Dagblaðið Vísir - DV - 20.04.1990, Blaðsíða 1

Dagblaðið Vísir - DV - 20.04.1990, Blaðsíða 1
UIIl llglyHld Háskólabíó kl. 14.00 á morgun: 60 ára afmælistónleikar Lúðrasveitarinnar Svans Lúðrasveitin Svanur var stofnuð þann 16. nóvember 1930 og minnist sextíu ára afmælis með tónleikum í Háskólabíói laugardaginn 21. apríl kl. 14.00. Hljómsveitina skipa nú um 60 hljóðfæraleikarar og hefur lúðra- sveitin aldrei verið fjölmennari. Af verkum á efnisskrá tónleikanna má nefna Concerto fyrir blásara og ásláttarhljóðfæri eftir Pál P. Pálsson. Það verk hefur aðeins einu sinni ver- ið flutt áður. Þá verður frumflutt verk eftir Össur Geirsson. Nefnist það Sögur af sæbjúgum og var samið sérstaklega fyrir lúörasveitina í til- efhi afmælisins. Einnig verða flutt verk eftir J.P. Sousa, Rossini, Brahms, Gordon Jacob og fleiri þekkt tónskáld. Fjórir einleikrarar koma fram á tónleikunum. Stjórnandi Lúðrasveit- arinnar Svans er Robert Darling. Lúðrasveitin Svanur heldur 60 ára afmælistónleika i Háskólabíói kl. 14.00 á morgun. Kjarvalsstaðir: Sigurður Örlygsson opnar 18. sýninguna Sigurður Örlygsson opnar á morg- un, laugardaginn 21. apríl, kl. 14.00 sýningu á málverkum á Kjarvals- stöðum. Sýningin verður opin dag- lega frá kl. 11.00 til 18.00 og lýkur sunnudaginn 6. maí. Verkin eru öll unnin á síðustu 12 mánuðum með akrýl og ohulitum á striga en hlutirnir eru unnir úr timbri, pappa og trémassa. ÖU verkin á sýningunni eru stór eins og venja er hjá Sigurði. í allt eru þau sjö og heita Framfarir, Vitund þjóðarinnar, Tímamót, Á frama- braut, Orkustöð, Opinber heimsókn og Óvissa. Sigurður er fæddur í Reykjavík 28. júlí 1946. Hann lærði fyrst við Mynd- hsta- og handíðaskóla Islands á árun- um 1967 til 1971. Þá var hann á Kon- unglegu dönsku listaakademíunni 1971 til 1972 og síðan við Art Stud- ents League í New York 1974 til 1975. Sigurður hefur veriö stundakenn- ari við Myndlista- og handíðaskólann frá árinu.1980. Hann hefur verið í félögum myndlistarmanna og þar á meðal formaður FÍM 1984 til 1985. Hann var einn af stofnendum og eig- endum Gallerí Sólon íslandus 1976 til 1978 og Gallerí Gangskör 1986. Sigurður hefur haldið fjölda sýn- inga hér heima og einnig í öðrum löndum. Sýningin nú er 18. einkasýn- ing hans. Sigurður hlaut Menningarverð- laun DV fyrir sýningu sem hann hélt á Kjarvalsstöðum árið 1988. Á Vorvindum í Borgarleikhúsinu sýnir Islenski dansflokkurinn fjögur verk eftir þrjá höfunda. Önnur sýning er kvöld kl. 20.00. íslenski dansflokkurinn: Vorvindar í Borgarleikhúsi Siguröur Örlygsson heldur nú 18. einkasýningu sína. Hún verður opnuð á Kjarvalsstöðum á morgun kl. 14.00. íslenski dansflokkurinn frum- sýndi á sumardaginn fyrsta list- danssýninguna Vorvinda í Borgar- leikhúsinu. Á sýningunni eru fjögur verk eftir þrjá sænska dánshófunda, þau Birgit Cullberg, Per Jonsson og^ Vlado Juras. Þrír erlendir gestadansarar taka þátt í sýningunni. Það eru Per Jons- son, Kenneth Kvarnström og Joac- him Keuch. Aðeins verða fimm sýn- ingar á Vorvindum. Þær næstu eru í kvóld kl. 20.00 og á sunnudagskvöld- ið 22. apríl einnig kl. 20.00. Birgitt Cullberg er íslendingum að góðu kunn því íslenski dansflokkur- inn sýndi árið 1983 Fröken Júlíu eft- ir hana. Þegar Fröken Júlía var sýnd hér dansaði Vlado Juras sem gestur í nokkrum sýningum. Hann er nú listdansstjóri í Norrkóping. í fram- haldi af heimsókn sinni hingað samdi hann Myndir frá íslandi. Það verk fjallar um fimm sjómannskonur sem bíða komu manna sinna. Þetta er hálftíma verk fyrir fimm kven- dansara. Per Jonsson er tahnn einn athygl- isverðasti danshöfundur Svía af ungu kynslóðinni. Á sýningunni eru tvö verk eftir hann. Annað heitir Schakt og er um 25 mínútna ballett fyrir þrjá karldansara. Hitt er styttra verk, samið sérstaklega fyrir kven- dansara íslenska dansflokksins. Voryindar eru tímamótasýning í sögu íslenska dansflokkins þar sem nú er í fyrsta sinn samvinna milli hans og Leikfélags Reykjavíkur. Tónskáldakynning ílistasafhiSigur- jóns Ólafssonar -sjábls.29 Allt um íþróttir helgarinnar -- sjábls.31 Mosfellingar sýna Þið munið hann Jörund - sjábls. 19 Sýning Braga Hannessonar í Gallerí Borg - sjábls.20 KvikmYndahúsin umhelgina - sjábls.30 Vinsælustu myndböndin - sjábls.32

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.