Dagblaðið Vísir - DV - 03.02.1988, Blaðsíða 8

Dagblaðið Vísir - DV - 03.02.1988, Blaðsíða 8
¦¦>: FÖÍ3TÚDÁÖÚR"3:FEBRÚARÍ989! Mynd- bönd Umsjón: Sigurður M. Jónsson Hilmar Karlsson V Það fór eins og allir bjuggust við, spennumyndin Fatal Attraction tók fyrsta sætið með trompi og mun sjálfsagt ekki láta það af hendi á næstunni. Það hefur komið í ljós að þekktar og nýjar sakamála- myndir virðast tolla lengst á Ustan- um. Nánar er fjallaö um Fatal Attraction hér á síðunni. Annars koma þrjá nýjar myndir inn á listann, Wall Street með þeim Michael Douglas og Charhe Sheen í aðalhlutverkum, leikstýrt af Oli- ver Stone, sakamálamyndin Colors með þeim Sean Penn og Robert Duval í aðalhlutverkum, en henni er leikstýrt af Dennis Hooper, og gamanmyndin Moonstruck með Cher í aðalhlutverki. DV-LISTINN 1. (2) Fatal Attraction 2. (1) Báby Boom 3. (5) Vice Versa 4. (4) Suspect 5. (3) Three Men and a Baby 6. (6) Shakedown 7. (-) Colors 8. (-) Moonstruck 9. (10) The Principal 10. (-) WallStreet •• Ævintýri í Nepal THE NIGHT TRAIN TO KATMANDU Útgefandl: Háskólabió Leikstjóri: Robert Wiemer Aöalhlutverk: Pernell Roberts, Eddie Castrodad og Milla Bandarisk, 1988 - Sýningartimi 87 mín. Leyfð öllum aldurshópum The Night Train to Katmandu er ævintýramynd sem best er lýst með þeirri klassísku byrjun: Einu sinni var prins... Nafnið á myndinni á aðeins við um byrjunina. Kennarahjón ein eru á ferð í næturlest til ævintýra- borgarinnar Kathmandu í Nepal. Þau eru með tvö börn sín með sér, stúlku á táningsaldri og ungan dreng. Krakkarnir eru langt í frá ánægðir með að vera að fara á þennan afkima á hjara veraldar. Þetta breytist þó, sérstaklega hjá ungu stúlkunni, þegar í ljós kemur að laumufarþegi er með lestinni, ungur og myndarlegur strákur. Krakkarnir koma þvi svo fyrir að pilturinn er ráðinn á heimili þeirra sem þjónn. Fljótlega kemur í ljós að hér er enginn venjulegur piltur á ferðinni og ungu stúlkuna fer að gruna að þjónninn þeirra sé prins i dulargervi, sérstaklega þeg- ar einn eldri kennaranna segir þeim frá þjóðsögunni um borgjna sem sé í fjöllunum og sé ósýnileg nema á margra ára fresti... The Night Train To Kathmandu er hugljúf fjölskyldumynd, ekkert sérstaklega vel gerð, heldur ekki slæm, og hún er blessunarlega laus við að reyna að sýnast meira en hún er sem oft er gallinn á ódýrum myndunv _hk Vondur, verri, verstur ^\ ^^ j^ Dýrkeypt framhjáhald FATAL ATTRACTION Útgefandi: Háskólabíó Leikstjóri: Adrian Lyne Aðalhlutverk: Michael Douglas, Glenn Close og Anne Archer Bandarisk, 1987-Sýningartími 119 mín. Bönnuð börnum yngri en sextán ára. Mikið hefur verið rætt og skrifað um Fatal Attraction. Þessi magn- aða sakamálamynd; sem var ein mest sótta kvikmynd hér á landi í fyrra, er áhrifamikil lýsing á því hvernig framhjáhald, sem í fyrstu lítur út fyrir að vera smáævinrýri, breytist í martröð. Micahel Douglas leikur heimil- isföðurinn Dan Gallager sem er í góðu starfi og lifir hamingjusömu fjölskyldulífi. Þegar nýr starfsmað- ur hjá bókaútgáfu, er hann vinnur hjá, Alex, gefur greinilega í skyn að hún sé tilkippileg stenst Gallag- mr er ekki freistinguna enda Alex hinn áhtlegasti kvenmaður. Það sem hann heldur vera smáhliðarspor verður að martröð fyrir hann og fjölskyldu hans, martröð sem breytist í leik upp á líf og dauða. Fatal Attraction er geysispenn- andi kvikmynd sem sannarlega heldur áhorfandanum við efnið. Glen Close sýnir snilldarleik í hlut- verki hinnar geðveiku Alex sem breytist úr freistandi kvenmanni í manneskju sem er ekki sjálfráð gerða sinna. Enn einn leiksigur hjá þessari frábæru leikkonu. Michael Douglas er einnig mjög góður sem hinn þjakaði eigin- maður sem getur að vísu kennt sjálfum sér um hvernig fór. Adrian Lynne, sem á að baki kvikmyndirnar Flashdance og 9'/. Weeks, hefur hér gert eina eftir- minnilegustu sakamálamynd seinni ára. Þótt ekki sé hún galla- laus er hún kraftmikil og óhugnan- leg. -HK ••• Leikhús svindlara I^D HOUSE OF GAMES Leikstjóri og handritshöfundur: David Mamet Framleiðandi: Michael Hausman Myndataka: Juan Ruiz Anchia. Aðalhlutverk: Lindsay Crouse og Joe Mantegna Bandarisk 1987 - Sýningartími 98 mín. Bönnuð yngri en 16 ára Hér er á ferðinni sálfræðidrama með snjöllum samsærisþræði er gengur bara skemmtiléga upp. Myndin segir frá sálfræðingi af veikara kyninu sem er að deyja úr leiðindum. Þar kemur að hún hittir athyglisverðan náunga. Sá leggur fyrir