Dagblaðið Vísir - DV - 17.02.1989, Blaðsíða 1

Leikfélag Akureyrar:
Hver er hræddur við Virgmí u Woolf?
- frumsýning í kvöld
Gylfi Kristjánsson, DV, Akureyri:
Leikfélag Akureyrar frumsýnir í
kvöld leikritið Hver er hræddur við
Virginíu Woolf? eftir bandaríska
leikritahöfundinn Edward Albee.
Leikritið var sýnt í Þjóðleikhúsinu
leikárið 1964-1965.
Sverrir Hólmarsson hefur unnið
nýja þýðingu á verkinu, leikstjórn
er í höndum Arnórs Benónýssonar.
Tónlistarflutning annast hljóm-
sveitin Air Mix. Ingvar Björnsson
hannar og stjórnar lýsingu.
Leikendur eru fjórir, Helga Bach-
mann, Helgi Skúlason, Ragnheiður
Tryggvadóttir og Ellert Ingimund-
arson. Hjónin Helga Bachmann og
Helgi Skúlason leika hér gestaleik,
en þau eru bæði fastráðnir leikarar
við Þjóðleikhúsið. Þetta er í fyrsta
skipti sem þau vinna með Leik-
félagi Akureyrar. Hins vegar eru
þau Ellert og Ragnheiður leikhús-
gestum á Akureyri að góðu kunn,
en þau hafa bæði tekið þátt í fleiri
en einni sýningu á vegum L.A.
Höfundurinn
Edward Albee fæddist árið 1928 í
Washington. Mánaðargömlum var
honum komið í fóstur í New York
þar sem hann ólst upp og fékk
brennandi áhuga á leiklist frá fóst-
urforeldrum sínum. Hann stundaði
nám við Columbia háskólann en
fór mjög snemma að skrifa þótt
hann yrði ekki þekktur fyrr en um
þrítugt.
Árið 1962 var frumsýnt á Broad-
way leikrit eftir þenna unga höf-
und. Það varð strax ljóst að hér var
ekki um að ræða neitt venjulegt
Broadway leikrit, enda var Albee
þá þegar þekktur í leikhúsheimin-
um af einþáttungum sínum í anda
absúrdismans, Zoo Story og The
American Dream. Fá leikrit seinni
tíma hafa komið af stað jafnmiklu
fjaðrafoki og þétta fyrsta stóra leik-
verk Edward Albee, Hver er
hræddur við Virginíu Woolf?
Gagnrýnendur voru ekki á einu
máli um ágæti, boðskap eða til-
verurétt leikverksins og jafnvel
höfundarins en engum stóð á sama.
Hann var ýmist krýndur og kallað-
ur til konungsdóms í ríki leikritun-
ar, eða dæmdur hættulegur og
ómerkilegur, og leikrit hans sögð
léleg nútímastæling á Strindberg
og fleirum.
Helga Bachmann og Helgi Skúlason í hlutverkum sínum í uppfærslu
Leikfélags Akureyrar á Hver er hræddur við Virginíu Woolf?
DV/Mynd Páll
Kvikmyndaklúbbur íslands
hefur starfsemi sína
Að undanfórnu hefur undirbún-
ingsnefnd starfað að stofnun kvik-
myndaklúbbs að tilstuðlan Kvik-
myndasafns ísland. Hafa fulltrúar
frá Kvikmyndasafni íslands, Félagi
kvikmyndagerðarmanna, Kvikmyn-
dasamtökunum Grími, Félagi kvik-
myndaáhugamanna HÍ og Listafélagi
MR verið í nefndinni. Nefndin hefur
nú lokið störfum og nefnist klúbbur-
inn Kvikmyndaklúbbur íslands.
Mun hann hafa á stefnuskrá sinni
að sýna merkar og áhugaverðar
myndir sem að öðrum kosti kæmu
ekki til með að verða sýndar í kvik-
myndahúsum hérlendis.
Ætlunin er að reka klúbbinn ein-
göngu fyrir meðlimi og er hægt að
fá hálfs árs skírteini fyrir 1000 kr. í
byrjun verður boðin sérstök kynn-
ingaráskrift sem gildir frá 18. febrúar
til 3. apríl fyrir kr. 500. Aðgangur að
einstakri sýningu er kr. 200 og aðeins
handhafar félagsskírteina fá aðgang
að sýningum klúbbsins.
Sýningar a vegum klúbbsins verða
á fimmtudögum í Regnboganum kl.
