Dagblaðið Vísir - DV - 27.04.1987, Side 7

MÁNUDAGUR 27. APRÍL 1987.
7
Utlönd
n Jeep EGILL VILHJÁLMSSON h/f ItT™*
Nýnasistar
vilja Rudolf
Hess lausan
Sjö nýnasistar voru handteknir við
Spandau fangelsið í Vestur-Berlín þar
sem þeir efndu til aðgerða til að krefj-
ast lausnar nasistaleiðtogans Rudolfs
Hess, á níutíu og þriggja ára afmælis-
degi hans i gær. Talsmaður lögregl-
unnar í Berlín sagði í gær að fimm
nýnasistanna hefðu verið handteknir
fyrir að vera með ólögleg nasistamerki
en tveir voru dregnir á brott, hróp-
andi: „Frelsi fyrir Hess“, eftir að hafa
reynt að hlekkja sig við fangelsishlið.
Þá efndu um fimm hundruð vinstri-
sinnar til aðgerða við fangelsið þar
sem Hess hefur verið í haldi frá árinu
1947. Báru þeir skilti þar sem hug-
myndum um að láta Hess lausan var
mótmælt og höfðu uppi kröfur um að
hann yrði látinn „rotna í fangelsi".
Ekki kom til átaka milli lögreglu
og vinstrisinna.
Hess, sem dæmdur var í lífstíðar-
fangelsi fyrir stríðsglæpi, hefur verið
eini fanginn í Spandau fangelsinu síð-
an fyrrum leiðtogi Hitlersæskunnar,
Baldur Von Schirach, og fyrrum her-
málaráðherra Hitlers, Albert Speer,
voru látnir lausir árið 1966.
Undanfarið hafa borist fregnir af því
að Sovétmenn hygðust endurskoða
afstöðu sína til þess að láta Hess
lausan en hingað til hafa þeir beitt
neitunarvaldi gegn öllum hugmyndum
um frelsi fyrir þennan fyrrum nána
samstarfsmann Adolfs Hitler.
Hess fékk engar heimsóknir á af-
mælisdaginn. Hann er sagður við
nokkuð góða heilsu, miðað við aldur.
ri Jeep
Tugþúsundir mótmæla
stefnu forsetans
Talið er að um sjötíu og fimm þús-
und manns hafi tekið þátt í miklum
mótmælaaðgerðum gegn stefnu Reag-
ans Bandaríkjaforseta í málefnum
Mið- og Suður-Ameríku við Hvíta
húsið í Washington á laugardag.
Tugþúsundir mótmælenda söfhuðust
saman við Hvíta húsið á laugardags-
morgun og gengu þaðan til þinghúss-
ins þar sem þúsundir til viðbótar
bættust í hópinn.
Lögreglan segir um þrjátíu og fimm
þúsund manns hafa tekið þátt í upp-
haflegu göngunni en að alls hafi um
sjötíu og fimm þúsund tekið þátt í
aðgerðunum.
Eru þetta fjölmennustu mótmælaað-
gerðir gegn stefnu forseta sem hafa
átt sér stað síðan á tímum Víetnam-
stríðsins þegar allt að hálfri milljón
manna tók þátt í einstökum mótmæla-
aðgerðum í Washington.
Mótmælendur kröfðust þess á fundi
sínum að Reagan léti af stuðningi sín-
um við Contra-skæruliðahreyfinguna
sem bei-st gegn vinstrisinnuðum
stjómvöldum Nicaragua. Einn fund-
armanna, Daniel Ellsberg, fyrrum
starfsmaður varnarmálaráðuneytis
Bandaríkjanna, sem saksóttur var f\T-
ir birtingu svonefndrar „Pentagon-
skýrslu“, sakaði Reagan um að hafa í
undirbúningi styijaldaraðgerðir gegn
Nicaragua.