sig alls kyns svindl og svínarí en forðast þó ofbeldisglæpi. Sál- fræðingurinn heillast af þessum heimi kappans og fellur um leið fyrir honum en lendir fljótlega í vafasömu máh. Söguþráðurinn er mjög athyghs- verður og inniheldur bæði spennu og dramatík. Mamet nær að skapa áhugaverðar persónur í flestum hlutverkum með dyggri aðstoð leikara sem eru þó flestir óþekktir. Þeir sem muna eftir The Sting kannast sjálfsagt við þann skemmtilega brelluheim sem hér er lýst en undir niðri blundar þó meiri alvara en í þeirri ágætu mynd. Er skemmtilegt að fylgjast meö því þegar sálfræðingurinn fær kennslu hjá glæpamönnunum í mannlegu atferli. Því er ekki að neita að myndin kemur verulega á óvart og ætti að vera hægt að mæla með henni við vandfýsna áhorfend- ur sem sækjast eftir spennu. -SMJ •• Ur sálarkirnunni CHOOSE ME Útgefandi: Skffan Leikstjóri og handritshöfundur: Alan Rudolph Framleiðendur: Carolyn Pfeffer og David Blocker Myndataka: Jan Kiesser Aðalhlutverk: Genevieve Bujold, Keith Carradine og Lesley Ann Warren Bandarísk 1984 - Sýningartími 106 mín. Bönnuð yngri en 16 ára Þetta er önnur myndin eftir Rud- olph sem Skífan ræðst í að gefa út (hin var Trouble in Mind) og bygg- ir þessi mynd á svipaðri sálfræði- stúdíu. Þó að Rudolph sé umhugað að kafa í sálarkirnur mannfólksins nær hann ekki nógu góðum ár- angri. Hann notar að nokkru leyti sama leikarahð (Bujold og Carrad- ine) og hef ég ekki séð Carradine í eins heppilegu hlutverki og hér í langan tíma. Myndin segir frá Evu sem á bar í skuggahverfi stórborg- ar. Hún þráir að hitta hinn eina rétta og dag einn birtist hann. Þau ná að sjálfsögðu ekki saman strax og inn í málið fléttast útvarpsráð- gjafi. Allt fer þó vel að lokum. Að mörgu leyti er hér um að ræða forvitnilega sálfræðistúdíu en því miður er kjaftavaðallinn full- mikill. Myndataka höfðar, eins og í Trouble in Mind, mikiö til tilfinn- inga. Það skortir þó ákveöinn kraft í leikstjórn og skýrari hugsun til að myndin hafi einhvern slagkraft. -SMJ THE ELEVENTH COMMANDMENT Útgefandi: Laugarásbió Bandarfsk, 1988 -Sýningartími 93 min. Bönnuð börnum innan 16 ara Hvað ellefta boðorðið er í sam- nefndri kvikmynd verður aldrei ljóst en hér er fjallað um mannfólk sem fáir mundu vilja kynnast; hvort sem það er geðveikur ungur maður sem tryllist þegar Biblían er tekin frá honum eða ættingjar hans sem reyna að múta lögreglu- manni til að drepa hann í stað þess að ná honum. Lögreglumaðurinn, sem ávallt er blindfullur, hefur þó réttlætiskenndina á sínum. stað enda er pilturinn sálsjúM í lagi inn við beinið þegar sá gállinn er á honum. The Eleventh Commandment er ekki merkileg mynd, klisjukennd, illa leikin og gleymist um leið og lokiö er sýningu. -HK Barist um þrælana DRAGONARD og MASTER OF THE DRAGONARD HILL Útgefandi: Bergvik sf. Leikstjðri: Gerard Kikoine Aðalhlutverk: Oliver Reed, Eartha Kidd og Patrick Warburton Breskar, 1987 - Sýningartimi ca 90 mín. og 93 mfn. Bönnuð 16 ára og yngri Það er alveg ótrúleg framleiðsla sem þeir Cannon bræður, Golaa og Glopus, láta frá sér fara. Allt er reynt á sem ódýrastan máta og er afraksturinn eitt heh'armikið sam- ansafn af myndum sem best væru ógerðar. Dragonard og Master of the Drag- onard Hill eru tvær slíkar. Síðari myndin er í beinu framhaldi af þeirri fyrri og eru þær látnar ger- ast á Suðurhafseyjum á átjándu öld þegar stöðutáknið var að eiga nógu marga þræla. Aðalpersónan er hvítur þræll, Richard Abdee, sem hafði verið dæmdur til þrælahalds fyrir að srjórna uppreisn í Skotlandi. Hann fer að sjáÚsögðu fyrir mikla pen- inga til fagurrar eiginkonu manns sem hefur yndi af að pína þræla sína. Það þarf ekki að fara miklu nánar út í söguþráðinn. Þrællinn sleppur að sjálfsögðu og stjórnar ugpreisn gegn þrælahöldurunum. í seinni myndinni eru sömu per- sónur aö gera sömu hlutina. Sögu- þráðurinn er aðeins þynnri en inni- haldið það sama; spilling þræla- haldaranna og sakleysi og frelsis- þrá þrælanna. Einu sinni var Oliver Reed virtur og dáður leikari sem lék í mörgum ágætum myndum. Ef mark er tak- andi á stöðu.hans sem leikara í Dragonard myndunum hefur leið hans legiö mjög niður á við. Þá er hér flikkað upp á söngkonuna Eartha Kidd og hún gerð að mellu- mömmu. Eini ljósi punkturinn í leikaraliðinu er Herbert Lom sem bregður fyrir í seinni myndinni í hlutverki sjóræningjaforingja. -HK

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.