Dagblaðið Vísir - DV - 16.02.1990, Blaðsíða 25

FÖSTUDAGUR 16. FEBRÚAR 1990.
33
Sviðsljós
Margaux Hemingway:
Á réttan kjöl eftir
sex ára ofdrykkju
Margaux Hemingway, sonardóttir
rithöfundarins Ernests Hemingway,
hefur nú rétt úr kútnum eftir sex ára
ofdrykkju. Margaux fæddist nánast
með silfurskeið í munni en því fylgdi
ekki eintómur dans á rósum. Gífur-
legar kröfur voru gerðar til hennar,
væntingamar voru miklar og mjög
náið var fylgst með henni.
Hún fór ekki spönn frá rassi án
þess að það kæmi fram á síðum blað-
anna. Eitt sinn er hún var að ræða
viö blaðamann sagði hún eitthvað á
þá leið að hana langaði til að veröa
rithöfundur. Því var slegið upp dag-
inn eftir og sagt að hún ætlaði að
keppa við löngu látinn afa sinn á rit-
velhnum. Hins vegar fór það svo að
Margaux varö ljósmyndafyrirsæta
og gerði það mjög gott í því starfi.
Peningamir ultu inn og 19 ára gömul
var hún orðin eitt þekktasta andlit
heims.
Margaux reyndi líka fyrir sér á
hvíta tjaldinu. í myndinni Lipstick
fékk hún lélega dóma. Hins vegar
þótti yngri systir hennar, Mariel,
stela senunni. Eftir þessa mynd var
tilfinningalíf hennar eins og ferð í
rússíbana, upp og niður. Hún gifti
sig en skildi fljótt aftur. Margaux fór
að drekka og borða æ meira.
25 ára var hún þegar orðin slæmur
alkóhólisti og frá því lá leiðin aðeins
niður á við. Eins og margar aðrar
kvikmyndastjörnur, en alkóhólismi
er mjög útbreiddur meðal stjarnanna
í Hollywood, lét hún leggja sig inn á
meðferðarstofnunina Betty Ford
Clinic. Vistin var erfið og mjög dýr
en bar árangur sem þegar er farinn
að sjást.
Margaux hefur alveg snúið við
blaðinu. Hún hefur misst 20 kíló síð-
an hún hætti að drekka, stundar
sund, borðar grænmeti og heilsupill-
ur og lifir mjög heilbrigðu lífi í alla
staði. Hún býr í París og á franskan
kærasta sem þeysir með hana á mót-
orhjóli sínu. Er mál manna að hún
sé nú fegurri en nokkru sinni. Hún
hefur nýlokið við að leika í rómant-
ískri ástarmynd og er hin ánægðasta.
En Margaux er raunsæ. Hún segist
alltaf verða alkóhólisti og þurfi því
alltaf að vera á verði. Innst inni ótt-
ist hún alltaf að falla þótt vel gangi.
Margaux Hemingway, sonardóttir rithöfundarins fræga, hefur snúið við blaðinu eftir sex ára ofdrykkju.
Madonna og Warren Beatty:
Nú er það alvara
Madonna og Warren Beatty eru
tekin saman á ný eftir stuttan að-
skilnað. Haft er eftir parinu að nú
sé alvara á ferðum, þau séu bók-
staflega sköpuð hvort fyrir annað.
Warren Beatty var mættur út á
flugvöll fyrir utan New York á dög-
unum til að taka á móti Madonnu
sem hafði verið í nokkurra daga
fríi í París. Þar hafði hún ruslað
upp í nokkrum tískuverslunum,
sérstaklega hjá tískuhönnuðinum
Jean Paul Gaultier sem mun vera
sérlega vinsæll meðal rokkstjarn-
anna. Var Madonna klædd svörtu
frá toppi til táar þar sem hún tyllti
sér á tá til að kyssa eftirvæntingar-
fullan kærastann. Warren Beatty
var vist prúðmennskan uppmáluð
þar sem hann leiddi elskuna sína
að limúsínu sem beið þeirra og
flutti þau síðan á leyndan stað ein-
hvers staðar í skýjakljúfaskógin-
um.