Meðal fúndarmanna var einnig
Jesse Jackson, klerkurinn þeldökki
sem vonast eftir útnefningu sem for-
setaefni demókrata. 1 ræðu sinni á
fundinum sakaði hann Reagan um
stuðning við Botha, forseta Suður-
Afríku, og kynþáttamisréttisstefnu
hans og sagði meðal annai-s: „Öll okk-
ar siðfræði, sem fékk okkur til að segja
nei við Hitler og þriðja ríkið, krefst
þess að við segjurn nei við Botha og
fjórða ríkið.“
Ronald Reagan forseti var ekki
heima þegar efnt var til mótmælanna.
Lögreglumenn draga einn af aðdáendum Rudolfs Hess á brott frá hliðum
Spandau fangelsisins.
....... ..................... ...................... .........................
VINSAMLEGAST ATHUGIÐ
Vegna mikilla anna hjá AMC verksmiðjunum hafa þær tilkynnt
okkur að staðfesta þurfi pantanir á hinum vinsælu Cherokee og
Wagoneer bifreiðum fyrir 1. maí nk. Afgreiðslufresturinn lengist
verulega eftir 1. maí.
Mótmælendur syngja baráttusöngva við Hvita húsið i Washington DC á laugardag. Þeir mótmæltu stefnu forsetans i
málefnum Mið- og Suður-Ameríku.
Sigur stjórnar-
innar í Indó-
nesíu of stór?
Jón Oimur HaJldórssan, DV, Lcmdon:
Nálega eitt hundrað milljónir
manna greiddu atkvæði í þing-
kosningum í Indónesíu fyrir fáum
dögum og benda fyrstu úrslit til
þess að stjómarflokkurinn, Golk-
ar, fái tæplega sjötíu og fimm
prósent atkvæða. Það mun taka
margar vikur að telja atkvæðin frá
þrjú hundruð þúsund kjörstöðum
í landinu sem telur þrettán þúsund
eyjar og hundrað sjötíu og fimm
milljónir íbúa.
Sá fjórðungur kjósenda sem ekki
greiddi stjómarflokknum atkvæði
gat þó ekki með því sýnt andstöðu
við stjórnina því allir þrír flokkar
landsins hafa sömu hugmynda-
fræði og gagnrýna ekki nein
meginatriði í stjóm Suhartos for-
seta sem setið hefur að völdum í
meira en tuttugu ár.
Þó kosningar í landinu séu sam-
keppni milli þriggja flokka í
leynilegum kosningum minna þær
um fátt á kosningar í vestrænum
ríkjum því allir flokkar landsins
verða að hlíta leiðsögn ríkisstjóm-
arinnar í mörgum mikilvægum
atriðum og mega ekki gagnrýna
helstu þætti stjórnarfarsins.
Engu að síður var talsverð
spenna í kosningunum og þá ekki
síst vegna aukinna erfiðleika í
efnahagsmálum og vaxandi bils
milli ríkra og fátækra en megin-
hluti þjóðarinnar býr við mikla
fátækt þó að beint hungur sé nú
nýlega að mestu úr sögunni.
Það stóð hins vegar ekki til að
kjósendur breyttu einu eða öðm
með þessum kosningum sem for-
seti landsins kallaði æfingu i
lýðræði. En Suharto hefur gefið til
kynna að hann vilji halda áfram
sem forseti í að minnsta kosti eitt
kjörtímabil enn.
Indónesía, sem er fimmta fjöl-
mennasta ríki heims, hefur notið
meiri stöðugleika í stjómmálum í
rúma tvo áratugi en flest önnur
ríki Asíu og hefur því lítið verið í
alþjóðlegum fréttum. Margt bendir
samt til aukinnar ókyrrðar í
landinu þó kosningar hafi farið
fram með friðsamlegum hætti og
hefur til að mynda mikill fjöldi ísl-
amskra trúmanna og annarra
meintra stjómarandstæðinga ve-
rið fangelsaður á síðustu mánuð-
um og misserum.
Rússneskur sigur stómarflokks-
ins í þessum kosningum er líklegri
til vekja enn frekari athygli á
skorti á lýðræði í landinu en til
þess að styrkja stjómina.