21.00 og 23.00 og á sunnudögum verða
aukasýningar ef aðsókn hefur verið
mikil.
Fyrsta frumsýning á vegum kvik-
myndaklúbbsins verður á laugar-
daginn og verður sýnd franska kvik-
myndin Vettvangur glæps (Le Lieu
du Crime) sem fjallar um ungan
dreng sem býr með móður sinni frá-
skilinni. Hann ber ekki mikla virð-
ingu fyrir hinum fjarlæga fóður sín-
um, leiðist dekur ömmu sinnar, nær
ekki sambandi við afa sinn og á í
erfiðu sambandi við móður sína.
Þegar afbrotamaður ræðst svo inn
í líf þeirra heillast drengurinn af
ímynd og lífi þessa manns og á það
eftir áð hafa afdrifaríkar afleiðingar
bæði fyrir drenginn og móðurina.
Leikstjóri Vettvangur glæps er
Andre Techiné sem hefur nokkra
sérstöðu meðal franskra kvikmynda-
leikstjóra. Myndir hans hafa allar
Hin þekkta leikkona Catherine Deneuve leikur aðalhlutverkið í Vettvangi
glæps.
sérstæðan frásagnarmáta og hefur
honum reynst erfitt af íjármagna
myndir sínar þrátt fyrir verölaun og
viðurkenningar.
Þegar hefur verið ákveðiö hvaða
myndir verða sýndar til 3. apríl og
er þar margt forvitnilegra kvik-
mynda nýrra sem gamalla. Næst
verður sýnd gríska kvikmyndin Bý-
flugnabóndinn eftir Theo Ange-
lopoulos, síðan koma Karlmenn eftir
Doris Dörrie, Núll í hegðun (Zero de
Conduite), tímamótaverk eftir Jean
Vigo, ein þekktasta mynd Jean-Luc
Godard Pierrot le Fou, Rosa Luxem-
burg eftir Margarethe von Trotta,
Ástfangna konan (L’Amoreuse) eftir
Jacques Doillon og að endingu tvær
af perlum kvikmyndanna, Jules og
Jim eftir Francois Truffaut og Beiti-
skipið Potemkin eftir Sergei Eisen-
stein.
-HK
Myrkir músíkdagar:
Alan Mandel og dagskrá um Jón Leifs
ISSSfi
rgSÍAlrar

Myrkir músíkdagar halda áfram
um helgina. Á laugardag verður dag-
skrá um Jón Leifs. Hjálmar H. Ragn-
arsson heldur fyrirlestur um tón-
smíð hans en Jón Leifs hefði orðið
níræður í vor hefði hann lifað.
Eftir fyrirlestur Hjálmars verða
flutt verk eftir Jón Leifs og eru flytj-
endur Kristinn Sigmundsson og Jón-
as Ingimundarson píanóleikari, auk
þeirra eru flytjendur Bernharður
Wilkinson flautuleikari, Einar Jó-
hannesson klarínettuleikari, Haf-
steinn Guðmundsson fagotleikari,
Helga Þórarinsdóttir víóluleikari og
Inga Rósa Ingólfsdóttir sellóleikari.
Tónleikarnir eru í Norræpa húsinu
og hefjast kl. 16.00.
Á sunnudaginn mun bandaríski
píanóleikarinn Alan Mandel leika
bandaríska píanótónlist og verða
tónleikarnir í Norræna húsinu og
hefjast kl. 16.00.
Álan Mandel hefur undanfarin ár
haldið tónleika um allan heim. Hann
er þekktur fyrir þróttmikinn flutning
á spennandi og óvenjulegri tónhst.
Hann er jafnvígur á nútímatónlist
sem og ragtime en er kannski þekkt-
astur fyrir flutning á verkum er
sjaldan hafa heyrst.
Verkin sem flutt verða á tónleikum
Alan Mandel eru Airplane Sonata
eftir George Antheil, Abandoned
bells eftir William Mayer, Fourth
Sonata op. 50 eftir Edward McDowell
og Sonata no 2 for piano eftir Charles
Ives. Auk Alan Mandels kemur fram
á tónleikunum Kolbeinn Bjamason
flautuleikari.
-HK
Veitingahús vikunnar:
Toppuiinn
- sjá bls. 18
Mannakom
í Þórscafé
- sjá bls. 19
íslands-
meistarakeppni
í rokkdansi
- sjá bls. 19
FÍM-sýnbgá
Rjairalsstöðum
- sjá bls. 20
Tucker
- sjá bls. 30
Leiðsögu-
maðurinn
- sjá bls. 32