. Galleri Svart á hvítu v/Óðinstorg Á morgun opnar sýning á olíumálverkum Grétars Reynissonar. Grétar stundaði nán- við Myndlista- og handíðaskóla íslands 1974-78 og við De Stichting de vrije Aea- demie von Beeldende Kunsten í Haag Hollandi 1978-79. Hann hefur tekið þátt: fjölda samsýninga og er þetta þriðja einka- sýning hans. Sýningin er opin frá kl. 14-lf alla daga nema mánudaga til 5. apríl.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.