Madonna hitti Warren fyrst fyrir
Warren Beatty tekur á móti Madonnu á flugvelli utan við New York fyr-
ir skömmu. Eftir stuttan aðskilnað kemst ekki hnífurinn á milli þeirra.
alvöru við töku myndarinnar Dick
Tracy í sumar og fljótlega hljómaöi
bingó í hjörtum þeirra. Síðan shtn-
aði upp úr sambandinu og Ma-
donna leitaði á náðir söngvarans
Georges Michaels sem reyndar er
sagður vera meira fyrir sæta stráka
en stelpur. En skilnaðurinn við
einn eftirsóttasta piparsvein Holly-
wood til margra ára virtist hafa þau
áhrif að tilfinningarnar í hans garð
urðu æ heitari. Það virtist vera
gagnkvæmt og nú er svo komið að
hnífurinn kemst ekki upp á milli
þeirra.
Haft er eftir Madonnu að Warren
sé akkúrat maður fyrir hana, nær-
gætinn og hugulsamur.
Annars héldu flestir að Madonna
væri ólétt eftir Warren í haust en
þá virtust mittislínurnar eitthvað
vera farnar að rúnnast. Sá rúnn-
ingur hvarf hins vegar en þar sem
þau eru tekin saman á ný er aldrei
að vita hvað gerist.
Ólyginn
sagði...
er vægast sagt bálreið út í Roger
Moore. Þaö þykir hún segir að
það sé Roger að kenna að hún
fékk ekki hlutverk í kvikmynd
sem hann hefur nýlokið við, hins
vegar fékk dóttir Rogers Moore,
Deborah, vænt hlutverk í mynd-
inni. Hver sagði að blóð væri ekki
þykkara en vatn eins og enskir
segja.
Cher
er loksins með barni eftir ótal til-
raunir. Þessi vinsæla söng- og
leikkona á tvö börn fyrir en von
er á þriðja barninu í heiminn í
júlí. Faðirinn mun vera hin þrít-
ugi gítarleikari, Ritchie Sambora,
sem Cher veiddi í karlagildru
sína fyrir hálfu ári. Cher segir að
eldri menn, eða jafnaldrar, eigi
ekki upp á pallborðið hjá henni.
„Ungir karlmenn eru miklu
skemmtilegri," er haft eftir Cher
sem er 43 ára en reynir sitt besta
til að líta út eins og unglings-
stelpa. Segir mörgum sögum af
tilraunum Cher til að verða ólétt.
Þannig hafði hún komið upp sæð-
isbanka þar sem fyrrverandi
kærasti hennar var eini aðili sem
átti innlegg. Þegar þau skildu síð-
an fyrir um hálfu ári vildi Cher
víst ekki láta bankann góða af
hendi. Síðan reyndi hún allt hvað
hún gat, bæöi með því að nota
nýja vininn og bankainnstæðuna,
en ekkert gekk fyrr en nýlega.
Brigitte Bardot
hefur skrifað endurminningar
sínar og á allt að koma fram um
leikkonustarfann og einka- og
ástahf þessa fyrrum kyntákns
sem aldeilis má muna fífil sinn
fegurri. Mun forlagið Double-
day’s í New York hafa keypt út-
gáfuréttinn og borgað htlar 220
milljónir fyrir. Franskt forlag
hafði boðið Bardot 100 mihjónir
en hún gaf löndum sínum langt
nef. í bókinni mun Bardot fjalla
hispurslaust og opinskátt um
samband sitt við hina ýmsu kav-
aléra. Bíða margir í ofvæni eftir
uppljóstrunum og hneyksli með-
an aðrir yppta öxlum.